ედოლფენი - Edolfene თვალის წვეთები 0.3მგ/მლ 5მლ

<div><div><div><p><strong>1. რა არის ედოლფენი და რისთვის გამოიყენება</strong><br>ედოლფენი არის თვალის წვეთები, ხსნარი თვალში ადგილობრივი გამოყენებისათვის,&nbsp;რომლის ერთადერთი აქტიური სუბსტანცია არის ფლურბიპროფენის ნატრიუმი 0,3 მგ/მლ.&nbsp;ფლურბიპროფენის ნატრიუმი არის ძლიერი არასტერიდული ანთების საწინააღმდეგო&nbsp;პრეპარატი, რომლის მოქმედება განპირობებულია პროსტაგლანდინების ბიოსინთეზის<br>ძირითადი ელემენტის ციკლოოქსიგენაზას ფერმენტის ინჰიბირებით.&nbsp;პროსტაგლანდინები არის თვალის ანთების სპეციფიკური ტიპის შუალედური&nbsp;ელემენტები; მათი არსებობა იწვევს ვაზოდილატაციას, მომატებულ ვასკულარულ&nbsp;&nbsp;შეღწევადობას, ლეიკოტაქსისს, თვალშიდა ტონუსის მომატებას და სისხლის-წყლის&nbsp;ბარიერის გაწყვეტას. გარდა ამისა, მისი არსებობის და ირისის სპინქტერში გამოწვეული&nbsp;კონსტრიქციის შედეგად, პროსტაგლანდინები მონაწილეობენ მეიოზის პასუხში თვალის&nbsp;ოპერაციის დროს.<br><strong>ედოლფენი ნაჩვენებია:</strong><br>- ინტრაოპერაციული და პოსტოპერაციული მეიოზისის ინჰიბირებისას;<br>- ყველა იმ შემთხვევაში, როდესაც სასარგებლოა პროსტაგლანდინების ინჰიბირება,&nbsp;როგორიცაა ოფთალმოლოგიური ლაზერის გამოყენებისას ანთებითი რეაქციის&nbsp;კონტროლისათვის.</p> <p><strong>2. ედოლფენის გამოყენების წინ</strong><br>ედოლფენი არ გამოიყენება<br>- თუ გაქვთ ალერგია (მომატებული მგრძნობელობა) ფლურბიპროფენის ნატრიუმის ან<br>ედოლფენის ნებისმიერი სხვა ინგრედიენტის მიმართ;<br>- ჰერპესული (დენდრიტული) კერატიტის დროს.<br>გამოიჩინეთ განსაკუთრებული სიფრთხილე ედოლფენის გამოყენებისას&nbsp;თუ გაქვთ თვალზე ჭრილობები, ვინაიდან ამ პრეპარატის გამოყენებისას ჭრილობის&nbsp;მოშუშებას შეიძლება დასჭირდეს უფრო მეტი დრო.&nbsp;ედოლფენმა შეიძლება ასევე დააყოვნოს რქოვანას დაზიანებების ან წყლულების&nbsp;განკურნება.<br>ედოლფენის გამოყენება სხვა პრეპარატებთან&nbsp;აცნობეთ თქვენს ექიმს ან ფარმაცევტს, თუ ამჟამად იღებთ ან ბოლო დროს იღებდით&nbsp;ნებისმიერ სხვა, მათ შორის ურეცეპტოდ გასაცემ პრეპარატს.&nbsp;ცნობილი არ არის სხვა პრეპარატებთან ურთიერთქმედებების შესახებ.<br><strong>ორსულობა და ლაქტაცია</strong><br>ნებისმიერი პრეპარატის მიღებამდე რჩევა ჰკითხეთ თქვენს ექიმს ან ფარმაცევტს.&nbsp;ორსულ ქალებში ან მეძუძურ ქალებში ეს პრეპარატი არ გამოიყენება, გარდა იმ&nbsp;შემთხვევისა, როდესაც ექიმის გადაწყვეტილებით, პოტენციური სარგებელი ამართლებს<br>პოტენციურ რისკს.<br><strong>ავტომობილებისა და მექანიზმების მართვა</strong><br>თუ ედოლფენის ჩაწვეთების შემდეგ განვითარდა მხედველობის დროებით დაბინდვა, არ&nbsp;მართოთ ავტომობილები ან მექანიზმები მხედველობის ნორმის ფარგლებში&nbsp;დაბრუნებამდე.<br>მნიშვნელოვანი ინფორმაცია გენტოცილის ზოგიერთი ინგრედიენტის შესახებ&nbsp;ეს პრეპარატი შეიცავს თიომერსალს, რომელმაც შეიძლება გამოიწვიოს ალერგიული&nbsp;რეაქციები.</p> <p><strong>3. ედოლფენის მიღების წესი</strong><br>ედოლფენი გამოიყენება ზუსტად ექიმის მითითებების შესაბამისად.&nbsp;თუ რაიმეში არ ხართ დარწმუნებული, ჰკითხეთ თქვენს ექიმს ან ფარმაცევტს.<br><strong>გამოყენება ბავშვებში</strong><br>უსაფრთხოება და ეფექტურობა პედიატრიულ პაციენტებში დადგენილი არ არის.<br><strong>ჩვეულებრივი დოზა არის:</strong><br>- ქირურგიული ოპერაციისთვის მომზადებისას: 1 წვეთი ყოველ ნახევარ საათში,&nbsp;ქირურგიულ ჩარევამდე ორი საათის განმავლობაში (სულ 4 წვეთი);<br>- სხვა კლინიკური მდგომარეობებისას: 1 წვეთი, დღეში 4-ჯერ.<br><strong>მიღების წესი</strong><br>თვალის წვეთები, ხსნარი განკუთვნილია თვალში ადგილობრივი გამოყენებისათვის და&nbsp;მისი ჩაწვეთება ხდება კონიუნქტივალურ ტომარაში (თვალსა და ქუთუთოს შორის&nbsp;არსებულ „ჯიბეში“).<br>შემდეგი მითითებები დაგეხმარებათ ედოლფენის სწორად გამოყენებაში:<br>1. დაიბანეთ ხელები და მოთავსდით მოხერხებულად;<br>2. მოხსენით თავსახური;<br>3. თითით ფრთხილად ქვემოთ ჩამოსწიეთ ქვედა ქუთუთო;<br>4. საწვეთური მოათავსეთ ახლოს თვალთან ისე, რომ წვერი თვალს არ შეეხოს;<br>5. ბოთლს მსუბუქად დააჭირეთ თითი ისე, რომ მხოლოდ ერთი წვეთი ჩავიდეს თვალში,&nbsp;შემდეგ კი ხელი აუშვით ქუთუთოს;<br>6. თითი დააჭირეთ თვალის ახლოს ცხვირთან 1 წუთის განმავლობაში, თვალდახუჭულ&nbsp;მდგომარეობაში.<br>7. გაიმეორეთ ეს პროცესი მეორე თვალის შემთხვევაში, თუ ექიმი გირჩევთ.<br>8. ბოთლს დაახურეთ თავსახური.<br><strong>თუ გამოიყენეთ საჭიროზე მეტი რაოდენობის ედოლფენი</strong><br>არ არსებობს ცნობები თვალის წვეთების მოცემული ოკულარული ფორმით ამ პრეპარატის&nbsp;ჭარბი დოზირების შესახებ. მიუხედავად ამისა, თვალის წვეთების განზრახ ან შემთხვევით&nbsp;პერორალური მიღებისას, ხსნარმა პრობლემები არ უნდა გამოიწვიოს. თუ ასეთი რამ მაინც&nbsp;მოხდა, მიიღეთ სითხეები შესაბამისი დილუციის უზრუნველსაყოფად.<br><strong>თუ დაგავიწყდათ ედოლფენის გამოყენება</strong><br>თუ დაგავიწყდათ შესაბამის დროს ამ პრეპარატის გამოყენება, დაიცადეთ შემდეგი&nbsp;გამოყენების დრომდე, ე.ი. შემდეგი დოზა უნდა მიიღოთ ჩვეულ დროს. გამოტოვებული&nbsp;დოზის კომპენსირების მიზნით ორმაგი დოზის გამოყენება არ შეიძლება.<br>ამ პრეპარატთან დაკავშირებით დამატებითი კითხვების არსებობისას, მიმართეთ თქვენს&nbsp;ექიმს ან ფარმაცევტს.</p> <p><strong>4. შესაძლო გვერდითი ეფექტები</strong><br>სხვა პრეპარატების მსგავსად, ედოლფენმაც შეიძლება გამოიწვიოს გვერდითი ეფექტები,&nbsp;თუმცა არა ყველა პაციენტში.<br>გამოყენების დროს ზოგიერთ პაციენტში შეიძლება აღინიშნოს დროებითი წვის ან&nbsp;ჩხვლეტის შეგრძნება, რაც პრობლემას არ წარმოადგენს და არის მხოლოდ დროებითი&nbsp;დისკომფორტი.<br>იშვიათ შემთხვევებში, სხვა გართულებები შეიძლება აღინიშნოს, როგორიცაა:<br>- ბრონქული ასთმის გაუარესება ანამნეზში ამ დაავადების მქონე პაციენტებში;<br>- ქუთუთოების კანის გაღიზიანება (კონტაქტური დერმატიტი);<br>- პუნქტატური კერატიტი, რომელიც გამოხატულია თვალის წვის, ცრემლდენის და&nbsp;სინათლის აუტანლობის სახით;<br>- რქოვანას დარბილების დაზიანებები ხანგრძლივად გამოყენებისას.<br>ედოლფენი მნიშვნელოვნად არ ზრდის თვალის შიდა წნევას.<br>თუ რომელიმე მითითებული გვერდითი ეფექტი გაუარესდა ან თუ განვითარდა ისეთი&nbsp;გვერდითი ეფექტი, რომელიც მითითებული არ არის ამ ფურცელ-ჩანართში, აცნობეთ&nbsp;თქვენს ექიმს ან ფარმაცევტს.</p> <p><strong>5. ედოლფენის შენახვის პირობები</strong><br>შეინახეთ არა უმეტეს 25 C-ზე;<br>პირველად გახსნის შემდეგ, გამოიყენეთ 28 დღის განმავლობაში;<br>შეინახეთ ბავშვებისთვის მიუწვდომელ ადგილას;<br>არ გამოიყენოთ ედოლფენი ეტიკეტზე ან გარეთა კოლოფზე “EXP” ნიშანთან მითითებული<br>ვარგისიანობის ვადის გასვლამდე. ვარგისიანობის ვადა ნიშნავს მითითებული თვის ბოლო&nbsp;დღეს.<br>ეს პრეპარატი განკუთვნილია მხოლოდ თვალში გამოსაყენებლად და საწვეთურიანი<br>ბოთლის გამოყენება სხვა მიზნით არ შეიძლება.&nbsp;არ შეიძლება პრეპარატების გადაყრა საკანალიზაციო სისტემაში ან საყოფაცხოვრებო&nbsp;ნაგავში. ჰკითხეთ თქვენს ფარმაცევტს, თუ როგორ უნდა მოიქცეთ, როდესაც აღარ&nbsp;გჭირდებათ პრეპარატები. ეს ზომები ხელს შეუყობს გარემოს დაცვას.</p> <p><strong>6. დამატებითი ინფორმაცია</strong><br>რას შეიცავს ედოლფენი<br>- აქტიური ინგრედიენტი არის ფლურბიპროფენის ნატრიუმი 0,3 მგ/მლ;<br>- სხვა კომპონენტებია: კალიუმის ქლორიდი, ნატრიუმის ქლორიდი, ნატრიუმის ციტრატი,&nbsp;ლიმონმჟავას ონოჰიდრატი, დინატრიუმის ედეტატი, თიომერსალი, პოვიდონი,&nbsp;მაღალგასუფთავებული წყალი, ჰიდროქლორმჟავა და/ან ნატრიუმის ჰიდროქსიდი pH-ის&nbsp;კორექციისათვის.<br>ედოლფენის აღწერა და შეფუთვის შემცველობა<br>ედოლფენი არის სტერილური, სუფთა, უფერო და უსუნო ხსნარი თვალში&nbsp;გამოყენებისთვის, წარმოდგენილი დაბალი სიმკვრივის პოლიეთილენის საწვეთურიან&nbsp;ბოთლში მაღალი სიმკვრივის პოლიეთილენის თავსახურით. ყოველი ბოთლი შეიცავს 5მლ თვალის წვეთს, ხსნარს.<br><strong>სავაჭრო ნებართვის მფლობელი და მწარმოებელი</strong><br>ლაბორატორიო ედოლ - პროდუტოს ფარმაცეუტიკოს, ს.ა.</p></div></div></div>