დოლორილგელი - Dolorilgel გელი 30მგ/გ 50გ

30მგ

დოლორილგელი გამოიყენება ტრავმის შემდგომი ტკივილის სამკურნალოდ.

<div><div><div>დოლორილგელი 30 მგ/გ გელი ნიმესულიდი ფურცელი-ჩანართი: ინფორმაცია მომხმარებლისთვის პრეპარატის მიღებამდე ყურადღებით გაეცანით ფურცელ-ჩანართს, რადგან მასში მოცემულია თქვენთვის მნიშვნელოვანი ინფორმაცია. პრეპარატი ყოველთვის გამოიყენეთ ზუსტად ისე, როგორც აღწერილია აღნიშნულ ფურცელ-ჩანართში ან ექიმის ან ფარმაცევტის მითითებების შესაბამისად. -   შეინახეთ ფურცელი-ჩანართი, შესაძლოა კვლავ დაგჭირდეთ. -   დამატებითი ინფორმაციისათვის ან რჩევისთვის მიმართეთ ფარმაცევტს. -   ნებისმიერი გვერდითი ეფექტის გამოვლენის შემთხვევაში მიმართეთ ექიმს ან ფარმაცევტს. ეს მოიცავს ნებისმიერ შესაძლო გვერდით ეფექტსაც, რომელიც არ არის მოცემული ფურცელ-ჩანართში. იხ. ნაწილი 4. -   მიმართეთ ექიმს თუ 15 დღის შემდეგ უკეთესად არ გრძნობთ თავს ან აღინიშნება გაუარესება. ფურცელ-ჩანართში შედის: 1. რა არის დოლორილგელი და რისთვის გამოიყენება 2. რა უნდა იცოდეთ დოლორილგელის გამოყენებამდე 3. დოლორილგელის გამოყენების წესი 4. შესაძლო გვერდითი ეფექტები 5. დოლორილგელის შენახვის პირობები 6. რა შედის შეფუთვაში და სხვა ინფორმაცია <h2>1. რა არის დოლორილგელი და რისთვის გამოიყენება</h2> დოლორილგელი მიეკუთვნება ანთების საწინააღმდეგო არასტეროიდული პრეპარატების (ასაპ) ჯგუფს. აღნიშნული პრეპარატი გამოიყენება ტრავმის შემდგომი <a href="https://psp.ge/%E1%83%9B%E1%83%94%E1%83%93%E1%83%98%E1%83%99%E1%83%90%E1%83%9B%E1%83%94%E1%83%9C%E1%83%A2%E1%83%94%E1%83%91%E1%83%98/%E1%83%A2%E1%83%99%E1%83%98%E1%83%95%E1%83%98%E1%83%9A%E1%83%92%E1%83%90%E1%83%9B%E1%83%90%E1%83%A7%E1%83%A3%E1%83%A9%E1%83%94%E1%83%91%E1%83%94%E1%83%9A%E1%83%98.html">ტკივილის</a> სამკურნალოდ. <h2>2. რა უნდა იცოდეთ დოლორილგელის გამოყენებამდე</h2> დოლორილგელის გამოყენებამდე გაეცანით აღნიშნულ ნაწილს და განიხილეთ ნებისმიერი დაკავშირებული საკითხი ექიმთან. არ გამოიყენოთ დოლორილგელი აღნიშნული პრეპარატი უკუნაჩვენებია შემდეგ შემთხვევებში: -   თუ გაქვთ ალერგია ნიმესულიდის ან მოცემული პრეპარატის რომელიმე სხვა ინგრედიენტის მიმართ (ჩამოთვლილია მე-6 ნაწილში). -   თუ გაქვთ ალერგია აცეტილსალიცილის მჟავის (ასპირინი) მიმართ და აღინიშნა ჭინჭრის ციება, მწვავე რინიტი ან სუნთქვის გაძნელება. -   ადგილობრივი გამოყენების სხვა პრეპარატებთან ერთად. -   12 წლამდე ბავშვებში. არ გამოიყენოთ პრეპარატი თუ ზემოთ აღწერილი რომელიმე შემთხვევა ვრცელდება თქვენზე. თუ არ ხართ დარწმუნებული, გაესაუბრეთ ექიმს მკურნალობის დაწყებამდე. გაფრთხილებები და სიფრთხილის ზომები დოლორილგელის გამოყენებამდე გაესაუბრეთ ექიმს: -   თუ გაქვთ პეპტიკური წყლულოვანი დაავადება (ლორწოვანის გარსის დესტრუქციით მიმდინარე დაზიანება საყლაპავში ან თორმეტგოჯა ნაწლავში) -   თუ გაქვთ სისხლდენა კუჭ-ნაწლავის ტრაქტიდან (სისხლის დაკარგვა კუჭ-ნაწლავის ტრაქტში, ხახიდან სწორ ნაწლავამდე) -   თუ გაქვთ ღვიძლის ან თირკმლის მწვავე პრობლემები -   თუ გაქვთ სისხლის კოაგულაციის მწვავე პრობლემები -   თუ გაწუხებთ გულის უკმარისობა, რომელიც არ არის კონტროლირებადი -   თუ გაქვთ ალერგია სხვა ანთების საწინააღმდეგო არასტეროიდული პრეპარატების (დოლორილგელის მსგავსი პრეპარატები) მიმართ აღნიშნული პრეპარატით მკურნალობის დროს მოერიდეთ მზის სხივებს და ხელოვნურ ულტრაიისფერ გამოსხივებას, როგორიც არის მზის სხივები, ელექტრონათურა და სოლარიუმი. არ გამოიყენოთ პრეპარატი თუ გაქვთ წყლულები, ღია ჭრილობები ან დაზიანებები კანის იმ არეში, სადაც უნდა წაისვათ პრეპარატი. მოარიდეთ გელი თვალებს და ლორწოვან გარსებს, კონტაქტის შემთხვევაში დაუყოვნებლივ ჩამოიბანეთ წყლით. დოლორილგელი არ გამოიყენება ოკლუზიურ სახვევებთან (პლასტირები, რომლებიც არ აძლევენ კანს სუნთქვის საშუალებას). ბავშვები დოლორილგელი არ გამოიყენება 12 წლამდე ასაკის ბავშვებში. სხვა პრეპარატები და დოლორილგელი აცნობეთ ექიმს ან ფარმაცევტს თუ იღებთ, ბოლო პერიოდში იღებდით ან შეიძლება მიიღოთ ნებისმიერი სხვა პრეპარატი. თუ იღებთ: -   შარდმდენებს (პრეპარატები, რომლებიც ხელს უწყობენ ან აადვილებენ შარდის გამოყოფას) -   ანტიჰიპერტენზიულ საშუალებებს (პრეპარატები არტერიული წნევის დასაწევად) აცნობეთ ექიმს, განსაკუთრებით თუ ხართ ხანდაზმული და გაქვთ თირკმლის პრობლემები. დოლორილგელი შეიცავს მეთილ პარაჰიდროქსიბენზოატს (E218), პროპილ პარაჰიდროქსიბენზოატს (E216) და პროპილენ გლიკოლს. მეთილ პარაჰიდროქსიბენზოატმა (E218), პროპილ პარაჰიდროქსიბენზოატმა (E216) შეიძლება გამოიწვიონ ალერგიული რეაქციები, ხოლო პროპილენ გლიკოლმა შეიძლება გამოიწვიოს კანის გაღიზიანება. ორსულობა და ძუძუთი კვება არ გამოიყენოთ დოლორილგელი თუ ორსულად ხართ ან ძუძუთი კვებავთ ბავშვს, ეჭვობთ ორსულობაზე ან გეგმავთ ორსულობას. პრეპარატის გამოყენებამდე რჩევისთვის მიმართეთ ექიმს ან ფარმაცევტს. ტრანსპორტის მართვა და მექანიზმების გამოყენება არ მართოთ ტრანსპორტი და არ გამოიყენოთ მექანიზმები, სანამ არ დაადგენთ გაქვთ თუ არა  მგრძნობელობას პრეპარატის მიმართ. <h2>3. დოლორილგელის გამოყენების წესი</h2> პრეპარატი ყოველთვის გამოიყენეთ ზუსტად ისე, როგორც აღწერილია აღნიშნულ ფურცელ-ჩანართში ან ექიმის ან ფარმაცევტის მითითებების შესაბამისად. თუ არ ხართ დარწმუნებული, გადაამოწმეთ ექიმთან ან ფარმაცევტთან. პრეპარატი გამოიყენება მხოლოდ კანზე (განკუთვნილია ადგილობრივი გამოყენებისთვის). მოზრდილები წაისვით გელის თხელი ფენა დაზიანებულ ადგილზე, დღეში 2-3-ჯერ. შეიზილეთ კანი გელის სრულ შეწოვამდე. გამოყენების შემდეგ დაიბანეთ ხელები, თუ მკურნალობა არ გჭირდებათ ხელებზე. მოარიდეთ გელი თვალებს ან ლორწოვან გარსებს. მკურნალობის ხანგრძლივობა არ გამოიყენოთ პრეპარატი 15 დღეზე მეტი ხნის განმავლობაში. თუ ამ პერიოდში არ აღინიშნა გაუმჯობესება, მიმართეთ ექიმს. თუ დაგავიწყდათ დოლორილგელის გამოყენება არ გამოიყენოთ ორმაგი დოზა გამოტოვებული დოზის ასანაზღაურებლად. თუ გამოგრჩათ დოზა, უბრალოდ გააგრძელეთ მისი გამოყენება, როდესაც გაგახსენდებათ და მიჰყევით მკურნალობის ჩვეულ რეჟიმს. თუ გამოიყენეთ საჭიროზე მეტი დოლორილგელი დოზის გადაჭარბება არ არის მოსალოდნელი, რადგან აღნიშნული პრეპარატი განკუთვნილია ადგილობრივი გამოყენებისთვის. თუ შემთხვევით მოხდა დოლორილგელის თქვენს მიერ ან სხვა ადამიანის ან ბავშვის მიერ ჩაყლაპვა, მიმართეთ ექიმს ან ფარმაცევტს. თუ გაქვთ დამატებითი შეკითხვები აღნიშნული პრეპარატის გამოყენებასთან დაკავშირებით, მიმართეთ ექიმს ან ფარმაცევტს. <h2>4. შესაძლო გვერდითი ეფექტები</h2> სხვა პრეპარატების მსგავსად აღნიშნულმა პრეპარატმაც შეიძლება გამოიწვიოს გვერდითი ეფექტები, თუმცა არა ყველა პაციენტში. ძალიან იშვიათად პრეპარატმა შეიძლება გამოიწვიოს: -   სახის, ტუჩების, ენის, პირის, ყელის, თვალების შეშუპება -   სუნთქვისა და ყლაპვის გაძნელება -   კანის ბულოზური რეაქციები -   ჭინჭრის ციება -   პურპურა (სისხლძარღვებიდან სისხლის გამოჟონვა კანსა ან ლორწოვან გარსებში, რაც ვლინდება კანზე მუქი იისფერი ლაქების სახით) -   გამონაყარი -   ლორწოვანი გარსების დაზიანებები ამ შემთხვევაში შეწყვიტეთ პრეპარატის გამოყენება და მიმართეთ უახლოესი საავადმყოფოს გადაუდებელი დახმარების განყოფილებას. ხშირი გვერდითი ეფექტები (შეიძლება განუვითარდეს 10-დან 1 ადამიანამდე): -   პრურიტუსი (ქავილი) -   ერითემა უცნობი სიხშირის ეფექტები (სიხშირე ვერ განისაზღვრება არსებული მონაცემებით): -   ფოტომგრძნობელობითი რეაქციები (კანის მგრძნობელობა მზის სხივების მიმართ) ნებისმიერი გვერდითი ეფექტის გამოვლენის შემთხვევაში მიმართეთ ექიმს ან ფარმაცევტს. ეს მოიცავს ნებისმიერ შესაძლო გვერდით ეფექტსაც, რომელიც არ არის მოცემული ფურცელ-ჩანართში. <h2>5. დოლორილგელის შენახვის პირობები</h2> შეინახეთ ბავშვებისთვის მიუწვდომელ ადგილას. შეინახეთ არაუმეტეს 25°C ტემპერატურაზე. არ გამოიყენოთ პრეპარატი მუყაოს კოლოფზე მითითებული ვარგისიანობის ვადის „EXP“ გასვლის შემდეგ. ვარგისიანობის ვადა გულისხმობს მოცემული თვის ბოლო დღეს. არ გადააგდოთ პრეპარატი ჩამდინარე წყალში ან საყოფაცხოვრებო ნაგავში. ჰკითხეთ ფარმაცევტს, როგორ გადააგდოთ პრეპარატები, რომლებსაც აღარ იყენებთ. ეს ზომები ხელს შეუწყობს გარემოს დაცვას. <h2>6. რა შედის შეფუთვაში და სხვა ინფორმაცია</h2> რას შეიცავს დოლორილგელი -   აქტიური ნივთიერება არის ნიმესულიდი. გელის თითოეული გრამი შეიცავს 30 მგ ნიმესულიდს. -   სხვა ინგრედიენტები: დიეთილამინი, კარბომერი, პოლიოქსიეთილენ ცეტილის ეთერი, კოკოილ კაპრილოკაპრატი, იზოპროპილის სპირტი, თხევადი პარაფინი, მეთილ პარაჰიდროქსიბენზოატი (E218), პროპილ პარაჰიდროქსიბენზოატი (E216), პროპილენ გლიკოლი და გასუფთავებული წყალი. როგორია ვიზუალურად დოლორილგელი და რა შედის შეფუთვაში პრეპარატი წარმოდგენილია გელის სახით, 50 გრ ტუბებში. ასევე, იხილეთ: <a href="https://psp.ge/%E1%83%9B%E1%83%94%E1%83%93%E1%83%98%E1%83%99%E1%83%90%E1%83%9B%E1%83%94%E1%83%9C%E1%83%A2%E1%83%94%E1%83%91%E1%83%98/%E1%83%A2%E1%83%99%E1%83%98%E1%83%95%E1%83%98%E1%83%9A%E1%83%92%E1%83%90%E1%83%9B%E1%83%90%E1%83%A7%E1%83%A3%E1%83%A9%E1%83%94%E1%83%91%E1%83%94%E1%83%9A%E1%83%98/%E1%83%94%E1%83%9B%E1%83%94%E1%83%A0%E1%83%9D%E1%83%9C%E1%83%98-%E1%83%92%E1%83%94%E1%83%9A%E1%83%98-2-50%E1%83%92%E1%83%A0-replek-farm-60072.html">Emeron - ემერონი გელი 2% 50გრ</a></div></div></div>

ყველა პროდუქტი

ონლაინ შეკვეთის ხელმისაწვდომობა მოწმდება აპლიკაციაში. ფასი და მარაგი საჭიროებს გადამოწმებას.