ფოლის მჟავა - Acidum Folicum 5მგ 50 ტაბლეტი
5მგ
<p><strong>ჩვენება:</strong>ფოლიუმის მჟავას დეფიციტით გამოწვეული მაკროციტული ჰიპერქრომული ანემია.</p>
<div><div><div><p><strong>ფარმაკოლოგიური თვისებები</strong></p>
<p>ვიტამინი, B-ვიტამინების ჯგუფიდან. ორგანიზმში ფოლიუმის მჟავა აღდგება ტეტრაჰიდროფოლიუმის მჟავამდე, რომელიც არსებითად კოფერმენტია და ნივთიერებთა ცვლის რიგ პროცესებშია ჩართული. კერძოდ, მისი მონაწილეობა მეგალობლასტების მომწიფებაში და ნორმობლასტების წარმოქმნაში აუცილებელია ერითროპოეზის სტიმულაციისათვის; მონაწილეობს ამინომჟავების სინთეზში (მეთიონინის და სერინის ჩათვლით), აგრეთვე ნუკლეინის მჟავების, პურინებისა და პირიმიდინების სინთეზში და ქოლინის მეტაბოლიზმში. ორსულებში იცავს ორგანიზმს ტერატოგენული ფაქტორებისაგან.</p>
<p><strong>ფარმაკოკინეტიკა </strong></p>
<p>კარგად იწოვება კუჭ-ნაწლავიდან, ექვემდებარება მეტაბოლიზმს ღვიძლში და სხვა ქსოვილებშიც, ნაღველითა და შარდით გამოიყოფა.</p>
<p><strong>ჩვენებები </strong></p>
<p>ფოლიუმის მჟავას დეფიციტით გამოწვეული მაკროციტული ჰიპერქრომული ანემია.</p>
<p>რიგი პათოლოგიური მდგომარეობის კომბინირებული თერაპია, როგორიცაა:</p>
<p>სამკურნალო პრეპარატებითა და რადიაქტიური (მაიონიზებელი) დასხივებით გამოწვეული ანემია და ლეიკოპენია;</p>
<p>სპრუ; ქრონიკული გასტროენტერიტები; ნაწლავის ტუბერკულოზი;</p>
<p>ფოლიუმის მჟავას დეფიციტის პროფილაქტიკა ორგანიზმში (ორსულობისა და ლაქტაციის პერიოდების ჩათვლით).</p>
<p><strong>დოზირების რეჟიმი</strong></p>
<p>სამკურნალო მიზნით ზრდასრულებში დღეღამეში 5 მგ უნიშნავენ: ბავშვებში - შემცირებულ დოზებში ასაკის მიხედვით.</p>
<p>მკურნალობის კურსი 20-30 დღეა.</p>
<p>ფოლიუმის მჟავას დეფიციტის პროფილაქტიკის მიზნით დღეღამეში 20-50 მკგ იღებენ.</p>
<p>ორსულობაში - 400 მკგ დღეღამეში, ლაქტაციის პერიოდში - 300 მკგ/დღეში.</p>
<p><strong>გვერდითი მოვლენები </strong></p>
<p>ალერგიული რეაქციები: კანზე გამონაყარი, ქავილი.</p>
<p><strong>უკუჩვენებები </strong></p>
<p>ჭარბი მგრძნობელობა ფოლიუმის მჟავასადმი.</p>
<p><strong>ორსულობა და ლაქტაცია </strong></p>
<p>რეკომენდებული დოზებით ფოლიუმის მჟავას მიღება დაშვებულია როგორც ორსულობაში, ისე ლაქტაციის (ძუძუთი კვების) პერიოდშიც.</p>
<p><strong>განსაკუთრებული მითითებები </strong></p>
<p>♦ პერნიციოზული ანემიის დროს ფოლიუმის მჟავას მხოლოდ ციანოკაბალამინთან ერთად იღებენ, ვინაიდან ჰემოპოეზის სტიმულაცის მიუხედავად ფოლიუმის მჟავა ნევროლოგიურ გართულებებს ვერ ეწინააღმდეგება (ფუნიკულური მიელოზის ჩათვლით).</p>
<p>♦ ფოლიუმის მჟავას ხანგრძლივი მიღება (განსაკუთრებით მაღალი დოზით) სარისკოა სისხლში ციანოკობალამინის კონცენტრაციის მოსალოდნელი დაქვეითების გამო.</p>
<p><strong>სხვა წამლებთან ურთიერთქმედება </strong></p>
<p>- ქლორამფენიკოლთან, ნეომიცინთან, პოლიმიქსინებთან, ტეტრაციკლინებთან ერთდროული მიღების შემთხვევაში ფოლიუმის მჟავას შეთვისება დაქვეითებული იქნება.</p>
<p>- თავის მხრივ ფოლიუმის მჟავასთან ერთდროულად მიღებული ფენიტოინის, პრიმიდონის, პასმ, სულფასალაზინის, სისტემური (შინაგანი) ჰორმონალური კონტრაცეპტივების, ქლორამფენიკოლის ეფექტურობა მცირდება.</p>
<p>- ფოლიუმის მჟავას გავლენით ფენიტოინის მეტაბოლიზმი ძლიერდება.</p></div></div></div>
ყველა პროდუქტიონლაინ შეკვეთის ხელმისაწვდომობა მოწმდება აპლიკაციაში. ფასი და მარაგი საჭიროებს გადამოწმებას.