მილდრონატი - Mildronat 500მგ 90 კაფსულა

<div><div><div><p><strong>მილდრონატი® 500 მგ კაფსულები</strong></p> <p><strong>აღწერა</strong></p> <p>თეთრი ფერის მყარი ჟელატინის კაფსულა, კაფსულის შემადგენლობა: თეთრი კრისტალური ფხვნილი სუსტი სუნით. ფხვნილი ჰიგროსკოპიულია.</p> <p><strong>გამოყენების ჩვენებები</strong></p> <p>კომპლექსური თერაპიის დროს:</p> <p>გულის იშემიური დაავადება (სტენოკარდია, მიოკარდიუმის ინფარქტი), გულის ქრონიკული უკმარისობა და დისჰორმონალური კარდიომიოპათია, ასევე თავის ტვინის სისხლის მიმოქცევის მწვავე და ქრონიკული დარღვევების კომპლექსური თერაპიის დროს (თავის ტვინის ინსულტები და&nbsp; ცერებროვასკულარული უკმარისობა).</p> <p>ჰემოფტალმი და სხვადასხვა ეტიოლოგიის სისხლჩაქცევები ბადურაში, ბადურის ცენტრალური ვენის და მისი ტოტების თრომბოზი, რეტინოპათიები სხვადასხვა ეტიოლოგიის&nbsp; (დიაბეტური, ჰიპერტონული).</p> <p>დაქვეითებული შრომისუნარიანობა; ფიზიკური გადაძაბვა;</p> <p>&nbsp;აბსტინენციის სინდრომი ქრონიკული ალკოჰოლიზმის დროს (სპეციფიურ თერაპიასთან&nbsp; კომბინაციაში)</p> <p>ბრონქული ასთმა და ქრონიკული ობსტრუქციული ბრონქიტი (როგორც იმუნომოდულატორი კომბინირებულ თერაპიაში)</p> <p>თავის ტვინში სისხლის მიმოქცევის დარღვევის, თავის ქალას ტრავმების და ენცეფალიტის&nbsp; შემდგომი აღდგენითი პერიოდი;</p> <p>იხილეთ ბლოგი:<a tabindex="0" href="https://psp.ge/blog/post/%E1%83%A0%E1%83%90-%E1%83%90%E1%83%A0%E1%83%98%E1%83%A1-%E1%83%9B%E1%83%98%E1%83%9A%E1%83%93%E1%83%A0%E1%83%9D%E1%83%9C%E1%83%90%E1%83%A2%E1%83%98-%E1%83%93%E1%83%90-%E1%83%A0%E1%83%90-%E1%83%92%E1%83%90%E1%83%95%E1%83%9A%E1%83%94%E1%83%9C%E1%83%90%E1%83%A1-%E1%83%90%E1%83%AE%E1%83%93%E1%83%94%E1%83%9C%E1%83%A1-%E1%83%98%E1%83%A1-%E1%83%A9%E1%83%95%E1%83%94%E1%83%9C%E1%83%A1-%E1%83%AF%E1%83%90%E1%83%9C%E1%83%9B%E1%83%A0%E1%83%97%E1%83%94%E1%83%9A%E1%83%9D%E1%83%91%E1%83%90%E1%83%96%E1%83%94"><span> რა არის მილდრონატი და რა გავლენას ახდენს ის ჩვენს ჯანმრთელობაზე?</span></a></p> <p><strong>მოქმედი ნივთიერება (INN)</strong></p> <p>მელდონიუმი (Meldonium)</p> <p><strong>შემადგენლობა</strong></p> <p>კაფსულები.</p> <p>მელდონიუმის დიჰიდრატი 500 მგ;</p> <p>დამხმარე ნივთიერება: კარტოფილის სახამებელი გამშრალი, სილიციუმის დიოქსიდი ჰიდრატირებული (სილოიდი 244 FP), კალციუმის სტეარატი.</p> <p>კაფსულა (კორპუსი და თავსახური):&nbsp; ტიტანის დიოქსიდი (E 171), ჟელატინი</p> <p><strong>გამოყენების წესი და დოზირება</strong></p> <p>შესაძლო აღმგზნები ეფექტის გამო რეკომენდებულია მისი გამოყენება დღის პირველ ნახევარში.</p> <p>გულ-სისხლძარღვთა დაავადებები</p> <p>კომპლექსური თერაპიის შემადგენლობაში გამოიყენება მელდონიუმის 1,0&nbsp;გ დღეში, მთლიანი დოზის ერთდროული მიღებით ან მისი გაყოფით 2 მიღებაზე.&nbsp; &nbsp;</p> <p>თავის ტვინში სისხლის მიმოქცევის დარღვევები</p> <p>მწვავე ფაზა –იყენებენ პრეპარატის საინექციო&nbsp; ფორმას 10 დღის განმავლობაში, შემდგომში პერორალურ ფორმაზე გადასვლით 0,5&nbsp;გ -1.0 გ დღეში მთლიანი დოზის ერთდროული მიღებით ან მისი გაყოფით 2 მიღებაზე.</p> <p>მკურნალობის საერთო კურსი 4-6 კვირა. მკურნალობის განმეორებითი კურსების ჩატარება შესაძლებელია&nbsp; წელიწადში 2-3 ჯერ.</p> <p>ბადურის სისხლძარღვოვანი პათოლოგიის და&nbsp; დისტროფიული დაავადებების დროს</p> <p>იყენებენ პრეპარატის საინექციო სამკურნალო ფორმას.</p> <p>დაქვეითებული შრომისუნარიანობა, ფიზიკური და ფსიქოემოციური გადაძაბვა</p> <p>მოზრდილებს 0.25 გ დღეში 4-ჯერ ან 0,5გ დღეში 2-ჯერ. მკურნალობის კურსი -10-14 დღე. საჭიროების შემთხვევაში შესაძლებელია კურსის გამეორება 2-3 &nbsp;კვირის შემდეგ.</p> <p>ხანდაზმული პაციენტები</p> <p>ღვიძლის და/ან თირკმლის ფუნქციის დარღვევის მქონე ხანდაზმულ პაციენტებში შესაძლებელია მელდონიუმის დოზის შემცირება.</p> <p>თირკმლის ფუნქციის დარღვევის მქონე&nbsp; პაციენტები</p> <p>ვინაიდან პრეპარატი ორგანიზმიდან გამოიყოფა თირკმელებით, თირკმლის ფუნქციის მსუბუქი და საშუალო სიმძიმის დარღვევის მქონე&nbsp; პაციენტებში რეკომენდებულია მელდონიუმის გამოყენება შემცირებული დოზით.</p> <p>ღვიძლის ფუნქციის დარღვევის მქონე&nbsp; პაციენტები</p> <p>ღვიძლის ფუნქციის მსუბუქი და საშუალო სიმძიმის დარღვევის მქონე&nbsp; პაციენტებში რეკომენდებულია მელდონიუმის გამოყენება შემცირებული დოზით.</p> <p id="HKKTECB"><strong>ფარმაკოდინამიკა</strong></p> <p>მელდონიუმი არის კარნიტინის წინამორბედის, გამა ბუტირობეტაინის (გბბ), სტრუქტურული ანალოგი.</p> <p>▪&nbsp; კარნიტინის ბიოსინთეზზე ზემოქმედება</p> <p>მელდონიუმი შექცევადად თრგუნავს გამა ბუტირობეტაინჰიდროქსილაზას და ამცირებს კარნიტინის ბიოსინთეზს, შედეგად ფერხდება გრძელჯაჭვიანი ცხიმოვანი მჟავების ტრანსპორტირება უჯრედის გარსიდან, რაც ხელს უშლის უჯრედებში ძლიერი დეტერგენტის - ცხიმოვანი მჟავების დაუჟანგავი აქტივირებული ფორმის დაგროვებას.&nbsp; ამ გზით ხდება უჯრედული მემბრანების დაზიანების თავიდან აცილება.</p> <p>იშემიის პირობებში კარნიტინის კონცენტრაციის შემცირება ანელებს ცხიმოვანი მჟავების β‑ოქსიდაციას და იწვევს უჯრედებში ჟანგბადის მოხმარების ოპტიმიზაციას, ასტიმულირებს გლუკოზის დაჟანგვას და ატფ-ის ტრანსპორტის აღდგენას მისი ბიოსინთეზის ადგილიდან (მიტოქონდრიები) მოხმარების ადგილამდე (ციტოზოლი).</p> <p>თავის მხრივ, კარნიტინის&nbsp; წინამორბედის, გბბ&nbsp; ბიოსინთეზის ზრდასთან ერთად,&nbsp;&nbsp; აქტიურდება NO-სინთეტაზა, რის შედეგადაც სისხლის რეოლოგიური თვისებების გაუმჯობესება და სისხლძარღვების პერიფერიული წინააღმდეგობის შემცირება ხდება.</p> <p>&nbsp;მილდრონატს® გააჩნია ცნს-ზე მასტიმულირებელი მოქმედება- ზრდის მოტორულ აქტივობას და ფიზიკურ შრომისუნარიანობას, ასტიმულირებს ქცევის რეაქციებს, ასევე გააჩნია სტრესის საწინააღმდეგო მოქმედება- სიმპატოადრენალინური სისტემის სტიმულირება, კატექოლამინების დაგროვება თავის ტვინში და თირკმელზედა ჯირკვალში, შინაგანი ორგანოების დაცვა სტრესით გამოწვეული ცვლილებებისგან.</p> <p><strong>ფარმაკოლოგიური მოქმედება</strong></p> <p>გულ-სისხლძარღვთა სისტემაზე ზემოქმედება</p> <p>მილდრონატი® დადებითად მოქმედებს მიოკარდიუმის კუმშვად აქტიობაზე, მას გააჩნია მიოკარდიოპროტექტორული მოქმედება (მათ შორის კატექოლამინების და ალკოჰოლის მიმართ), გულის რითმის დარღვევის თავიდან აცილება და მიოკარდიუმის ინფარქტის ზონის შემცირება შეუძლია.</p> <p>გულის კორონარული დაავადება (დაძაბვის სტაბილური სტენოკარდია)</p> <p>კლინიკური მონაცემების ანალიზმა აჩვენა, რომ სტაბილური სტენოკარდიის მკურნალობისას სხვა ანტიანგინალურ პრეპარატებთან კომბინაციაში, მელდონიუმის კურსობრივი მიღება ამცირებს სტენოკარდიული შეტევების სიხშირეს და ინტენსივობას, ასევე ამცირებს გლიცერილტრინიტრატის მოხმარებას. მილდრონატს® გააჩნია გამოხატული ანტიარითმული მოქმედება გულის&nbsp; კორონარული დაავადების და პარკუჭოვანი ექსტრასისტოლების&nbsp; მქონე პაციენტებში.განსაკუთრებული მნიშვნელობა ენიჭება პრეპარატის შესაძლებლობას შეამციროს ჟანგბადის მოხმარება მოსვენებულ მდგომარეობაში, რაც გულის კორონარული დაავადების ანტიანგინალური თერაპიის ეფექტურ კრიტერიუმად მიიჩნევა.</p> <p>მილდრონატი® (მელდონიუმი) დადებითად მოქმედებს ათეროსკლეროზულ პროცესებზე კორონარულ და პერიფერიულ სისხლძარღვებში, ამცირებს სისხლის შრატში ქოლესტერინის საერთო დონეს და ათეროგენულ ინდექსს.&nbsp;</p> <p>გულის ქრონიკული უკმარისობა</p> <p>მრავალრიცხოვან კლინიკურ კვლევებში შესწავლილი იყო მელდონიუმის როლი გულის კორონარული დაავადებით გამოწვეული გულის ქრონიკული უკმარისობის მკურნალობაში და აღნიშნულია მისი შესაძლებლობა გაზარდოს&nbsp; ტოლერანტობა ფიზიკური დატვირთვისადმი და შესრულებული სამუშაოს მოცულობა გულის უკმარისობის მქონე პაციენტებში.</p> <p>ცნს-ზე ზემოქმედება</p> <p>კვლევებით დადგინდა მელდონიუმის ანტიჰიპოქსიური და თავის ტვინის სისხლის მიმოქცევაზე მოქმედება. მელდონიუმი ახდენს თავის ტვინის სისხლის მიმოქცევის გადანაწილების ოპტიმიზაციას&nbsp; იშემიური უბნების სასარგებლოდ, ზრდის ნეირონების მდგრადობას იშემიის პირობებში.</p> <p>ეფექტურობა თავის ტვინში სისხლის მიმოქცევის დარღვევების და ნევროლოგიური დაავადებების დროს</p> <p>დამტკიცებულია, რომ მელდონიუმი თავის ტვინში სისხლის მიმოქცევის&nbsp; მწვავე და ქრონიკული დარღვევების&nbsp; კომპლექსური მკურნალობის ეფექტურ საშუალებას წარმოადგენს. მილდრონატი® (მელდონიუმი) აწესრიგებს თავის ტვინის კაპილარების და არტერიოლების ტონუსს და წინააღმდეგობას, აღადგენს მათ რეაქტიულობას.</p> <p>შესწავლილია მელდონიუმის ზეგავლენა რეაბილიტაციის პროცესზე ნევროლოგიური დარღვევების მქონე პაციენტებში (თავის ტვინის სისხლძარღვების&nbsp; დაავადებების, თავის ტვინზე ოპერაციების, ტრავმების, გადატანილი ტკიპისმიერი ენცეფალიტის შემდგომი პერიოდი).</p> <p>მელდონიუმის თერაპიული აქტივობის კვლევის შედეგებმა აჩვენა მისი დოზა დამოკიდებული დადებითი ზეგავლენა გამოჯანმრთელების პერიოდში ფიზიკურ შრომისუნარიანობაზე და პაციენტის ფუნქციური დამოუკიდებლობის აღდგენაზე.</p> <p>ნევროლოგიური დეფიციტის მქონე პაციენტების გამოჯანმრთელების პროცესში მილდრონატს® (მელდონიუმი) ნერვული სისტემის ფუნქციების დარღვევათა შემცირებაზე დადებითი ზეგავლევა აქვს.&nbsp; უმჯობესდება პაციენტთა საერთო ნევროლოგიური მდგომარეობა</p> <p><strong>ფარმაკოკინეტიკა</strong></p> <p>პერორალური გამოყენებისას მაქსიმალური კონცენტრაციის მიღწევის დრო სისხლის პლაზმაში (tmax ) შეადგენს 1-2 საათს.</p> <p>მელდონიუმისა და მისი მეტაბოლიტების გამოყოფისას მნიშვნელოვან როლს თამაშობს თირკმლისმიერი ექსკრეცია. მელდონიუმის ნახავარგამოყოფის პერიოდი (ტ1/2) შეადგენს დაახლოებით 4 საათს.</p> <p><strong>უკუჩვენებები</strong></p> <p>- მომატებული მგრძნობელობა მელდონიუმის ან პრეპარატში შემავალი ნებისმიერი სხვა ინგრედიენტის მიმართ;</p> <p>-&nbsp;&nbsp; ღვიძლის და/ან თირკმლ ის მძიმე უკმარისობა (არ არსებობს საკმარისი მონაცემები გამოყენების უსაფრთხობის შესახებ);</p> <p>-&nbsp;&nbsp; ორსულობისა და ლაქტაციის პერიოდი;</p> <p>-&nbsp;&nbsp; ბავშვები და 18 წლამდე ასაკის მოზარდებისათვის (მიღების უსაფრთხოება შემოწმებული არ არის).&nbsp;</p> <p><strong>ჭარბი დოზირება</strong></p> <p>ჭარბი დოზირების შესახებ ინფორმაცია არ არის. პრეპარატი ნაკლებ ტოქსიურია და არ იწვევს პაციენტის სიცოცხლისათვის საშიშ გვერდით მოვლენებს.</p> <p>სიმპტომები: დაბალი არტერიული წნევის შემთხვევაში შესაძლებელია თავის ტკივილი, თავბრუსხვევა, ტაქიკარდია, საერთო სისუსტე.</p> <p><strong>პრეპარატის მიღება ორსულობისა და ძუძუთი კვების პერიოდში</strong></p> <p>ორსულობის დროს პრეპარატის მიღების უსაფრთხოება დამტკიცებული არ არის. ნაყოფზე არასასურველი ზემოქმედების თავიდან ასაცილებლად, ორსულობის პერიოდში პრეპარატი არ ინიშნება.</p> <p>არ არის გარკვეული, გამოიყოფა თუ არა პრეპარატი დედის რძეში. მელდონიუმით დედის მკურნალობის აუცილებლობის შემთხვევაში, ბავშვის ძუძუთი კვება უნდა შეწყდეს</p> <p><strong>გვერდითი მოვლენები</strong></p> <p>იმუნური სისტემის მხრივ</p> <p>ხშირად:&nbsp;ალერგიული რეაქციები*;</p> <p>იშვიათად: მომატებული მგრძნობელობა, ალერგიული დერმატიტი, ჭინჭრის ციება, ანგიონევროტული შეშუპება, ანაფილაქსიური რეაქცია.</p> <p>ფსიქიკის მხრივ</p> <p>იშვიათად: აგზნება, შიშის შეგრძნება, &nbsp;აკვიატებული აზრები, ძილის დარღვევები.</p> <p>ნერვული სისტემის მხრივ</p> <p>ხშირად: თავის ტკივილი*;</p> <p>იშვიათად: პარესთეზია, შემცივნება, ჰიპესთეზია, ყურებში შუილი, თავბრუსხვევა, სიარულის დარღვევა,&nbsp; „გულის წასვლის“ შეგრძნება, ცნობიერების დაკარგვა;</p> <p>გულის მხრივ</p> <p>იშვიათად: „გულის ცემის“ შეგრძნება, ტაქიკარდია/სინუსური ტაქიკარდია, წინაგულების ფიბრილაცია, არითმია, დისკომფორტის შეგრძნება / ტკივილი გულმკერდის არეში.</p> <p><strong>განსაკუთრებული მითითებები</strong></p> <p>ღვიძლისა და თირკმელების ქრონიკული დაავადებების მქონე პაციენტებში პრეპარატის ხანგრძლივი გამოყენებისას დაცული უნდა იქნას სიფრთხილე.&nbsp;</p> <p>არ არსებობს მონაცემები მელდონიუმის გამოყენების შესახებ ბავშვებში.</p> <p><strong>გამოშვების ფორმა</strong></p> <p>10&nbsp;<strong>კაფსულა ბლისტერში.</strong></p> <p>&nbsp;6 ბლისტერი&nbsp;ყუთში.</p> <p><strong>შენახვის პირობები</strong></p> <p>ინახება არა უმეტეს 25&nbsp;С ტემპერატურის პირობებში. შეინახეთ ორიგინალურ შეფუთვაში ნესტისგან დასაცავად.</p> <p>შეინახეთ ბავშვებისათვის მიუწვდომელ ადგილას.</p> <p><strong>ვარგისიანობის ვადა</strong></p> <p>4 წელი</p> <p>არ უნდა იქნას გამოყენებული შეფუთვაზე მითითებული ვადის გასვლის შემდეგ.</p> <p><strong>გაცემის წესი</strong></p> <p>ფარმაცევტული პროდუქტის ჯგუფი – III (გამოიყენება ექიმის დანიშნულების გარეშე)</p> <p><strong>წამლის ფორმა</strong></p> <p>კაფსულები.</p></div></div></div>