ინდომეტაცინი - Indometacin 10% 40გ მალამო

<div><div><div><p><strong>სავაჭრო დასახელება:&nbsp;</strong>ინდომეტაცინი</p> <p>არაპატენტირებული საერთაშორისო დასახელება:&nbsp;ინდომეტაცინი</p> <p>წამლის ფორმა:&nbsp;მალამო გარეგანი გამოყენებისათვის</p> <p>შემადგენლობა (1ტუბი - 40გ):</p> <p>აქტიური ნივთიერება&nbsp;- ინდომეტაცინი 4.0გ</p> <p>არააქტიური ნივთიერებები:&nbsp;დიმეთილსულფოქსიდი, შარდოვანა, მაკროგოლი 400, მაკროგოლი 1500, პროპილენგლიკოლი, ლევომენთოლი, მეთილპარაჰიდროქსიბენზოატი, პროპილპარაჰიდროქსიბენზოატი, გასუფთავებული წყალი.</p> <p><strong>ფარმაკოთერაპიული ჯგუფი:&nbsp;</strong></p> <p>სახსრების და კუნთების ტკივილის დროს ადგილობრივად გამოსაყენებელი საშუალებები, ანთების საწინააღმდეგო არასტეროიდული ადგილობრივი საშუალებები</p> <p>ფარმაკოლოგიური თვისებები და გამოყენების ჩვენებები:&nbsp;ინდომეტაცინის მალამო შეიცავს აქტიურ ნივთიერებას ინდომეტაცინს, რომელიც წარმოადგენს ანტირევმატიულ არასრტეროიდულ ანთების საწინააღმდეგო საშუალებას. ინდომეტაცინი ამსუბუქებს ანთების სიმპტომებს - ტკივილს და შეშუპებას. ინდომეტაცინის მალამო განკუთვნილია ტკივილის და შეშუპების ადგილობრივი სიმპტომური მკურნალობისთვის საყრდენ-მამოძრავებელი აპარატის ანთებითი და დეგენერაციული დაავადებების და ტრავმების დროს (მყესები, კუნთები, სახსრები); საყრდენ-მამოძრავებელი აპარატის სახსრების გარშემო არსებული ქსოვილების რევმატიზმის ლოკალიზებული ფორმების დროს: ტენდინიტი, სინოვიტი, ტენდოვაგინიტი, ფასციის და სახსრების იოგების ანთება, ბურსიტი; ხერხემლის ან ზედა და ქვედა კიდურების სახსრების ართრიტის ზოგიერთი ფორმის დროს.</p> <p><strong>მიღების წესი და დოზირება:</strong></p> <p>მალამო დაიტანება დაზიანებულ მონაკვეთზე 3-4-ჯერ დღეში, ფრთხილად შეიზილება მის სრულ რეზორბციამდე. ერთჯერადად წასასმელი მალამოს რაოდენობა დამოკიდებულია დაზიანებულ ფართობზე. მალამო გამოიყენება არანაკლებ 6 საათიანი ინტერვალით.</p> <p>მკურნალობის ხანგრძლივობა 7-10 დღე. თუ ამ პერიოდში არ გაუმჯობესდა და/ან გაუარესდა დაავადების სიმპტომები, საჭიროა მიმართოთ მკურნალ ექიმს.</p> <p><strong>უკუჩვენება:&nbsp;</strong></p> <p>ჰიპერმგრძნობელობა ინდომეტაცინისა და სხვა არასტეროიდული ანთების საწინაარმდეგო პრეპარატებისადმი, ორსულობის III ტრიმესტრი, მალამოს დატანა კანის საფარველის მთლიანობის დარღვევისას, 15 წლამდე ასაკის ბავშვები.</p> <p>ასევე სიფრთხილით ინიშნება:&nbsp;ბავშვებში, კუჭის ან თორმეტგოჯა ნაწლავის წყლულოვანი დაავადებების დროს, ბრონქული ასთმის, ცხვირისა და ცხვირის ახლო ღრუების რეციდივული&nbsp; პოლიპოზისა და აცეტილსალიცილის მჟავას და არასტეროიდული ანთების საწინააღმდეგო საშუალებების მიუღებლობისას, სისხლის შედედების დარღვევების დროს (მათ შორის, ჰემოფილია, მიდრეკილება სისხლდენებისადმი), ორსულობის I და II ტრიმესტრებში, ლაქტაციის პერიოდში.</p> <p><strong>გვერდითი მოვლენები:</strong>&nbsp;</p> <p>შესაძლებელია ალერგიული რეაქციები მალამოს დატანის ადგილას - &nbsp;&nbsp;კანის ქავილი, წვა, შეწითლება, გამონაყარი, კანის აქერცვლა, სიმშრალე. ასეთ შემთხვევაში წყდება პრეპარატით მკურნალობა და ინიშნება სიმპტომატური თერაპია.</p> <p>კანის დიდ ფართობზე გამოყენების შემთხვევაში შესაძლებელია აღინიშნოს ისეთი გვერდითი მოვლენები, როგორებიც არის დარღვევები კუჭ-ნაწლავის ტრაქტის მხრივ&nbsp; (მადის დაკარგვა, გულისრევა, ღებინება, დიარეა,&nbsp; ტკივილი, სისხლჩაქცევები და დაწყლულება).</p> <p>გვერდითი მოვლენების გამოვლენის შემთხვევაში მიმართეთ ექიმს.</p> <p><strong>დოზის გადაჭარბება:&nbsp;</strong></p> <p>ჭარბი დოზის გამოვლინებები (ძირითადად კუჭ-ნაწლავის ტრაქტის მხრივ: უმადობა, გულისრევის შეგრძნება, ღებინება, ფაღარათი, ტკივილი, სისხლჩაქცევები) შეიძლება აღინიშნოს ძალიან იშვიათად მხოლოდ კანის დიდ ფართობზე ხანგრძლივი გამოყენებისას.</p> <p>თვალში, ლორწოვან გარსებზე ან ღია ჭრილობებზე მოხვედრისას აღინიშნება ლოკალური გაღიზიანება - ცრემლდენა, შეწითლება, წვა, ტკივილი. ზომები - დაზიანებული უბნის უხვი გამორეცხვა სუფთა წყლით ან ფიზიოლოგიური ხსნარით ჩივილების&nbsp; შემცირებამდე ან გაქრობამდე.</p> <p>განსაკუთრებული მითითებები:&nbsp;თავიდან უნდა იქნას აცილებული პრეპარატის მოხვედრა კანის დაზიანებულ ადგილზე და თვალის ლორწოვან გარსზე.</p> <p>გამოყენება ბავშვთა ასაკში:&nbsp;პრეპარატის გამოყენება არ არის რეკომენდირებული 15 წლამდე ბავშვთა ასაკში.</p> <p><strong>ორსულობა&nbsp;და&nbsp;ლაქტაცია:&nbsp;</strong></p> <p>თუ ხართ ორსულად ან მეძუძური დედა, თვლით, რომ შესაძლოა იყოთ ორსულად ან გეგმავთ დაორსულებას, ამ სამკურნალო პრეპარატის გამოყენების დაწყებამდე რჩევისთვის მიმართეთ თქვენს ექიმს.</p> <p>ინდომეტაცინის მალამოს გამოყენება არ არის რეკომენდებული ორსულობის ან ძუძუთი კვების დროს,</p> <p>ურთიერთქმედება სხვა სამკურნალო საშუალებებთან:&nbsp;უმნიშვნელო სისტემური აბსორბციის გამო ნაკლებად შესაძლებელია&nbsp; სხვა სამკურნალო საშუალებებთან კლინიკური მნიშვნელობის მქონე ურთიერთქმედება.</p> <p><strong>გამოშვების ფორმა:&nbsp;</strong>40გ მალამო ალუმინის ტუბში, რომელიც თავის მხრივ მოთავსებულია მუყაოს კოლოფში &nbsp;გამოყენების ინსტრუქციასთან ერთად.</p> <p><strong>შენახვის პირობები:&nbsp;</strong>ინახება არაუმეტეს 25OC ტემპერატურაზე, ბავშვებისათვის ხელმიუწვდომელ ადგილას!</p> <p>ვარგისობის ვადა:&nbsp;2 წელი</p> <p><strong>გაცემის წესი:&nbsp;</strong>ფარმაცევტული პროდუქტის ჯგუფი III, გაიცემა რეცეპტის გარეშე.</p></div></div></div>