ფორდია - Fordia 10მგ 28 ტაბლეტი

10მგ

გამოიყენება ტიპი 2 დიაბეტის დროს.

<div><div><div>ფორდია 10 მგ შემოგარსული ტაბლეტები მიიღება პერორალურად აქტიური ნივთიერება: თითოეული შემოგარსული ტაბლეტი შეიცავს 10 მგ დაპაგლიფლოზინს. დამხმარე ნივთიერებები: მიკროკრისტალური ცელულოზა PH105, უწყლო ლაქტოზა (მიღებული ძროხის რძიდან), ნატრიუმის კროსკარმელოზა, მიკროკრისტალური ცელულოზა PH200 LM, ნატრიუმის სტეარილ ფუმარატი; ტაბლეტის გარსი: (Opadry® II ყვითელი 85F220219): პოლივინილის სპირტი ნაწილობრივ ჰიდროლიზებული, ტიტანის დიოქსიდი, მაკროგოლი/PEG, ტალკი, რკინის ოქსიდი ყვითელი. <table border="1" cellspacing="0" cellpadding="0"> <tbody> <tr> <td valign="top" width="708"> პრეპარატის გამოყენებამდე ყურადღებით წაიკითხეთ გამოყენების ინსტრუქცია, რადგან ის შეიცავს თქვენთვის მნიშვნელოვან ინფორმაციებს. · შეინახეთ ეს ინსტრუქცია. შესაძლოა მოგვიანებით კიდევ დაგჭირდეთ მისი წაკითხვა. · დამატებითი კითხვების შემთხვევაში, მიმართეთ ექიმს ან ფარმაცევტს. · ეს მედიკამენტი დაგენიშნათ თქვენ ინდივიდუალურად. ნუ გადასცემთ მას სხვას გამოყენების მიზნით. · ამ მედიკამენტით მკურნალობის პერიოდში ექიმთან ან კლინიკაში ვიზირისას აცნობეთ ექიმს, რომ იღებთ ამ სამკურნალო საშუალებას. · ზუსტად დაიცავით ინსტრუქციაში მოცემული მითითებები. არ მიიღოთ მედიკამენტის რეკომენდებულზე მაღალი  ან დაბალი დოზა. </td> </tr> </tbody> </table> გამოყენების ინსტრუქცია შეიცავს: 1. რას წარმოადგენს ფორდია და რისთვის გამოიყენება 2. ინფორმაცია ფორდიას გამოყენებამდე 3. ფორდიას გამოყენების წესი 4. მოსალოდნელი გვერდითი ეფექტები 5. ფორდიას შენახვის პირობები <h2>1. რას წარმოადგენს ფორდია და რისთვის გამოიყენება</h2> ·   ფორდია არის ყვითელი ან მოყვითალო ფერის, ალმასის ფორმის, გარსით დაფარული ტაბლეტი, ერთ მხარეს გამოსახულია წარწერა „10“. ფორდია ხელმისაწვდომია ბლისტერში, რომელიც შეიცავს 28 ტაბლეტს მუყაოს კოლოფში. ·   ფორდია შეიცავს 10 მგ დაპაგლიფლოზინს აქტიური ინგრედიენტის სახით. დაპაგლიფლოზინი მიეკუთვნება მედიკამენტების ჯგუფს, რომელსაც ეწოდება ნატრიუმ-გლუკოზის კოტრანსპორტერი 2 ინჰიბიტორები. ისინი მოქმედებენ თირკმელში SGLT2 პროტეინის ბლოკირებით. ამ ცილის ბლოკირებით, სისხლში შაქარი (გლუკოზა), მარილი (ნატრიუმი) და წყალი გამოიყოფა თქვენი ორგანიზმიდან შარდის მეშვეობით. ფორდია გამოიყენება ზრდასრულ პაციენტებში (18 წლის და უფროსი ასაკის) შემდეგი მდგომარეობების სამკურნალოდ: · ტიპი 2 დიაბეტი - თუ თქვენი ტიპი 2 დიაბეტის კონტროლი შეუძლებელია დიეტით და ვარჯიშით, ფორდია შეიძლება გამოყენებულ იქნას ცალკე ან სხვა სამკურნალო საშუალებებთან ერთად ტიპი 2 დიაბეტის სამკურნალოდ. - მნიშვნელოვანია, რომ განაგრძოთ თქვენი ექიმის, ფარმაცევტის ან კლინიკის პერსონალის მიერ დანიშნული დიეტის დაცვა და ვარჯიშის რეკომენდაციები. რა არის ტიპი 2 დიაბეტი და რა სარგებელი აქვს ფორდიას ტიპი 2 დიაბეტის მკურნალობაში? ტიპი 2 დიაბეტის დროს თქვენი ორგანიზმი არ გამოიმუშავებს საკმარის ინსულინს ან არ შეუძლია მისი საკმარისად ათვისება. ეს იწვევს სისხლში შაქრის (გლუკოზის) მაღალ დონეს. ამან შეიძლება გამოიწვიოს სერიოზული პრობლემები, როგორიცაა გულის ან თირკმელების დაავადება, მხედველობის დაკარგვა და ცუდი მიმოქცევა ხელებსა და ფეხებში. ფორდია გამოდევნის ზედმეტ შაქარს თქვენი ორგანიზმიდან და ასევე შეიძლება ხელს უწყობს გულის დაავადებების თავიდან აცილებას. <h2>2. ინფორმაცია ფორდიას გამოყენებამდე</h2> არ შეიძლება ფორდიას გამოყენება თუ ხართ ალერგიული დაპაგლიფლოზინის ან ფორდიას რომელიმე სხვა ინგრედიენტის მიმართ. საჭიროა განსაკუთრებული ყურადღება ფორდიას გამოყენებისას დაუყოვნებლივ მიმართეთ ექიმს ან უახლოეს საავადმყოფოს შემდეგ სიტუაციებში: დიაბეტური კეტოაციდოზი: · თუ გაქვთ დიაბეტი და აღნიშნება გულისრევა ან ღებინება, კუჭის ტკივილი, გადაჭარბებული წყურვილი, სწრაფი და ღრმა სუნთქვა, დაბნეულობა (თავბრუსხვევა), უჩვეულო ძილიანობა ან დაღლილობა, ტკბილი სუნი თქვენს სუნთქვაში, ტკბილი ან მეტალის გემო პირში ან შარდის ან ოფლის სუნის ცვლილება, ან წონის სწრაფი კლება. · ზემოაღნიშნული სიმპტომები შეიძლება იყოს "დიაბეტური კეტოაციდოზის" ნიშანი, რომელიც არის სერიოზული, ზოგჯერ სიცოცხლისთვის საშიში პრობლემა, რომელიც შეიძლება განვითარდეს დიაბეტის გამო, შარდში ან სისხლში "კეტონის სხეულების" დონის გაზრდის შედეგად, რაც ვლინდება ტესტებში. · დიაბეტური კეტოაციდოზის რისკი შეიძლება გაიზარდოს ხანგრძლივი შიმშილის დიეტის, ალკოჰოლის გადაჭარბებული მოხმარების, დეჰიდრატაციის (სითხის დაკარგვა) შედეგად, ასევე შესაძლოა გამოწვეული იყოს ინსულინის დოზის უეცარი შემცირებით ან ინსულინის მოთხოვნილების გაზრდით სერიოზული ქირურგიული ჩარევის ან სერიოზული ავადმყოფობის გამო. · როდესაც თქვენ მკურნალობთ ფორდიით, დიაბეტური კეტოაციდოზი შეიძლება განვითარდეს მაშინაც კი, თუ თქვენი სისხლში შაქარი ნორმალურია. თუ ეჭვი გაქვთ დიაბეტურ კეტოაციდოზზე, დაუყოვნებლივ მიმართეთ ექიმს ან უახლოეს საავადმყოფოს და არ მიიღოთ ეს მედიკამენტი. პერინეუმის ნეკროზული ფაშიტიტი: ·   დაუყონებლივ მიმართეთ ექიმს, თუ გამოვლინდება სიმპტომების კომბინაცია, როგორიცაა სასქესო ორგანოების ან სასქესო ორგანოებსა და ანუსს შორის არეში ტკივილი, მგრძნობელობა, სიწითლე ან შეშუპება ცხელებით ან ზოგადი სისუსტით. ეს სიმპტომები შეიძლება იყოს იშვიათი, მაგრამ სერიოზული ან სიცოცხლისთვის საშიში ინფექციის ნიშანი, სახელწოდებით პერინეუმის ნეკროზული ფაშიტიტი, ან ფურნიეს განგრენა, რომელიც იწვევს კანქვეშა ქსოვილის დაშლას. ფურნიეს განგრენის მკურნალობა უნდა განხორციელდეს სასწრაფოდ. ფორდიას მიღებამდე გაესაუბრეთ თქვენს ექიმს, ფარმაცევტს ან სამედიცინო პერსონალს: ·   თუ გაქვთ "ტიპი 1 დიაბეტი". ეს არის დიაბეტის ტიპი, რომელიც ჩვეულებრივ იწყება ახალგაზრდა ასაკში და თქვენი სხეული არ გამოიმუშავებს ინსულინს. ·   თუ გაქვთ დიაბეტი და გაქვთ თირკმელების პრობლემა, ექიმმა შეიძლება მოგთხოვოთ დამატებითი ან სხვა მედიკამენტების მიღება სისხლში შაქრის გასაკონტროლებლად. ·   თუ გაქვთ ღვიძლის პრობლემა, ექიმმა შეიძლება დაგინიშნოთ უფრო დაბალი დოზით. ·   თუ ღებულობთ არტერიული წნევის შესამცირებელ მედიკამენტებს (ანტიჰიპერტენზიული საშუალებები) და გაქვთ დაბალი არტერიული წნევის ისტორია (ჰიპოტენზია). დამატებითი ინფორმაცია მოცემულია ქვემოთ ნაწილში ,,გამოყენება სხვა მედიკამენტებთან ერთად". ·   თუ გაქვთ სისხლში შაქრის ძალიან მაღალი დონე, რამაც შეიძლება გამოიწვიოს დეჰიდრატაცია (სხეულის ზედმეტი სითხის დაკარგვა). დეჰიდრატაციის შესაძლო ნიშნები ჩამოთვლილია მე-4 ნაწილში. აცნობეთ ექიმს, სანამ დაიწყებთ ფორდიას მიღებას, თუ გაქვთ რომელიმე ეს ნიშანი. ·   თუ გაქვთ ან განვითარდა გულისრევა, ღებინება ან ცხელება ან თუ არ შეგიძლიათ ჭამა ან სითხის მიღება. თუ თქვენ არ შეგიძლიათ სითხის მიღება, შესაძლოა ეს გამოწვეული იყოს დეჰიდრატაციის გამო. ექიმმა შეიძლება მოგთხოვოთ შეწყვიტოთ ფორდიას მიღება გამოჯანმრთელებამდე, რათა თავიდან აიცილოთ დეჰიდრატაცია. ·   თუ ხშირად გაწუხებთ საშარდე გზების ინფექციები. თუ ზემოთ ჩამოთვლილთაგან რომელიმე გეხებათ თქვენ (ან არ ხართ დარწმუნებული), მიმართეთ ექიმს, ფარმაცევტს ან სამედიცინო პერსონალს. დიაბეტი და ფეხის მოვლა თუ თქვენ გაქვთ დიაბეტი, მნიშვნელოვანია რეგულარულად შეამოწმოთ თქვენი ფეხები და დაიცვათ ნებისმიერი სხვა რჩევა, რომელიც დაგენიშნათ თქვენი ჯანდაცვის სპეციალისტის მიერ ფეხის მოვლის შესახებ. შარდის გლუკოზის დონე ფორდიას ეფექტის შედეგად შესაძლოა აღინიშნოს შარდში შაქრის ტესტზე დადებითი შედეგი ამ მედიკამენტის მიღებისას. გთხოვთ, მიმართოთ ექიმს, თუ ეს გაფრთხილებები გეხებათ თქვენ, თუნდაც წარსულში. ფორდიას გამოყენება საკვებთან და სასმელ პროდუქტებთან ფორდიას მიღება შესაძლებელია საკვებთან ერთად ან კვების გარეშე. ორსულობა მიმართეთ ექიმს ან ფარმაცევტს ამ მედიკამენტის გამოყენებამდე. თუ ორსულად ხართ, ფიქრობთ, რომ შეიძლება იყოთ ორსულად ან გეგმავთ ბავშვის გაჩენას, რჩევისთვის მიმართეთ ექიმს ან ფარმაცევტს ამ პრეპარატის მიღებამდე. თქვენ უნდა შეწყვიტოთ ამ პრეპარატის მიღება დაორსულების შემთხვევაში, რადგან არ არის რეკომენდებული ორსულობის მეორე და მესამე ტრიმესტრში. მიმართეთ თქვენს ექიმს ორსულობის დროს სისხლში შაქრის კონტროლის ოპტიმალური საშუალების შესახებ. თუ მკურნალობის დროს მიხვდებით, რომ ორსულად ხართ, დაუყოვნებლივ მიმართეთ ექიმს ან ფარმაცევტს. ლაქტაციის პერიოდი ამ პრეპარატის გამოყენებამდე მიმართეთ თქვენს ექიმს ან ფარმაცევტს. ამ მედიკამენტის მიღებამდე მიმართეთ თქვენს ექიმს, თუ კვებავთ ჩვილს ძუძუთ ან აპირებთ კვების დაწყებას. არ გამოიყენოთ ფორდია ლაქტაციის პერიოდში. უცნობია გადადის თუ არა ეს მედიკამენტი ადამიანის დედის რძეში. ავტომობილის მართვა და მექანიზმებთან მუშაობის უნარი ფორდიას არ აქვს ან აქვს მხოლოდ უმნიშვნელო ზეგავლენა ავტომობილის მართვისა და მექანიზმებთან მუშაობის უნარზე. ამ მედიკამენტის მიღებამ სხვა სამკურნალო საშუალებებთან, როგორიცაა სულფონილშარდოვანა ან ინსულინი, შეიძლება გამოიწვიოს სისხლში შაქრის ძალიან დაბალი დონე, რამაც შეიძლება გამოიწვიოს ისეთი სიმპტომები, როგორიცაა კანკალი, ოფლიანობა და მხედველობის ცვლილება და შეიძლება გავლენა იქონიოს ავტომობილის მართვისა და მექანიზმების მართვის უნარზე. არ მართოთ ავტომობილი და არ გამოიყენოთ მექანიზმები, თუ ფორდიას გამოყენებისას აღინიშნება თავბრუსხვევა. მნიშვნელოვანი ინფორმაცია ფორდიას ზოგიერთი ინგრედიენტის შესახებ ფორდია შეიცავს ლაქტოზას (შაქრის სახეობა). თუ ექიმმა გითხრათ, რომ გაქვთ აუტანლობა ზოგიერთი შაქრის მიმართ, მიმართეთ ექიმს ამ პრეპარატის მიღებამდე. გამოყენება სხვა პრეპარატებთან ერთად აცნობეთ თქვენს ექიმს, ფარმაცევტს ან სამედიცინო პერსონალს, თუ იღებთ, ახლახან მიიღეთ სხვა სამკურნალო საშუალებები ან აპირებთ ნებისმიერი სხვა მედიკამენტის გამოყენებას. განსაკუთრებით უნდა აცნობოთ ექიმს: · თუ იყენებთ საშუალებას, რომელიც გამოიყენება ორგანიზმიდან სითხის გამოდევნის მიზნით (შარდმდენი). · თუ იყენებთ მედიკამენტს არტერიული წნევის დასაწევად (ანტიჰიპერტენზიული საშუალებები). · თუ გაქვთ ტიპი 2 დიაბეტი და იყენებთ სხვა სამკურნალო საშუალებებს, რომლებიც აქვეითებენ შაქრის რაოდენობას სისხლში, როგორიცაა ინსულინი ან "სულფონილშარდოვანას" მედიკამენტები. ექიმმა შეიძლება მოისურვოს ამ სხვა მედიკამენტების დოზის შემცირება, რათა თავიდან აიცილოთ სისხლში შაქრის დაბალი დონე (ჰიპოგლიკემია). · თუ იღებთ ლითიუმს, რადგან ფორდიამ შეიძლება შეამციროს ლითიუმის რაოდენობა თქვენს სისხლში. გთხოვთ, აცნობეთ თქვენს ექიმს ან ფარმაცევტს, თუ იყენებთ ან ახლახან იყენებდით სხვა პრეპარატებს, მათ შორის ურეცეპტოდ გაცემულ მედიკამენტებს. <h2>3. ფორდიას მიღების წესი</h2> ყოველთვის მიიღეთ ეს მედიკამენტი ექიმის დანიშნულების მიხედვით. თუ არ ხართ დარწმუნებული, მიმართეთ თქვენს ექიმს, ფარმაცევტს ან სამედიცინო პერსონალს. მითითებები სათანადო გამოყენებისა და დოზის/შეყვანის სიხშირის შესახებ · რეკომენდებული დოზაა ერთი 10 მგ ტაბლეტი დღეში. · ექიმმა შეიძლება დაგინიშნოთ 5 მგ დოზით, თუ გაქვთ ღვიძლის პრობლემა. · თქვენი ექიმი დაგინიშნავთ თქვენთვის შესაფერის სიძლიერეს. მიღების გზა და მეთოდი · ტაბლეტი უნდა გადაიყლაპოს მთლიანად, გაყოფის გარეშე, საკმარისი რაოდენობის წყალთან ერთად. · შეგიძლიათ მიიღოთ თქვენი ტაბლეტი საკვებთან ერთად ან მის გარეშე. · ტაბლეტის მიღება შეგიძლიათ დღის ნებისმიერ დროს. თუმცა, შეეცადეთ მიიღოთ ის ყოველდღე ერთსა და იმავე დროს. ეს დაგეხმარებათ, რომ არ დაგავიწყდეთ მისი მიღება. ექიმმა შეიძლება დაგინიშნოთ ფორდია სხვა სამკურნალო საშუალებებთან ერთად სისხლში შაქრის რაოდენობის შესამცირებლად. გახსოვდეთ, რომ მიიღოთ ეს სხვა მედიკამენტები, ექიმისა დანიშნულების მიხედვით. ეს დაგეხმარებათ მიიღოთ მკურნალობის საუკეთესო შედეგი. დიეტა და ვარჯიში ხელს შეუწყობს ორგანიზმს სისხლში შაქრის უკეთ ათვისებაში. თუ გაქვთ დიაბეტი, მნიშვნელოვანია დაიცვათ ექიმის მიერ რეკომენდებული დიეტა და ვარჯიში ფორდიას გამოყენებისას. გამოყენება სხვადასხვა ასაკობრივ ჯგუფში გამოყენება ბავშვებში ფორდია არ არის რეკომენდებული 18 წლამდე ასაკის ბავშვებისა და მოზარდებისთვის, რადგან ის არ არის შესწავლილი ამ პაციენტებში. გამოყენება ხანდაზმულებში დოზის კორექცია საჭირო არ არის 65 წლის და უფროსი ასაკის პაციენტებში. გამოყენება სპეციალურ პირობებში თირკმლის უკმარისობა არ არის საჭირო დოზის კორექცია თქვენი თირკმელების ფუნქციის მიხედვით. თუ გაქვთ თირკმლის პრობლემები, ფორდიას გამოყენებამდე უნდა მიმართოთ ექიმს. დაპაგლიფლოზინით თერაპიის დაწყება არ არის რეკომენდებული თირკმლის მძიმე უკმარისობის მქონე პაციენტებში (კრეატინინის კლირენსი < 25 მლ/წთ). ტიპი 2 დიაბეტის მქონე პაციენტებში თირკმლის ზომიერი უკმარისობით (კრეატინინის კლირენსი < 45 მლ/წთ), შეიძლება საჭირო გახდეს შაქრის დამაქვეითებელი დამატებითი მედიკამენტი სისხლში შაქრის დონის გასაკონტროლებლად. ღვიძლის უკმარისობა ღვიძლის მსუბუქი ან ზომიერი უკმარისობის მქონე პაციენტებისთვის დოზის კორექცია საჭირო არ არის. ღვიძლის მძიმე უკმარისობის მქონე პაციენტებში რეკომენდებულია საწყისი დოზა 5 მგ. თუ ეს დოზა კარგად გადაიტანება, დოზა შეიძლება გაიზარდოს 10 მგ-მდე. გთხოვთ, მიმართოთ თქვენს ექიმს ან ფარმაცევტს, თუ ფიქრობთ, რომ ფორდიას ეფექტი ძალიან ძლიერია ან ძალიან სუსტია. თუ მიიღეთ ფორდიას ზედმეტი დოზირება თუ მიიღეთ ფორდიას საჭიროზე მეტი დოზა, დაუყოვნებლივ მიმართეთ ექიმს ან ფარმაცევტს. თუ დაგავიწყდათ ფორდიას მიღება ტაბლეტების მიღების დავიწყების შემთხვევაში მისაღები ზომები დამოკიდებულია იმაზე, თუ რამდენი დრო რჩება თქვენს შემდეგ დოზამდე. · თუ მომდევნო დოზის მიღებამდე დარჩა 12 საათი ან მეტი, მიიღეთ ფორდიას დოზა როგორც კი გაგახსენდებათ. შემდეგ მიიღეთ შემდეგი დოზა ჩვეულებრივ დროს. · თუ თქვენს შემდეგ დოზამდე 12 საათზე ნაკლები დარჩა, გამოტოვეთ დავიწყებული დოზა. შემდეგ მიიღეთ შემდეგი დოზა ჩვეულებრივ დროს. არ  მიიღოთ ორმაგი დოზა გამოტოვებული დოზის ანაზღაურების მიზნით. შესაძლო ეფექტები ფორდიათი მკურნალობის შეწყვეტისას: არ შეწყვიტოთ ფორდიას მიღება ექიმთან წინასწარი კონსულტაციის გარეშე. თუ გაქვთ დიაბეტი, თქვენი სისხლში შაქრის დონე შეიძლება გაიზარდოს ამ წამლის მიღების გარეშე. თუ თქვენ გაქვთ დამატებითი შეკითხვები ამ მედიკამენტის გამოყენებასთან დაკავშირებით, მიმართეთ თქვენს ექიმს, ფარმაცევტს ან სამედიცინო პერსონალს. <h2>4. მოსალოდნელი გვერდითი ეფექტები</h2> ნებისმიერი მედიკამენტის მსგავსად, ფორდიამაც შესაძლოა გამოიწვიოს გვერდითი მოვლენები მისი ინგრედიენტების მიმართ ჰიპერმგრძნობელობის მქონე პაციენტებში. გვერდითი მოვლენები კლასიფიცირებულია შემდეგი კატეგორიების მიხედვით: ძალიან ხშირი: შეიძლება განვითარდეს 10-დან 1-მდე პაციენტში. ხშირი: შეიძლება განვითარდეს 10-დან 1-ზე ნაკლებ პაციენტში, მაგრამ 100-დან 1-ზე მეტ პაციენტში. არახშირი: შეიძლება განვითარდეს 100-დან 1-ზე ნაკლებ პაციენტში, მაგრამ 1000-დან 1-ზე მეტ პაციენტში. იშვიათი: შეიძლება განვითარდეს 1000-დან 1-ზე ნაკლებ პაციენტში, მაგრამ 10000-დან 1-ზე მეტ პაციენტში. ძალიან იშვიათად: შეიძლება განვითარდეს 10000-დან 1-ზე ნაკლებ პაციენტში. უცნობია: სიხშირის შეფასება შეუძლებელია არსებული მონაცემებით. თუ ჩამოთვლილთაგან გამოვლინდება რომელიმე ეფექტი, შეწყვიტეთ ფორდიას გამოყენება და დაუყოვნებლივ აცნობეთ ექიმს ან მიმართეთ უახლოეს საავადმყოფოს: ძალიან იშვიათი: · ანგიონევროზული შეშუპება: ანგიონევროზული შეშუპების ნიშნებია: - სახის, ენის ან ყელის შეშუპება - ყლაპვის გაძნელება - ჭინჭრის ციება და სუნთქვის პრობლემები იშვიათი: · დიაბეტური კეტოაციდოზი (2 ტიპის დიაბეტის მქონე პაციენტებში): დიაბეტური კეტოაციდოზის ნიშნები: - შარდში ან სისხლში "კეტონის სხეულების" მომატებული დონე - გულისრევა ან ღებინება - მუცლის ტკივილი - გადაჭარბებული წყურვილი - სწრაფი და ღრმა სუნთქვა - ძილიანობა (დაბნეულობა) - უჩვეულო ძილიანობა ან დაღლილობა - სუნთქვისას ტკბილი სუნი ან მეტალის გემო პირში ან განსხვავებული შარდისა და ოფლის სუნი - წონის სწრაფი დაკლება ეს შეიძლება აღინიშნოს სისხლში შაქრის დონის მიუხედავად. თქვენმა ექიმმა შეიძლება გადაწყვიტოს დროებით ან სამუდამოდ შეწყვიტოს თქვენი ფორდიათი მკურნალობა. ·   პერინეუმის ნეკროზული ფაშიტიტი ან ფურნიეს განგრენა არის სასქესო ორგანოების რბილი ქსოვილების ან სასქესო ორგანოებსა და ანუსს შორის არსებული არეალის სერიოზული ინფექცია, რომელიც ძალიან იშვიათად გვხვდება. ეს ყველაფერი ძალიან სერიოზული გვერდითი მოვლენებია. თუ თქვენ გაქვთ რომელიმე მათგანი, ეს ნიშნავს, რომ თქვენ გაქვთ სერიოზული ალერგია ფორდიაზე. შეიძლება დაგჭირდეთ სასწრაფო სამედიცინო დახმარება ან ჰოსპიტალიზაცია. თუ შეამჩნევთ რომელიმე ქვემოთ ჩამოთვლილთაგანს, დაუყოვნებლივ აცნობეთ ექიმს ან მიმართეთ უახლოეს საავადმყოფოს სასწრაფო დახმარების განყოფილებას: ხშირი ·   საშარდე გზების ინფექცია: საშარდე გზების მძიმე ინფექციის ნიშნები: - ცხელება და/ან შემცივნება - წვის შეგრძნება წყლის გამოყოფისას (შარდვისას) - ტკივილი ზურგში ან გვერდებში თუმცა იშვიათია, მაგრამ თუ გამოვლინდა შარდში სისხლი, დაუყოვნებლივ აცნობეთ ექიმს. ეს ყველაფერი სერიოზული გვერდითი მოვლენებია. შეიძლება საჭირო გახდეს სასწრაფო სამედიცინო დახმარება. თუ შეამჩნევთ ჩამოთვლილიდან რომელიმე, აცნობეთ ექიმს: ძალიან ხშირი: · სისხლში შაქრის დაბალი დონე (ჰიპოგლიკემია) დიაბეტის მქონე პაციენტებში, რომლებიც იღებენ ამ მედიკამენტს სულფონილშარდოვანას ან ინსულინთან ერთად სისხლში შაქრის დაბალი დონის ნიშნებია: · კანკალი, ოფლიანობა, ძლიერი შფოთვის შეგრძნება, აჩქარებული გულისცემა · შიმშილის შეგრძნება, თავის ტკივილი, მხედველობის ცვლილება · განწყობის ცვლილება ან დაბნეულობის შეგრძნება თქვენი ექიმი გეტყვით, თუ რა უნდა მოიმოქმედოდ სისხლში შაქრის დაბალი დონის სამკურნალოდ და რა უნდა გააკეთოთ, თუ გამოვლინდება რომელიმე ზემოთ ჩამოთვლილი სიმპტომი. ფორდიას სხვა გვერდით ეფექტები: ძალიან ხშირი: · ჰიპოგლიკემია (თუ თქვენ იღებთ სხვა მედიკამენტებს, რომლებიც ამცირებს შაქრის რაოდენობას სისხლში, როგორიცაა ინსულინი ან სულფონილშარდოვანას წამალი) ხშირი: · გენიტალური ინფექცია (გამონადენი) პენისიდან ან საშოდან (ნიშანში შეიძლება იყოს გაღიზიანება, ქავილი, უჩვეულო გამონადენი ან სუნი) · საშარდე გზების ინფექცია · ზურგის ტკივილი · ჩვეულებრივზე მეტი სითხის (შარდის) გამოყოფა ან უფრო ხშირი შარდვის საჭიროება · სისხლში ქოლესტერინის ან ცხიმების ოდენობის ცვლილებები (ვლინდება ტესტებში) · სისხლის წითელი უჯრედების რაოდენობის გაზრდა (ვლინდება ტესტებში) · თირკმლის კრეატინინის კლირენსის დაქვეითება (გამოვლენილია ტესტებში) მკურნალობის დასაწყისში · ძილიანობა თავბრუსხვევის ჩათვლით · გამონაყარი არახშირი: · სოკოვანი ინფექია · სხეულიდან დიდი რაოდენობით სითხის დაკარგვა (დეჰიდრატაცია, სიმპტომები შესაძლოა მოიცავდეს პირის ძლიერ სიმშრალეს ან წებოვანებას, შარდის გამოყოფის შემცირებას ან საერთოდ არ გამოყოფას ან აჩქარებულ გულისცემას) · წყურვილი · ყაბზობა · ღამით შარდვა · პირის სიმშრალე · სასქესო ორგანოს ქავილი · წონაში დაკლება · კრეატინინის მატება (ნაჩვენებია სისხლის ლაბორატორიულ ანალიზებში) მკურნალობის დასაწყისში · შარდოვანას მატება (ნაჩვენებია სისხლის ლაბორატორიულ ანალიზებში) მკურნალობის დასაწყისში ძალიან იშვიათი: · პერინეუმის ნეკროზული ფაშიტიტი ან ფურნიეს განგრენა (სასქესო ორგანოების რბილი ქსოვილის ან სასქესო ორგანოებსა და ანუსს შორის მდებარე არეალის სერიოზული ინფექცია, რაც ძალიან იშვიათად გვხვდება) · ანგიონევროზული შეშუპება (სახის, ენის ან ყელის შეშუპება, ყლაპვის გაძნელება, ჭინჭრის ციება და სუნთქვის პრობლემები) · თირკმელების ანთება (ტუბულოინტერსტიციული ნეფრიტი) თუ შენიშნავთ ნებისმიერ გვერდით ეფექტს, რომელიც არ არის აღწერილი ამ ინსტრუქციაში, გთხოვთ აცნობოთ ექიმს ან ფარმაცევტს. გვერდითი ეფექტების შეტყობინება თუ თქვენ შენიშნავთ ნებისმიერ გვერდით მოვლენას, მათ შორის ნებისმიერ შესაძლო გვერდით ეფექტს, რომელიც არ არის ჩამოთვლილი ამ ინსტრუქციაში, მიმართეთ თქვენს ექიმს, ფარმაცევტს ან სამედიცინო პერსონალს. თქვენ ასევე შეგიძლიათ შეატყობინოთ გვერდითი ეფექტები პირდაპირ ეროვნული მოხსენების სისტემის მეშვეობით. გვერდითი ეფექტების შეტყობინებით, თქვენ შეგიძლიათ დაეხმაროთ ამ მედიკამენტის უსაფრთხოების შესახებ მეტი ინფორმაციის მოწოდებას. <h2>5. ფორდიას შენახვის პირობები</h2> შეინახეთ ფორდია ბავშვებისათვის მიუწვდომელ და შეუმჩნეველ ადგილას და საწყის შეფუთაში. გამოიყენეთ ეს სამკურნალო პროდუქტი ვარგისიანობის ვადის შესაბამისად. არ გამოიყენოთ ფორდია ვარგისიანობის ვადის გასვლის შემდეგ, რომელიც მითითებულია ბლისტერებზე და შეფუთვაზე. ვარგისიანობის ვადა ვრცელდება მითითებული თვის ბოლო დღემდე. ინახება არაუმეტეს 25°C ტემპერატურაზე. არ გამოიყენოთ ფორდია, თუ შეამჩნევთ რაიმე დეფექტს პროდუქტზე და/ან მის შეფუთვაზე. არ გადააგდოთ წამალი კანალიზაციაში ან საყოფაცხოვრებო ნაგავში. ჰკითხეთ თქვენს ფარმაცევტს, როგორ გადააგდოთ წამლები, რომლებსაც აღარ იყენებთ. ეს ზომები ხელს შეუწყობს გარემოს დაცვას. ასევე, იხილეთ: <a href="https://psp.ge/%E1%83%9B%E1%83%94%E1%83%93%E1%83%98%E1%83%99%E1%83%90%E1%83%9B%E1%83%94%E1%83%9C%E1%83%A2%E1%83%94%E1%83%91%E1%83%98/%E1%83%94%E1%83%9C%E1%83%93%E1%83%9D%E1%83%99%E1%83%A0%E1%83%98%E1%83%9C%E1%83%9D%E1%83%9A%E1%83%9D%E1%83%92%E1%83%98%E1%83%90/%E1%83%93%E1%83%98%E1%83%90%E1%83%91%E1%83%94%E1%83%A2%E1%83%98%E1%83%A1-%E1%83%AC%E1%83%90%E1%83%9B%E1%83%90%E1%83%9A%E1%83%98/%E1%83%A8%E1%83%90%E1%83%A5%E1%83%A0%E1%83%98%E1%83%A1-%E1%83%93%E1%83%90%E1%83%9B%E1%83%AC%E1%83%94%E1%83%95%E1%83%98-%E1%83%9E%E1%83%A0%E1%83%94%E1%83%9E%E1%83%90%E1%83%A0%E1%83%90%E1%83%A2%E1%83%94%E1%83%91%E1%83%98/%E1%83%93%E1%83%90%E1%83%9E%E1%83%9A%E1%83%98%E1%83%96%E1%83%90-daplyza-10%E1%83%9B%E1%83%92-n28-%E1%83%A2%E1%83%90%E1%83%91%E1%83%9A%E1%83%94%E1%83%A2%E1%83%98.html">დაპლიზა - Daplyza 10მგ N28 ტაბლეტი</a></div></div></div>

ყველა პროდუქტი

ონლაინ შეკვეთის ხელმისაწვდომობა მოწმდება აპლიკაციაში. ფასი და მარაგი საჭიროებს გადამოწმებას.