ნოზეილინი - Nozeylin თვალის და ცხვირის წვეთები 15მლ

15მლ

გამოიყენება კონიუნქტივის შეშუპებისა და ჰიპერემიის სიმპტომური მკურნალობის და სეზონური ალერგიული რინიტის სიმპტომური მკურნალობის დროს.

<div><div><div>ნოზეილინი სამკურნალო პრეპარატის დასახელება ნოზეილინი, Nozeylin საერთაშორისო არაპატენტირებული დასახელება ან ჯგუფური დასახელება ნაფაზოლინი + ქლორფენამინი Naphazoline + Chlorphenamine <h2>შემადგენლობა</h2> პრეპარატის 1 მლ შეიცავს აქტიური ნივთიერებები: ნაფაზოლინის ჰიდროქლორიდი 0,5 მგ, ქლორფენამინის მალეატი 0,5 მგ. დამხმარე ნივთიერებები: ნატრიუმის ციტრატი, ბორის მჟავა, ბენზალკონიუმის ქლორიდი, დინატრიუმის ედეტატი, საინექციო წყალი. სამკურნალო ფორმა თვალის/ცხვირის წვეთები. აღწერა: გამჭვირვალე უფერო ხსნარი. იხილეთ ბლოგი: <a href="https://psp.ge/blog/post/%E1%83%9C%E1%83%9D%E1%83%96%E1%83%94%E1%83%98%E1%83%9A%E1%83%98%E1%83%9C%E1%83%98-%E2%80%94-%E1%83%97%E1%83%95%E1%83%90%E1%83%9A%E1%83%98%E1%83%A1%E1%83%90-%E1%83%93%E1%83%90-%E1%83%AA%E1%83%AE%E1%83%95%E1%83%98%E1%83%A0%E1%83%98%E1%83%A1-%E1%83%AC%E1%83%95%E1%83%94%E1%83%97%E1%83%94%E1%83%91%E1%83%98-%E1%83%90%E1%83%9A%E1%83%94%E1%83%A0%E1%83%92%E1%83%98%E1%83%90%E1%83%A1%E1%83%97%E1%83%90%E1%83%9C-%E1%83%A1%E1%83%90%E1%83%91%E1%83%A0%E1%83%AB%E1%83%9D%E1%83%9A%E1%83%95%E1%83%94%E1%83%9A%E1%83%90%E1%83%93">ნოზეილინი — თვალისა და ცხვირის წვეთები ალერგიასთან საბრძოლველად</a> <h2>გამოყენების ჩვენებები</h2> ოფთალმოლოგია ნოზეილინი წარმოადგენს ოფთალმოლოგიურ ხსნარს შეშუპების საწინააღმდეგო მოქმედებით, რომელიც გამოიყენება კონიუნქტივის შეშუპებისა და ჰიპერემიის სიმპტომური მკურნალობის სახით ალერგიული ან არასპეციფიური კონიუნქტივიტის დროს და თვალების უმნიშვნელო გაღიზიანებისას. ნოზეილინი ხსნის წვის, გაღიზიანების, ქავილის, ანთების და ძლიერი ცრემლდენის შეგრძნებას. სეზონური ალერგიული კონიუნქტივიტის სიმპტომური მკურნალობა. რინოლოგია სეზონური ალერგიული რინიტის სიმპტომური მკურნალობა. <h2>გამოყენების წესი და დოზები</h2> გამოყენების წესი პრეპარატი განკუთვნილია ადგილობრივი გამოყენებისათვის ოფთალმოლოგიასა და რინოლოგიაში. თავსახურის მოხსნის შემდეგ, თუ დამცავი რგოლი არ ეკვრის ფლაკონის ყელს, ის უნდა მოიხსნას პრეპარატის გამოყენების წინ. ფლაკონი უნდა ამოაბრუნოთ საწვეთურით ქვემოთ და ჩააწვეთოთ ფლაკონის კედლებზე მსუბუქი დაჭერით.  ფლაკონის შიგთავსისა და საწვეთურის მიკრობული დაბინძურების თავიდან აცილების მიზნით მოარიდეთ საწვეთურის წვერი  თვალთან, ქუთუთოსთან ან ნებისმიერ ზედაპირთან კონტაქტს. პრეპარატის ყოველი გამოყენების შემდეგ ფლაკონი უნდა ინახებოდეს მჭიდროდ დახურული. დოზირების რეჟიმი ოფთალმოლოგია ზრდასრულები და 12 წელზე უფროსი ასაკის ბავშვები პრეპარატის ჩაწვეთება რეკომენდებულია თითოეული თვალის კონიუნქტივალურ პარკში, 1 წვეთი 2-3-ჯერ დღე-ღამეში. 12 წლამდე ასაკის ბავშვები 12 წლამდე ასაკის ბავშვებში პრეპარატის გამოყენების უსაფრთხოებისა და ეფექტურობის კვლევები არ ჩატარებულა. რინოლოგია ზრდასრულები და 12 წელზე უფროსი ასაკის ბავშვები რეკომენდებულია პრეპარატის ჩაწვეთება თითოეულ ნესტოში 1 წვეთი 2-3-ჯერ დღე-ღამეში. 12 წლამდე ასაკის ბავშვები 12 წლამდე ასაკის ბავშვებში პრეპარატის გამოყენების უსაფრთხოებისა და ეფექტურობის კვლევები არ ჩატარებულა. უკუჩვენებები -მომატებული მგრძნობელობა ნაფაზოლინის, ქლორფენამინის ან ნებისმიერ დამხმარე ნივთიერების მიმართ; -ატროფიული რინიტი; -დახურულკუთხიანი გლაუკომა; -გულ-სისხლძარღვთა მძიმე ორგანული  დაავადებები; -ბავშვთა ასაკი 12 წლამდე. განსაკუთრებული მითითებები და სიფრთხილის ზომები გამოყენებისას ალერგიული რეაქციების განვითარებაზე ეჭვის შემთხვევაში, პრეპარატით მკურნალობა უნდა შეწყდეს. პრეპარატის ხანგრძლივი გამოყენებისას შეიძლება აღინიშნოს  ტოლერანტობის (მკურნალობაზე რეაქციის არარსებობა) და ფიზიკური დამოკიდებულების განვითარება, რომელიც შეიძლება გამოვლინდეს ლორწოვანი გარსის შეშუპებით, ცხვირით სუნთქვის გაძნელებით, ყნოსვის დაქვეითებით, ვაზომოტორულ რინიტითა და თავის ტკივილით. სისტემური სიმპათომიმეტური ეფექტების გამო პრეპარატი სიფრთხილით ინიშნება არტერიული ჰიპერტენზიის, ფეოქრომოციტომის, გულის იშემიური დაავადების, არითმიის, ანევრიზმის, პროგრესირებადი ათეროსკლეროზის, შაქრიანი დიაბეტის, ჰიპერთირეოზის მქონე პაციენტებსა და ხანდაზმული ასაკის პირებში. დაავადების სიმპტომების 24 საათზე მეტ ხანს გაგრძელების შემთხვევაში, მდგომარეობის გაუარესების ან  თვალებში ტკივილის, მხედველობის დარღვევების, თვალების ხანგრძლივი ჰიპერემიის წარმოქმნისას უნდა მიმართოთ ექიმს. თვალის დაავადებების  ან თვალზე ქირურგიული ჩარევის შემდგომ, პრეპარატი გამოიყენება მხოლოდ ექიმის რეკომენდაციით და მისი მეთვალყურეობით. დამხმარე ნივთიერებები ბენზალკონიუმის ქლორიდი პრეპარატი შეიცავს ბენზალკონიუმის ქლორიდს (პრეპარატის 1 მლ შეიცავს 0,1 მგ ბენზალკონიუმის ქლორიდს), რომელმაც შეიძლება გამოიწვიოს თვალის გაღიზიანება. თავიდან უნდა იქნას აცილებული კონტაქტი რბილ კონტაქტურ ლინზებთან, რადგან ბენზალკონიუმის ქლორიდი შეიძლება აბსორბირდეს ლინზების მიერ და გამოიწვიოს მათი ფერის შეცვლა. პრეპარატის გამოყენების წინ უნდა მოიხსნათ ლინზები და მათი ჩასმა შეიძლება წვეთების ინსტილაციიდან სულ მცირე 15 წუთის შემდეგ . ბენზალკონიუმის ქლორიდმა შეიძლება გამოიწვიოს ცხვირის ლორწოვანი გარსის გაღიზიანება და შეშუპება, განსაკუთრებით პრეპარატის ხანგრძლივი გამოყენებისას. ურთიერთქმედება სხვა სამკურნალო საშუალებებთან და ურთიერთქმედების სხვა ფორმები პრეპარატი არ გამოიყენება ბრომოკრიპტინთან, მონოამინოქსიდაზას ინჰიბიტორებთან და ტრიციკლურ ანტიდეპრესანტებთან ერთად, ნაფაზოლინის სისხლძარღვთა შემავიწროვებელი მოქმედების გაძლიერებისა და გამოხატული არტერიული ჰიპერტენზიის განვითარების რისკის გამო. სხვა ოფთალმოლოგიურ მედიკამენტთან კომბინაციაში გამოყენებისას რეკომენდებულია ინსტილაციებს შორის 5 წუთიანი ინტერვალის დაცვა. სედატიური ანტიჰისტამინური პრეპარატების კომბინაცია ალკოჰოლთან ერთად აძლიერებს ცენტრალურ ნერვულ სისტემაზე დამთრგუნველ მოქმედებას. ადგილობრივი გამოყენების შემდეგ ამ ეფექტის განვითარების დაბალი ალბათობის მიუხედავად, საჭიროა სიფრთხილე პრეპარატის ალკოჰოლურ სასმელებთან და სპირტის შემცველ სამკურნალო საშუალებებთან ერთდროული გამოყენებისას. გამოყენება ორსულობის და ლაქტაციის დროს ორსულობა არ არის საკმარისი მონაცემები ნაფაზოლინის შესაძლო ტერატოგენული ეფექტების შესახებ. ფეტალური ტოქსიკურობის განვითარების შემთხვევაში აღინიშნება ტაქიკარდია. ორსულობის დროს პრეპარატის გამოყენება რეკომენდებულია მხოლოდ ექიმის დანიშნულებით, იქნება რა გათვალისწინებული  პრეპარატის გამოყენების მოსალოდნელი სარგებელი დედისთვის და  პოტენციური რისკი ნაყოფისთვის. ლაქტაცია პრეპარატი არ არის რეკომენდებული ლაქტაციის პერიოდში გამოსაყენებლად ძუძუთი კვებაზე მყოფი ბავშვის გულ-სისხლძარღვთა სისტემაზე შესაძლო ზემოქმედების გამო. ზეგავლენა ავტოტრანსპორტის ტარებისა და მექანიზმების მართვის უნარზე მხედველობის სიმახვილის შესაძლო დაქვეითების გამო, პრეპარატის თვალში ინსტილაციის შემდეგ რამდენიმე წუთით პაციენტი უნდა დაელოდოს მხედველობის აღდგენას მანამ, სანამ დაიწყებს ავტოტრანსპორტის ტარებას ან მექანიზმების მართვას. არასასურველი რეაქციები არასასურველი რეაქციების სიხშირის პარამეტრები განისაზღვრება შემდეგნაირად: ძალიან ხშირად (≥ 1/10); ხშირად (≥ 1/100, მაგრამ < 1/10); არახშირად (≥ 1/1000, მაგრამ < 1/100); იშვიათად (≥ 1/10000, მაგრამ < 1/1000); ძალიან იშვიათად (< 1/10000); სიხშირე უცნობია (შეუძლებელია შეფასდეს არსებული მონაცემების მიხედვით). ოფთალმოლოგია მხედველობის ორგანოს მხრივ: იშვიათად - მხედველობის სიმახვილის დაქვეითება, წვის ან  უცხო სხეულის შეგრძნება თვალში, კონიუნქტივის ქემოზი და ჰიპერემია, სუბკონიუნქტივალური სისხლჩაქცევა, რქოვანას ეროზია, ფოტოფობია. ერთეულ შემთხვევებში აღინიშნა ჰიპერმგრძნობელობის რეაქციები (ერითემა, ეგზემა, ჭინჭრის ციება), ქსეროტომია, თავის ტკივილი და ძილიანობა. რინოლოგია ზოგადი დარღვევები და დარღვევები შეყვანის ადგილზე: გარდამავალი ქავილი და ცხვირის ლორწოვანი გარსის წვა ადგილობრივი გამოყენების შემდეგ, ზოგჯერ ცემინება; გამოყენების სიხშირის გადაჭარბების შემთხვევაში "ცხვირის გაჭედვის" შეგრძნების გაძლიერება, რომელიც გამოწვეულია რეაქტიული ჰიპერემიით; ხანგრძლივი გამოყენებისას - ატროფიული რინიტი. გადაჭარბებული დოზები იწვევენ სისტემურ ეფექტებს: მაღალი არტერიული წნევა, თავის ტკივილი, ტრემორი, დაღლილობა, უძილობა. შეტყობინებები საეჭვო არასასურველი რეაქციების შესახებ შეტყობინებები საეჭვო არასასურველი რეაქციების შესახებ სამკურნალო საშუალების რეგისტრაციის შემდეგ მნიშვნელოვანია. პაციენტის მიერ სამკურნალო საშუალების მიმართ სერიოზული არასასურველი რეაქციის გამოვლენის ან ახალი ისეთი არასასურველი რეაქციის წარმოქმნის შემთხვევაში, რომელიც არ არის აღწერილი ამ ნაწილში, გთხოვთ ინფორმაცია მიაწოდოთ ფარმაკოზედამხედველობის ეროვნული სისტემის შესაბამისად. დოზის გადაჭარბება დოზის გადაჭარბების შემთხვევები არ არის აღწერილი. დოზის გადაჭარბების საშიშროება წარმოიქმნება პრეპარატის შემთხვევით გადაყლაპვის დროს (განსაკუთრებით მცირეწლოვან ბავშვებში) და ვლინდება შემდეგი სიმპტომებით: ძილიანობა, შენელება, სხეულის ტემპერატურის დაქვეითება, გულის შეკუმშვის სიხშირის შენელება. მკურნალობა: კუჭის ამორეცხვა, აქტივირებული ნახშირის მიღება, აუცილებლობის შემთხვევაში ინიშნება სიმპტომური მკურნალობა და კლინიკური მონიტორინგი. ფარმაკოლოგიური თვისებები ფარმაკოდინამიკური თვისებები ოფთალმოლოგიაში გამოსაყენებელი პრეპარატები. დეკონგესტანტები და ანტიალერგიული საშუალებები. სიმპათომიმეტურები, გამოყენებული როგორც დეკონგესტანტები. ნაფაზოლინი სხვა საშუალებებთან კომბინაციაში. ნაზალური პრეპარატები. დეკონგესტანტები და სხვა ნაზალური პრეპარატები ადგილობრივი გამოყენებისთვის. სიმპათომიმეტურები სხვა საშუალებებთან კომბინაციაში, გარდა კორტიკოსტეროიდებისა. ათქ კოდი: S01GA51, R01AB02. ნოზეილინი არის კომბინირებული პრეპარატი სისხლძარღვების შემავიწროვებელი (ნაფაზოლინი) და ალერგიის საწინააღმდეგო მოქმედებით (ქლორფენამინი). მოქმედების მექანიზმი ნაფაზოლინი მიეკუთვნება სიმპათომიმეტიკებს პირდაპირი α-ადრენერგული მოქმედებით და უმნიშვნელო ზემოქმედებით β-ადრენორეცეპტორებზე, ავლენს სისხლძარღვების შემავიწროვებელ და შეშუპების საწინააღმდეგო მოქმედებას. ლორწოვან გარსებზე ადგილობრივი გამოყენებისას რამდენიმე წუთში იწვევს ვაზოკონსტრიქციას, რომელიც ნარჩუნდება 4-8 საათის განმავლობაში. ქლორფენამინი წარმოადგენს ალკილამინს გამოხატული ანტიჰისტამინური მოქმედებით, გააჩნია სუსტი სედატიური და ზომიერი ანტიქოლინერგული მოქმედება. ფარმაკოკინეტიკური თვისებები თვალში ინსტილაციის შემდეგ ნაფაზოლინის სისხლძარღვების შემავიწროვებელი და შეშუპების საწინააღმდეგო მოქმედება შეინიშნება რამდენიმე წუთის შემდეგ და გრძელდება 4-8 საათი. რეკომენდაციების მიხედვით, ადგილობრივად გამოყენების დროს ნაფაზოლინი არ შეიწოვება სისტემურად. არ არსებობს მონაცემები ნაფაზოლინის ფარმაკოკინეტიკის შესახებ ადგილობრივი გამოყენების შემდეგ. თუმცა, ნაფაზოლინის სისტემურ სისხლის მიმოქცევაში მოხვედრა ლორწოვან გარსებზე გამოყენების შემდეგ არ არის გამორიცხული, განსაკუთრებით პაციენტებში თვალის ლორწოვანი გარსის (კონიუნქტივის) და ცხვირის ეპითელიუმის დაზიანებით. ვარგისობის ვადა 3 წელი წარმოების თარიღიდან.  არ გამოიყენოთ ვარგისობის ვადის გასვლის შემდეგ. განსაკუთრებული მითითებები შენახვისთვის შეინახეთ არა უმეტეს 25°C ტემპერატურაზე. შეინახეთ ბავშვებისათვის მიუწვდომელ ადგილზე! ფლაკონის გახსნის შემდეგ პრეპარატი გამოიყენეთ 28 დღის განმავლობაში. შეფუთვის ტიპი და შიგთავსი თვალის/ცხვირის წვეთები 15 მლ პლასტმასის ფლაკონში საწვეთურიანი საცობით და ხრახნიანი დამცავი თავსახურით, რომელიც  აღჭურვილია დამცავი რგოლით. 1 ფლაკონი სამედიცინო გამოყენების ინსტრუქციასთან ერთად მუყაოს კოლოფში. განსაკუთრებული სიფრთხილის ზომები უტილიზაციის და სხვა სამუშაოების დროს თავსახურის მოხსნის შემდეგ, თუ დამცავი რგოლი არ ეკვრის ფლაკონის ყელს, პრეპარატის გამოყენების წინ ის უნდა მოიხსნას. ფლაკონი უნდა იქნას ამობრუნებული საწვეთურით ქვემოთ და მოხდეს  ჩაწვეთება ფლაკონის კედლებზე მსუბუქად დაჭერით. ფლაკონის შიგთავსისა და საწვეთურის  მიკრობული დაბინძურების თავიდან აცილების მიზნით, მოარიდეთ საწვეთურის წვერი თვალთან, ქუთუთოსთან ან ნებისმიერ ზედაპირთან კონტაქტს. პრეპარატის ყოველი გამოყენების შემდეგ ფლაკონი უნდა ინახებოდეს მჭიდროდ დახურულ მდგომარეობაში. ნებისმიერი გამოუყენებელი პროდუქტი ან ნარჩენები უნდა იქნას  უტილიზებული ადგილობრივი წესების შესაბამისად. გაცემის რეჟიმი: ფარმაცევტული პროდუქტის ჯგუფი - III, გაიცემა რეცეპტის გარეშე</div></div></div>

ყველა პროდუქტი

ონლაინ შეკვეთის ხელმისაწვდომობა მოწმდება აპლიკაციაში. ფასი და მარაგი საჭიროებს გადამოწმებას.