ლევოსტარი 500მგ 7 ტაბლეტი GMP

<div><div><div><p>საერთაშორისო დასახელება (აქტიური ნივთიერება):&nbsp;levofloxacin</p> <p>გამოშვების ფორმა: 500 მგ გარსით დაფარული ტაბლეტი №5; №10<br><br>&nbsp;<strong>1. რა არის ლევოსტარი და რისთვის გამოიყენება</strong></p> <p>ლევოსტარი არის ღია მოვარდისფრო-მოსტაფილოსფრო ფერის, ფართო სპექტრის სინთეზური ანტიბაქტერიული საშუალება, ფტორქინოლონების ჯგუფიდან. თითოეულ კოლოფში მოთავსებულია 7 გარსით დაფარული ტაბლეტი. გამოიყენება ფილტვების, შუბლისა და ცხვირის ღრუს დამატებითი წიაღების, საშარდე სისტემის, კანისა და რბილი ქსოვილების ინფექციების დროს.</p> <p>ლევოსტარი გამოიყენება შემდეგი ინფექციების სამკურნალოდ:</p> <p>• მწვავე ბაქტერიული სინუსიტი</p> <p>• ქრონიკული ბრონქიტის გამწვავება</p> <p>• არაჰოსპიტალური პნევმონია</p> <p>• ნოზოკომიალური პნევმონია</p> <p>• ქრონიკული ბაქტერიული პროსტატიტი</p> <p>• საშარდე სისტემის გართულებული და გაურთულებელი ინფექციები, მწვავე პიელონეფრიტის ჩათვლით</p> <p>• კანისა და რბილი ქსოვილების გართულებული და გაურთულებელი ინფექციები</p> <p>• ციმბირის წყლულის ფილტვის ფორმა (კონტაქტური)</p> <p><strong>2. რისი ცოდნაა საჭირო ლევოსტარის მიღებამდე</strong></p> <p>ნუ მიიღებთ ლევოსტარს, თუ</p> <p>• აღგენიშნებათ ალერგია (ჰიპერმგრძნობელობა) ლევოფლოქსაცინის, პრეპარატის შემადგენელი რომელიმე კომპონენტის ან სხვა ფტორქინოლონების მიმართ</p> <p>• გქონდათ მყესების პრობლემები ადრე გამოყენებული ფტორქინოლონების ფონზე</p> <p>• ხართ ასაკოვანი პაციენტი ან იღებთ კორტიკოსტეროიდებს (კორტიზონი ან სხვა მსგავსი) და აღგენიშნებათ მყესების ტკივილი ან ანთება მკურნალობის პროცესში</p> <p>• გაქვთ მწვავე, გახანგრძლივებული ან სისხლიანი დიარეა ლევოსტარით მკურნალობის ფონზე ან მისშემდეგ</p> <p>• ხართ ორსული ან მეძუძური დედა</p> <p>• ხართ ბავშვი ან მოზარდი. არ ინიშნება 18 წლამდე ასაკის ბავშვებსა და მოზარდებში.</p> <p>ლევოსტარის მიღების დროს გამოიჩინეთ სიფრთხილე, თუ გაქვთ</p> <p>• გულის პრობლემები ან გულის რითმის დარღვევის ოჯახური ანამნეზი</p> <p>• დიაბეტი და იღებთ ანტიდიაბეტურ საშუალებებს</p> <p>• ეპილეფსიური გულყრა ან ნევროლოგიური დარღვევები</p> <p>• ფერმენტ გლუკოზა-6-ფოსფატდეჰიდროგენაზას დეფიციტი</p> <p>• თირკმლის პრობლემები</p> <p>• მზის ან ულტრაიისფერი გამოსხივების ქვეშ ხანგრძლივად ყოფნის საჭიროება</p> <p>აცნობეთ ექიმს, თუ უჩივით ჩამოთვლილი პრობლემებიდან რომელიმეს.</p> <p><strong>ლევოსტარის მიღება საკვებთან და სითხეებთან ერთად</strong></p> <p>მიიღეთ ტაბლეტები წყალთან ერთად, დაუღეჭავად. დოზის კორექციის მიზნით, &nbsp;საჭიროების შემთხვევაში, დასაშვებია ტაბლეტის გაყოფა. ლევოსტარი მიიღება საკვებთან ერთად ან მის გარეშე.&nbsp;</p> <p><strong>ორსულობა</strong></p> <p>პრეპარატის მიღებამდე მიმართეთ ექიმს ან ფარმაცევტს.</p> <p>არ არსებობს ადეკვატური და მკაცრად კონტროლირებადი კვლევები ადამიანებში. ლევოსტარის მიღება დასაშვებია, თუ ექიმი მას აუცილებლად მიიჩნევს.</p> <p>აცნობეთ ექიმს ან ფარმაცევტს მკურნალობის პერიოდში დადგენილი ორსულობის თაობაზე.</p> <p><strong>ლაქტაციის პერიოდი</strong></p> <p>მედიკამენტის მიღებამდე მიმართეთ ექიმს ან ფარმაცევტს.</p> <p>ჩვილზე პოტენციურად საშიში გვერდითი მოვლენების რისკის გამოვლინების გამო ექიმმა შეიძლება გირჩიოთ ლაქტაციის ან ლევოსტარის მიღების შეწყვეტა.&nbsp;</p> <p><strong>ავტომობილებისა და სხვა მექანიზმების მართვა</strong></p> <p>ლევოსტარმა შეიძლება გამოიწვიოს სხვადასხვა ნევროლოგიური გვერდითი ეფექტი, როგორიცაა ძილიანობა ან თავბრუსხვევა. ამიტომ, ავტომობილისა და სხვა მექანიზმების მართვა განსაკუთრებულ ყურადღებას საჭიროებს.</p> <p><strong>მნიშვნელოვანი ინფორმაცია ლევოსტარის შემადგენელი ზოგიერთი დამხმარე ნივთიერების შესახებ</strong></p> <p>თუ ლევოსტარის შემადგენლობაში შემავალი დამხმარე ნივთიერებების მიმართ არ აღგენიშნებათ განსაკუთრებული მგრძნობელობა, უარყოფითი გავლენა ორგანიზმზე არ არის მოსალოდნელი.</p> <p><strong>მედიკამენტებთან ურთიერთქმედება</strong></p> <p>• რკინის მარილები, თუთიის შემცველი მულტივიტამინები, მაგნიუმის ან ალუმინის შემცველი ანტაციდები და სუკრალფატი მიიღება ლევოსტარის მიღებამდე 2 საათით ადრე ან მისი მიღებიდან 2 საათის შემდეგ. სხვა შემთხვევაში მცირდება ლევოსტარის აბსორბცია და შედეგად - ეფექტურობა.</p> <p>• ქინოლონებისა და თეოფილინის ერთდროული მიღების დროს იზრდება თეოფილინის დონე სისხლში. ამიტომ საჭიროა თეოფილინის დონის მონიტორინგი ლევოსტართან მისი კომბინირების დროს.</p> <p>• თეოფილინი, ფენბუფენი ან სხვა მსგავსი არასტეროიდული ანთების საწინააღმდეგო საშუალებები ზრდიან კრუნჩხვების განვითარების რისკს ლევოსტართან ერთად მიღების დროს.</p> <p>• ვიტ. K ანტაგონისტებთან ერთად ლევოსტარის მიღების შემთხვევაში იზრდება სისხლდენის რისკი. ასეთ პაციენტებში საჭიროა პროთრომბინის დროისა და სისხლდენის სიმპტომების მონიტორინგი.</p> <p>• არასტეროიდული ანთების საწინააღმდეგო საშუალებები ლევოსტართან კომბინაციაში აქვეითებენ ცერებრული გულყრების განვითარების ზღურბლს.</p> <p>• ლევოსტარი და ანტიდიაბეტური საშუალებები კომბინაციაში ერთდროულად ზრდიან ან აქვეითებენ სისხლში გლუკოზის დონეს (ჰიპერგლიკემია – ჰიპოგლიკემია). ამიტომ აუცილებელია გლუკოზის დონის მონიტორინგი სისხლში ლევოსტარისა და ჰიპოგლიკემიური საშუალებების ერთდროული დანიშვნის დროს.</p> <p>• პრობენეციდი და ციმეტიდინი თრგუნავს თირკმლის ფუნქციას.</p> <p>• ლევოსტარმა შეიძლება გამოიწვიოს ციკლოსპორინის ეფექტის გახანგრძლივება.</p> <p>აცნობეთ ექიმს ან ფარმაცევტს, თუ იღებთ ან იღებდით რომელიმე სხვა მედიკამენტს ურეცეპტოდ გასაცემი პრეპარატის ჩათვლით.</p> <p><strong>3. ლევოსტარის მიღების წესი</strong></p> <p>მიღების წესი და დოზირება / მიღების სიხშირე</p> <p>• ექიმი შეგირჩევთ დოზას და მკურნალობის კურსის ხანგრძლივობას</p> <p>• ლევოსტარი ინიშნება დღეში ერთხელ</p> <p>• ექიმი შეგირჩევთ დოზას დაავადების, მისი სიმწვავისა და გამომწვევი პათოგენის შესაბამისად</p> <p>• მკურნალობი სხანგრძლივობა მერყეობს დაავადებისშესაბამისად</p> <p>• ისევე, როგორც ყველა ანტიბიოტიკის შემთხვევაში, &nbsp;ლევოსტარის მიღება გრძელდება ტემპერატურული რეაქციის და ბაქტერიული ერადიკაციიდან &nbsp;(დაავადების სიმპტომების გაქრობიდან) 48 - 72 საათის განმავლობაში</p> <p><strong>მიღების წესი და გზა</strong></p> <p>• ლევოსტარი მიიღება პერორალურად, წყლის საკმაო რაოდენობასთან ერთად, არ დაღეჭოთ.</p> <p>• მიიღება საკვებთან ერთად ან მის გარეშე</p> <p>• მიიღება ყოველ დღე ერთსა და იმავე დროს</p> <p>სხვადასხვა ასაკობრივი ჯგუფები:</p> <p><span>ბავშვები:</span></p> <p>არ ინიშნება 18 წლამდე ასაკის ბავშვებში.</p> <p><span>ხანდაზმულები:</span></p> <p>თუ ხანდაზმულებში თირკმლის ფუნქცია შენარჩუნებულია, დოზის კორექცია არ არის საჭირო.</p> <p><span>განსაკუთრებული პოპულაცია:</span></p> <p>თირკმლის ფუნქციის დაქვეითება:</p> <p>ლევოსტარის დოზა საჭიროებს კორექციას თირკმლის დარღვეული ფუნქციის მქონე პაციენტებში. კუმულაციის თავიდან აცილების მიზნით, დოზას შეარჩევს ექიმი. ლევოსტარის ორგანიზმიდან გამოსადევნად ჰემოდიალიზი და პერიტონეული დიალიზი არაეფექტურია.&nbsp;</p> <p>ღვიძლის ფუნქციის დაქვეითება:</p> <p>არ საჭიროებს დოზის კორექციას.</p> <p>თუ ლევოსტარის მიღების პერიოდში მიგაჩნიათ, რომ მედიკამენტი ხასიათდება ძალიან ძლიერი ან სუსტი მოქმედებით, მიმართეთ ექიმს ან ფარმაცევტს.</p> <p><strong>საჭირო დოზაზე მეტი ლევოსტარის მიღების შემთხვევაში</strong></p> <p>საჭირო დოზაზე მეტი ლევოსტარის მიღების შემთხვევაში მიმართეთ ექიმს ან ფარმაცევტს.&nbsp;</p> <p>დოზის გადაჭარბების შედეგად ვითარდება ცენტრალური ნერვული სისტემის მხრივ სიმპტომები, როგორიცაა თავბრუსხვევა, გონების დაბინდვა ან გულყრის შეტევები; კუჭ-ნაწლავის ტრაქტის მხრივ რეაქციები, როგორიცაა გულძმარვა და გულისრევა ან გულის პრობლემები.</p> <p>ლევოსტარის ჰიპერდოზირების შემთხვევაში მიმართეთ ექიმს ან უახლოეს გადაუდებელი დახმარების ცენტრს.</p> <p><strong>ლევოსტარის დოზის გამოტოვების შემთხვევაში</strong></p> <p>დოზის გამოტოვების შემთხვევაში, პრეპარატი მიიღეთ როგორც კი გაგახსენდებათ, თუ მალევე არ გიწევთ შემდეგი დოზის მიღება.&nbsp;</p> <p>შემდგომი დოზა მიიღება ჩვეულებრივ დროს.</p> <p>ნუ მიიღებთ გაორმაგებულ დოზას გამოტოვებული დოზის შესავსებად.</p> <p><strong>ლევოსტარის მიღების შეწყვეტის შემთხვევაში</strong></p> <p>აუცილებელია მკურნალობის კურსის დასრულება ექიმის მითითების შესაბამისად. ნუ შეწყვეტთ მკურნალობას კურსის დასრულებამდე სიმპტომების გაუმჯობესების შემთხვევაში.</p> <p><strong>4. შესაძლო გვერდითი ეფექტები</strong></p> <p>ყველა მედიკამენტის მსგავსად, ლევოსტარის მიმართაც შეიძლება გვერდითი ეფექტების განვითარება, მისი შემადგენელი კომპონენტებისადმი მომატებული მგრძნობელობის მქონე პაციენტებში.</p> <p>იმ შემთხვევაში, თუ გამოვლინდა ქვემოთ ჩამოთვლილთაგან რომელიმე გვერდითი ეფექტი, დაუყოვნებლივ შეწყვიტეთ ლევოსტარის მიღება და მიმართეთ ექიმს ან ახლოს მდებარე საავადმყოფოს გადაუდებელი დახმარების განყოფილებას:</p> <p>• ალერგიული რეაქცია</p> <p>• მყესების ტკივილი და ანთება</p> <p>• მყესის გახლეჩა</p> <p>• კუნთებისა და სახსრების ტკივილი</p> <p>• კუნთოვანი სისუსტე</p> <p>• შარდის გამოყოფის მოულოდნელი შეწყვეტა</p> <p>• ცხელება</p> <p>• სოკოვანი ინფექცია</p> <p>• მწვავე, გახანგრძლივებული ან სისხლიანი დიარეა</p> <p>• ჰიპოგლიკემია</p> <p>• გულის რითმის დარღვევა</p> <p>• ფსიქოზური რეაქციები, როგორიცაა თვითდაზიანება</p> <p>ყველა ჩამოთვლილი სერიოზულ გვერდით ეფექტს წარმოადგენს.</p> <p>რომელიმე მათგანის გამოვლენის შემთხვევაში თქვენ ალერგიული ხართ ლევოსტარის მიმართ და საჭიროა გადაუდებელი სამედიცინო ჩარევა ან ჰოსპიტალიზაცია.</p> <p>ყველა აღნიშნული მოვლენა ძალიან იშვიათად ვითარდება.</p> <p>იმ შემთხვევაში, თუ გამოვლინდა ქვემოთ ჩამოთვლილთაგან რომელიმე გვერდითი ეფექტი, დაუყოვნებლივ მიმართეთ ექიმს ან ახლოს მდებარე საავადმყოფოს გადაუდებელი დახმარების განყოფილებას:</p> <p>• ფსიქოზური რეაქციები, ნევროზულობა, შფოთვა, დაძაბულობა</p> <p>• დეპრესია</p> <p>• ჰალუცინაციები</p> <p>• ეპილეფსიური გულყრა</p> <p>• ტრემორი</p> <p>• გონების დაბინდვა</p> <p>• მხედველობის ან სმენის დარღვევები</p> <p>• გემოვნებისა და ყნოსვის დარღვევა</p> <p>• მგრძნობელობის დაქვეითება</p> <p>• პალპიტაცია</p> <p>• ჰიპოტენზია</p> <p>• სუნთქვის გაძნელება</p> <p>• ანემია</p> <p>• დიარეა</p> <p>• მუცლის ტკივილი</p> <p>• ღებინება</p> <p>• გამონაყარი კანზე</p> <p>• ქავილი</p> <p>ყველა ჩამოთვლილი სერიოზულ გვერდით ეფექტს წარმოადგენს და საჭიროა გადაუდებელი სამედიცინო ჩარევა.</p> <p>ყველა აღნიშნული მოვლენა ძალიან იშვიათად ვითარდება.</p> <p>იმ შემთხვევაში, თუ გამოვლინდა ქვემოთ ჩამოთვლილთაგან რომელიმე გვერდითი ეფექტი, მიმართეთ ექიმს:</p> <p>• თავის ტკივილი</p> <p>• თავბრუსხვევა</p> <p>• ტინიტუსი (ხმაური ყურებში)</p> <p>• უძილობა</p> <p>• დაბუჟება</p> <p>• გულისრევა</p> <p>• გულძმარვა</p> <p>• კანისსიწითლე</p> <p>• სისუსტე</p> <p>ყველა ჩამოთვლილი მსუბუქ გვერდით ეფექტს წარმოადგენს.</p> <p>სერიოზული ან ისეთი გვერდითი ეფექტების გამოვლენის შემთხვევაში, რომლებიც მოცემულ გამოყენების ინსტრუქციაში არ არის აღწერილი, მიმართეთ ექიმს ან ფარმაცევტს.</p> <p><strong>5. ლევოსტარის შენახვის პირობები</strong></p> <p>ლევოსტარი ინახება ბავშვებისთვის ხელმიუწვდომელ ადგილას.</p> <p>შეინახეთ არა უმეტეს 25˚C ოთახის ტემპერატურე, მშრალ, სინათლისაგან დაცულ ადგილას.</p> <p>განსაკუთრებულ იყურადღება მიაქციეთ ვარგისობის ვადას.</p> <p>არ გამოიყენოთ კოლოფზე მითითებული ვარგისობის ვადის გასვლის შემდეგ.</p> <p>პროდუქტის დაზიანების შემთხვევაში გაიარეთ კონსულტაცია ფარმაცევტთან.</p> <p><strong>გაცემის წესი:&nbsp;</strong>ფარმაცევტული პროდუქტის ჯგუფი II, გაიცემა ფორმა #3 რეცეპტით.</p></div></div></div>