კესტინი - Kestine 10მგ 10 ტაბლეტი

10მგ

გამოიყენება მოზრდილებსა და 12 წელზე მეტი ასაკის ბავშვებში ალერგიული რინიტის და სხვადასხვა ეტიოლოგიის ჭინჭრის ციების დროს.

<div><div><div>კესტინი® 10 მგ აპკიანი გარსით დაფარული ტაბლეტები ებასტინი ამ პრეპარატის გამოყენებამდე სრულად წაიკითხეთ ეს ფურცელი-ჩანართი, რადგან იგი თქვენთვის მნიშვნელოვან ინფორმაციას შეიცავს. პრეპარატი გამოიყენეთ ზუსტად ფურცელი-ჩანართის ან თქვენი მკურნალი ექიმის რეკომენდაციების შესაბამისად. -  შეინახეთ ეს ფურცელი-ჩანართი. შეიძლება კვლავ დაგჭირდეთ მისი წაკითხვა. -  დამატებითი ინფორმაციის ან რეკომენდაციების შემთხვევაში მიმართეთ თქვენს მკურნალ ექიმს ან ფარმაცევტს. -  ექიმმა ეს პრეპარატი პირადად თქვენ დაგინიშნათ, არ გადასცეთ იგი სხვა პირებს, ამან შეიძლება ზიანი მიაყენოს მათ, მაშინაც კი, თუ მათი დაავადების სიმპტომები თქვენი სიმპტომების მსგავსია. -  ნებისმიერი სახის არასასურველი რეაქციის განვითარებისას მიმართეთ თქვენს მკურნალ ექიმს ან ფარმაცევტს. ეს რეკომენდაცია ვრცელდება ნებისმიერ შესაძლო არასასურველ რეაქციაზე, მათ შორის იმ რეაქციებზეც, რომლებიც არ არის ჩამოთვლილი ფურცელი-ჩანართის მე-4 პუნქტი. ფურცელი-ჩანართის შინაარსი 1.რა არის კესტინი® და რისთვის გამოიყენება იგი 2.რა უნდა იცოდეთ კესტინი®-ს გამოყენებამდე 3.როგორ გამოიყენება კესტინი® 4.შესაძლო არასასურველი ეფექტები 5.როგორ ინახება კესტინი® 6.შეფუთვის შემცველობა და სხვა ინფორმაცია <h2>1. რა არის კესტინი® და რისთვის გამოიყენება იგი</h2> კესტინი® შეიცავს აქტიურ ნივთიერებას ებასტინს, რომელიც მოქმედებს პერიფერიულ H1-ჰისტამინურ რეცეპტორებზე და გამოიყენება ანტიჰისტამინური საშუალების სახით ალერგიის სიმპტომების შესამსუბუქებლად. ებასტინი მიეკუთვნება სამკურნალო საშუალებების ჯგუფს, რომლებიც ცნობილია როგორც ანტიჰისტამინური (ალერგიის საწინააღმდეგო) პრეპარატები. კესტინი®-ს ტაბლეტები გამოიყენება მოზრდილებსა და 12 წელზე მეტი ასაკის ბავშვებში ალერგიული რინიტის (სეზონური ან/და წლიური) და სხვადასხვა ეტიოლოგიის ჭინჭრის ციების,  მათ შორის ქრონიკული იდიოპათიური ჭინჭრის ციების, სიმპტომური მკურნალობისთვის.  ასევე, იხილეთ: <a href="https://psp.ge/%E1%83%9B%E1%83%94%E1%83%93%E1%83%98%E1%83%99%E1%83%90%E1%83%9B%E1%83%94%E1%83%9C%E1%83%A2%E1%83%94%E1%83%91%E1%83%98/%E1%83%90%E1%83%9A%E1%83%94%E1%83%A0%E1%83%92%E1%83%98%E1%83%98%E1%83%A1-%E1%83%AC%E1%83%90%E1%83%9B%E1%83%90%E1%83%9A%E1%83%98/%E1%83%99%E1%83%94%E1%83%A1%E1%83%A2%E1%83%98%E1%83%9C%E1%83%98-kestine-20%E1%83%9B%E1%83%92-10-%E1%83%A2%E1%83%90%E1%83%91%E1%83%9A%E1%83%94%E1%83%A2%E1%83%98.html">კესტინი - Kestine 20მგ 10 ტაბლეტი</a> <h2>2. რა უნდა იცოდეთ კესტინი®-ს გამოყენებამდე</h2> არ მიიღოთ კესტინი®: თუ <a tabindex="-1" href="https://psp.ge/%E1%83%9B%E1%83%94%E1%83%93%E1%83%98%E1%83%99%E1%83%90%E1%83%9B%E1%83%94%E1%83%9C%E1%83%A2%E1%83%94%E1%83%91%E1%83%98/%E1%83%90%E1%83%9A%E1%83%94%E1%83%A0%E1%83%92%E1%83%98%E1%83%98%E1%83%A1-%E1%83%AC%E1%83%90%E1%83%9B%E1%83%90%E1%83%9A%E1%83%98.html">ალერგია</a> გაქვთ ებასტინის ან ამ პრეპარატის რომელიმე სხვა ინგრედიენტის მიმართ (ჩამოთვლილია ფურცელი-ჩანართის მე-6 ნაწილში); -ხართ ორსულად ან ძუძუთი კვებავთ ბავშვს; -გაქვთ ლაქტაზას დეფიციტი, ლაქტოზას აუტანლობა, გლუკოზა-გალაქტოზას მალაბსორბცია; -არ გამოიყენოთ პრეპარატი 12 წლამდე ასაკის ბავშვებში. განსაკუთრებული მითითებები და სიფრთხილის ზომები კესტინის® ტაბლეტების მიღებამდე გაიარეთ კონსულტაცია ექიმთან: -თუ გაქვთ გახანგრძლივებული QT ინტერვალი ელექტროკარდიოგრამაზე (ეკგ), -თუ გაქვთ ჰიპოკალემია (კალიუმის დაბალი დონე სისხლში), -თუ ამ პრეპარატთან ერთად იღებთ წამლებს, რომლებიც ახანგრძლივებს QT ინტერვალს, -თუ ამ პრეპარატთან ერთად იღებთ სოკოს საწინააღმდეგო საშუალებებს (მაგ.,  კეტოკონაზოლი და იტრაკონაზოლი) ან მაკროლიდურ ანტიბიოტიკებს (მაგ., ერითრომიცინი), -თუ ერთდროულად იღებთ ტუბერკულოზის საწინააღმდეგო საშუალებებს (მაგ., რიფამპიცინი), -თუ გაქვთ ღვიძლის მძიმე უკმარისობა. ბავშვები ეს პრეპარატი არ უნდა მიიღონ 12 წლამდე ასაკის ბავშვებმა. სხვა პრეპარატები და კესტინი® აცნობეთ მკურნალ ექიმს ან ფარმაცევტს, თუ იყენებთ, ცოტა ხნის წინ იყენებდით ან შეიძლება დაიწყოთ სხვა პრეპარატების გამოყენება. გამოიჩინეთ სიფრთხილე კესტინი®-ს ტაბლეტების მიღებისას, თუ ერთდროულად გამოიყენებთ კეტოკონაზოლს ან ერითრომიცინს, რომლებიც იწვევს ეკგ-ზე QT ინტერვალის ცვლილებას. კესტინი®-ს და რიფამპიცინის (ტუბერკულოზის სამკურნალო საშუალება) ერთდროულმა გამოყენებამ შეიძლება გამოიწვიოს სისხლში ებასტინის დონის დაქვეითება და ანტიჰისტამინური ეფექტის შემცირება. კესტინი®-ს ტაბლეტების ერთდროული გამოყენებისას თეოფილინთან, ვარფარინთან, ციმეტიდინთან, დიაზეპამთან და ალკოჰოლთან ურთიერთქმედება არ დაფიქსირებულა. გავლენა დიაგნოსტიკურ ტესტებზე კესტინმა® შეიძლება გავლენა იქონიოს კანის ალერგიული ტესტების შედეგებზე. ამის გამო, ასეთი ტესტები უნდა ჩატარდეს მკურნალობის შეწყვეტიდან სულ მცირე 5-7 დღის შემდეგ. კესტინი® საკვებთან და სასმელთან ერთად კესტინი®-ს ტაბლეტების მიღება არ არის დამოკიდებული საკვების მიღებაზე. ორსულობა, ძუძუთი კვება და ფერტილობა არ გამოიყენოთ კესტინი® ორსულობისა და ლაქტაციის პერიოდში, რადგან მონაცემები ამ პერიოდში ებასტინის გამოყენების უსაფრთხოების შესახებ არ არსებობს. არ არსებობს მონაცემები ებასტინის გავლენის შესახებ ადამიანის ფერტილობაზე. თუ ფიქრობთ, რომ ორსულად ხართ ან გეგმავთ ორსულებას, პრეპარატის მიღებამდე გაესაუბრეთ ექიმს. სატრანსპორტო საშუალებების მართვა და მექანიზმებთან მუშაობა ებასტინის რეკომენდებული, სადღეღამისო დოზებით მიღება, როგორც წესი, არ მოქმედებს სატრანსპორტო საშუალებების მართვისა და მექანიზმებთან მუშაობის უნარზე. ებასტინის მიმართ მგრძნობიარე პირებისთვის ავტომობილის მართვამდე ან რთული სახის ქმედებებების შესრულებამდე მიზანშეწონილია ინდივიდუალური რეაქციის შეფასება, რადგან შესაძლებელია ძილიანობის ან თავბრუსხვევის განვითარება. ცენტრალური ნერვული სისტემის მხრივ გვერდითი ეფექტების განვითარების შემთხვევაში, მათ შორის, ძილიანობა და თავბრუსხვევა, საჭიროა სიფრთხილე სატრანსპორტო საშუალებების მართვისა და სხვა პოტენციურად საშიში ქმედებების განხორციელებისას, რომლებიც ყურადღების გაზრდილ კონცენტრაციას და ფსიქომოტორული რეაქციების სიჩქარეს მოითხოვს. ასევე იხილეთ ნაწილი „შესაძლო გვერდითი მოვლენები“. კესტინი® შეიცავს ლაქტოზას ზოგიერთი შაქრის აუტანლობის შემთხვევაში, ამ პრეპარატის მიღებამდე მიმართეთ ექიმს. კესტინი® შეიცავს ნატრიუმს მოცემული პრეპარატი შეიცავს 1 მმოლზე ნაკლებ ნატრიუმს (23 მგ) ერთ ტაბლეტში, რაც ნიშნავს, რომ იგი პრაქტიკულად არ შეიცავს ნატრიუმს. <h2>3. როგორ გამოიყენება კესტინი® </h2> ყოველთვის მიიღეთ პრეპარატი ფურცელ-ჩანართში არსებული ინფორმაციის ან თქვენი ექიმის რეკომენდაციების შესაბამისად. ეჭვის არსებობის შემთხვევაში, მიმართეთ თქვენს ექიმს. კესტინი® 10 მგ ტაბლეტები არ უნდა იქნას გამოყენებული, თუ საჭიროა ებასტინის 10 მგ-ზე ნაკლები დოზები, ან პაციენტებში, რომლებსაც უჭირთ ყლაპვა. თუ ფიქრობთ, რომ კესტინი®-ს ტაბლეტების ეფექტი ძალიან ძლიერი ან სუსტია, მიმართეთ ექიმს. რეკომენდებული დოზა მოზრდილებსა და 12 წელზე მეტი ასაკის ბავშვებში: ერთი 10 მგ-იანი ტაბლეტი დღეში. თუ შერჩეული დოზა არ არის საკმარისად ეფექტური, ექიმმა შეიძლება დანიშნოს კესტინი®-ს ორი 10 მგ-იანი ტაბლეტი ერთხელ დღეში. ღვიძლის ფუნქციის მძიმე დარღვევის დროს (კლასი C ჩაილდ-პიუს კლასიფიკაციით) სადღეღამისო დოზა არ უნდა აღემატებოდეს 10 მგ-ს. მკურნალობის კურსი განისაზღვრება დაავადების სიმპტომების შემსუბუქებით. ტაბლეტზე არსებული ხაზი არ არის განკუთვნილი ტაბლეტის გასატეხად. გამოყენება ბავშვებში არ მისცეთ ეს პრეპარატი 12 წლამდე ასაკის ბავშვებს. თუ მიიღეთ საჭიროზე მეტი კესტინი® თუ შემთხვევით მიიღეთ იმაზე მეტი ტაბლეტი, ვიდრე საჭიროა, ან პრეპარატი მიიღო თქვენმა ბავშვმა, დაუყოვნებლივ მიმართეთ ექიმს ან უახლოეს გადაუდებელი დახმარების განყოფილებას. ებასტინის სპეციფიური ანტიდოტი არ არსებობს. ჭარბი დოზირების შემთხვევაში რეკომენდებულია კუჭის ამორეცხვა, ორგანიზმის სასიცოცხლო ფუნქციების მონიტორინგი, ეკგ-ს ჩათვლით; სიმპტომური მკურნალობა. თუ დაგავიწყდათ კესტინი®-ს მიღება არ მიიღოთ გაორმაგებული დოზა გამოტოვებული ტაბლეტის ასანაზღაურებლად. თუ თქვენ გაქვთ რაიმე შეკითხვა პრეპარატის გამოყენებასთან დაკავშირებით, მიმართეთ თქვენს ექიმს ან ფარმაცევტს. <h2>4. შესაძლო გვერდითი რეაქციები</h2> სხვა სამკურნალო პრეპარატების მსგავსად, კესტინ®-მაც შეიძლება გამოიწვიოს არასასურველი რეაქციები, თუმცა ისინი ყველას არ უვითარდება. ქვემოთ ჩამოთვლილია არასასურველი რეაქციები, რომლებიც დაფიქსირდა კლინიკურ კვლევებში და პრეპარატის პოსტრეგისტრაციული გამოყენების დროს. ძალიან ხშირად (შეიძლება აღინიშნებოდეს 10-დან 1 პაციენტში) -   თავის ტკივილი; ხშირად (შეიძლება აღინიშნებოდეს 100-დან 1 პაციენტში) -   ძილიანობა; -   პირის ღრუს ლორწოვანი გარსის სიმშრალე; იშვიათად (შეიძლება აღინიშნებოდეს 1000-დან 1 პაციენტში) -   ნერვიულობა, უძილობა; -   თავბრუსხვევა, ჰიპესთეზია, დისგევზია; -   ღებინება, მუცლის ტკივილი, გულისრევა, დისპეფსია; -   გულისცემა, ტაქიკარდია; -   ჰეპატიტი, ქოლესტაზი, გადახრები ღვიძლის ფუნქციურ ტესტებში (ღვიძლის ტრანსამინაზების, გგტ-ს, ტუტე ფოსფატაზას ან/და ბილირუბინის აქტივობის მომატება); -   ჭინჭრის ციება, გამონაყარი, დერმატიტი; -   მენსტრუალური ციკლის დარღვევა; -   ჰიპერმგრძნობელობის რეაქციები (როგორიცაა ანაფილაქსია, ანგიონევროზული შეშუპება); -   შეშუპება, ასთენია; არ არის ცნობილი (არსებული მონაცემებით შეფასება შეუძლებელია) -   მადის გაზრდა; -   წონის მომატება. დამატებითი გვერდითი რეაქციები ბავშვებსა და მოზარდებში არასასურველი რეაქციები, რომლებიც დაფიქსირდა კლინიკურ კვლევებში 12 წელზე მეტი ასაკის ბავშვებში (460 ბავშვი ჯგუფი) არ განსხვავდებოდა მოზრდილებში აღნიშნულ რეაქციებისგან. შეტყობინება არასასურველი რეაქციების შესახებ ნებისმიერი სახის არასასურველი რეაქციის განვითარებისას მიმართეთ თქვენს ექიმს ან ფარმაცევტს. ეს რეკომენდაცია ვრცელდება ნებისმიერ შესაძლო არასასურველ რეაქციაზე, მათ შორის იმ რეაქციებზეც, რომლებიც შეიძლება არ იყოს მითითებული ფურცელ-ჩანართში. ინფორმაცია არასასურველი რეაქციების შესახებ ასევე შეგიძლიათ მიაწოდოთ მონაცემთა საინფორმაციო ბაზას სამკურნალო საშუალებების გვერდითი რეაქციების (მოქმედებების) შესახებ, მათ შორის შეტყობინებები სამკურნალო პრეპარატების არაეფექტურობის შესახებ, რომლებიც გამოვლინდა სომხეთის რესპუბლიკის ტერიტორიაზე. არასასურველი რეაქციების შესახებ ინფორმაციის შეტყობინებით თქვენ დაგვეხმარებით მეტი ინფორმაცია მივიღოთ ამ პრეპარატის უსაფრთხოების შესახებ. <h2>5. როგორ ინახება კესტინი®</h2> პრეპარატი ინახება 25°C-ზე დაბალ ტემპერატურაზე, ბავშვებისთვის მიუწვდომელ ადგილას. არ გამოიყენოთ პრეპარატი ბლისტერზე და მუყაოს კოლოფზე მითითებული ვარგისობის ვადის (შენახვის ვადის) გასვლის შემდეგ. ვარგისობის ვადის ამოწურვის თარიღია თვის ბოლო დღე. არ გადაყაროთ სამკურნალო საშუალებები კანალიზაციაში ან საყოფაცხოვრებო ნარჩენებთან ერთად. ჰკითხეთ თქვენს ფარმაცევტს, როგორ უნდა განადგურდეს პრეპარატები, რომლებიც აღარ გჭირდებათ. ეს ზომები ხელს შეუწყობს გარემოს დაცვას. <h2>6. შეფუთვის შემცველობა და სხვა ინფორმაცია </h2> პრეპარატი კესტინი®, 10 მგ აპკიანი გარსით დაფარული ტაბლეტები, შეიცავს მოქმედი ნივთიერება არის ებასტინი. აპკიანი გარსით დაფარული ერთი ტაბლეტი შეიცავს 10 მგ ებასტინს. დამხმარე ნივთიერებები არის მიკროკრისტალური ცელულოზა, პრეჟელატინირებული სიმინდის სახამებელი, ლაქტოზას მონოჰიდრატი, ნატრიუმის კროსკარმელოზა, მაგნიუმის სტეარატი; გარსის შემადგენლობაში შედის ჰიპრომელოზა, მაკროგოლი-6000, ტიტანის დიოქსიდი (E171). კესტინი®-ს გარეგნული აღწერილობა და შეფუთვის შიგთავსი აპკიანი გარსით დაფარული მრგვალი ფორმის ტაბლეტები, თეთრიდან თითქმის თეთრ ფერამდე. ტაბლეტების ერთ მხარეს არის გრავირება E/10. ტაბლეტზე არსებული ხაზი არ არის განკუთვნილი ტაბლეტის გასატეხად. 5 ან 10 ტაბლეტი პვქ ფირის და ალუმინის ფოლგის ბლისტერში. 1 ბლისტერი ფურცელ-ჩანართთან ერთად მუყაოს კოლოფში. გაცემის წესი: ფარმაცევტული პროდუქტის ჯგუფი III, გაიცემა რეცეპტის გარეშე.</div></div></div>

ყველა პროდუქტი

ონლაინ შეკვეთის ხელმისაწვდომობა მოწმდება აპლიკაციაში. ფასი და მარაგი საჭიროებს გადამოწმებას.