კეტანოვი - Ketanov 10მგ. 20 ტაბლეტი

<div><div><div><p><strong>საერთაშორისო დასახელება: </strong>KETOROLAC</p> <p>მოქმედი ნივთიერება:&nbsp;კეტოროლაკი</p> <p><strong>კლინიკურ-ფარმაკოლოგიური ჯგუფი:</strong></p> <p>არასტეროიდული ანთების საწინააღმდეგო საშუალება.</p> <p><strong>შემადგენლობა და გამოშვების ფორმა:</strong></p> <p>შემოგარსული ტაბლეტები:&nbsp;შეფუთვაში 20 ტაბლეტი</p> <p>კეტოროლაკი .............&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; 10 მგ</p> <p><strong>ფარმაკოლოგიური თვისებები:</strong></p> <p>პრეპარატი ახდენს ანთების საწინააღმდეგო და გამოხატულ ანალგეზიურ მოქმედებას.</p> <p>მისი მოქმედების მექანიზმი განპირობებულია ციკლოოქსიგენაზის ფერმენტის ინჰიბირებით და პროსტაგლანდინების სინთეზის დამუხრუჭებით. იგი&nbsp;არ იწვევს&nbsp;სედატიურ მოქმედებას, გავლენას არ ახდენს ოპოიდურ რეცეპტორებზე. კეტანოვი&nbsp;არ იწვევს&nbsp;სასუნთქი ცენტრის დათრგუნვას და არ ახდენს გავლენას ფსიქომოტორულ ფუნქციაზე.</p> <p>ფარმაკოკინეტიკა:</p> <p>პერორალური მიღებისა და ინტრამუსკულარული შეყვანისას კეტანოვი შეიწოვება სწრაფად და სრულად. სისხლის პლაზმაში Cmax&nbsp;მიიღწევა 40-50 წთ-ის შემდეგ, როგორც პერორალური მიღებისას, ასევე ინტრამუსკულარული შეყვანისას. საკვების მიღება გავლენას არ ახდენს პრეპარატის შეწოვაზე.</p> <p>განაწილება:&nbsp;პლაზმის ცილებთან შეკავშირება შეადგენს 99%-ზე მეტს.</p> <p>გამოყოფა:&nbsp;როგორც პერორალური მიღებისას, ასევე ინტრამუსკულარული შეყვანისას T1/2&nbsp;შეადგენს 4-6 საათს.</p> <p>მიღებული დოზის 90%-ზე მეტი გამოიყოფა შარდთან ერთად, ამასთან 60%-ზე მეტი უცვლელი სახით. დანარჩენი რაოდენობა გამოიყოფა განავალთან ერთად.</p> <p>ფარმაკოკინეტიკა განსაკუთრებული კლინიკური შემთხვევებისას:&nbsp;ხანდაზმული ასაკის პირებსა და ავადმყოფებს, თირკმლების ფუნქციის გამოხატული დარღვევებით, გამოყოფის სიჩქარე უმცირდება, T1/2&nbsp;კი იზრდება.</p> <p><strong>ჩვენებები:</strong></p> <p>სხვადასხვა გენეზის ტკივილების ხანმოკლე კუპირება, მათ შორის:</p> <p>პოსტტრავმატიული ტკივილები (ამოვარდნილობის, მოტეხილობის და რბილი ქსოვილების დაზიანების შემდეგ);<br>პოსტოპერაციული ტკივილები (მ.შ. აბდომინალური, გინეკოლოგიური, ორთოპედიური ოპერაციების შემდეგ);<br>კბილის ტკივილი (მ.შ. ქირურგიული სტომატოლოგიური ჩარევის შემდეგ);<br>ტკივილები მშობიარობის შემდგომ პერიოდში;<br>ტკივილის სინდრომი ონკოლოგიური დაავადებების დროს;<br>ტკივილის სინდრომი ოსტეართროზის დროს;<br>იშიალგია.<br>პრეპარატი არ გამოიყენება ქრონიკული ტკივილის სინდრომის დროს.</p> <p><strong>მიღების წესი და დოზირება:</strong></p> <p>მოზრდილებში:</p> <p>პერორალურად უნიშნავენ 10 მგ ყოველ 4-6 სთ-ში. ძლიერი ტკივილების დროს დოზა შეიძლება გაიზარდოს 20 მგ-მდე 3-4-ჯერ დღე-ღამეში.<br>საინექციო ხსნარი ინტრამუსკულარულად შეჰყავთ ერთჯერადი დოზით 10-30 მგ (ტკივილის სინდრომის გამოხატვისაგან დამოკიდებულებით), შემდეგ 10-30 მგ ყოველ 4-6 საათში. საინექციო ხსნარის გამოყენების მაქსიმალური ხანგრძლივობა - 2 დღე.<br>პრეპარატის მაქსიმალური სადღეღამისო დოზა (პრეპარატის ნებისმიერი ფორმისათვის) - 90 მგ.</p> <p>ავადმყოფებისათვის სხეულის მასით 50 კგ-მდე, 65 წელზე მეტი ასაკისა და პაციენტებისათვის თირკმელების ფუნქციის დარღვევით მაქსიმალური სადღეღამისო დოზა შეადგენს 60 მგ-ს.<br><strong>გვერდითი მოვლენები:</strong></p> <p>კუჭ-ნაწლავის ტრაქტის მხრივ:&nbsp;სტომატიტი, ღებინება, შეკრულობა, დისპეფსია, გასტრიტი, კნტ-ის ეროზიულ-წყლულოვანი დაზიანებები, სიმშრალე პირის ღრუში.</p> <p>ცნს-ის მხრივ:&nbsp;ძილიანობა, თავბრუსხვევა, ნერვიულობა, პარესტეზია.</p> <p>შარდგამომყოფი სისტემის მხრივ:&nbsp;გახშირებული შარდდენა, თირკმლის მწვავე უკმარისობა, ნეფროლოგიური სინდრომი, ინტერსტიციალური ნეფრიტი.</p> <p>ნივთიერებათა ცვლის მხრივ:&nbsp;სისხლის პლაზმაში კრეატინინის და/ან შარდოვანას დონის მომატება.</p> <p>წყალ-ელექტროლიტური ბალანსის მხრივ:&nbsp;ჰიპოკალემია, ჰიპონატრიემია.</p> <p>გულ-სისხლძარღვთა სისტემის მხრივ:&nbsp;ბრადიკარდია, არტერიული წნევის ცვლილებები.</p> <p>სისხლის შედედების მხრივ:&nbsp;ტრომბოციტოპენია, პურპურა, ჰემატომის წარმოქმნა, სისხლდენა ცხვირიდან, შედებების დროის გახანგრძლივება.</p> <p>სასუნთქი გზების მხრივ:&nbsp;ქოშინი.</p> <p>ალერგიული რეაქცია:&nbsp;ჭინჭრის ციება.</p> <p>სხვადასხვა:&nbsp;წყურვილი.</p> <p><strong>უკუჩვენებები:</strong></p> <p>* კუჭისადა 12-გოჯა ნაწლავის წყლულოვანი დაავადება გამწვავების დროს;</p> <p>* კუჭიდან და ნაწლავებიდან სისხლდენა;</p> <p>* ბრონქიალური ასთმა;</p> <p>* გამოხატული ცერებრო-ვასკულარული დარღვევები;</p> <p>* თირკმლის ფუნქციის ზომიერი და გამოხატული დარღვევები, თირკმლის უკმარისობის განვითარების რისკი;</p> <p>* ანამნეზში სისხლის შედედების დარღვევა;</p> <p>* ჰემორაგიული დიათეზი;</p> <p>* სხვა არასტეროიდული ანთების საწინააღმდეგო საშუალებებთან ერთდროული მიღება;</p> <p>* ორსულობა;</p> <p>* მშობიარობა;</p> <p>* ლაქტაცია (ძუძუთი კვება);</p> <p>* ბავშვები და მოზარდული ასაკი 16 წლამდე;</p> <p>* კეტოროლაკისა და სხვა არასტეროიდული ანთების საწინააღმდეგო საშუალებების მიმართ მომატებული მგრძნობელობა.</p> <p><strong>ორსულობა და ლაქტაცია:</strong></p> <p>კეტანოვის მიღება ორსულობის პერიოდში დასაშვებია მხოლოდ მაშინ, როდესაც დედისათვის სასარგებლო პოტენციალური შედეგი მკვეთრად&nbsp; აღემატება ნაყოფზე ზემოქმედების პოტენციურ რისკს.</p> <p>* ლაქტაციის პერიოდში კეტანოვის მიღების აუცილებლობისას უნდა გადაწყდეს საკითხი ბავშვის ძუძუთი კვების შეწყვეტაზე.</p> <p>განსაკუთრებული მითითებები:</p> <p>*&nbsp;თირკმლის ან ღვიძლის ფუნქციადარღვეულ პაციენტებს პრეპარატი ენიშნებათ ფრთხილად. უნდა გავითვალისწინოთ, რომ პრეპარატის ხანგრძლივად მიღების შემთხვევაში იზრდება გვერდითი მოვლენების რისკის განვითარება საჭმლის მომნელებელი სისტემის მხრივ.</p> <p><strong>ჭარბი დოზირება:</strong></p> <p>ჭარბი დოზირების შემთხვევები არ არის აღნიშნული.</p> <p>ცხოველებს, რომლებიც ერთჯერადად პერორალურად ღებულობდნენ პრეპარატის დოზას 100მგ/კგ სხეულის მასაზე, აღენიშნებოდათ ისეთი სიმპტომები, როგორიცაა აქტივობის დაქვეითება, დიარეა, ფერის დაკარგვა, სუნთქვის გაძნელება, ღებინება, ხიხინი.</p> <p>სხვა წამლებთან ურთიერთქმედება:</p> <p>- კეტანოვის ერთდროული მიღებისას სხვა არასტეროიდულ ანთების საწინააღმდეგო საშუალებებთან იზრდება გვერდითი მოვლენების განვითარების რისკი.</p> <p>- In vitro კეტოროლაკი რამდენადმე ამცირებს ვარფარინის სისხლის პლაზმის ცილებთან კავშირს.</p> <p><strong>შენახვის პირობები:</strong></p> <p>პრეპარატი ინახება მშრალ, მზის სხივების პირდაპირი მოქმედებისაგან და ბავშვებისაგან დაცულ ადგილას, არა უმეტეს 250C ტემპერატურაზე.</p></div></div></div>