ტრუმიო - Trumio 150მგ 30 ტაბლეტი

150მგ

ტრუმიო ნაჩვენებია დეპრესიული აშლილობების სამკურნალოდ შფოთვით ან ძილის დარღვევით ან მის გარეშე.

<div><div><div>ტრუმიო სამკურნალო პრეპარატის დასახელება ტრუმიო, Trumio საერთაშორისო არაპატენტირებული დასახელება ტრაზოდონი, Trazodone <h2>შემადგენლობა</h2> პროლონგირებული გამოთავისუფლების აპკიანი გარსით დაფარული ტაბლეტი შეიცავს აქტიური ნივთიერება: ტრაზოდონის ჰიდროქლორიდი 150 მგ. დამხმარე ნივთიერებები: მანიტოლი, ჰიპრომელოზა, დაბალჩანაცვლებული ჰიდროქსიპროპილცელულოზა, ჰიპრომელოზის აცეტატის სუქცინატი, სტეარინის მჟავა, მაგნიუმის სტეარატი. გარსის შემადგენლობა: Opadry® ყვითელი 02F22025 (ჰიპრომელოზა, ტიტანის დიოქსიდი, მაკროგოლი, რკინის ოქსიდი ყვითელი, ტალკი). წამლის ფორმა პროლონგირებული გამოთავისუფლების აპკიანი გარსით დაფარული ტაბლეტები.   აღწერილობა: ოვალური, ორმხრივ ამოზნექილი, აპკიანი გარსით დაფარული ყვითელი ფერის ტაბლეტები, გამყოფი ნაზოლით და გრავირებით „WM“ ცალ მხარეს. <h2>გამოყენების ჩვენებები</h2> ტრუმიო ნაჩვენებია <a href="https://psp.ge/%E1%83%9B%E1%83%94%E1%83%93%E1%83%98%E1%83%99%E1%83%90%E1%83%9B%E1%83%94%E1%83%9C%E1%83%A2%E1%83%94%E1%83%91%E1%83%98/%E1%83%9C%E1%83%94%E1%83%95%E1%83%A0%E1%83%9D%E1%83%9A%E1%83%9D%E1%83%92%E1%83%98%E1%83%90/%E1%83%90%E1%83%9C%E1%83%A2%E1%83%98%E1%83%93%E1%83%94%E1%83%9E%E1%83%A0%E1%83%94%E1%83%A1%E1%83%90%E1%83%9C%E1%83%A2%E1%83%98.html">დეპრესიული</a> აშლილობების სამკურნალოდ შფოთვით ან ძილის დარღვევით ან მის გარეშე. პრეპარატი გამოიყენება მოზრდილებში (18 წლის ასაკიდან). <h2>გამოყენების წესი და დოზირება</h2> დოზირება და მკურნალობის ხანგრძლივობა დამოკიდებულია დაავადების ტიპსა და სიმპტომების სიმძიმეზე. ტრუმიო 150 მგ ტაბლეტები შეიძლება დაიყოს და, შესაბამისად, უზრუნველყოფილი იქნას ინდივიდუალური დოზირება. დოზა უნდა შენარჩუნდეს მინიმალურ დონეზე, რომელიც უზრუნველყოფს პაციენტის პასუხს. პასუხის არარსებობის შემთხვევაში, უნდა იქნას გამოყენებული დოზების ხელმისაწვდომი დიაპაზონი. მკურნალობა უნდა დაიწყოს დოზის თანდათან გაზრდით და შეწყდეს დოზის თანდათანობითი შემცირებით. მიუხედავად იმისა, რომ სედაციური ეფექტი ჩვეულებრივ ვლინდება დაუყოვნებლივ პირველი რამდენიმე დღის განმავლობაში, განწყობის გაუმჯობესების ეფექტი შეიძლება მოსალოდნელი იყოს 1-3 კვირაში. მკურნალობის პერიოდის საშუალო ხანგრძლივობა სიმპტომების რემისიამდე ჩვეულებრივ შეადგენს არანაკლებ 4-6 კვირისა. ენდოგენური დეპრესიის შემთხვევაში, დეპრესიული მდგომარეობიდან გამოსვლის შემდეგ, შესაძლოა საჭირო გახდეს მკურნალობის გაგრძელება შემცირებული (ამბულატორიული) დოზით 4-6 თვის განმავლობაში რემისიის სტაბილიზაციისთვის. მოზრდილები ტრაზოდონის ჩვეულებრივი დოზა შეადგენს 150-300 მგ-ს/დღე-ღამეში. რეკომენდებულია მკურნალობის დაწყება დაბალი დოზით (50-100*მგ/დღეში) და თანდათანობით მისი გაზრდა. სასურველი შედეგის მიღწევის შემდეგ, შეიძლება დოზის ფრთხილად შემცირება საჭირო შემანარჩუნებელ დოზამდე. მაქსიმალური სადღეღამისო დოზა ამბულატორიულ პირობებში შეადგენს 400 მგ-ს, სტაციონარში – 600 მგ-ს. ბავშვები და მოზარდები ტრაზოდონის გამოყენება არ არის რეკომენდებული 18 წლამდე ასაკის ბავშვებსა და მოზარდებში უსაფრთხოების შესახებ მონაცემების არარსებობის გამო. ხანდაზმული პაციენტები ხანდაზმული პაციენტებისთვის ჩვეულებრივ საჭიროა უფრო დაბალი დოზა (50-150*მგ). მოხუცებში ან დასუსტებულ პაციენტებში რეკომენდებული საწყისი დოზა შეადგენს 50-100*მგ-ს/დღე-ღამეში 2 მიღებაზე ან ერთხელ საღამოს. შემდეგ დოზა შეიძლება თანდათან გაიზარდოს ექიმის მიერ ზემოთ აღწერილი ამტანობისა და ეფექტურობის საფუძველზე. ასეთ პაციენტებში თავიდან უნდა იქნას აცილებული 100 მგ-ზე მეტი ერთჯერადი დოზის გამოყენება. სადღეღამისო დოზა არ უნდა აღემატებოდეს 300 მგ-ს. ღვიძლის ფუნქციის დარღვევები ტრაზოდონი ინტენსიურად მეტაბოლიზდება ღვიძლის მიერ, აგრეთვე, გააჩნია ჰეპატოტოქსიკურობა. სიფრთხილე უნდა იქნას დაცული ღვიძლის უკმარისობის მქონე პაციენტებში ტრაზოდონის დანიშვნისას, განსაკუთრებით ღვიძლის მძიმე უკმარისობის შემთხვევაში. განხილული უნდა იქნას ღვიძლის ფუნქციის რეგულარული მონიტორინგი. თირკმლის ფუნქციის დარღვევები დოზის კორექცია საჭირო არ არის, მაგრამ სიფრთხილეა საჭირო ტრაზოდონის დანიშვნისას პაციენტებში თირკმლის მძიმე უკმარისობით. გამოყენების წესი პრეპარატი განკუთვნილია შიგნით მისაღებად. ტაბლეტები უნდა იქნას მიღებული დაღეჭვის გარეშე, კვებისგან დამოუკიდებლად, საკმარისი რაოდენობით უალკოჰოლო სითხესთან ერთად (მაგ., ჭიქა წყალი). სადღეღამისო დოზა უნდა იქნას მიღებული ან ერთჯერადად, სასურველია საღამოს, ან უნდა დაიყოს 2 მიღებაზე, უფრო მაღალი ნაწილობრივი დოზა მიიღება საღამოს. სადღეღამისო დოზა შეიძლება გაიყოს ხანდაზმულ და მგრძნობიარე პაციენტებში, ასევე, თუ აღემატება 200 მგ-ს/დღე-ღამეში. მკურნალობის შეწყვეტისას სადღეღამისო დოზა თანდათან უნდა შემცირდეს. * ამ შემთხვევაში პრეპარატი უნდა იქნას გამოყენებული შესაბამისი დოზით. <h2>უკუჩვენებები</h2> - ჰიპერმგრძნობელობა აქტიური ნივთიერების ან პრეპარატის რომელიმე დამხმარე ნივთიერების მიმართ; - ალკოჰოლური ინტოქსიკაცია და საძილე პრეპარატებით მოწამვლა; - მიოკარდიუმის მწვავე ინფარქტი. განსაკუთრებული გაფრთხილებები და სიფრთხილის ზომები გამოყენებისას გამოყენება ბავშვებსა და მოზარდებში ტრაზოდონი არ გამოიყენება ბავშვებსა და 18 წლამდე ასაკის მოზარდებში. ბავშვებსა და მოზარდებში ჩატარებულ კლინიკურ კვლევებში სუიციდური ქცევა (თვითმკვლელობის მცდელობები და სუიციდური გეგმები) და მტრული განწყობა (აგრესიულობა, კონფრონტაციული ტენდენციები, ბრაზი) უფრო ხშირად აღინიშნებოდა ჯგუფში, რომელიც იღებდა ანტიდეპრესანტებს, პლაცებოს ჯგუფთან შედარებით. ასევე არ არსებობს მონაცემები გრძელვადიანი უსაფრთხოების შესახებ ბავშვებსა და მოზარდებში ზრდის, მომწიფების, კოგნიტური და ქცევითი განვითარების თაობაზე. სუიციდი/სუიციდური აზრები ან კლინიკური გაუარესება დეპრესია დაკავშირებულია სუიციდური აზრების, თვითდაზიანების და თვითმკვლელობის (თვითმკვლელობასთან დაკავშირებული მოვლენების) გაზრდილ რისკთან. ეს გაზრდილი რისკი ნარჩუნდება მანამდე, სანამ არ განვითარდება მდგრადი რემისია. ვინაიდან გაუმჯობესება შეიძლება არ შეინიშნოს მკურნალობის დაწყებიდან პირველი რამდენიმე კვირის განმავლობაში, პაციენტები უნდა იმყოფებოდნენ სათანადო დაკვირვების ქვეშ. კლინიკური გამოცდილებიდან გამომდინარე, დადგენილია, რომ თვითმკვლელობის რისკი შეიძლება გაიზარდოს მკურნალობის დასაწყისში. პაციენტები სუიციდური ქცევის ანამნეზით ან მკურნალობის დაწყებამდე არსებული გამოხატული სუიციდური განზრახვებით დაქვემდებარებულნი არიან სუიციდური აზრების განვითარების ან სუიციდის მცდელობის გაზრდილ რისკს და უნდა იმყოფებოდნენ სათანადო დაკვირვების ქვეშ მკურნალობის დროს. ფსიქიკური აშლილობის თერაპიაში ანტიდეპრესანტების გამოყენების კლინიკური კვლევების მეტაანალიზმა, პლაცებოსთან შედარებით, აჩვენა სუიციდური ქცევის გაზრდილი რისკი 25 წლამდე ასაკობრივ ჯგუფში პაციენტებში, რომლებიც იღებდნენ ანტიდეპრესანტებს, პლაცებოსთან შედარებით. ანტიდეპრესანტებით მედიკამენტურ თერაპიას ყოველთვის თან უნდა ახლდეს სათანადო დაკვირვება პაციენტებზე,  განსაკუთრებით მაღალი რისკის ჯგუფებიდან და მკურნალობის ადრეულ ეტაპებზე, ასევე დოზის ცვლილების შემდეგ. საჭიროა პაციენტების (ან მათი მომვლელების) გაფრთხილება დაკვირვების აუცილებლობის შესახებ და კლინიკური სურათის ნებისმიერი გაუარესების, სუიციდური ქცევის ან აზრების გამოვლენის, ან ქცევითი  ცვლილებების შემთხვევაში დაუყოვნებლივ უნდა ეცნობოს ექიმს. სუიციდის მცდელობის პოტენციური რისკის შესამცირებლად, განსაკუთრებით თერაპიის დასაწყისში, აუცილებელია ტრაზოდონის მინიმალური დოზების დანიშვნა. იყო შეტყობინებები სუიციდური აზრებისა და ქცევის შემთხვევების შესახებ ტრაზოდონით თერაპიის დროს ან მკურნალობის შეწყვეტიდან მალევე. რეკომენდებულია განსაკუთრებული ყურადღება მიექცეს დოზირებას და რეგულარული გამოკვლევები ჩაუტარდეთ პაციენტებს  შემდეგი მდგომარეობებით: -    ეპილეფსია, თავიდან უნდა იქნას აცილებული განსაკუთრებით დოზის მკვეთრი მატება ან შემცირება; -    ღვიძლის ან თირკმლის უკმარისობა, განსაკუთრებით მძიმე ხარისხის; -    გულის დაავადებები, როგორიცაა სტენოკარდია, გამტარობის დარღვევა ან სხვადასხვა ხარისხის AV ბლოკადა; -    ჰიპერთირეოზი; -    შარდვის დარღვევები, მაგ., პროსტატის ჰიპერტროფია; -    მწვავე დახურულკუთხოვანი გლაუკომა, თვალშიგა წნევის მომატება. ალკოჰოლთან ან სხვა ფსიქოტროპულ საშუალებებთან ერთად მიღებისას, ტრაზოდონის ტოქსიკურობას კუმულაციური ხასიათი აქვს. ღვიძლის ფუნქციის დარღვევები ტრაზოდონი სიფრთხილით უნდა იქნას გამოყენებული ღვიძლის დაავადების დროს. ღვიძლის ფუნქციის მაჩვენებლების გაუარესებისას და ღვიძლის მხრივ მძიმე გვერდითი მოვლენების აღნიშვნისას, როგორიცაა სიყვითლე და ღვიძლის დაზიანება, ტრაზოდონით მკურნალობა დაუყოვნებლივ უნდა შეწყდეს. დეპრესიული სინდრომების მკურნალობა შიზოფრენიის ან სხვა ფსიქიკური დაავადებების დროს პაციენტებში შიზოფრენიით ან სხვა ფსიქიკური აშლილობით ანტიდეპრესანტების მიღებამ შეიძლება გააუარესოს დაავადების სიმპტომები. შეიძლება აღინიშნოს პარანოიდული აზრების გაძლიერება. ტრაზოდონით თერაპიის ფონზე მანიაკალურ-დეპრესიული ფსიქოზის დროს დეპრესიული ფაზა შეიძლება გადავიდეს მანიაკალურ ფაზაში. ამ შემთხვევაში მკურნალობა უნდა შეწყდეს. სეროტონინის სინდრომი/ავთვისებიანი ნეიროლეფსიური სინდრომი იყო შეტყობინებები სეროტონინის სინდრომის/ავთვისებიანი ნეიროლეფსიური  სინდრომის შემთხვევების შესახებ სხვა სეროტონინერგული პრეპარატების ერთდროულად გამოყენებისას, როგორიცაა სხვა ანტიდეპრესანტები (მაგ., ტრიციკლური ანტიდეპრესანტები, ლითიუმი, სეროტონინის უკუმიტაცების შერჩევითი ინჰიბიტორები (SSRIs), სეროტონინის და ნორადრენალინის უკუმიტაცების ინჰიბიტორები (SNRIs),  მონოამინოქსიდაზას ინჰიბიტორები (MAOIs)) და ნეიროლეპტიკები. ეს ეხება ასევე შემდეგ პრეპარატებს, რომლებიც გავლენას ახდენენ სეროტონინის მეტაბოლიზმზე: ფენტანილი, ტრამადოლი, ტრიპტოფანი, ბუსპირონი, კრაზანა, MAO-ის ინჰიბიტორი ლინეზოლიდი, რომელიც გამოიყენება ანტიბაქტერიული პრეპარატის სახით, და მეთილენის ლურჯი ინტრავენური გამოყენებისათვის. ასევე, იყო შეტყობინებები ავთვისებიანი ნეიროლეფსიური სინდრომის განვითარების შესახებ, მათ შორის ლეტალური გამოსავლით, ტრაზოდონის გამოყენებისას ნეიროლეპტიკებთან ერთად, რომლებისთვისაც ავთვისებიანი ნეიროლეფსიური სინდრომი არის დადგენილი გვერდითი რეაქცია. თუ არსებობს ეჭვი სეროტონინის სინდრომზე/ნეიროლეპტიკურ ავთვისებიან სინდრომზე, ტრაზოდონის მიღება დაუყოვნებლივ უნდა შეწყდეს და საჭიროების შემთხვევაში, დაიწყოს ინტენსიური მკურნალობა. სისხლის მაჩვენებლების ცვლილება ტრაზოდონით თერაპიის დროს შეიძლება შეინიშნოს სისხლის მაჩვენებლების ცვლილებები (აგრანულოციტოზი, თრომბოციტოპენია, ანემია). ამ სიმპტომების აღნიშვნის შემთხვევაში მკურნალობა დაუყოვნებლივ უნდა შეწყდეს. ისეთი სიმპტომების აღნიშვნისას, როგორიცაა ყელის ტკივილი და ცხელება, რეკომენდებულია სისხლის ანალიზის ჩატარება, რადგან აგრანულოციტოზი შეიძლება გამოვლინდეს გრიპის მსგავსი სიმპტომებით. რეკომენდებულია სიფრთხილის დაცვა პაციენტებში, რომლებიც იღებენ სეროტონინის უკუმიტაცების ინჰიბიტორებს, როგორიცაა ტრაზოდონი, ანტიკოაგულანტებთან და/ან ანტიაგრეგანტებთან ერთად, ასევე პაციენტებში სისხლდენის განვითარებისადმი მიდრეკილებით. ჰიპოტენზია იყო შეტყობინებები ჰიპოტენზიის განვითარების შემთხვევების შესახებ, ორთოსტატული ჰიპოტენზიის და სინკოპეს ჩათვლით, ტრაზოდონის გამოყენებისას. ანტიჰიპერტენზიული პრეპარატების და ტრაზოდონის ერთდროულად მიღებისას შეიძლება საჭირო გახდეს ანტიჰიპერტენზიული პრეპარატების დოზის შემცირება. ხანდაზმული პაციენტები ხანდაზმულ პაციენტებში შესაძლოა უფრო ხშირად განვითარდეს ორთოსტატული ჰიპოტენზიის, ძილიანობის და ტრაზოდონის სხვა ანტიქოლინერგული ეფექტების ეპიზოდები. გასათვალისწინებელია, რომ ტრაზოდონის ერთდროულად გამოყენებისას სხვა ფსიქოტროპულ ან ანტიჰიპერტენზიულ საშუალებებთან, ან პაციენტებში თანმხლები დაავადებებით, შესაძლოა განვითარდეს პოტენციური ადიტიური ეფექტები. პაციენტები (ან მათი მომვლელები) უნდა იყვნენ ინფორმირებულები ასეთი რეაქციების აღნიშვნის შესაძლებლობის შესახებ და ყურადღებით უნდა დააკვირდნენ ამ ეფექტებს მკურნალობის დაწყებისას, დოზის გაზრდამდე და გაზრდის შემდეგ. შოკური თერაპია გამოცდილების ნაკლებობის გამო, თავიდან უნდა იქნას აცილებული შოკური თერაპიის ერთდროული გამოყენება. ყურადღების კონცენტრაციის უნარი ზოგჯერ ვლინდება სედაციური ეფექტი, განსაკუთრებით თერაპიის დასაწყისში, რამაც შეიძლება გამოიწვიოს  ყურადღების კონცენტრაციის უნარის გაუარესება. თერაპიის შეწყვეტა რეკომენდებულია დოზის თანდათანობითი შემცირება მკურნალობის შეწყვეტამდე, განსაკუთრებით ხანგრძლივი მკურნალობისას, მოხსნის სიმპტომების გამოვლენის მინიმუმამდე დასაყვანად, რომლებიც ხასიათდება გულისრევით, თავის ტკივილით და სისუსტით. დამოკიდებულება არ არსებობს მტკიცებულება, რომ ტრაზოდონი იწვევს მიჩვევას. გულის დაავადებები ტრაზოდონი სიფრთხილით უნდა იქნას გამოყენებული პაციენტებში გულის რითმის დარღვევებით ან არსებული დეკომპენსირებული კარდიოვასკულური უკმარისობით. ვინაიდან იყო შეტყობინებები QT ინტერვალის გახანგრძლივების შემთხვევების შესახებ, განსაკუთრებული სიფრთხილე უნდა იქნას დაცული ტრაზოდონის მიღებისას პაციენტების მიერ გახანგრძლივებული QT ინტერვალის თანდაყოლილი სინდრომით, აგრეთვე სხვა პრეპარატებთან ერთად მიღებისას, რომლებიც იწვევს ეკგ-ზე QT ინტერვალის გახანგრძლივებას, ან სხვა რისკ-ფაქტორების არსებობისას (მაგ. ჰიპოკალიემია, ბრადიკარდია). CYP3A4-ის ინჰიბიტორები CYP3A4-ის ძლიერმა ინჰიბიტორებმა შეიძლება გამოიწვიოს სისხლის პლაზმაში ტრაზოდონის კონცენტრაციის მომატება. პრიაპიზმი ტრაზოდონის გამოყენებისას, ისევე როგორც α-ადრენოლიზური მოქმედების მქონე სხვა პრეპარატების გამოყენებისას, დარეგისტრირებული იყო პრიაპიზმის ძალიან იშვიათი შემთხვევები. პაციენტები ინფორმირებულნი უნდა იყვნენ იმის შესახებ, რომ უჩვეულოდ გახანგრძლივებული და, შესაძლოა, მტკივნეული ერექციის შემთხვევაში, მათ დაუყოვნებლივ უნდა მიმართონ ექიმს. პრიაპიზმის მკურნალობა შესაძლებელია α-ადრენერგული საშუალების ინტრაკავერნოზული ინექციით, როგორიცაა ეპინეფრინი ან მეტარამინოლი. თუმცა, იყო შეტყობინებები ტრაზოდონით გამოწვეული პრიაპიზმის შემთხვევების შესახებ, რომელიც საჭიროებდა ქირურგიულ ჩარევას ან იწვევდა მუდმივ სქესობრივ დისფუნქციას. თუ პაციენტს აღენიშნება ეს გვერდითი მოვლენა, ტრაზოდონით მკურნალობა დაუყოვნებლივ უნდა შეწყდეს. გავლენა შარდის ანალიზის შედეგებზე იმუნოლოგიური ტესტების გამოყენებამ ნარკოტიკებზე შარდის სკრინინგისთვის შეიძლება გამოიწვიოს ცრუ დადებითი შედეგი ამფეტამინის არსებობაზე, ტრაზოდონის მეტაბოლიტის მეტაქლორფენილპიპერაზინის (m-CPP) ჯვარედინი რეაქციის გამო სტრუქტურულად მსგავს მეთილენდიოქსიმეტამფეტამინთან (MDMA, ექსტაზი). ამ შემთხვევებში რეკომენდებულია დამადასტურებელი ანალიზის ჩატარება მას- სპექტრომეტრიის (MS) მეთოდით ან თხევადი ქრომატოგრაფიის მეთოდით ტანდემური მას-სპექტრომეტრიით (LC-MS-MS). ურთიერთქმედება სხვა სამკურნალო  საშუალებებთან და ურთიერთქმედების სხვა ფორმები ზოგადი ურთიერთქმედებები ერთდროული გამოყენებისას შეიძლება გაძლიერდეს ანტიფსიქოზური, საძილე, სედაციური, ანქსიოლიზური და ანტიჰისტამინური საშუალებების სედაციური ეფექტი, ასეთ შემთხვევებში რეკომენდებულია დოზის შემცირება. ორალური კონტრაცეპტივები, ფენიტოინი, კარბამაზეპინი და ბარბიტურატები ღვიძლზე მათი მოქმედების შედეგად აჩქარებს ანტიდეპრესანტების მეტაბოლიზმს. ზოგიერთი სხვა ანტიფსიქოზური პრეპარატი და ციმეტიდინი აინჰიბირებს ანტიდეპრესანტების მეტაბოლიზმს. აღწერილია სეროტონინული სინდრომის/ავთვისებიანი ნეიროლეფსიური  სინდრომის შემთხვევები სხვა სეროტონინერგული პრეპარატების, როგორიცაა სხვა ანტიდეპრესანტები (მაგ., ტრიციკლური ანტიდეპრესანტები, SSRIs, SNRIs და MAO-ს ინჰიბიტორები), და ნეიროლეპტიკების ერთდროული გამოყენებისას. CYP3A4-ის ინჰიბიტორები პრეპარატის მეტაბოლიზმის in vitro კვლევების შედეგების საფუძველზე ვარაუდობენ შესაძლო ურთიერთქმედებას ტრაზოდონის ერთდროული გამოყენებისას ციტოქრომ CYP3A4-ის ძლიერ ინჰიბიტორებთან, როგორიცაა ერითრომიცინი, კეტოკონაზოლი, იტრაკონაზოლი, რიტონავირი, ინდინავირი და ნეფაზოდონი. CYP3A4-ის ძლიერმა ინჰიბიტორებმა შეიძლება გამოიწვიოს სისხლის პლაზმაში ტრაზოდონის კონცენტრაციის მნიშვნელოვანი მატება. ჯანმრთელ მოხალისეებში in vivo კვლევებმა აჩვენა, რომ 200 მგ რიტონავირის დღე-ღამეში ორჯერ მიღება ზრდის სისხლის პლაზმაში ტრაზოდონის დონეს 2-ჯერზე მეტით და ამასთან აღინიშნება თავბრუსხვევა, გულისრევა, სინკოპე და ჰიპოტენზია. ამიტომ, როდესაც ტრაზოდონი ერთდროულად გამოიყენება CYP3A4-ის ძლიერ ინჰიბიტორთან, ტრაზოდონის დოზა უნდა შემცირდეს. შეძლებისდაგვარად, თავიდან უნდა იქნას აცილებული ტრაზოდონისა და CYP3A4-ის ძლიერი ინჰიბიტორების ერთობლივი გამოყენება. კარბამაზეპინი კარბამაზეპინის ერთდროული მიღება ტრაზოდონთან ამცირებს მის კონცენტრაციას სისხლის პლაზმაში. დღე-ღამეში 400 მგ კარბამაზეპინის ერთდროული გამოყენება იწვევს ტრაზოდონისა და მისი აქტიური მეტაბოლიტის მეტაქლორფენილპიპერაზინის დონის შემცირებას სისხლის პლაზმაში 76%-ით და 60%-ით შესაბამისად. ამ მიზეზით, პაციენტები, რომლებიც იღებენ ტრაზოდონს კარბამაზეპინთან ერთად, უნდა იყვნენ სათანადო დაკვირვების ქვეშ და საჭიროების შემთხვევაში ტრაზოდონის დოზა უნდა გაიზარდოს. ტრიციკლური ანტიდეპრესანტები   ტრაზოდონთან ერთდროული გამოყენება თავიდან უნდა იქნას აცილებული ურთიერთქმედების რისკის გამო. არსებობს სეროტონინის სინდრომის და გულ-სისხლძარღვთა სისტემის მხრივ გვერდითი რეაქციების გამოვლენის რისკი. ფლუოქსეტინი იყო შეტყობინებები პლაზმაში ტრაზოდონის დონის გაზრდისა და გვერდითი ეფექტების გამოვლენის იშვიათი შემთხვევების შესახებ ტრაზოდონის მიღებისას ფლუოქსეტინთან, ციტოქრომის CYP1A2/2D6 ინჰიბიტორთან ერთად. ფარმაკოკინეტიკური ურთიერთქმედების საფუძვლად არსებული მექანიზმი ბოლომდე არ არის გარკვეული. ასევე ვერ გამოირიცხება ფარმაკოდინამიკური ურთიერთქმედება (სეროტონინული სინდრომი). MAO-ის ინჰიბიტორები იშვიათად იყო შეტყობინებები MAO-ის ინჰიბიტორებთან ურთიერთქმედების შემთხვევების შესახებ. ვინაიდან MAO-ის ინჰიბიტორების ანტიდეპრესანტებთან ერთად გამოყენებისას, რომლებსაც აქვთ ტრაზოდონის მსგავსი ფარმაკოლოგიური თვისებები (მაგ., SSRIs), აღინიშნება სერიოზული გვერდითი რეაქციები, არ არის რეკომენდებული ტრაზოდონის  გამოყენება ერთდროულად MAO-ის ინჰიბიტორებთან ან MAO-ის ინჰიბიტორებით მკურნალობის შეწყვეტიდან ორი კვირის განმავლობაში. ასევე არ არის რეკომენდებული MAO-ს ინჰიბიტორების მიღება ტრაზოდონის მიღების შეწყვეტიდან ერთი კვირის განმავლობაში. ფენოთიაზინები მძიმე ორთოსტატული ჰიპოტენზია დაფიქსირდა ფენოთიაზინის წარმოებულების ერთდროული მიღებისას, როგორიცაა ქლორპრომაზინი, ფლუფენაზინი, ლევომეპრომაზინი, პერფენაზინი. ანესთეტიკები და მიორელაქსანტები ტრაზოდონს შეუძლია გააძლიეროს მიორელაქსანტების და საინჰალაციო ანესთეტიკების მოქმედება, ამიტომ სიფრთხილეა საჭირო მათი ერთდროული გამოყენებისას. გეგმიურ ქირურგიულ ჩარევამდე რეკომენდებულია ტრაზოდონის მიღების შეწყვეტა მაქსიმალურად ხანგრძლივი ვადით, რამდენადაც ეს კლინიკურად შესაძლებელია. ალკოჰოლი ტრაზოდონი აძლიერებს ალკოჰოლის სედაციურ ეფექტს. ტრაზოდონით თერაპიის დროს თავიდან უნდა იქნას აცილებული ალკოჰოლის მოხმარება. ლევოდოპა ანტიდეპრესანტებმა შეიძლება დააჩქაროს ლევოდოპას მეტაბოლიზმი. პრეპარატები, რომლებიც ახანგრძლივებს QT ინტერვალს ტრაზოდონის ერთდროულმა გამოყენებამ პრეპარატებთან, რომლებიც ახანგრძლივებს QT ინტერვალს (მაგალითად, IA ან III კლასის ანტიარითმული საშუალებები, ანტიბაქტერიული, მალარიის საწინააღმდეგო, ანტიჰისტამინური პრეპარატები და ნეიროლეპტიკები) შეიძლება გაზარდოს პარკუჭოვანი არითმიის განვითარების რისკი, პირუეტული ტაქიკარდიის ჩათვლით. სიფრთხილეა საჭირო ამ პრეპარატების ტრაზოდონთან ერთად მიღებისას. ანტიჰიპერტენზიული პრეპარატები იმის გათვალისწინებით, რომ ტრაზოდონი არის ნორადრენალინის უკუმიტაცების სუსტი ინჰიბიტორი და არ ახდენს გავლენას ტირამინის პრესორულ ეფექტზე, გუანეთიდინის მსგავსი ნაერთების ჰიპოტენზიურ ეფექტზე ზემოქმედება ნაკლებად სავარაუდოა. თუმცა, ლაბორატორიულ ცხოველებზე ჩატარებულმა კვლევებმა აჩვენა, რომ ტრაზოდონს შეუძლია დათრგუნოს კლონიდინის ეფექტების უმეტესობა. მიუხედავად იმისა, რომ არ არსებობს შეტყობინებები სხვა ანტიჰიპერტენზიულ საშუალებებთან კლინიკური ურთიერთქმედების შემთხვევების შესახებ, გასათვალისწინებელია გამაძლიერებელი ეფექტის შესაძლებლობა. კრაზანა გვერდითი ეფექტების განვითარების სიხშირის გაზრდა შეიძლება შეინიშნოს კრაზანას (Hypericum perforatum) შემცველი პრეპარატების ერთდროული გამოყენებისას. ვარფარინი იყო შეტყობინებები პროთრომბინული დროის ცვლილების შემთხვევების შესახებ პაციენტებში, რომლებიც იღებდნენ ტრაზოდონს და ვარფარინს. ტრაზოდონისა და ვარფარინის ერთდროული გამოყენება უნდა მოხდეს სიფრთხილით და სისხლის შედედების სათანადო კონტროლით. პერორალური ანტიკოაგულანტები და/ან ანტიაგრეგანტები იყო შეტყობინებები ცვლილებების შესახებ სისხლის ანტიკოაგულანტურ სისტემაში (ლაბორატორიული მაჩვენებლები და/ან კლინიკური ნიშნები და სიმპტომები) სისხლდენის განვითარების გაზრდილი რისკით. სეროტონინული სინდრომი/ავთვისებიანი ნეიროლეფსიური სინდრომი დაფიქსირდა სეროტონინული სინდრომის/ავთვისებიანი ნეიროლეფსიური სინდრომის შემთხვევები სხვა სეროტონინერგული პრეპარატების ერთდროული მიღებისას, როგორიცაა სეროტონინის უკუმიტაცების ინჰიბიტორები, ტრიციკლური ანტიდეპრესანტები და ნეიროლეპტიკები. იყო შეტყობინებები ავთვისებიანი ნეიროლეფსიური სინდრომის, მათ შორის ლეტალური გამოსავლით, შემთხვევების შესახებ ტრაზოდონის ერთდროული გამოყენებისას ნეიროლეპტიკებთან, რომლებისთვისაც ავთვისებიანი ნეიროლეფსიური სინდრომი არის დადგენილი გვერდითი რეაქცია. ფენიტოინი ან დიგოქსინი ტრაზოდონთან ერთდროულმა გამოყენებამ შეიძლება გამოიწვიოს სისხლის შრატში დიგოქსინის ან ფენიტოინის კონცენტრაციის მომატება. ასეთ პაციენტებში საჭიროა შრატში მათი კონცენტრაციის მონიტორინგი. ორსულობა და ლაქტაცია ორსულობა მონაცემები ორსულ ქალებში ტრაზოდონის გამოყენების შეზღუდული გამოცდილების შესახებ (<200) მიუთითებს არასასურველი ეფექტის არარსებობაზე ორსულ ქალებში ან ნაყოფში/ახალშობილში. დღეისათვის სხვა ეპიდემიოლოგიური მონაცემები არ არსებობს. ცხოველებზე ჩატარებულმა კვლევებმა თერაპიული დოზებით არ გამოავლინა პირდაპირი ან არაპირდაპირი მავნე ზემოქმედება მაკეობაზე, ემბრიონის/ნაყოფის განვითარებაზე, მშობიარობაზე ან პოსტნატალურ განვითარებაზე. ეპიდემიოლოგიური კვლევების  მონაცემები იძლევა ვარაუდის შესაძლებლობას, რომ SSRI-ების გამოყენებამ ორსულობის დროს, განსაკუთრებით ორსულობის გვიან ვადებზე, შესაძლოა გაზარდოს ახალშობილთა პირველადი ფილტვისმიერი ჰიპერტენზიის რისკი (PPHN, რომელსაც ასევე უწოდებენ პერსისტირებად ფილტვისმიერ ჰიპერტენზიას). დაფიქსირებული რისკი შეადგენდა დაახლოებით 5 შემთხვევას ყოველ 1000 ორსულობაზე.  ზოგად პოპულაციაში 1000 ორსულობაზე გვხვდება PPHN-ის 1-დან 2-მდე შემთხვევა. სიფრთხილის დაცვაა საჭირო ორსულებისთვის ტრაზოდონის დანიშვნისას. როდესაც ტრაზოდონი გამოიყენება მშობიარობამდე, საჭიროა ახალშობილების მონიტორინგი აბსტინენტური სინდრომის შესაძლო აღნიშვნის საგანზე.  ლაქტაცია შეზღუდული მონაცემები მიუთითებს, რომ ტრაზოდონის სეკრეცია დედის რძით დაბალია, ხოლო მისი აქტიური მეტაბოლიტის დონე უცნობია. შეზღუდული რაოდენობის მონაცემების გათვალისწინებით, გადაწყვეტილება ტრაზოდონის გამოყენების შესახებ ძუძუთი კვების დროს უნდა იქნას მიღებული ბავშვისთვის ძუძუთი კვების უპირატესობის და ქალისთვის ტრაზოდონით თერაპიის სარგებლობის გათვალისწინებით. ზემოქმედება ავტოტრანსპორტის ტარების და მექანიზმების მართვის უნარზე ტრაზოდონს აქვს სუსტი ან ზომიერი გავლენა ავტოტრანსპორტის ტარების და მექანიზმების მართვის უნარზე. პაციენტები გააფრთხილებულნი უნდა იყვნენ ავტოტრანსპორტის ტარების და მექანიზმების მართვის უნარზე ზემოქმედების პოტენციური რისკების შესახებ ძილიანობის, სედაციის, თავბრუსხვევის, ცნობიერების არევის ან მხედველობის დაბინდვის გამოვლენისას. არასასურველი რეაქციები იყო შეტყობინებები სუიციდური აზრებისა და ქცევის აღნიშვნის შემთხვევების შესახებ ტრაზოდონით მკურნალობის დროს ან მკურნალობის შეწყვეტის შემდეგ ადრეულ ვადებზე. არასასურველი რეაქციების სიხშირის პარამეტრები განისაზღვრება სისტემურ-ორგანული კლასების შესაბამისად MedDRA-ის მიხედვით შემდეგნაირად: ძალიან ხშირი (≥ 1/10); ხშირი (≥ 1/100 მაგრამ < 1/10); არახშირი (≥ 1/1000 მაგრამ < 1/100); იშვიათი (≥ 1/10,000 მაგრამ < 1/1000); ძალიან იშვიათი (< 1/10000); სიხშირე უცნობია (არ შეიძლება შეფასდეს არსებული მონაცემებით). შემდეგი რეაქციები, რომელთაგან ზოგიერთი ხშირად აღინიშნება არანამკურნალევი დეპრესიის დროს, დაფიქსირდა პაციენტებში, რომლებიც იღებდნენ ტრაზოდონს. ძილიანობა და დაღლილობა, განსაკუთრებით მკურნალობის დასაწყისში, თავბრუსხვევა, გულისრევა, პირის სიმშრალე ყველაზე ხშირად მოხსენებული არასასურველი რეაქციებია. სისხლის და ლიმფური სისტემის მხრივ: სიხშირე უცნობია - სისხლის დისკრაზია (აგრანულოციტოზი, თრომბოციტოპენია, ეოზინოფილია, ლეიკოპენია, პანციტოპენია და ანემია). ამ შემთხვევაში ტრაზოდონით თერაპია დაუყოვნებლივ უნდა შეწყდეს. იმუნური სისტემის მხრივ: სიხშირე უცნობია - ალერგიული რეაქციები. ენდოკრინული სისტემის მხრივ: სიხშირე უცნობია - ანტიდიურეზული ჰორმონის არაადეკვატური სეკრეციის სინდრომი. ნივთიერებათა ცვლის და კვების მხრივ: სიხშირე უცნობია - ჰიპონატრიემია1, წონის დაკლება, ანორექსია, მადის მომატება. ფსიქიკის დარღვევები: სიხშირე უცნობია - სუიციდური აზრები ან სუიციდური ქცევა2, ცნობიერების არევა, უძილობა, დეზორიენტაცია, მანია, შფოთვა, ნერვოზულობა, აგზნებადობა (ძალიან იშვიათად ახლავს დელირიუმი), ბოდვა, აგრესიული რეაქცია, ჰალუცინაციები, ღამის კოშმარები, ლიბიდოს დაქვეითება, აბსტინენტური სინდრომი. ნერვული სისტემის მხრივ: სიხშირე უცნობია - სეროტონინული სინდრომი, კრუნჩხვები, ავთვისებიანი ნეიროლეფსიური სინდრომი, თავბრუსხვევა, ვერტიგო, თავის ტკივილი, ძილიანობა3, შფოთვა, ყურადღების კონცენტრაციის დაქვეითება, ტრემორი, მეხსიერების დარღვევა, მიოკლონუსი, ექსპრესიული აფაზია, პარესთეზია, დისტონია, გემოვნების დარღვევა. გულის მხრივ: სიხშირე უცნობია - გულის არითმიები4 (პირუეტული ტაქიკარდიის, პალპიტაციის, ექსტრასისტოლიის, წყვილი პარკუჭოვანი ექსტრასისტოლების, პარკუჭოვანი ტაქიკარდიის ჩათვლით), ბრადიკარდია, ტაქიკარდია, ელექტროკარდიოგრაფიული ცვლილებები (QT ინტერვალის გახანგრძლივება)2. სისხლძარღვების მხრივ: სიხშირე უცნობია - ორთოსტატული ჰიპოტენზია, ჰიპერტენზია, გულის წასვლა. მხედველობის ორგანოს მხრივ: სიხშირე უცნობია - მხედველობის დარღვევა (მაგ., მხედველობის მკაფიოობის დარღვევები), თვალების სიწითლე. სასუნთქი სისტემის, გულმკერდის ორგანოებისა და შუასაყარის მხრივ: სიხშირე უცნობია - ცხვირის გაჭედვა, ქოშინი. კუჭ-ნაწლავის ტრაქტის მხრივ: სიხშირე უცნობია - გულისრევა, ღებინება, პირის სიმშრალე, ყაბზობა, დიარეა, დისპეფსია, კუჭის ტკივილი, გასტროენტერიტი, ნერწყვის გამოყოფის მომატება, ნაწლავის პარალიზური გაუვალობა. ღვიძლისა და სანაღვლე გზების მხრივ: სიხშირე უცნობია - ღვიძლის ფუნქციის დარღვევა (სიყვითლის და ჰეპატოცელულური დაზიანების ჩათვლით)5, ინტრაჰეპატური ქოლესტაზი. კანის და კანქვეშა ქსოვილების მხრივ: სიხშირე უცნობია - გამონაყარი, ქავილი, ჰიპერჰიდროზი. ჩონჩხ-კუნთოვანი და შემაერთებელი ქსოვილის მხრივ: სიხშირე უცნობია -  კიდურების ტკივილი, ზურგის ტკივილი, მიალგია, ართრალგია, ძვლების ტკივილი. თირკმელების და საშარდე გზების მხრივ: სიხშირე უცნობია - შარდვის დარღვევები, შარდის შეუკავებლობა, შარდის შეკავება. სასქესო ორგანოების და სარძევე ჯირკვლების მხრივ: სიხშირე უცნობია - პრიაპიზმი. ზოგადი დარღვევები და დარღვევები შეყვანის ადგილზე: სიხშირე უცნობია - სისუსტე, შეშუპება, გრიპის მსგავსი სიმპტომები, ტკივილი გულმკერდის არეში, ცხელება, დაღლილობა, ძილიანობა, ყურადღების კონცენტრაციის უნარის დაქვეითება. გავლენა ლაბორატორიული და ინსტრუმენტული კვლევების შედეგებზე: სიხშირე უცნობია - ღვიძლის ფერმენტების მომატება. 1 ამ სიმპტომების მქონე პაციენტებში უნდა მოხდეს ელექტროლიტების და სითხის დონის მონიტორინგი. 2 იხილეთ ნაწილი „განსაკუთრებული გაფრთხილებები და სიფრთხილის ზომები გამოყენებისას“. 3 ტრაზოდონი არის ანტიდეპრესანტი სედაციური ეფექტით, ძილიანობა ზოგჯერ ვლინდება მკურნალობის პირველ დღეებში და ჩვეულებრივ ქრება შემდგომი მკურნალობის დროს. 4 ცხოველებზე ჩატარებულმა კვლევებმა აჩვენა, რომ ტრაზოდონი ნაკლებად კარდიოტოქსიკურია, ვიდრე ტრიციკლური ანტიდეპრესანტები, კლინიკური კვლევები კი აჩვენებს, რომ ნაკლებად სავარაუდოა, რომ მან გამოიწვიოს გულის არითმიები ადამიანებში. კლინიკური კვლევები გულის დაავადებების მქონე პაციენტებში მიუთითებს, რომ ტრაზოდონი შეიძლება იყოს არითმოგენური ამ ჯგუფის ზოგიერთ პაციენტში. ამ შემთხვევაში ტრაზოდონით თერაპია დაუყოვნებლივ უნდა შეწყდეს. 5 იშვიათად იყო შეტყობინებები არასასურველი, ხანდახან მძიმე, გვერდითი ეფექტების შესახებ ღვიძლის ფუნქციაზე გავლენის თვალსაზრისით. ასეთი გვერდითი ეფექტების განვითარების შემთხვევაში, ტრაზოდონით მკურნალობა დაუყოვნებლივ უნდა შეწყდეს. შეტყობინებები საეჭვო არასასურველი რეაქციების შესახებ შეტყობინებები არასასურველი რეაქციების შესახებ სამკურნალო საშუალების რეგისტრაციის შემდეგ ძალიან მნიშვნელოვანია. თუკი პაციენტს გამოუვლინდა სამკურნალო საშუალებაზე სერიოზული არასასურველი რეაქცია ან ახალი არასასურველი რეაქციის აღნიშვნის შემთხვევაში, რომელიც არ არის აღწერილი მოცემულ ნაწილში, გთხოვთ, მოახდინოთ ინფორმირება ფარმაკოზედამხედველობის ეროვნული სისტემის შესაბამისად. დოზის გადაჭარბება სიმპტომები დოზის გადაჭარბების ყველაზე ხშირად შეტყობინებადი სიმპტომები იყო ძილიანობა, თავბრუსხვევა, გულისრევა და ღებინება. უფრო მძიმე შემთხვევებში იყო შეტყობინებები კომის, ტაქიკარდიის, ჰიპოტენზიის, ჰიპონატრიემიის, კრუნჩხვების და სუნთქვის უკმარისობის შესახებ. დარღვევები გულის მხრივ შეიძლება მოიცავდეს ბრადიკარდიას,  QT ინტერვალის გახანგრძლივებას და პირუეტულ ტაქიკარდიას. სიმპტომები შეიძლება გამოვლინდეს დოზის გადაჭარბებიდან 24 საათში ან მოგვიანებით. ტრაზოდონის დოზის გადაჭარბებამ სხვა ანტიდეპრესანტებთან კომბინაციაში შეიძლება გამოიწვიოს სეროტონინული სინდრომი. მკურნალობა სპეციფიკური ანტიდოტი არ არსებობს. დასაშვებია გააქტივებული ნახშირის გამოყენება მიღებიდან 1 საათის განმავლობაში მოზრდილებში, რომლებმაც მიიღეს 1 გ-ზე მეტი ტრაზოდონი, ან ბავშვებში, რომლებმაც მიიღეს 150 მგ-ზე მეტი ტრაზოდონი. ალტერნატივის სახით შეიძლება ჩატარდეს კუჭის ამორეცხვა მოზრდილებში სიცოცხლისთვის პოტენციურად  საშიში დოზის მიღებიდან 1 საათის განმავლობაში. დოზის გადაჭარბების შემთხვევაში პაციენტები უნდა იმყოფებოდნენ მეთვალყურეობის ქვეშ პრეპარატის მიღებიდან მინიმუმ 6 საათის განმავლობაში ან 12 საათის განმავლობაში წამლის ისეთი ფორმების მიღებისას, რომლებსაც შენელებული გამოთავისუფლება ახასიათებს. აუცილებელია არტერიული წნევის, პულსის და გლაზგოს კომის სკალის მაჩვენებლების მონიტორინგის ჩატარება. აუცილებელია სისხლის ჟანგბადით გაჯერების მონიტორინგი გლაზგოს კომის სკალის მაჩვენებლების შემცირებისას. ჩივილების მქონე პაციენტებისთვის ნაჩვენებია გულის ფუნქციის მაჩვენებლების მონიტორინგი. ერთეული ხანმოკლე კრუნჩხვები არ საჭიროებს მკურნალობას. ხშირი და გახანგრძლივებული კრუნჩხვების კუპირება უნდა მოხდეს დიაზეპამის (0,1-0,3 მგ/კგ სხეულის მასაზე) ან ლორაზეპამის (4 მგ მოზრდილებში და 0,05 მგ/კგ ბავშვებში) ინტრავენური შეყვანით. თუ ეს ზომები არ უზრუნველყოფს კრუნჩხვების კონტროლს, შეიძლება მიზანშეწონილი იყოს ფენიტოინის ინტრავენური ინფუზია. საჭიროების მიხედვით უნდა მოხდეს ჟანგბადის მიწოდება და მჟავა-ტუტოვანი ბალანსის და მეტაბოლური დარღვევების კორექტირება. ჰიპოტენზიის და გადაჭარბებული სედაციის შემთხვევაში, მკურნალობა სიმპტომური და შემანარჩუნებელია. თუ მძიმე ჰიპოტენზია ნარჩუნდება, უნდა განიხილებოდეს ისეთი ინოტროპული პრეპარატების გამოყენების შესაძლებლობა, როგორიცაა დოფამინი ან დობუტამინი. ფარმაკოლოგიური თვისებები ფარმაკოდინამიკური თვისებები ფარმაკოთერაპიული ჯგუფი: ნერვულ სისტემაზე მოქმედი პრეპარატები. ფსიქოანალეპტიკები. ანტიდეპრესანტები. სხვა ანტიდეპრესანტები. ათქ კოდი: N06AX05. ქიმიური სტრუქტურით ტრაზოდონი მიეკუთვნება ტრიაზოლოპირიდინების ჯგუფს და მოქმედების მექანიზმით განსხვავდება ყველა სხვა ანტიდეპრესანტისგან. ტრაზოდონი არის SSRI, ასევე გააჩნია გამოხატული ანტაგონიზმი 5HT2-რეცეპტორებთან და α-ადრენერგულ რეცეპტორებთან მიმართებაში, მაგრამ პრაქტიკულად არ გააჩნია ანტიქოლინერგული მოქმედება. მოქმედების ეს პროფილი პასუხისმგებელია ანტიდეპრესანტული ეფექტის გაძლიერებაზე, განსაკუთრებით ანქსიოლიზის კუთხით, ძილის დარღვევების შემცირებაზე და სქესობრივი ფუნქციის შენარჩუნებაზე. არსებობს მონაცემები ტრაზოდონის ტკივილგამაყუჩებელი ეფექტის შესახებ ცხოველურ მოდელებში, რაც შეიძლება დაკავშირებული იყოს მის ზემოქმედებასთან სეროტონინერგულ რეცეპტორებზე. ფარმაკოკინეტიკური თვისებები აბსორბცია პერორალური მიღების შემდეგ ტრაზოდონი სწრაფად და მთლიანად შეიწოვება კუჭ-ნაწლავის ტრაქტიდან. პერორალური მიღების შემდეგ ბიოშეღწევადობა თითქმის 100%-ს შეადგენს. განაწილება პლაზმის ცილებთან შეკავშირება შეადგენს 89-95%-ს. მაქსიმალური დონე პლაზმაში მიიღწევა პროლონგირებული გამოთავისუფლების ტაბლეტის პოსტპრანდიული მიღებიდან დაახლოებით 4 საათის შემდეგ. ბიოტრანსფორმაცია ტრაზოდონი ინტენსიურად მეტაბოლიზდება ღვიძლში. ელიმინაცია 70% გამოიყოფა შარდით 96 საათის განმავლობაში. ხანდაზმულებში ელიმინაცია შეიძლება უფრო შენელებული იყოს. ვარგისიანობის ვადა 4 წელი წარმოების თარიღიდან. არ გამოიყენოთ ვარგისიანობის ვადის გასვლის შემდეგ. განსაკუთრებული მითითებები შენახვისას ინახება არაუმეტეს 25°C ტემპერატურაზე. ინახება ბავშვებისთვის მიუწვდომელ ადგილას! შეფუთვის ტიპი და შიგთავსი პროლონგირებული გამოთავისუფლების აპკიანი გარსით დაფარული ტაბლეტები. 10 ტაბლეტი ბლისტერში. 3 ბლისტერი სამედიცინო გამოყენების ინსტრუქციასთან ერთად მუყაოს კოლოფში. სიფრთხილის განსაკუთრებული ზომები განადგურებისა და სხვა სამუშაოებისთვის განსაკუთრებული მოთხოვნები არ არსებობს. აფთიაქებიდან გაცემის პირობები გაიცემა რეცეპტით. ასევე, იხილეთ: <a href="https://psp.ge/%E1%83%9B%E1%83%94%E1%83%93%E1%83%98%E1%83%99%E1%83%90%E1%83%9B%E1%83%94%E1%83%9C%E1%83%A2%E1%83%94%E1%83%91%E1%83%98/%E1%83%9C%E1%83%94%E1%83%95%E1%83%A0%E1%83%9D%E1%83%9A%E1%83%9D%E1%83%92%E1%83%98%E1%83%90/%E1%83%90%E1%83%9C%E1%83%A2%E1%83%98%E1%83%93%E1%83%94%E1%83%9E%E1%83%A0%E1%83%94%E1%83%A1%E1%83%90%E1%83%9C%E1%83%A2%E1%83%98/%E1%83%A2%E1%83%A0%E1%83%98%E1%83%A2%E1%83%98%E1%83%99%E1%83%9D-150%E1%83%9B%E1%83%92-20-%E1%83%A2%E1%83%90%E1%83%91%E1%83%9A%E1%83%94%E1%83%A2%E1%83%98-an%E1%83%92%E1%83%94%E1%83%9A%E1%83%98ni-27918.html">ტრიტიკო - Trittico 150მგ 20 ტაბლეტი</a></div></div></div>

ყველა პროდუქტი

ონლაინ შეკვეთის ხელმისაწვდომობა მოწმდება აპლიკაციაში. ფასი და მარაგი საჭიროებს გადამოწმებას.