ტესორო - Tesoro სიროფი 125მლ

<div><div><div><p><strong>ტესორო®&nbsp;სიროფი</strong></p> <p><strong>Tesoro®&nbsp;syrup</strong></p> <p>&nbsp;</p> <p><strong>პრეპარატის გამოყენების წინ ყურადღებით წაიკითხეთ ჩანართი-ფურცელი, ვინაიდან მასში მოცემულია თქვენთვის მნიშვნელოვანი ინფორმაცია.</strong></p> <p>ეს პრეპარატი ყოველთვის უნდა მიიღოთ ზუსტად ისე, როგორც აღწერილია ჩანართ-ფურცელში ან ექიმის ან ფარმაცევტის მითითების შესაბამისად.</p> <p>- შეინახეთ ეს ინსტრუქცია. შეიძლება დაგჭირდეთ მისი კვლავ წაკითხვა.</p> <p>- დამატებითი ინფორმაციის ან რჩევის საჭიროების შემთხვევაში, მიმართეთ თქვენს ექიმს ან ფარმაცევტს.</p> <p>- ნებისმიერი გვერდითი ეფექტის ან ისეთი გვერდითი ეფექტების განვითარებისას, რომლებიც მითითებული არ არის ამ ჩანართ-ფურცელში, მიმართეთ ექიმს ან ფარმაცევტს. იხ. პუნქტი 4.</p> <p>თუ ხანმოკლე მკურნალობის შემდეგ თავს უკეთ არ იგრძნობთ ან იგრძნობთ უარესად, მიმართეთ ექიმს.</p> <p><strong>ამ ჩანართ-ფურცელში მოცემულია შემდეგი ინფორმაცია:</strong></p> <p>რას წარმოადგენს ტესორო და რისთვის გამოიყენება<br>რა უნდა იცოდეთ ტესოროს გამოყენებამდე<br>როგორ გამოიყენება ტესორო<br>შესაძლო გვერდითი ეფექტები<br>როგორ ინახება ტესორო<br>შეფუთვის შემადგენლობა და სხვა ინფორმაცია<br>&nbsp;<strong>1.რას წარმოადგენს ტესორო&nbsp;და რისთვის გამოიყენება</strong></p> <p>ტესორო არის მცენარეული პროდუქტი, რომელიც შეიცავს: მრავალძარღვას, გრინდელიას და ასკილის ექსტრაქტებს; ბეგქონდარას ექსტრაქტს და ექინაცეას წვენს. ტესორო ტრადიციულად გამოიყენება, როგორც იმუნიტეტის მასტიმულირებელი საშუალება.</p> <p>პროდუქტი არის ტრადიციული მცენარეული სამკურნალო საშუალება, რომელიც&nbsp; კონკრეტული ჩვენებების დროს განკუთვნილია ხანგრძლივი გამოყენებისთვის.</p> <p><strong>გამოყენების ჩვენებები</strong></p> <p>ტესორო ტრადიციულად გამოიყენება, როგორც პროფილაქტიკური საშუალება იმუნიტეტის დაქვეითების დროს. გარდა ამისა, სიროფი გამოიყენება ხველით მიმდინარე ზემო სასუნთქი გზების ანთებითი მდგომარეობებისას (მაგალითად, ჩვეულებრივი გაცივების დროს).</p> <p><strong>2.რა უნდა იცოდეთ ტესოროს გამოყენებამდე</strong></p> <p>არ გამოიყენოთ ტესორო:</p> <p>- თუ გაქვთ ალერგია აქტიური სუბსტანციის ან პრეპარატის შემადგენელი რომელიმე სხვა ინგრედიენტის მიმართ (ჩამონათვალი მოცემულია პუნქტში 6);</p> <p>- თუ გაქვთ ალერგია რთულყვავილოვანთა ოჯახის მცენარეების (Asteracae=Compositae) მიმართ, როგორიცაა: გვირილა, გულყვითელა, ფასმანდუკი, ბაბუაწვერა, არნიკა;</p> <p>- პროგრესირებადი სისტემური დაავადებები: ტუბერკულოზი, ლეიკემია, კოლაგენოზი (შემაერთებელი ქსოვილების დაავადებები), შიდსი, აივ ინფექცია, გაფანტული სკლეროზი და ავტოიმუნური დაავადებები (იმუნური სისტემის რეაქცია ორგანიზმის საკუთარი ქსოვილების მიმართ).</p> <p><strong>გაფრთხილებები და სიფრთხილის ზომები</strong></p> <p>პრეპარატი შეიცავს საქაროზას. თუ დაგისვეს ზოგიერთი შაქრის აუტანლობის დიაგნოზი, ამ პრეპარატის მიღების წინ მიმართეთ ექიმს.</p> <p>პრეპარატი შეიცავს მცირე რაოდენობის ეთანოლს (100 მგ-ზე ნაკლები ყოველ დოზაზე).</p> <p><strong>ბავშვები</strong></p> <p>პედიატრიულ პოპულაციაში არასაკმარისი კლინიკური მონაცემებისა და პრეპარატის შემადგენლობაში ეთანოლის არსებობის გამო (1%-მდე მასური კონცენტრაცია), ტესოროს გამოყენება რეკომენდებული არ არის 3 წლამდე ასაკის ბავშვებში.</p> <p>3-7 წლის ასაკის ბავშვებში პრეპარატი გამოიყენება მხოლოდ ექიმთან კონსულტაციის შემდეგ. ერთი ჩაის კოვზი სიროფი შეიცავს დაახლოებით 65 მგ ეთანოლს.</p> <p><strong>სხვა პრეპარატები და ტესორო</strong></p> <p>უთხარით თქვენს ექიმს ან ფარმაცევტს, თუ ამჟამად იღებთ, ცოტა ხნის წინ იღებდით ან მომავალში შეიძლება მიიღოთ ნებისმიერი სხვა პრეპარატი.</p> <p>ტესორო არ გამოიყენება ისეთ პრეპარატებთან კომბინაციაში, რომლებიც იწვევენ ღვიძლის ფუნქციის დარღვევას ან იმუნოსუპრესორებთან ერთად (მაგ. კორტიკოსტეროიდები, ციტოსტატიკები, ანტისხეულები, ციკლოსპორინები, ტაკროლიმუსი, სიროლიმუსი, ინტერფერონი, მიკოფენოლატი).</p> <p><strong>ორსულობა, ძუძუთი კვება და ფერტილობა</strong></p> <p>თუ ხართ ორსულად ან ძუძუთი კვებავთ ბავშვს, ფიქრობთ, რომ ხართ ორსულად ან გეგმავთ ბავშვის ყოლას, ამ პრეპარატის მიღების წინ რჩევა ჰკითხეთ თქვენს ექიმს ან ფარმაცევტს.</p> <p><strong>ავტომობილებისა და მექანიზმების მართვა</strong></p> <p>რეკომენდებული დოზის გამოყენებისას ტესორო გავლენას არ ახდენს ავტომობილებისა და მექანიზმების მართვის უნარზე.</p> <p><strong>3. როგორ გამოიყენება ტესორო</strong></p> <p>პრეპარატი გამოიყენეთ ზუსტად ექიმის ან ფარმაცევტის მითითებების შესაბამისად. თუ გაქვთ რაიმე შეკითხვა, ჰკითხეთ თქვენს ექიმს ან ფარმაცევტს.</p> <p>პრეპარატი მიიღება პერორალურად.</p> <p>ბავშვები 3-დან 7 წლამდე:&nbsp; მხოლოდ ექიმთან კონსულტაციის შემდეგ;</p> <p>ბავშვები 7-დან 12 წლამდე: 1 სუფრის კოვზი (15 მლ) დღეში 2-ჯერ;</p> <p>ბავშვები 12 წლის ასაკის ზევით და მოზდილები: 1 სუფრის კოვზი (15 მლ) დღეში 3-4-ჯერ.</p> <p>მკურნალობის ხანგრძლივობა არ უნდა აღემატებოდეს 10 დღეს. თუ სიმპტომები მწვავდება ან გრძელდება რამდენიმე დღე, კონსულტაციისთვის მიმართეთ თქვენს ექიმს.</p> <p>პროფილაქტიკური მიზნით გამოყენებისათვის (მაგ. რესპირატორული ინფექციების მატების პერიოდში) მიიღება ნახევარი დოზა.</p> <p>ბავშვები 3-დან 7 წლამდე:&nbsp; მხოლოდ ექიმთან კონსულტაციის შემდეგ;</p> <p>ბავშვები 7-დან 12 წლამდე: 1 სუფრის კოვზი (15 მლ) დღეში 1-ჯერ;</p> <p>ბავშვები 12 წლის ასაკის ზევით და მოზდილები: 1 სუფრის კოვზი (15 მლ) დღეში 2-ჯერ.</p> <p>პროფილაქტური მიზნით ტესოროს გამოყენება მოითხოვს მრავალდღიან მიღებას, თუმცა, არაუმეტეს 20 დღისა.</p> <p><strong>თუ მიიღეთ იმაზე მეტი ტესორო, ვიდრე უნდა მიგეღოთ</strong></p> <p>ჰიპერდოზირების შემთხვევები დაფიქსირებული არ არის.</p> <p><strong>თუ დაგავიწყდათ ტესოროს მიღება</strong></p> <p>არ მიიღოთ ორმაგი დოზა გამოტოვებული დოზის კომპენსირების მიზნით.</p> <p><strong>4. შესაძლო გვერდითი ეფექტები</strong></p> <p>ყველა პრეპარატის მსგავსად, ამ პრეპარატმაც შეიძლება გამოიწვიოს გვერდითი ეფექტები, თუმცა არა ყველა ადამიანში.</p> <p>შესაძლო გვერდითი ეფექტები ჩამოთვლილია სიხშირის მიხედვით: ძალიან ხშირი&nbsp; (&gt;1/10); ხშირი (&gt;1/100 - &lt;1/10); არახშირი (&gt;1/1000 - &lt;1/100); იშვიათი (&gt;1/10000 - &lt;1/1000); ძალიან იშვიათი (&lt;10000), ცნობილი არ არის (შეფასება შეუძლებელია არსებული მონაცემების საფუძველზე).</p> <p>ტესოროს გამოყენებისას შეიძლება აღინიშნოს:</p> <p>დარღვევები კანისა და რბილი ქსოვილების მხრივ:&nbsp;კანის ჰიპერმგრძნობელობის რეაქციები (გამონაყარი, ქავილი). სიხშირე ცნობილი არ არის.</p> <p><strong>5. როგორ ინახება ტესორო</strong></p> <p>ინახება არაუმეტეს 250C ტემპერატურაზე, ბავშვებისთვის მიუწვდომელ ადგილას.</p> <p>არ გამოიყენოთ პრეპარატი ეტიკეტზე მითითებული ვარგისიანობის ვადის გასვლის შემდეგ. ვარგისიანობის ვადა ნიშნავს მითითებული თვის ბოლო დღეს.</p> <p>არ შეიძლება პრეპარატების გადაყრა საკანალიზაციო ან საყოფაცხოვრებო ნარჩენებთან ერთად. ჰკითხეთ ფარმაცევტს, თუ როგორ უნდა მოიქცეთ, როდესაც პრეპარატები აღარ გჭირდებათ. ეს ზომები ხელს შეუწყობს გარემოს დაცვას.</p> <p><strong>6. შეფუთვის შემადგენლობა და სხვა ინფორმაცია</strong></p> <p>რას შეიცავს ტესორო</p> <p>- აქტიური სუბსტანციები:</p> <p>ექსტრაქტები შემადგენლობით (1:4,4):</p> <p>მრავალძარღვა (3 წილი), გრინდელია (1 წილი), ასკილი (1 წილი) – 5 გ</p> <p>[ექსტრაქტანტი: ეთანოლი 50% (მოცულობითი კონცენტრაცია)]</p> <p>ბეგქონდარას ექსტრაქტი (1:4) - 3 გ</p> <p>[ექსტრაქტანტის ნარევი: ეთანოლი 30% (მოცულობითი კონცენტრაცია), გლიცეროლი, ამონიუმის წყალი 25%]</p> <p>ექინაცეას წვენი&nbsp; (1:1) -2 გ</p> <p><strong>სხვა დამხმარე საშუალებები:</strong> საქაროზა, გასუფთავებული წყალი, მოცხარის კონცენტრატი.</p> <p>სიროფი შეიცავს 1%-მდე (მასური კონცენტრაცია) ეთანოლს.</p> <p>ტესოროს გარეგნული აღწერა და შეფუთვის შემცველობა</p> <p>ტესორო არის მოწითელო-ყავისფერი სიროფი.</p> <p>ფერადი შუშის ბოთლი შეიცავს 125გ სიროფს, ბოთლი დახურულია მაღალი სიმკვრივის პოლიეთილენის ხრახნიანი თავსახურით.</p> <p><strong>გაცემის წესი:</strong></p> <p>ფარმაცევტული პროდუქტის ჯგუფი III ჯგუფი, გაიცემა რეცეპტის გარეშე</p> <p id="T9XGAMJ"><strong>სავაჭრო ნებართვის მფლობელი და მწარმოებელი</strong></p> <p>ვროცლავის მცენარეული ქარხანა „ჰერბაპოლ“, ს.ა.</p> <p>50-951 ვროცლავი, სწ. მიკოლაიას ქ. 65/68<br>&nbsp;<br><br><br>&nbsp;</p></div></div></div>