ვირალ გელი - Viral Gel თვალის მალამო 30მგ/გ 5გ
30მგ
<p><strong>ჩვენება:</strong>თვალის ინფექციებით გამოწვეული ანთება.</p>
<div><div><div><p><strong>ვირალ გელი 30 მგ/გ თვალის მალამო</strong></p>
<p><strong>რა არის ვირალ გელი და რისთვის გამოიყენება</strong></p>
<p>ვირალ გელის თვალის მალამო არის პრეპარატი, რომელიც შეიცავს აქტიურ სუბსტანციას ანტივირუსული მოქმედებით. განკუთვნილია თვალის ინფექციების სამკურნალოდ, რომლებიც გამოწვეულია მარტივი ჰერპესის ვირუსით, რომელიც იწვევს რქოვანას ანთებას (კერატიტს).</p>
<p><strong>რა უნდა იცოდეთ ვირალ გელის გამოყენების წინ</strong></p>
<p>არ გამოიყენოთ ვირალ გელის თვალის მალამო, თუ ხართ ალერგიული (გაქვთ მომატებული მგრძნობელობა) აციკლოვირის, ვალაციკლოვირის ან ამ პრეპარატის რომელიმე სხვა ინგრედიენტის მიმართ (ჩამონათვალი იხილეთ პუნქტში 6).</p>
<p>გაფრთხილებები და სიფრთხილის ზომები</p>
<p>ვირა გელის თვალის მალამოს გამოყენების წინ მიმართეთ თქვენს ექიმს ან ფარმაცევტს:</p>
<p>თუ ატარებთ კონტაქტურ ლინზებს. მოერიდეთ საკონტაქტო ლინზების ტარებას აციკლოვირი ვიჟენის თვალის მალამოს გამოყენებისას.</p>
<p>თუ გაქვთ რაიმე შეკითხვა, ჰკითხეთ თქვენს ექიმს ან ფარმაცევტს.</p>
<p><strong>სხვა პრეპარატები და ვირალ გელის თვალის მალამო</strong></p>
<p>უთხარით თქვენს ექიმს ან ფარმაცევტს, თუ იღებთ, ბოლო დროს იღებდით ან შეიძლება მიიღოთ ნებისმიერი სხვა პრეპარატი, მათ შორის ურეცეპტოდ გასაცემი.</p>
<p><strong>ორსულობა, ძუძუთი კვება და ფერტილურობა</strong></p>
<p>თუ ხართ ორსულად ან ძუძუთი კვებავთ ბავშვს, ფიქრობთ, რომ ხართ ორსულად ან გეგმავთ ბავშვის ყოლას, ამ პრეპარატის მიღების წინ რჩევა ჰკითხეთ თქვენს ექიმს ან ფარმაცევტს.</p>
<p><strong>ავტომობილებისა და მექანიზმების მართვა</strong></p>
<p>ვირალ გელის თვალის მალამომ შეიძლება გამოიწვიოს მხედველობის დაბინდვა და გარდამავალი ეფექტი მხედველობაზე. ამიტომ, რეკომენდებულია სიფრთხილე ავტომობილების და მექანიზმების მართვისას.</p>
<p><strong>როგორ გამოიყენება ვირალ გელის თვალის მალამო</strong></p>
<p>ეს პრეპარატი ყოველთვის გამოიყენეთ ზუსტად ისე, როგორც აღწერილია ამ ფურცელში ან თქვენი ექიმის ან ფარმაცევტის მითითებების შესაბამისად. თუ რაიმე შეკითხვა გაქვთ, ჰკითხეთ თქვენს ექიმს ან ფარმაცევტს.</p>
<p>მოზრდილები და ბავშვები</p>
<p>ვირალ გელის თვალის მალამო გამოიყენება მალამოს 1 სმ ხაზის ქვემო კონიუნქტივალურ ტომარაში (ქვედა ქუთუთოს შიდა მხარე) მოთავსებით, დღეში 5-ჯერ, დაახლოებით 4 (ოთხი) საათის ინტერვალით, ღამის დროის გარდა.</p>
<p>ვირალ გელის მალამო გამოყენებული უნდა იყოს სიმპტომების გასვლიდან მინიმუმ 3 დღე.</p>
<p>ხანდაზმული პაციენტები</p>
<p>არ არსებობს სპეციალური მოთხოვნები დოზის კორექციისა და გამოყენების წესის შესახებ.</p>
<p><strong>გამოყენების წესი</strong></p>
<p>ვირალ გელის თვალის მალამო შესაფერისია მხოლოდ თვალში გამოსაყენებლად.</p>
<p>ამ პრეპარატის გამოყენების წინ დაიბანეთ ხელები.</p>
<p>ინფიცირებული თვალის ქვემო ქუთუთო თითით ქვემოთ ნაზად ჩამოსწიეთ.</p>
<p>თავი უკან გადასწიეთ და ზემოთ აიხედეთ.</p>
<p>ქვემო ქუთუთოს შიდა მხარეს წაისვით თვალის მალამოს 1 სმ ხაზი. დარწმუნდით, რომ ტუბის წვერი თვალს არ შეეხო.</p>
<p>თვალი დახუჭეთ 30 წამის განმავლობაში.</p>
<p>გამოყენების შემდეგ ხელები დაიბანეთ.</p>
<p><strong>თუ გამოიყენეთ იმაზე მეტი ვირალ გელის თვალის მალამო,</strong> ვიდრე უნდა გამოგეყენებინათ</p>
<p>თუ გამოიყენეთ რეკომენდებულზე მეტი დოზა, რჩევისათვის მიმართეთ თქვენს ექიმს ან ფარმაცევტს, თუმცა არ არსებობს მონაცემები ამ პრეპარატით ზედოზირების შესახებ შეფუთვის შემცველობის შემთხვევით გადაყლაპვის შემთხვევაშიც კი.</p>
<p><strong>თუ დაგავიწყდათ ვირალ გელის გამოყენება</strong></p>
<p>თუ გამოგრჩათ დოზის გამოყენება, გამოიყენეთ როგორც კი გაგახსენდებათ, რომ პრეპარატმა იმოქმედოს ისე, როგორც მოსალოდნელია. ამის შემდეგ გააგრძელეთ ჩვეული რეჟიმით გამოყენება.</p>
<p>ამ პრეპარატის შესახებ დამატებითი კითხვების შემთხვევაში, მიმართეთ თქვენს ექიმს ან ფარმაცევტს.</p>
<p><strong>შესაძლო გვერდითი ეფექტები</strong></p>
<p>ყველა პრეპარატის მსგავსად, ვირალ გელის თვალის მალამომაც შეიძლება გამოიწვიოს გვერდითი ეფექტები, მაგრამ არა ყველა პაციენტში. გამოვლენილი გვერდითი ეფექტების სიხშირე მოცემულია ქვემოთ.</p>
<p>ძალიან ხშირი (შეიძლება განვითარდეს 10-დან 1-ზე მეტ პაციენტში)</p>
<p>ზედაპირული კერატოპათია (ალერგიული რეაქცია, რომელიც არ საჭიროებს მკურნალობის შეწყვეტას და გადის გართულებების გარეშე).</p>
<p>ხშირი (შეიძლება განვითარდეს 10-დან 1-მდე პაციენტში)</p>
<p>გარდამავალი მსუბუქი წვის შეგრძნება თვალში, რაც ვითარდება გამოყენებისთანავე;</p>
<p>კონიუნქტივიტი (თვალის ლორწოვანი გარსის ანთება).</p>
<p>იშვიათი (შეიძლება განვითარდეს 1000-დან 1-მდე პაციენტში)</p>
<p>ბლეფარიტი (ქუთუთოს ანთება).</p>
<p>ძალიან იშვიათი (შეიძლება განვითარდეს 10000-დან 1-მდე პაციენტში)</p>
<p>ალერგიული რეაქციები: დაუყოვნებელი ტიპის ჰიპერმგრძნობელობის რეაქციები, მათ შორის ანგიოშეშუპება (სახის, ტუჩების, ენისა და ყელის შეშუპება) და ჭინჭრის ციება.</p>
<p>თუ რომელიმე გვერდითი ეფექტი გამწვავდა ან განვითარდა ისეთი გვერდითი ეფექტი, რომელიც მითითებული არ არის ამ ინსტრუქციის ფურცელში, მიმართეთ თქვენს ექიმს ან ფარმაცევტს.</p>
<p><strong>როგორ ინახება ვირალ გელის თვალის მალამო</strong></p>
<p>შეინახეთ 25<sup>0</sup>C-მდე.</p>
<p>ეს პრეპარატი შეინახეთ ბავშვებისაგან მიუწვდომელ ადგილას.</p>
<p>არ გამოიყენოთ ვირალ გელის თვალის მალამო კოლოფზე მითითებული ვარგისიანობის ვადის გასვლის შემდეგ. ვარგისიანობის ვადა ნიშნავს მითითებული თვის ბოლო დღეს.</p>
<p>ვარგისიანობის ვადა პირველი გახსნის შემდეგ: 28 დღე.</p>
<p>არ გადაყაროთ პრეპარატები საყოფაცხოვრებო ან საკანალიზაციო ნარჩენებთან ერთად. ჰკითხეთ ფარმაცევტს, თუ როგორ უნდა გადაყაროთ პრეპარატები, რომლებიც აღარ გჭირდებათ. ეს ზომები ხელს შეუწყობს გარემოს დაცვას.</p>
<p><strong>შეფუთვის შემცველობა და სხვა ინფორმაცია</strong></p>
<p>რას შეიცავს ვირალ გელი 30 მგ/გ თვალის მალამო</p>
<p>აქტიური სუბსტანცია არის აციკლოვირი 1 გ მალამო, რომელიც შეიცავს 30 მგ აციკლოვირს.</p>
<p>სხვა ინგრედიენტია პარაფინი თეთრი რბილი.</p>
<p>ვირალ გელის აღწერა და შეფუთვის შემცველობა</p>
<p>ვირალ გელის თვალის მალაო არის თეთრი-მოთეთრო ფერის ჰომოგენური მალამო.</p>
<p>ვირალ გელის თვალის მალამო წარმოდგენილია 5 გ ტუბში კანულით.</p>
<p>ერთი ტუბი შეფუთვის ფურცელთან ერთად მოთავსებულია მუყაოს კოლოფში.</p>
<p><strong>გაცემის წესი:</strong></p>
<p>ფარმაცევტული პროდუქტის ჯგუფი - III , გაიცემა რეცეპტის გარეშე</p></div></div></div>
ყველა პროდუქტიონლაინ შეკვეთის ხელმისაწვდომობა მოწმდება აპლიკაციაში. ფასი და მარაგი საჭიროებს გადამოწმებას.