ქსილაზოლი - Xylazol 0.5/50მგ 10მლ ნაზალური სპრეი

<div><div><div><p><strong>ქსილაზოლი, ცხვირის სპრეი ბავშვებისათვის</strong></p> <p><strong>პრეპარატის 1 მლ შეიცავს</strong></p> <p><strong>აქტიური ნივთიერება:&nbsp;ქსილომეტაზოლინის ჰიდროქლორიდი 0.5 მგ, დექსპანტენოლი 50 მგ.</strong></p> <p>დამხმარე ნივთიერებები:&nbsp;დინატრიუმის ჰიდროფოსფატ ჰეპტაჰიდრატი, ნატრიუმის დიჰიდროფოსფატ მონოჰიდრატი, ბენზალკონის ქლორიდი, გასუფთავებული წყალი.</p> <p>ქსილაზოლი, ცხვირის სპრეი</p> <p>პრეპარატის 1 მლ შეიცავს</p> <p>აქტიური ნივთიერება:&nbsp;ქსილომეტაზოლინის ჰიდროქლორიდი 1 მგ, დექსპანტენოლი 50 მგ.</p> <p>დამხმარე ნივთიერებები:&nbsp;დინატრიუმის ჰიდროფოსფატ ჰეპტაჰიდრატი, ნატრიუმის დიჰიდროფოსფატ მონოჰიდრატი, ბენზალკონის ქლორიდი, გასუფთავებული წყალი.</p> <p>იხილეთ ბლოგი: <a tabindex="-1" href="https://psp.ge/blog/post/%E1%83%A5%E1%83%A1%E1%83%98%E1%83%9A%E1%83%90%E1%83%96%E1%83%9D%E1%83%9A%E1%83%98-%E2%80%94-%E1%83%A0%E1%83%9D%E1%83%93%E1%83%98%E1%83%A1-%E1%83%92%E1%83%90%E1%83%9B%E1%83%9D%E1%83%98%E1%83%A7%E1%83%94%E1%83%9C%E1%83%94%E1%83%91%E1%83%90-%E1%83%94%E1%83%A1-%E1%83%AA%E1%83%AE%E1%83%95%E1%83%98%E1%83%A0%E1%83%98%E1%83%A1-%E1%83%A1%E1%83%9E%E1%83%A0%E1%83%94%E1%83%98-%E1%83%91%E1%83%90%E1%83%95%E1%83%A8%E1%83%95%E1%83%94%E1%83%91%E1%83%A8%E1%83%98"><span>ქსილაზოლი — როდის გამოიყენება ეს ცხვირის სპრეი ბავშვებში</span></a></p> <p><strong>ფარმაკოთერაპიული ჯგუფი</strong></p> <p>შეშუპების საწინააღმდეგო და ადგილობრივი გამოყენების სხვა პრეპარატები ცხვირის ღრუს დაავადებების დროს. ქსილომეტაზოლინი სხვა საშუალებებთან კომბინაციაში.</p> <p><strong>ფარმაკოლოგიური თვისებები</strong></p> <p>ფარმაკოდინამიკა</p> <p>ქსილომეტაზოლინი მიეკუთვნება ადგილობრივ სისხლძარღვთა შემავიწროებელ ჯგუფს (დეკონგესტანტებს) ალფა-ადრენომიმეტული აქტივობით, იწვევს ცხვირის ღრუს ლორწოვანი გარსის სისხლძარღვების შევიწროებას, აღადგენს ჰაერის გამტარობას ცხვირიდან, ამსუბუქებს სუნთქვას. პრეპარატის მოქმედება ჩვეულებრივ იწყება მისი გამოყენებიდან რამდენიმე წუთის შემდეგ და გრძელდება 10 საათამდე.</p> <p>დექსპანტენოლი – B ჯგუფის ვიტამინი – პანტოტენის მჟავას წარმოებული. ასტიმულირებს ლორწოვანი გარსების რეგენერაციას, აწესრიგებს უჯრედოვან მეტაბოლიზმს, აჩქარებს მიტოზს და ზრდის კოლაგენური ბოჭკოების სიმტკიცეს. ფლობს მარეგენირებელ, მეტაბოლურ და მსუბუქ ანთების საწინააღმდეგო მოქმედებას.</p> <p><strong>ფარმაკოკინეტიკა</strong></p> <p>ქსილომეტაზოლინი ადგილობრივი გამოყენებისას პრაქტიკულად არ აბსორბირდება, კონცენტრაცია შრატში იმდენად მცირეა, რომ მისი განსაზღვრა თანამედროვე ანალიტიკური მეთოდებით შეუძლებელია.</p> <p>დექსპანტენოლი ადგილობრივი გამოყენებისას სწრაფად აბსორბირდება კანით და გარდაიქმნება პანტოტენის მჟავად, რომელიც უკავშირდება შრატის ცილებს (ძირითადად – β-გლობულინთან და ალბუმინთან). მისი კონცენტრაცია სისხლში შეადგენს 0.5-1 მგ/ლ, სისხლის შრატში – 100 მკგ/ლ. პანტოტენის მჟავა არ მეტაბოლიზდება ორგანიზმში (Ко-A-ში ჩართვის გარდა), გამოიყოფა შეუცვლელი სახით.</p> <p><strong>გამოყენების ჩვენებები</strong></p> <p>გამოიყენება მწვავე რესპირატორული დაავადებების დროს რინიტის ნიშნებით, მწვავე ალერგიული რინიტის, ვაზომოტორული რინიტის, სინუსიტის, შუა ყურის ანთების (კომბინირებული თერაპიის შემადგენლობაში ცხვირ-ხახის ლორწოვანის შეშუპების შემცირების მიზნით) დროს, რინოსკოპიის ჩატარების გაადვილების მიზნით, ცხვირის ღრუს არეში ქირურგიული ჩარევის შემდეგ ცხვირიდან დარღვეული სუნთქვის აღსადგენად.</p> <p><strong>გამოყენების წესი და დოზები</strong></p> <p>ინტრანაზალური გამოყენებისათვის.</p> <p>ქსილაზოლი, ცხვირის სპრეი ბავშვებისათვის</p> <p>პრეპარატი გამოიყენება 2-დან 6 წლამდე ბავშვთა ასაკში, ერთი შესხურება თითოეულ ნესტოში, დღეში არაუმეტეს 3-ჯერ. დოზირება დამოკიდებულია ინდივიდუალურ მგრძნობელობაზე და კლინიკურ რეაქციაზე.</p> <p>ქსილაზოლი, ცხვირის სპრეი</p> <p>პრეპარატი გამოიყენება მოზრდილებში და 6 წელზე უფროსი ასაკის ბავშვებში ერთი შესხურება თითოეულ ნესტოში, დღეში არაუმეტეს 3-ჯერ. დოზირება დამოკიდებულია ინდივიდუალურ მგრძნობელობაზე და კლინიკურ რეაქციაზე.</p> <p>ქსილაზოლის გამოყენება არ უნდა მოხდეს 7 დღეზე მეტი პერიოდით, განმეორებითი გამოყენება შესაძლებელია მხოლოდ რამდენიმე დღიანი შესვენების შემდეგ. ბავშვებში გამოყენების ხანგრძლივობასთან დაკავშირებით საჭიროა ექიმთან კონსულტაცია.</p> <p>გამოყენების წესი: გამფრქვევიდან იხსნება დამცავი თავსახური. სპრეის პირველ გამოყენებამდე საჭიროა გამფრქვევზე რამდენჯერმე დაჭერა, პრეპარატის თანაბარ გამოფრქვევამდე. შემდგომი გამოყენებისას ფლაკონი მზად არის გამოყენებისათვის.</p> <p>გამოყენებამდე საჭიროა ცხვირის გასუფთავება, გამფრქვევის შეყვანა ცხვირში. ფლაკონი უნდა იყოს ვერტიკალურ მდგომარეობაში. შესხურების დროს რეკომენდებულია ცხვირით მსუბუქი შესუნთქვა. გამოყენების შემდეგ საჭიროა გამფრქვევის გაწმენდა და დამცავი თავსახურის დაფარება.</p> <p><strong>უკუჩვენებები</strong></p> <p>-მომატებული მგრძნობელობა პრეპარატის კომპონენტების მიმართ;</p> <p>-მშრალი რინიტი;</p> <p>-თავის ტვინის გარსებზე ქირურგიული ჩარევა (ანამნეზში);</p> <p>-2 წლამდე ბავშვთა ასაკი (ცხვირის სპრეი ბავშვებისათვის);</p> <p>-6 წლამდე ბავშვთა ასაკი (ცხვირის სპრეისათვის)</p> <p><strong>გვერდითი მოქმედება</strong></p> <p>გვერდითი ეფექტების სიხშირის პარამეტრები განსაზღვრულია შემდეგი სახით: ძალიან ხშირი (≥ 1/10), ხშირი (≥ 1/100, მაგრამ&nbsp; &lt; 1/10), არახშირი (≥ 1/1000, მაგრამ&nbsp; &nbsp; &lt;1/100), იშვიათი (≥1/10000, მაგრამ &lt;1/1000-მდე), ძალიან იშვიათი (&lt;1/10000), სიხშირე უცნობია (არსებული მონაცემებით სიხშირის დადგენა შეუძლებელია).</p> <p>სუნთქვის სისტემის მხრიდან: ძალიან იშვიათი – დროებითი მსუბუქი გაღიზიანება (წვა ან ცხვირის ღრუს ლორწოვანის სიმშრალე), ლორწოვანი გარსის შეშუპების გაძლიერება პრეპარატის ეფექტის შემცირებისას (რეაქტიული ჰიპერემია), ცხვირიდან სისხლდენა.</p> <p>ნერვული სისტემის მხრიდან: ძალიან იშვიათი – თავის ტკივილი, შფოთვა, უძილობა, დაღლა (ძილიანობა).</p> <p>გულ-სისხლძარღვთა სისტემის მხრიდან: იშვიათი – გულისძგერა, გახშირებული გულის რითმი და არტერიული წნევის მატება; ძალიან იშვიათი – არითმია.</p> <p>საყრდენ-მამოძრავებელი აპარატის მხრიდან: ძალიან იშვიათი – კრუნჩხვები (განსაკუთრებით ბავშვებში).</p> <p>იმუნური სისტემის მხრიდან: არახშირი – ჰიპერმგრძნობელობის რეაქციები (გამონაყარი, ქავილი, კანის და ლორწოვანი გარსის შეშუპება).</p> <p>ხშირი და/ან ხანგრძლივი გამოყენებისას – ცხვირ-ხახის ლორწოვანი გარსის სიმშრალე და/ან გაღიზიანება, წვა, ჩხვლეტა, ცემინება, ჰიპერსეკრეცია, ალერგიული რეაქციები, ცხვირის ლორწოვანი გარსის შეშუპება, ღებინება, თავის ტკივილი, მშრალი რინიტი, გულისძგერის შეგრძნება, არტერიული წნევის მატება, უძილობა, მხედველობის დარღვევა, დეპრესია (მაღალი დოზების ხანგრძლივი გამოყენებისას).</p> <p><strong>განსაკუთრებული მითითებები</strong></p> <p>სიფრთხილით გამოიყენება შემდეგ შემთხვევებში:</p> <p>-მაო-ს ინჰიბიტორების, ტრიციკლური ანტიდეპრესანტების ან სხვა სამკურნალო საშუალებების გამოყენებისას, რომლებიც იწვევენ არტერიული წნევის მატებას;</p> <p>-მომატებული თვალშიდა წნევა, განსაკუთრებით კი დახურულკუთხოვანი გლაუკომის დროს;</p> <p>-გულ-სისხლძარღვთა სისტემის მძიმე დარღვევა (მაგალითად, კორონარული დაავადებები, არტერიული ჰიპერტენზია, ტაქიკარდია);</p> <p>-ფეოქრომოციტომა;</p> <p>-ნივთიერებათა ცვლის დარღვევა (მაგალითად, ჰიპერთირეოზი, დიაბეტი);</p> <p>-პორფირია;</p> <p>-წინამდებარე ჯირკვლის ჰიპერპლაზია.</p> <p><strong>ზემოქმედება ავტოსატრანსპორტო საშუალებების და მექანიზმების მართვის უნარზე</strong></p> <p>ხანგრძლივი ან მაღალი დოზების გამოყენებისას არ უნდა მოხდეს ქსილაზოლის სისტემური ეფექტის გამორიცხვა, მათ შორის, ზემოქმედება გულ-სისხლძარღვთა და ცენტრალურ ნერვულ სისტემაზე. ასეთ შემთხვევებში შესაძლებელია დაირღვეს ავტოსატრანსპორტო საშუალებების და მექანიზმების მართვის უნარი, ამიტომ საჭიროა სიფრთხილის ზომების დაცვა ან პოტენციურად საშიში საქმიანობისაგან თავის შეკავება.</p> <p><strong>გამოყენება ორსულობისა და ლაქტაციის პერიოდში</strong></p> <p>ქსილაზოლის გამოყენება არ არის რეკომენდებული ორსულობის პერიოდში, რადგანაც პაციენტთა ამ ჯგუფში ქსილომეტაზოლინის გამოყენების მონაცემები არ არის.</p> <p>არ არის ცნობილი, გამოიყოფა თუ არა ქსილომეტაზოლინი დედის რძით, ამიტომ ქსილაზოლის გამოყენება ლაქტაციის პერიოდში არ არის რეკომენდებული.</p> <p>გამოყენება პედიატრიაში</p> <p>ქსილაზოლი, ცხვირის სპრეი ბავშვებისათვის, უკუნაჩვენების 2 წლამდე ასაკის ბავშვებში.</p> <p>ქსილაზოლი, ცხვირის სპრეი, უკუნაჩვენების 6 წლამდე ასაკის ბავშვებში.</p> <p>ურთიერთქმედება სხვა სამკურნალო საშუალებებთან</p> <p>პრეპარატის ერთდროულმა გამოყენებამ მაო-ს ინჰიბიტორებთან, ტრიციკლურ ანტიდეპრესანტებთან ან ტრანილციპრომინთან, შესაძლებელია გამოიწვიოს არტერიული წნევის მატება, გულ-სისხლძარღვთა სისტემაზე ამ პრეპარატების ზემოქმედების შედეგად.&nbsp;</p> <p><strong>ჭარბი დოზა</strong></p> <p>ჭარბი დოზის ან შემთხვევით შიგნით მიღებისას, შესაძლებელია განვითარდეს შემდეგი სიმპტომები: გუგების შევიწროება (მიოზი), გუგების გაფართოება (მიდრიაზი), გულისრევა, ღებინება, ციანოზი, ცხელება, კრუნჩხვები, ტაქიკარდია, გულის რითმის დარღვევა, სისხლძარღვოვანი უკმარისობა, გულის გაჩერება, ჰიპერტენზია, ფილტვების შეშუპება, სუნთქვის ფუნქციის დარღვევა, ჰალუცინაციები.</p> <p>პაციენტებს ასევე შესაძლებელია განუვითარდეთ ცენტრალური ნერვული სისტემის დათრგუნვის სიმპტომები, რასაც თან ახლავს ძილიანობა, სხეულის ტემპერატურის შემცირება, ბრადიკარდია, შოკი, სუნთქვის გაჩერება და კომა.</p> <p>მკურნალობა: აქტივირებული ნახშირის გამოყენება, კუჭის ამორეცხვა, ფილტვების ჟანგბადოვანი ვენტილაცია. არტერიული წნევის დასაწევად ინიშნება 5 მგ ფენტოლამინი 0.9% ნატრიუმის ქლორიდის ხსნარში, ვენაში ნელი შეყვანის გზით ან 100 მგ ფენტოლამინი შიგნით. სისხლძარღვების შემავიწროებელი პრეპარატები უკუნაჩვენებია. საჭიროებისას გამოიყენება სიცხის დამწევი და კრუნჩხვის საწინააღმდეგო საშუალებები.</p> <p><strong>გამოშვების ფორმა</strong></p> <p>ცხვირის სპრეი 10 მლ ყვითელი ფერის შუშის ფლაკონში, გამფრქვევით და დამცავი თავსახუთი.&nbsp;</p> <p>1 ფლაკონი ფურცელ-ჩანართთან ერთად მუყაოს კოლოფში.</p> <p><strong>შენახვის პირობები</strong></p> <p>ინახება არა უმეტეს 25°С ტემპერატურაზე.</p> <p>ინახება ბავშვებისათვის მიუწვდომელ ადგილას!</p> <p>ფლაკონის გახსნის შემდეგ პრეპარატი გამოიყენება 12 კვირის განმავლობაში.</p> <p><strong>ვარგისიანობის ვადა</strong></p> <p>3 წელი წარმოების თარიღიდან.</p> <p>არ გამოიყენება ვარგისიანობის ვადის გასვლის შემდეგ.</p> <p><strong>აფთიაქიდან გაცემის წესი</strong></p> <p>ფარმაცევტული პროდუქტის ჯგუფი III, გაიცემა რეცეპტის გარეშე.</p></div></div></div>