ტაბექსი - Tabex 1.5მგ 100 ტაბლეტი

<div><div><div><p><strong>1.5 მგ შემოგარსული ტაბლეტები</strong><br><strong>(TABEX)</strong></p> <p id="A5BM83E"><strong>შემადგენლობა:</strong><br>- აქტიური შემადგენელი ნაწილი – ციტიზინი (Cystisine) 1.5 მგ.<br>- სხვა ინგრედიენტები: ლაქტოზას მონოჰიდრატი, მიკროკრისტალური ცელულოზა, ტალკი, მაგნიუმის სტეარატი, საღებარი ოპადრა II ყავისფერი (E464, ლაქტოზას მონოჰიდრატი, E171, მაკროგოლი 3000, ტრიაცეტინი, E172).</p> <p>იხილეთ ბლოგი: <a tabindex="0" href="https://psp.ge/blog/post/%E1%83%A2%E1%83%90%E1%83%91%E1%83%94%E1%83%A5%E1%83%A1%E1%83%98-%E2%80%93-%E1%83%9C%E1%83%90%E1%83%91%E1%83%98%E1%83%AF%E1%83%98-%E1%83%A1%E1%83%98%E1%83%92%E1%83%90%E1%83%A0%E1%83%94%E1%83%A2%E1%83%98%E1%83%A1-%E1%83%92%E1%83%90%E1%83%A0%E1%83%94%E1%83%A8%E1%83%94-%E1%83%AA%E1%83%AE%E1%83%9D%E1%83%95%E1%83%A0%E1%83%94%E1%83%91%E1%83%98%E1%83%A1%E1%83%99%E1%83%94%E1%83%9C"><span>ტაბექსი – ნაბიჯი სიგარეტის გარეშე ცხოვრებისკენ</span></a></p> <p><strong>რას წარმოადგენს ტაბექსი და რისთვის გამოიყენება&nbsp;</strong><br>ტაბექსი შეიცავს აქტიურ ნივთიერებას ციტიზინს, რომელიც მწეველის ორგანიზმზე ნიკოტინის მსგავსად მოქმედებს. ტაბექსის გამოყენება იწვევს თამბაქოს მოწევის თანდათან შეწყვეტას სიგარეტის უარყოფასთან დაკავშირებული უსიამოვნო შეგრძნებებისა და დისკომფორტის გარეშე.&nbsp;</p> <p><strong>ჩვენება&nbsp;</strong><br>ტაბექსი გამოიყენება თამბაქოს მოწევაზე დამოკიდებულ (ქრონიკული ტაბაკიზმი) ადამიანებში, რომლებსაც თავის დანებების სურვილი აქვთ.</p> <p><strong>ფარმაკოლოგიური ჯგუფი</strong><br>ნიკოტინდამოკიდებულების სამკურნალო საშუალება.</p> <p><strong>უკეჩვენებები:</strong><br>- ჰიპერმგრძნობელობა აქტიური ნივთიერების ციტიზინის ან ტაბექსის ნებისმიერი სხვა შემადგენელი კომპონენტის მიმართ;<br>- ცოტახნის წინ გადატანილი მიოკარდის ინფარქტი ან ტვინის შერყევა, არასტაბილური სტენოკარდია, გულის რითმის დარღვევა (გულის არითმია), ათეროსკლეროზის მძიმე ფორმა;<br>- ორსულობა ან ლაქტაცია;<br>ტაბექსის გამოყენების&nbsp; უკუჩვენებები:<br>- თირკმელზედა ჯირკვლის ქრომაფინული სიმსივნეები;<br>- გასტროეზოფაგეალური რეფლუქსური დაავადება (კუჭის წვენის გამოდევნა საყლაპავის ქვედა ნაწილში, რაც წვის შეგრძნებით ვლინდება);<br>- ფსიქიკური დაავადებები (შიზოფრენიის ზოგიერთი ფორმა).</p> <p><strong>განსაკუთრებული ყურადღება</strong><br>ვინაიდან არ არსებობს ტაბექსის გამოყენების უსაფრთხოების საკმარისი კლინიკური გამოცდილება, აუცილებელია სიფრთხილე პაციენტებში შემდეგი დაავადებებით:<br>- გულის იშემიური დაავადება (გულის კუნთის სისხლით მომარაგების დარღვევა);<br>- გულის უკმარისობა (გულის კუნთის სისუსტე);<br>- არტერიული ჰიპერტენზია (სისხლის მაღალი წნევა);<br>- თავის ტვინის სისხლძაღვთა დაავადებები;<br>- სისხლძარღვების ოკლუზია;<br>- ღვიძლისა და თირკმლის დაავადებები;<br>- ჰიპერთირეოიდიზმი (ფარისებრი ჯირკვლის მომატებული ფუნქცია);<br>- წყლულოვანი დაავადება;<br>- დიაბეტი.<br>ასევე არ არსებობს ტაბექსის გამოყენების უსაფრთხოების საკმარისი კლინიკური გამოცდილება 18 წლამდე ასაკის ბავშვებში და 65 წელზე უფროს მოზრდილებში.<br>ამიტომ, ტაბექსის გამოყენება პაციენტების ამ კატეგორიაში ექიმთან წინასწარი კონსულტაციის და სარგებელი/რისკის შეფარდების შეფასების გარეშე რეკომედებული არ არის.&nbsp;</p> <p><strong>ურთიერთქმედება სხვა სამკურნალო საშუალებებთან&nbsp;</strong><br>ექიმს უნდა ეცნობოს ისეთი წამლების გამოყენების შესახებ, როგორებიცაა ფიზოსტიგმინი, გალანტამინი ან ტუბერკულოზის სამკურნალო წამლები, მათი გვერდითი მოქმედებების შესაძლო გაძლიერების გამო ტაბექსთან ერთად გამოყენებისას.</p> <p><strong>ტაბექსის გამოყენება საკვებთან და სასმელებთან ერთად</strong><br>საკვები და სასმელები ტაბექსის მოქმედებაზე ზეგავლენას არ ახდენს.</p> <p><strong>ორსულობა და ლაქტაცია</strong><br>ექიმს უნდა ეცნობოს თუ პაციენტი ორსულად არის ან აპირებს დაორსულებას.<br>ორსულობის ან ლაქტაციის პერიოდში ტაბექსით მკურნალობა არ შეიძლება.</p> <p><strong>ზეგავლენა სატრანსპორტო საშუალებების მართვისა და მანქანებთან მუშაობის უნარზე&nbsp;</strong><br>არ არსებობს მონაცემები ტაბექსის მავნე ზეგავლენის შესახებ იმ საქმიანობისას, რომელიც მაღალ ყურადღებასა და რეაქციების სისწრაფეს მოითხოვს.&nbsp;</p> <p><strong>მნიშვნელოვანი ინფორმაცია ტაბექსის შემადგენელი ზოგიერთი ნაწილის შესახებ</strong><br>ეს სამკურნალო პრეპარატი ლაქტოზას შეიცავს. თუ პაციენტისათვის ცნობილია, რომ მას ზოგიერთი შაქრის აუტანლობა აწუხებს, პრეპარატის მიღებამდე ექიმს უნდა მიმართოს.</p> <p><strong>მიღების წესი&nbsp;</strong><br>გამოყენების წესი: ტაბლეტები მიიღება შიგნით, წყლის მიყოლებით.<br>დოზირება: მკურნალობა ტარდება შემდეგი სქემის მიხედვით:<br>- 1-3-ე დღე – 1 ტაბლეტი დღეში 6-ჯერ (2 საათში). ამ დღეების განმავლობაში მოსალოდნელია მოწეული სიგარეტების რიცხვის თანდათან შემცირება. თუ შედეგი არადამაკმაყოფილებელია, მკურნალობა წყდება და მისი გამეორება 2-3 თვეში შეიძლება. დამაკმაყოფილებელი ეფექტის დროს (სიგარეტების რიცხვის მნიშვნელოვანი შემცირება) მკურნალობის მე-3 დღის შემდეგ მკურნალობა სქემის მიხედვით გრძელდება;<br>- მე-4-12 დღე – 1 ტაბლეტი ყოველ 2.5 საათში (5 ტაბლეტი დღეში);<br>- მე-13-16 დღე – 1 ტაბლეტი ყოველ 3 საათში (4 ტაბლეტი დღეში);<br>- მე-17-20 დღე – 1 ტაბლეტი ყოველ 5 საათში (3 ტაბლეტი დღეში);<br>- 21-25-ე დღე – 1-2 ტაბლეტი დღეში.<br>მოწევაზე საბოლოოდ უარის თქმა უნდა მოხდეს მკურნალობის დაწყებიდან მე-5 დღეს. სამკურნალო კურსის დასრულების შემდეგ პაციენტმა უნდა გამოიჩინოს ნებისყოფა და საკუთარ თავს&nbsp; სიგარეტის მოწევის ნება არ უნდა დართოს.&nbsp;</p> <p><strong>ჭარბი დოზის მიღება</strong><br>ჭარბი დოზის მიღებისას შესაძლოა განვითარდეს ღებინება, გულის რითმის დაჩქარება, სუნთქვის გაძნელება. შესაძლებელია გულისრევა და გუგების გაფართოვება. ამ შემთხვევაში ტაბექსის მიღება უნდა შეწყდეს და საჭიროა ექიმთან კონსულტაცია.</p> <p><strong>ტაბექსის დოზის გამოტოვება</strong><br>დოზის გამოტოვების შემთხვევაში მისი მიღება უნდა მოხდეს რაც შეიძლება სწრაფად. თუ მოახლოებულია შემდეგი დოზის დალევის დრო, მაშინ მიღება ჩვეულებრივ უნდა გაგრძელდეს. გამოტოვებული დოზის კომპენსირების მიზნით დოზის გაორმაგება არ შეიძლება.&nbsp;</p> <p><strong>გვერდითი მოვლენები</strong><br>ყველა სხვა წამლის მსგავსად ტაბექსს შეუძლია გვერდითი მოქმედებების გამოწვევა. ისინი ყველა პაციენტში არ ვითარდება, ამიტომ ზოგს შეიძლება არანაირი რეაქცია არ განუვითარდეს.<br>ტაბექსით მკურნალობისას, განსკუთრებით დასაწყისში შესაძლებელია შემდეგი გვერდითი რეაქციები:<br>• სიმშრალე პირში, გემოსა და მადის შეცვლა, ღებინება, გულისრევა, მუცლის ტკივილი, ყაბზობა, დოარეა;<br>• თავის ტკივილი, თავბრუსხვევა;<br>• გულისცემა, ტკივილი მკერდის უჯრედში, გულის რითმის დაჩქარება, სისხლის წნევის მსუბუქად მომატება;<br>• ძილიანობა, უძილობა, მომატებული გაღიზიანებულობა;<br>• გაძნელებული სუნთქვა;<br>• კუნთების ტკივილი;<br>• წონის დაკლება, ოფლიანობა.</p> <p><strong>შენახვის პირობები&nbsp;</strong><br>ინახება ორიგინალ შეფუთვაში მშრალ, სინათლისაგან დაცულ, ბავშვებისათვის მიუწვდომელ ადგილას, არა უმეტეს 25ºC ტემპერატურაზე.<br>შეფუთვაზე მითითებული ვარგისიანობის ვადის გასვლის შემდეგ წამლის გამოყენება არ შეიძლება.</p> <p><strong>შენახვის ვადა</strong><br>2 წელი</p> <p><strong>გამოშვების ფორმა&nbsp;</strong><br>შემოგარსული ტაბლეტები – ჩალისფერი, მრგვალი, ორმხრივამოზნექილი, 6 მმ დიამეტრით.<br>20 ტაბლეტი პვქ/ალუმინის ფოლგის ბლისტერში, 5 ბლისტერი გამოყენების ინტრუქციასთან ერთად მოთავსებულია მუყაოს კოლოფში.</p> <p><strong>გაცემის წესი</strong><br>ურეცეპტოდ</p></div></div></div>