ოდესტონი - Odeston 200მგ 50 ტაბლეტი

<div><div><div><p><strong>ოდესტონი</strong><br>(ODESTON)<br>HYMECROMONE</p> <p><strong>ათქ კლასიფიკაციის კოდი </strong>A05AX02</p> <p><strong>შემადგენლობა და გამოშვების ფორმა</strong><br>ტაბლეტები: შეფუთვაში 50 ც.<br>1 ტაბ.<br>ჰიმეკრომონი. . . . . . .200 მგ<br>კლინიკურ-ფარმაკოლოგიური ჯგუფი<br>პრეპარატი ნაღვლმდენი და სპაზმოლიზური მოქმედებით.</p> <p><strong>ფარმაკოლოგიური თვისებები</strong><br>ოდესტონი წარმოადგენს ნაღვლმდენ საშუალებას. იგი ოდის სფინქტერზე ავლენს სელექტიურ სპაზმოლიზურ მოქმედებას, რაც ხელს უწყობს ნაღვლის შეგუბების სიმპტომების კუპირებას.</p> <p><strong>ფარმაკოკინეტიკა</strong><br>ჰიმეკრომონი ადვილად შეიწოვება საჭმლის მომნელებელი ტრაქტიდან და მისი მაქსიმალური კონცენტრაცია სისხლის შრატში მიიღწევა 2-3 სთ-ის შემდეგ. ნახევრადგამოყოფის პერიოდი შეადგენს დაახლოებით 1 სთ-ს. ჰიმეკრომონი გამოიყოფა შარდთან ერთად.</p> <p>იხილეთ ბლოგი: <a href="https://psp.ge/blog/post/%E1%83%9D%E1%83%93%E1%83%94%E1%83%A1%E1%83%A2%E1%83%9D%E1%83%9C%E1%83%98-%E2%80%94-%E1%83%A0%E1%83%90-%E1%83%A3%E1%83%9C%E1%83%93%E1%83%90-%E1%83%95%E1%83%98%E1%83%AA%E1%83%9D%E1%83%93%E1%83%94%E1%83%97-%E1%83%90%E1%83%9B-%E1%83%9C%E1%83%90%E1%83%A6%E1%83%95%E1%83%9A%E1%83%9B%E1%83%93%E1%83%94%E1%83%9C%E1%83%98-%E1%83%A1%E1%83%90%E1%83%A8%E1%83%A3%E1%83%90%E1%83%9A%E1%83%94%E1%83%91%E1%83%98%E1%83%A1-%E1%83%A8%E1%83%94%E1%83%A1%E1%83%90%E1%83%AE%E1%83%94%E1%83%91"><span>ოდესტონი — რა უნდა ვიცოდეთ ამ ნაღვლმდენი საშუალების შესახებ</span></a></p> <p><strong>ჩვენებები</strong><br>ვირუსული ჰეპატიტით, ქრონიკული ალკოჰოლიზმით და სხვა ქიმიური ნაერთებით მოწამვლის შედეგად გამოწვეული ღვიძლის უჯრედების ფუნქციური უკმარისობა.<br>სიმპტომური მკურნალობა: სანაღვლე გზების სპაზმის, დისკინეზიების, დისპეპსიური დარღვევების, ქრონიკული ქოლეცისტიტის და ქოლანგიტის დროს.<br>პრეპარატი ხელს უწყობს მადის გაძლიერებას და მდგომარეობის გაუმჯობესებას ღებინებისა და ყაბზობის დროს, რომელიც გამოწვეულია ნაღვლის სეკრეციის დაქვეითებით.<br>ოდესტონი გამოიყენება გაურთულებელი ქოლელითიაზის, აგრეთვე როგორც ნაღვლის სეკრეციის მარეგულირებელი საშუალება ნაღვლის ბუშტსა და სანაღვლე გზებზე ოპერაციის შემდგომ პერიოდში.</p> <p><strong>დოზირების რეჟიმი</strong><br>პრეპარატი ჩვეულებრივ ინიშნება ჭამამდე 30 წთ-ით ადრე 1-2 ტაბლეტის ოდენობით (200-400 მგ) 3-ჯერ დღეში, საშუალოდ 15-20 დღის განმავლობაში. აუცილებლობის შემთხვევაში პრეპარატის მიღება შესაძლებელია 4 ტაბლეტის ოდენობით (800 მგ) 3-ჯერ დღეში.<br>ბავშვებში: 200 მგ/10 კგ წონაზე სადღეღამისო დოზა შეადგენს 200-600 მგ და ნაწილდება 1-3 მიღებაზე.</p> <p><strong>გვერდითი მოვლენები</strong><br>პრეპარატის ხანგრძლივად გამოყენებისას შესაძლებელია დიარეა, რომელიც დაკავშირებულია ნაღვლის სეკრეციის მომატებასთან.</p> <p><strong>უკუჩვენებები</strong><br>ობტურაციული სიყვითლე, ღვიძლის და თირკმლის მძიმე უკმარისობა, კრონის დაავადება, წყლულოვანი კოლიტი.</p> <p><strong>ორსულობა და ლაქტაცია</strong><br>ორსულობისა და ლაქტაციის პერიოდში პრეპარატის უსაფრთხოებაზე მონაცემები არ მოიპოვება.</p> <p><strong>სხვა წამლებთან ურთიერთქმედება</strong><br>მორფინი ასუსტებს ჰიმეკრომონის მოქმედებას. ჰიმეკრომონისა და მეტოკლოპრამიდის ერთდროული მიღება ასუსტებს ორივე პრეპარატის მოქმედებას.</p> <p><strong>შენახვის პირობები და ვადა</strong><br>პრეპარატი ინახება მშრალ, ბავშვებისაგან დაცულ ადგილას.</p></div></div></div>