ებიმემი - Ebimem 10მგ 30 ტაბლეტი

<div><div><div><p><span><strong>ებიმემი 10 მგ აპკიანი გარსით ტაბლეტები</strong></span></p> <p><span>მემანტინის ჰიდროქლორიდი</span></p> <p><span><strong> პრეპარატის მიღების დაწყებამდე ყურადღები და ბოლომდე გაეცანით ამ ინსტრუქციას, ვინაიდან ის თქვენთვის მნიშვნელოვან ინფორმაცის შეიცავს. </strong></span></p> <p><span>· შეინახეთ ინსტრუქცია. ის შეიძლება კიდევ დაგჭირდეთ;</span></p> <p><span>· დამატებითი შეკითხვების არსებობის შემთხვევაში, მიმართეთ მკურნალ ექიმს ან ფარმაცევტს;</span></p> <p><span>· აღნიშნული პრეპარატი დაგინიშნეს პირადად თქვენ. არ შეიძლება მისი სხვისთვის მიცემა. სხვას შეიძლება ზიანის მიაყენოს, მაშინაც კი თუ მსგავსი სიმპტომები გაქვთ.</span></p> <p><span>· ნებისმიერი გვერდითი მოვლენის განვითარების შემთხვევაში, დაუკავშირდით მკურნალ ექიმს ან ფარმაცევტს. აღნიშნული მოიცავს ნებისმიერ შესაძლო გვერდით მოვლენას, რომელიც არ არის აღწერილი წინამდებარე ინსტრუქციაში. იხ. პუნქტი 4.</span></p> <p><span><strong>ინსტრუქციის შინაარსი</strong></span></p> <p><span>1. რა არის ებიმემი და რისთვის გამოიყენება</span></p> <p><span>2. რა უნდა იცოდეთ ებიმემის მიღებამდე</span></p> <p><span>3. ებიმემის მიღების წესი</span></p> <p><span>4. შესაძლო გვერდითი მოვლენები</span></p> <p><span>5. ებიმემის შენახვის წესები</span></p> <p><span>6. შეფუთვა და დამატებითი ინფორმაცია</span></p> <h2><span><strong>1.</strong> <strong>რა არის ებიმემი და რისთვის გამოიყენება</strong></span></h2> <p><span><strong>მოქმედების მექანიზმი</strong></span></p> <p><span>ებიმემი შეიცავს აქტიურ ნივთიერება მემანტინის ჰიდროქლორიდს. ის ანტი-დემენციური პრეპარატების ჯგუფს მიეკუთვნება.</span></p> <p><span>ალცჰაიმერის დაავადების დროს მეხსიერების დაკარგვის მიზეზი არის თავის ტვინში სიგნალების გადაცემის დარღვევა. თავის ტვინი შეიცავს ე.წ. N-მეთილ-D-ასპარტატ (NMDA)-რეცეპტორებს, რომლებიც სწავლისა და მეხსიერებისათვის მნიშვნელოვანი ნერვული სიგნალების გადაცემაში მონაწილეობენ. ებიმემი მიეკუთვნება NMDA-რეცეპტორების ანტაგონისტების პრეპარატების ჯგუფს. ებიმემი ზემოქმედებს აღნიშნულ NMDA-რეცეპტორებზე და აუმჯობესებს ნერვული სიგნალების გადაცემას და მეხსიერებას.</span></p> <p><span><strong>როდის გამოიყენება ებიმემი</strong></span></p> <p><span>ებიმემი გამოიყენება ზომიერი და მძიმე ალცჰაიმერის დაავადების მქონე პაციენტების სამკურნალოდ.</span></p> <p><span>ასევე, იხილეთ : <a tabindex="-1" href="https://psp.ge/memantina-%E1%83%9B%E1%83%94%E1%83%9B%E1%83%90%E1%83%9C%E1%83%A2%E1%83%98%E1%83%9C%E1%83%98-10%E1%83%9B%E1%83%92-30-%E1%83%A2%E1%83%90%E1%83%91%E1%83%9A%E1%83%94%E1%83%A2%E1%83%98-78120-3015.html"><span>Memantina - მემანტინი 10მგ 30 ტაბლეტი</span></a></span></p> <h2><span><strong id="WBSG82J">2.</strong> <strong>რა უნდა იცოდეთ ებიმემის მიღებამდე</strong></span></h2> <p><span><strong>ებიმემი არ გამოიყენება, თუ:</strong></span></p> <p><span>- ხართ ალერგიული მემანტინ ჰიდროქლორიდის(ჰიპერმგრძნობიარე) ან პრეპარატში შემავალი ნებისმიერი სხვა კომპონენტის (მოცემულია პუნქტში 6) მიმართ.</span></p> <p><span><strong>გაფრთხილებები და უსაფრთხოების ზომები</strong></span></p> <p><span><strong>ებიმემის მიღებამდე გაესაუბრეთ მკურნალ ექიმს ან ფარმაცევტს:</strong></span></p> <p><span>- თუ გაქვთ ეპილეფსიური კრუნჩხვების ანამნეზი;</span></p> <p><span>-თუ ახალი გადატანილი გაქვთ მიოკარდიუმის ინფარქტი(გულის შეტევა), ან გაწუხებთ გულის შეგუბებითი უკმარისობა ან არაკონტროლირებადი ჰიპერტენზია (მაღალი არტერიული წნევა).</span></p> <p><span><strong> აღნიშნული მოვლენების დროს აუცილებელია მკურნალობის მეთვალყურეობა, მკურნალი ექიმის მიერ რეგულარულად უნდა გადაფასდეს ებიმემის კლინიკური სარგებელი. </strong></span></p> <p><span>თირკმლის უკმარისობის(თირკმელების პრობლემების) შემთხვევაში, საჭიროა თირკმლის ფუნქციის საგულდაგულო კონტროლი და საჭიროების შემთხვევაში მემანტინის დოზის შესაბამისი კორექცია.</span></p> <p><span>თავიდან უნდა იქნას აცილებული სამკურნალო პრეპარატებთან სახელწოდებით ამანტადინი (პარკინსონის დაავადების სამკურნალოდ), კეტამინი (საანესთეზიო საშუალება), დექსტრომეთორფანი (ჩვეულებრივ ხველის სამკურნალოდ გამოიყენება) და სხვა NMDA-ანტაგონისტებთან ერთად გამოყენება.</span></p> <p><span><strong>ბავშვები და მოზარდები</strong></span></p> <p><span><strong>ებიმემი</strong>არ არის რეკომენდებული ბავშვებისა და 18 წლამდე ასაკის მოზარდებისათვის.</span></p> <p><span><strong>სხვა პრეპარატები და ებიმემი</strong></span></p> <p><span>აცნობეთ მკურნალ ექიმს ან ფარმაცევტს, თუ ღებულობთ, ადრე ღებულობდით ან შეიძლება მიიღოთ ნებისმიერი სხვა პრეპარატი, ურეცეპტოდ გაცემული პრეპარატების ჩათვლით.</span></p> <p><span>კერძოდ, ებიმემმა შეიძლება შეცვალოს შემდეგი პრეპარატების ეფექტები და შეიძლება საჭირო გახდეს ექიმის მიერ მათი დოზის კორექცია.</span></p> <p><span>- ამანტადინი, კეტამინი, დექსტრომეთორფანი;</span></p> <p><span>- დანტროლენი, ბაკლოფენი;</span></p> <p><span>- ციმეტიდინი, რანიტიდინი, პროკაინამიდი, ქინიდინი, ქინინი, ნიკოტინი;</span></p> <p><span>- ჰიდროქლორთიაზიდი (ან ნებისმიერი კომბინაცია ჰიდროქლორთიაზიდთან);</span></p> <p><span>- ანტიქოლინერგული პრეპარატები (პრეპარატი, რომელიც გამოიყენება ნაწლავური სპაზმებისა და მოძრაობის დარღვევების სამკურნალოდ);</span></p> <p><span>- ანტიკონვულსანტები (გამოიყენება კრუნჩხვების მოსახსნელად და პრევენციისათვის);</span></p> <p><span>- ბარბიტურატები (საძილე პრეპარატები);</span></p> <p><span>- დოპამინერგული აგონისტები (ნივთიერებები, როგორიცაა L-დოპა, ბრომოკრიპტინი);</span></p> <p><span>- ნეიროლეპტიკური საშუალებები (გამოიყენება ფსიქიატრიული დარღვევების მკურნალობისას);</span></p> <p><span>- პერორალური ანტიკოაგულანტები.</span></p> <p><span>საავადმყოფოში მისვლის შემთხვევაში, აცნობეთ მკურნალ ექიმს, რომ ღებულობთ ებიმემს. </span></p> <p><span><strong>ებიმემი საკვებთან და სასმელთან ერთად</strong></span></p> <p><span>აცნობეთ მკურნალ ექიმს, თუ მნიშვნელოვნად შეცვალეთ კვების რაციონი ან შეცვლას აპირებთ (მაგ. ნორმალური კვებიდან გადახვედით მკაცრ ვეგეტარიანულ კვებაზე), ან გაწუხებთ თირკმლის მილაკოვანი აციდოზი (RTA, თირკმლის დისფუნქციით გამოწვეული სისხლში მჟავა-წარმომქმნელი ნივთიერებების სიჭარბე (თირკმლის ფუნქციის დარღვევა) ან საშარდე გზების (შარდის სავალი სტრუქტურა) მძიმე ინფექციები, ვინაიდან ექიმს შეიძლება თქვენი პრეპარატის დოზის კორექცია დასჭირდეს. </span></p> <p><span><strong>ორსულობა და ძუძუთი კვება</strong></span></p> <p><span>თუ ხართ ორსულად ან კვებავთ ძუძუთი, გაქვთ ეჭვი ორსულობაზე ან გეგმავთ ორსულობას, პრეპარატის მიღებამდე მიმართეთ ექიმს ან ფამაცევტს კონსულტაციისათვის.</span></p> <p><span>ორსულ ქალებში მემანტინის გამოყენება რეკომენდებული არ არის.</span></p> <p><span>ებიმემით მკურნალობის დროს, ძუძუთი კვება უნდა შეწყდეს.</span></p> <p><span><strong>ავტომობილის მართვა და მექანიზმებთან მუშაობა</strong> <strong> </strong></span></p> <p><span>მკურნალი ექიმი გეტყვით, თუ რამდენად არის შესაძლებელი ავტომობილის უსაფრთხო მართვა და მექანიზმებთან მუშაობა თქვენი დაავადების ფონზე.</span></p> <p><span>ასევე აბიმემმა შეიძლება შეცვალოს თქვენი რეაქციის უნარი, რომელიც ხდის შეუსაბამოს თქვენი ტრანსპორტის ტარების და მექანიზმებთან მუშაობის შესაძლებლობას.</span></p> <h2><span><strong>3.</strong><strong>ებიმემის მიღების წესი</strong></span></h2> <p><span><strong>ებიმემი</strong>ყოველთვის მიიღეთ ექიმის ან ფარმაცევტის დანიშნულებისამებრ. თუ რაიმეში არ ხართ დარწმუნებული, გადაამოწმეთ მკურნალ ექიმთან ან ფარმაცევტთან.</span></p> <p><span><strong>დოზირება</strong></span></p> <p><span>ებიმემის რეკომენდებული დოზა მოზრდილებისა და ხანდაზმული პაციენტებისათვის არის 20 მგ დღეში ერთხელ. გვერდითი მოვლენების განვითარების რისკის შემცირების მიზნით, აღნიშნული დოზა მიიღწევა თანდათანობით მკურნალობის შემდეგი დღიური სქემით.</span></p> <table border="1" cellspacing="0" cellpadding="0"> <tbody> <tr> <td valign="top" width="149"> <p><span>კვირა 1</span></p> </td> <td valign="top" width="419"> <p><span>5 მგ დღეში ერთხელ 7 დღის განმავლობაში</span></p> </td> </tr> <tr> <td valign="top" width="149"> <p><span>კვირა 2</span></p> </td> <td valign="top" width="419"> <p><span>ერთი 10 მგ-იანი ტაბლეტი დღეში ერთხელ 7 დღის განმავლობაში</span></p> </td> </tr> <tr> <td valign="top" width="149"> <p><span>კვირა 3</span></p> </td> <td valign="top" width="419"> <p><span>15 მგ დღეში ერთხელ 7 დღის განმავლობაში</span></p> </td> </tr> <tr> <td valign="top" width="149"> <p><span>კვირა 4</span></p> </td> <td valign="top" width="419"> <p><span>ორი 10 მგ-იანი ტაბლეტი ან 20 მგ-იანი ტაბლეტი დღეში ერთხელ</span></p> </td> </tr> </tbody> </table> <p><span>თუ დოზის გარკვეული ფორმა არ არის ხელმისაწვდომი, პაციენტმა სხვა ხელმისაწვდომი პრეპარატი უნდა მიიღოს.</span></p> <p><span><strong>შემანარჩუნებელი დოზა</strong></span></p> <p><span>რეკომენდებული დღიური დოზა არის 20 მგ დღეში ერთხელ.</span></p> <p><span>მკურნალობის გასაგრძელებლად, მიმართეთ მკურნალ ექიმს კონსულტაციისათვის.</span></p> <p><span><strong>დოზირება თირკმლის დისფუნქციის მქონე პაციენტებისთვის</strong></span></p> <p><span>თირკმლის ფუნქციის დარღვევის შემთხვევაში, ექიმი შეარჩევს თქვენი მდგომარეობისთვის შესაფერის დოზას. ამ შემთხვევაში, გარკვეული ინტერვალებით ექიმის მიერ უნდა ჩატარდეს თქვენი თირკმლის ფუნქციის მონიტორინგი.</span></p> <p><span><strong>მიღების წესი</strong></span></p> <p><span>ებიმემიმიიღება პერორალურად დღეში ერთხელ. პრეპარატისაგან სარგებლის მიღებისათვის, ის უნდა მიიღოთ რეგულარულად, ყოველდღე, დღის ერთიდაიგივე დროს. ტაბლეტი უნდა გადაყლაპოთ წყლის მიყოლებით. ტაბლეტის მიღება შეიძლება საკვებთან ერთად ან საკვების გარეშე.</span></p> <p><span><strong>მკურნალობის ხანგრძლივობა</strong></span></p> <p><span>ებიმემი მიიღეთ მანამ, სანამ მას მოაქვს თქვენთვის სარგებელი. ექიმი პერიოდულად შეაფასებს თქვენს მკურნალობას.</span></p> <p><span><strong>თუ, ებიმემის ჭრაბი დოზა მიიღეთ</strong></span></p> <p><span>- ზოგადად, ებიმემისჭარბი დოზის მიღება არ იწვევს რაიმე განსაკუთრებულ ზიანს. შეიძლება გაიზარდოს ისეთი სიმპტომების გამოვლინება, რომლებიც აღწერილია პუნქტში 4 „შესაძლო გვერდითი მოვლენები“;</span></p> <p><span>- ებიმემის ჭარბი დოზის მიღების შემთხვევაში, დაუკავშირდით ექიმს ან მოითხოვეთ სამედიცინო კონსულტაცია, რადაგანც შეიძლება სამედიცინო დახმარება დაგჭირდეთ.</span></p> <p><span><strong>თუ, დაგავიწყდათ ებიმემის მიღება</strong></span></p> <p><span>- თუ აღმოაჩინეთ, რომ დაგავიწყდათ ებიმემის დოზის მიღება, მოიცადეთ და მიიღეთ შემდეგი დოზა ჩვეულ დროს. </span></p> <p><span>- არ მიიღოთ გაორმაგებული დოზა გამოტოვებული დოზის კომპენსაციის მიზნით. </span></p> <p><span>პრეპარატის მიღებასთან დაკავშირებით დამატებითი შეკითხვების არსებობის შემთხვევაში, მიმართეთ მკურნალ ექიმს ან ფარმაცევტს.</span></p> <h2><span><strong>4.</strong><strong>შესაძლო გვერდითი მოვლენები</strong> <strong> </strong></span></h2> <p><span>ყველა სამკურნალო საშუალების მსგავსად, აღნიშნულმა პრეპარატმაც შეიძლება გამოიწვიოს გვერდითი მოვლენები, თუმცა არა ყოველთვის.</span></p> <p><span>ზოგადად, გამოვლენილი გვერდითი მოვლენები მსუბუქი ან საშუალო სიმძიმის იყო.</span></p> <p><span><em>ხშირი</em><em>(</em><em>შეიძლება იმოქმედოს 10-დან 1-მდე პაციენტზე</em><em>):</em></span></p> <p><span>• თავის ტკივილი, ძილიანობა, შეკრულობა, ღვიძლის ფუნქციური სინჯების მომატება, თავბრუსხვევა, წონასწორობის დარღვევა, სუნთქვის გაძნელება, მაღალი არტერიული წნევა და წამლის მიმართ ჰიპერმგრძნობელობა.</span></p> <p><span><em>არახშირი</em><em>(</em><em>შეიძლება</em><em>იმოქმედოს</em><em>10</em><em>0</em><em>-</em><em>დან</em><em>1-</em><em>მდე</em><em>პაციენტზე</em><em>):</em></span></p> <p><span>• ადვილად დაღლილობა, სოკოვანი ინფექციები, გონების აშლილობა, ჰალუცინაციები, ღებინება, სიარულის მანერის დარღვევა, გულის უკმარისობა და ვენური სისხლის შედედება (თრომბოზი/თრომბოემბოლია).</span></p> <p><span><em>ძალიან იშვიათი</em><em>(</em><em>შეიძლება იმოქმედოს 10 000-დან 1-მდე პაციენტზე</em><em>):</em></span></p> <p><span><em>•</em><em>კრუნჩხვები</em></span></p> <p><span><em>უცნობი (არსებული მონაცემები შეფასება ვერ ხერხდება):</em></span></p> <p><span>• პანკრეასის ანთება, ღვიძლის ანთება (ჰეპატიტი) და ფსიქოზური რეაქციები</span></p> <p><span>ალცჰაიმერის დაავადება დაკავაშირებულია დეპრესიასთან, სუიციდალურ აზრებთან და სუიციდთან. აღნიშნული მოვლენები რეგისტრირებულია მემანტინით მკურნალ პაციენტებში.</span></p> <p><span><strong>გვერდითი მოვლენების შეტყობინება</strong></span></p> <p><span>ნებისმიერი გვერდითი მოვლენის განვითარების შესახებ შეატყობინეთ ექიმს ან ფარმაცევტს. ეს მოიცავს ნებისმიერ შესაძლო გვერდით მოვლენას, რომელიც არ არის აღწერილი ამ ინსტრუქციაში.</span></p> <p><span>გვერდითი ეფექტების შეტყობინებით თქვენ შეგიძლიათ ხელი შეუწყოთ პრეპარატის უსაფრთხოებაზე მეტი ინფორმაციის მოპოვებას.</span></p> <h2><span><strong>5</strong><strong>.</strong> <strong> ებიმემის შენახვის წესი </strong></span></h2> <p><span>პრეპარატი შეინახეთ ბავშვებისათვის მიუწვდომელ ადგილას.</span></p> <p><span>პრეპარატის გამოყენება არ შეიძლება მუყაოს ყუთზე ან ბლისტერზე აღნიშნული ვარგისობის ვადის &lt;EXP&gt; გასვლის შემდეგ. ვარგისობის თარიღი აღნიშნავს იმ თვის ბოლო დღეს.</span></p> <p><span>არ შეინახოთ 25°C-ზე მაღალი ტემპერატურის პირობებში.</span></p> <p><span>ნებისმიერი სამკურნალო საშუალების გადაგდება არ შეიძლება საკანალიზაციო წყლებში ან საყოფაცხოვრებო ნაგავში. შეეკითხეთ ფარმაცევტს, როგორ უნდა მოხდეს პრეპარატის უსაფრთხო გადაგდება. აღნიშნული ზომები ხელს შეუწყობს გარემოს დაცვას.</span></p> <h2><span><strong>6</strong><strong>.</strong><strong>შეფუთვა და დამატებითი ინფორმაცია</strong></span></h2> <p><span><strong>რას შეიცავს ებიმემი</strong></span></p> <p><span>აქტიური ნივთიერება არის მემანტინის ჰიდროქლორიდი. ერთი აპკიანი გარსით დაფარული ტაბლეტი შეიცავს 5/10/20 მგ მემანტინის ჰიდროქლორიდს, რაც შესაბამისად 4.15/ 8.31/16.62 მგ მემანტინის ექვივალენტურია.</span></p> <p><span>დამხმარე ნივთიერებები:</span></p> <p><span>ტაბლეტის გული: მიკროკრისტალური ცელულოზა, პოლივინილპროპილპიროლიდონი, კოლოიდური უწყლო სილიციუმი, სუფთა ტალკი და მაგნიუმის სტეარატი;</span></p> <p><span>ტაბლეტის გარსი: ჰიდროქსიპროპილ მეთილცელულოზა, მაკროგოლ 4000, ტიტანის დიოქსიდი (E171).</span></p> <p><span><strong>ებიმემის გარეგნული იერსახე და შეფუთვის შემადგენლობა</strong></span></p> <p><span>ებიმემის 5მგ-იანი აპკიანი გარსით დაფარული ტაბლეტები არის მოთეთრო, ოვალური ფორმის ერთ მხარეზე ამოტვიფრული „U“ და ცარიელი მეორე მხრით.</span></p> <p><span>ებიმემის 10მგ-იანი აპკიანი გარსით დაფარული ტაბლეტები არის თეთრი, ოვალური ფორმის სატეხი ხაზით მონიშნული „I“ ორივე მხარეს.</span></p> <p><span>ებიმემის 20მგ-იანი აპკიანი გარსით დაფარული ტაბლეტები არის თეთრი, ოვალური ფორმის სატეხი ხაზით ორივე მხარეს.</span></p> <p><span>5, 10 ან 20მგ ებიმემის აპკიანი გარსით დაფარული ტაბლეტები ხელმისაწვდომია მუყაოს 30 ცალიან აპკიანი გარსით დაფარული ტაბლეტების ბლისტერებში არსებული შეფუთვით.</span></p> <p><span><strong>გაცემის წესი:</strong> ფარმაცევტული პროდუქტის ჯგუფი II, გაიცემა ფორმა №3 რეცეპტით.</span></p></div></div></div>