მოქსიგეტი - Moxiget 400მგ 5 ტაბლეტი
400მგ
<div><div><div><p><strong>მოქსიგეტი</strong><br>(მოქსიფლოქსაცინის ჰიდროქლორიდი ტაბლეტები 400მგ)<br>MOXIGET</p>
<p>ტაბლეტები 400მგ</p>
<p><strong>აღწერილობა:</strong><br>მოქსიგეტი (მოქსიფლოქსაცინი) არის ახალი ორალური 8-მეთოქსიფტორქინოლონის ანტიბაქტერიული აგენტი. Qქიმიურად მოქსიფლოქსაცინი არის 1-ციკლოპროპილ-7-[(შ, შ)-2,8-დიაზაბილციკლო [4.3.0] ნონ-8-ილ]-6-ფტორ-8-მეთოქსი-1,4-დიჰიდრო-4-ოქსო-3 ქინოლონ კარბოქსილის მჟავა. მისი მოლეკულური ფორმულა არისC21H24FN3O4•HCl.</p>
<p>ხარისხობრივი და რაოდენობრივი შემადგენლობა<br>მოქსიგეტი (მოქსიფლოქსაცინი) განკუთვნილია ორალური მიღებისთვის:</p>
<p>მოქსიგეტის® ტაბლეტი 400მგ<br>აპკიანი გარსით დაფარული ყოველი ტაბლეტი შეიცავს:<br>მოქსიფლოქსაცინის ჰიდროქლორიდი ევრ. ფარმ. – 400მგ მოქსიფლოქსაცინის ექვივალენტური.</p>
<p><strong>კლინიკური ფარმაკოლოგია</strong><br>მოქმედების მექანიზმი<br>მოქსიფლოქსაცინი არის ბაქტერიული აგენტი გრამ-დადებითი და გრამ-უარყოფითი ორგანიოზმების სპექტრის წინააღმდეგ. ასეთი აქტივობა განპირობებულია ბაქტერიის დნმ-ჰირაზას ინჰიბირებით (ტოპოიზომერაზა II) და ტოპოიზომერაზა (IV), რომელიც საჭიროა დნმ-ის რეპლიკაციისთვის, ტრანსკრიპციისთვის, აღდგენისთვის და რეკომბინაციისთვის. მოქსიფლოქსაცინი შეიცავს ჩ8-მეთოქსის ნაწილს, რომელიც აძლიერებს მის ანტიბაქტერიულ მოქმედებას და ამცირებს გრამ-დადებით მუტაციებს. იმის გამო, რომ 8-ფტორქინოლონებს გააჩნია ამინოგლუკოზიდებისგან, ბეტა-ლაქტამებისგან, მაკროლიდებისგან და ტეტრაციკლინებისგან განსხვავებული მოქმედების მექანიზმი, ჯვარედინი მდგრადობა ქინოლონებს და ანტიმიკრობულ აგენტს შორის არ აღინიშნება.</p>
<p>მიკრობიოლოგია:<br>Staphylococcus aureus (მეტაცილინმგრძნობიარე)<br>Sterptococcus pneumoiae, Sterptococcus pyogenes,<br>Sterptococcus epidermidis (მეტაცილინ-მგრძნობიარე),<br>Sterptococcus anginosus</p>
<p>აერობული გრამუარყოფითი მიკროორგანიზმები:<br>Haemophillus influenzae<br>Haemophillus parainfluenzae<br>Klebsiela pneumoniae<br>Moraxella catarrhalis<br>Enterobacter cloacae<br>Escherichia coli<br>Proteus mirabilis<br>ანაერობული მიკროორგანიზმები:<br>Fusobacterium species<br>Prevotella species<br>Peptostreptococcus species</p>
<p>სხვა:<br>Chlamydia pneumoniae<br>Mycoplasma pneumoniae<br>Legionela pneumophila<br>Mycobacterium leprae</p>
<p><strong>ფარმაკოკინეტიკა</strong><br>მოქსიფლოქსაცინი სწრაფად აბსორბირდება კუჭ-ნაწლავის ტრაქტიდან, აბსოლუტური ბიოშეღწევადობით 90%. ის ფართოდ ვრცელდება სხეულის ქსოვილებში და დაახლოებით 50%-ით უკავშირდება პლაზმის ცილებს.<br>მოქსიფლოქსაცინის ნახევარგამოყოფის პერიოდი, ერთჯერადი დოზის მიღების შემდეგ არის დახლოებით 12 საათი. უპირატესად მეტაბოლიზდება სულფატური და გლუკორონიდული კონიუგაციის გზით. პრეპარატის დაახლოებით 45% გამოიყოფა შარდით და განავლით, შეუცვლელი სახით. სულფატური კონიუგატები ექსკრეტირდება უპირატესად განავლით და გლუკორონიდები მხოლოდ შარდით.</p>
<p><strong>თერაპიული ჩვენებები</strong><br>მოქსიგეტი (მოქსიფლოქსაცინი) ტაბლეტები ნაჩვენებია შემდეგი ბაქტერიული ინფექციების სამკურნალოდ:<br>• მწვავე ბაქტერიული სინუსიტი.<br>• ქრონიკული ბრონქიტის Mმწვავე ბაქტერიული გამწვავება<br>• არაჰოსპიტალური პნეუმონია<br>• კანის და კანქვეშა ქსოვილების გაურთულებელი ინფექცია<br>• კანის და კანქვეშა ქსოვილების გართულებული ინფექცია</p>
<p><strong>გამოყენების მეთოდი და დოზირება</strong><br>მოქსიგეტის (მოქსიფლოქსაცინის) ჩვეული დოზა შეადგენს ერთ ტაბლეტს (400მგ) 24 საათში ერთხელ. მკურნალობის ხანგრძლივობა დამოკიდებულია დაავადების ტიპსა და სიმწვავეზე., როგორც მოცემულია ქვემო ცხრილში.</p>
<p>ინფექცია დღიოური დოზა ხანგრძლივობა<br>მწვავე ბაქტერიული სინუსიტი 400მგ 7 დღე<br>ქრონიკული ბრონქიტის Mმწვავე ბაქტერიული გამწვავება 400მგ 5-10 დღე<br>არაჰოსპიტალური პნეუმონია 400მგ 10 დღე<br>კანის და კანქვეშა ქსოვილების გართულებული ინფექცია 400მგ 7-21 დღე<br>გართულებული ინტრააბდომინური ინფექცია 400მგ 5-14 დღე</p>
<p><strong>გვერდითი რეაქციები</strong><br>მოქსიფლოქსაცინი ჩვეულებრივ კარგად აიტანება. გვერდითი რეაქციების უმეტესობა არის მსუბუქიდან საშუალო ხარისხის. ყველაზე ხშირი გვერდითი რეაქციებია გულისრევა და დიარეა.</p>
<p>ხშირი:<br>თავის ტკივილი, თავბრუსხვევა, მუცლის ტკივილი, Qთ ინტერვალის გახანგტძლივება, ავადმყოფებში თანმხლები ჰიპოკალიემიით, ტრანსამინაზების მომატება, რეზისტენტული ბაქტერიებით გამოწვეული სუპერინფექცია.</p>
<p>არახშირი:<br>ანორექსია, ყაბზობა, დისპეპსია, აირების დაგროვება, გასტრიტი, ამილაზების მომატება, Qთ ინტერვალის გაგრძელება, პალპიტაცია, ტაქიკარდია, წინაგულების ფიბრილაცია, გულის ანგინა, დისპნოე, ღვიძლის უკმარისობა, ბილირუბინის მომატება, გამა-გლუტამილ ტრანსფერაზას მომატება, სისხლის ტუტე-ფოსფატაზას მომატება, კანის ქავილი, ურტიკარია, კანის სიმშრალე, ართრალგია, მიალგია, დეჰიდრატაცია, მხედველობითი დარღვევები, შფოთვითი რეაქციები, ფსიქომოტორული ჰიპერაქტივობა, გემოვნებიის დარღვევები, პარესთეზია/დიზესთეზია, დაბნეულობა, დეზორიენტაცია, ჰიპერლიპიდემია, ალერგიული რეაქციები, ანემია, ლეიკოპენია, ნეიტროპენია, თრომოციტოპენია.</p>
<p>იშვიათი:<br>დისფაგია, ფსევდომემბრანული კოლიტი, პარკუჭოვანი ტაქიარითმია, გულის წასვლა, ჰიპერტენზია, ჰიპოტენზია, ვაზოდილატაცია, შუილი ყურებში, ჰიპოესთეზია, ყნოსვის დარღვევა, არანორმალური სიზმრები, კოორდინაციის მოშლა, კრუნჩხვები, ყურადღების დარღვევა, მეტყველების დარღვევა, ამნეზია, ანაფილაქსია, ალერგიული შეშუპება/ანგიოედემა, ჰიპერგლიკემია, ჰიპერურიკემია, ემოციური ლაბილობა, დეპრესია, ჰალუცინაციები და პროთრომბინის დროის მომატება.</p>
<p><strong>უკუჩვენებები</strong><br>მოქსიფლოქსაცინი უკუნაჩვენებია პაციენტებში:<br>• ჰიპერმგრძნობელობა მოქსიფლოქსაცინზე ან ქინოლონებზე ან ამ პრეპარატის ნებისმიერ სხვა კომპონენტზე.<br>• 18 წლამდე ასაკი.<br>• ორსულობა და ლაქტაციის პერიოდი<br>• პაციენტებში, რომლებსაც ჰქონიათ მყესების დაავადება, გამოწვეული ქინოლონების ჯგუფის პრეპარატებით მკურნალობით.<br>• ღვიძლის ფუნქციის დარღვევა და პაციენტები ტრანსამინაზებით >5 ფოლდ ULN<br>• Qთ ინტერვალის თანდაყოლილი ან შეძენილი გახანგრძლივება<br>• პაციენტებში, რომლებსაც აღენიშნებათ ელექტროლიტური დარღვევები, განსაკუთრებით ჰიპოკალიემია<br>• კლინიკურად დაზუსტებული ბრადიკარდია<br>• გულის უკმარისობა მარცხენა პარკუჭის განდევნის ფრაქციის შემცირების გამო<br>• პაციენტებში, რომლებსაც ჰქონიათ არითმიები<br>• IA კლასის (მაგ., ქინიდინი, პროკაინამიდი) ან III კლასის (ამიოდარონი, სოტალოლი) საწინააღმდეგო პრეპარატები მიღება ან ისეთ პრეპარატების, რომლებიც ახანგრძლივებენ QT ინტერვალს<br>• პაციენტებმა, რომლებსაც აქვთ იშვიათი მემკვიდრეობითი დარღვევა- გალაქტოზის აუტნლობა, ლაპ ლაქტაზის დეფიციტი ან გლუკოზა-გალაქტოზის მალაბსორბცია ეს პრეპარატი არ უნდა მიიღონ.</p>
<p><strong>უსაფრთხოების ზომები</strong><br>• როგორც ყველა ქინოლონი, მოქსიფლოქსაცინიც სიფრთხილით უნდა გამოვიყენოთ პაციენტებში, რომლებსაც აღენიშნებათ ცნს-ის მხრივ დარღვევები ან როდესაც ადგილი აქვს სხვა რისკ-ფაქტორს რომელმაც შეიძლება შექმნას წინასწარგანწყობა კრუნჩხვების მიმართ ან შეამციროს ზღურბლი.<br>• ფსევდომემბრანული კოლიტზე შეტყობინებები ახლავს თითქმის ყველა ანტიბაქტერიულ აგენტს და შეიძლება ვარირებდეს სიმძიმის ხარისხის მიხედვით, მსუბუქიდან, სიცოხლისთვის სახიფათომდე. შესაბამისად მნიშვნელოვანია დიაგნოზის განხილვა იმ პციენტებში, რომლებსაც აღენიშნებათ დიარეა ანტიბაქტერიული აგენტების დანიშნის შემდეგ.<br>• მყესის ანთება ან მოტეხილობა აღწერილია ქინოლონური ანტიბიოტიკებით მკურნალობისას. ეს რისკი შეიძლება გაიზარდოს კორტიკოსტეროიდების მოხმარებისას, განსაკუთრებით ხანდაზმულ პაციენტებში. მყესის ტკივილის გაჩენისთანავე უნდა მოხდეს მკურნალობის შეწყვეტა.<br>• პრეპარატის გამოყენება სიფრთხილით უნდა მოხდეს დიაბეტით დაავადებულ პაციენტებში, რადგან გლუკოზის რეგულაცია შეიძლება შეიცვალოს.<br>• პაციენტები, ოჯახურ ანამნეზში ან აქტუალური გლუკოზა-6-ფოსფატდეჰიდროგენაზას უმარისობით, რომლებიც მკურნალობენ ფტორქინოლონებით, მიდრეკილნი არიან ჰემოლიზური რეაქციების მიმართ<br>• ქინოლონებით თერაპიის დროს განვითარდა ჰიპერმგრძნობელობის რეაქციები, ანაფილაქსიის ჩათვლით.<br>• ქინოლონების გამოყენება უნდა მოხდეს სიფრთხლით თუ ადგილი აქვს მიასთენია გრავის გამმწვავებას.<br>• შეიძლება იშვიათად განვითარდეს პერიფერიული ნეიროპათია<br>• ხანდაზმულ პაციენტებში, რომელთაც აღენიშნებათ თირკმლის დაავადებები, მოქსიფლოქსაცინი უნდა გამოვიყენოთ სიფრთხილით, თუ მათ არ შეუძლიათ სითხის ადექვატური რაოდენობის მიღება, რადგან დეჰიდრატაციამ შეიძლება გამოიწვიოს თირკმლის უკმარისობა.<br>• უნდა განხორციელდეს ღვიძლის ფუნქციის ტესტები/გამოკვლევები იმ შემთხვევაში, როდესაც ადგილი აქვს ღვიძლის დისფუნქციას.<br>• მხედველობის გაუარესების ან თვალების მხრივ რაიმე ეფექტების შემთხვევაში უნდა მოხდეს ოფთალმოლოგის სასწრაფო კონსულტაცია.<br>• მოქსიფლოქსაცინმა პაციენტებში შეიძლება გამოიწვიოს ტრანსპორტის და ოპერატიული დანადგარების მართვის უნარის გაუარესება, ცნს-ის რეაქციების გამო (მაგალითად, თავბრუსხვევა; მხედველობის ტანზიტორული კრიტიკული დაკარგვა) ან გონების ხანგრძლივი ან ხანმოკლე დაკარგვა. პაციენტებს უნდა გაეწიოთ რეკომენდაცია, რომ ტრანსპორტის და ოპერაჩიული დანადგარების მართვამდე შეამოწმონ რეაქცია მოქსიფლოქსაცინზე.</p>
<p><strong>წამალთაშორისი ურთიერთქმედება</strong><br>• მოქსიფლოქსაცინის დანიშნვა უნდა მოხდეს მაგნიუმის, კალციუმის ან ალუმინის შემცველი ანტაციდური პრეპარატების (ასევე სუკრალფატის, მეტალის კათიონების, როგორიც არის რკინა და მულტივიტამინური პრეპარატების თუთიით ან დიდანოზინის) მიღებამდე 4 საათით ადრე ან 8 საათის შემდეგ.<br>• პრეპარატები, რომლებიც იწვევენ კალიუმის დონის შემცირებას<br>სიფრთხილით უნდა გამოვიყენოთ იმ პაციენტებში, რომლებიც ღებულობენ მოქსიფლოქსაცინით.<br>• აქტივირებული ნახშირის და მოქსიფლოქსაცინის ორალური 400მგ დოზის ერთდროულად მიღებისას პრეპარატის სისტემური ბიოშეღწევადობა მისი აბსორბციის დამუხრუჭების შედეგად მცირდება 80%-ზე უფრო მეტად. ამიტომ ამ ორი წამლის ერთდროული გამოყენება რეკომენდებული არ არის (გარდა ჭარბი დოზირების შემთხვევისა)<br>• პროთრომბინის დრო, საერაშორისო ნორმალიზებული შეფარდება (INR) ან სხვა ანტიკოაგულაციური ტესტი უნდა ჩატარდეს თუ ხდება ქინოლონის და ვარფარინის ან მისი წარმოებულების ერთდროული მიღება.<br>• ქინოლონების და არასტეროიდული ანთების საწინააღმდეგო საშუალებების ერთდროულად მიღებამ შეიძლება გამოიწვიოს ცნს-ის სტიმულაციის რისკი და კრუნჩხვები.</p>
<p><strong>შენახვა</strong><br>არ შეინახოთ 30ºC მაღალ ტემპერატურაზე.<br>დაიცავით სინათლისგან და ნესტისგან.<br>ვარგისობის ვადა ეხება პროდუქტის კორექტულად ენახვას მოთხოვნების კონდიციების დაცვით</p>
<p><strong>გამოშვების ფორმა</strong><br>მოქსიგეტი (მოქსიფლოქსაცინი) 400მგ ტაბლეტი ხელმისაწვდომია 5 ტაბლეტიანი ბლისტერული შეფუთვით.</p>
<p>ინახება ბავშვებისთვის მიუწვდომელ ადგილზე</p>
<p><strong>გაცემის წესი</strong><br>ფარმაცევტული პროდუქტის ჯგუფი II, გაიცემა ფორმა N3 რეცეპტით.</p>
<p> </p></div></div></div>
ყველა პროდუქტიონლაინ შეკვეთის ხელმისაწვდომობა მოწმდება აპლიკაციაში. ფასი და მარაგი საჭიროებს გადამოწმებას.