ანგინოვაგი - ANGINOVAG სპრეი 10მლ

<div><div><div><p><strong>ანგინოვაგი® პირის ღრუს სპრეის ხსნარი</strong></p> <p>ახალი ეკო შეფუთვა: ფრეონის გაზი ამოღებულია ეკოსისტემის დასაცავად.</p> <p>არ ამოიღოთ კანულა ბოთლიდან დამზადებისა და გამოყენების შემდეგ:</p> <p><strong>ფარმაკოლოგიური მოქმედება:</strong></p> <p>ამ სამკურნალო საშუალების მოქმედი ნივთიერებები მოქმედებენ შემდეგნაირად: დექვალინიუმის ქლორიდის ანტისეპტიკურ, ანტიმიკრობულ და სოკოს საწინააღმდეგო მოქმედებას ემატება თიროტრიცინის ბაქტერიციდული ანტიბიოტიკური მოქმედება, ენოქსოლონისა და ჰიდროკორტიზონის აცეტატის ანთების საწინააღმდეგო მოქმედება და ლიდოკაინის ჰიდროქლორიდის ადგილობრივი საანესთეზიო მოქმედება. იგი წარმოდგენილია დამცავი სარქვლის მქონე სპრეის სახით, ამიტომ მოსახერხებელია ლოყა-ფარინგეალური დაზიანებების პროფილაქტიკისა და შეხორცებისთვის.</p> <p><strong>შემადგენლობა:</strong></p> <p>ყოველი 100 მლ შეიცავს: 60 მგ ბეტა-გლიცირეტინის მჟავას; 100 მგ დექვალინის ქლორიდს; 400 მგ თიროტრიცინს; 60 მგ ჰიდროკორტიზონის აცეტატს; 100 მგ ლიდოკაინის ჰიდროქლორიდს; დამხმარე ნივთიერებებია: პროპილენგლიკოლი 93,33 მგ და ეთანოლი 89,385% ვ/ვ.</p> <p id="BIC7B8N"><strong>ჩვენებები:</strong></p> <p>ანგინოვაგი ნაჩვენებია მოზრდილებსა და 12 წელზე უფროსი ასაკის მოზარდებში პირ-ხახის მსუბუქი სახის ინფექციების ლოკალური მკურნალობისთვის, რომელსაც თან ახლავს ტკივილი, მაგრამ არის ანთების და სიცხის გარეშე.</p> <p><strong>დოზირება:</strong></p> <p>მოზრდილები და 12 წელზე უფროსი ასაკის ბავშვები</p> <p>დარტყმითი დოზა: 1-2 შესხურება ყოველ 2-3 საათში.</p> <p>შემანარჩუნებელი ან პროფილაქტიკური დოზა: ერთი შესხურება ყოველ 6 საათში.</p> <p><strong>პედიატრიული პოპულაცია</strong></p> <p>ანგინოვაგის პერორალური სპრეის ხსნარის უსაფრთხოება და ეფექტურობა 12 წლამდე ასაკის ბავშვებში ჯერ დადგენილი არ არის.</p> <p>თირკმლის უკმარისობის მქონე პაციენტები</p> <p>ამ პრეპარატმა შეიძლება გავლენა იქონიოს ელიმინაციაზე თირკმლის მძიმე უკმარისობის მქონე პაციენტებში. ამიტომ ამ პაციენტებისთვის შეიძლება საჭირო გახდეს დოზის კორექტირება.</p> <p>ღვიძლის უკმარისობის მქონე პაციენტები</p> <p>ღვიძლის მძიმე უკმარისობის მქონე პაციენტებში, რომელთა ღვიძლის ფუნქცია დაქვეითებულია, საჭირო იქნება დოზის ინდივიდუალური შერჩევა რათა მოხდეს ჰიდროკორტიზონის მეტაბოლიზაცია.</p> <p><strong>უკუჩვენებები / გვერდითი მოვლენები / ურთიერთქმედება:</strong></p> <p>ჰიპერმგრძნობელობა მოქმედი ნივთიერების ან რომელიმე დამხმარე ნივთიერების მიმართ.</p> <p>ანგინოვაგი უკუნაჩვენებია პირის ღრუს ლორწოვანის მძიმე დაზიანების მქონე პაციენტებში.</p> <p>შემდეგი გვერდითი მოვლენები დაფიქსირდა ანგინოვაგის ან მისი რომელიმე მოქმედი ნივთიერების ცალკე გამოყენებისას.</p> <p>ქვემოთ ჩამოთვლილი გვერდითი მოვლენები კლასიფიცირდება შემდეგნაირად: ძალიან ხშირი (≥1/10), ხშირი (≥1/100-დან &lt;1/10-მდე), არახშირი (≥1/1000-დან &lt;1/100-მდე), იშვიათი (≥ 1/10,000-დან &lt; 1/1,000-მდე), ძალიან იშვიათი (&lt;1/10,000). ინდივიდუალური გვერდითი მოვლენების ზოგიერთი სიხშირის შეფასება შეუძლებელია არსებული მონაცემებით (სიხშირე უცნობია). ზომები დოზის გადაჭარბებისას</p> <p>დარღვევები თვალის მხრივ:</p> <p>-იშვიათი: ​​მხედველობის დაბინდვა.</p> <p>დარღვევები იმუნური სისტემის მხრივ:</p> <p>-სიხშირე უცნობია: ჰიპერმგრძნობელობა, ალერგია (ჭინჭრის ციება, ერითემა, ეგზანთემა, ანთება, გამონაყარი, ქავილი, შეშუპება).</p> <p>ურთიერთქმედება სხვა სამკურნალო საშუალებებთან და ურთიერთქმედების სხვა ფორმები</p> <p>ინფორმაცია არ არის ხელმისაწვდომი ან ძალიან ცოტაა.</p> <p>ენოქსოლონი</p> <p>არსებობს ბიბლიოგრაფიული ცნობები ცხოველებზე ჩატარებული კვლევებიდან, რომლებშიც ენოქსოლონისა და ჰიდროკორტიზონის ერთდროული ადგილობრივი გამოყენება აძლიერებს ამ უკანასკნელის მოქმედებას კანზე. შეუძლებელი იყო იმის დადგენა, აძლიერებს თუ არა ის სისტემურ შეწოვას და ტოქსიკურობასც.</p> <p>დექვალინიუმის ქლორიდი</p> <p>მისი დაბალი ბიოშეღწევადობის გამო, არ ჩატარებულა კვლევები დექვალინის ქლორიდზე მისი ფარმაკოკინეტიკური თვისებების, წამლისმიერი ურთიერთქმედების პოტენციალის ან მისი მეტაბოლიზმისა და ელიმინაციის შესაფასებლად. მოსალოდნელია, რომ დექვალინის ქლორიდის ბიოშეღწევადობა დაბალი იქნება ადამიანებში, ცხოველებზე დაფუძნებული მტკიცებულებებისა და ფართო კლინიკური გამოყენების გამოცდილების საფუძველზე.&nbsp;</p> <p>ჰიდროკორტიზონის აცეტატი</p> <p>CYP3A-ის ინჰიბიტორების შემცველი საშუალებებით, მათ შორის კობიცისტატით თანმხლები მკურნალობა, ზრდის სისტემური გვერდითი მოვლენების რისკს.</p> <p>ურთიერთქმედების კვლევები არ ჩატარებულა. მიჩნეულია, რომ ურთიერთქმედება სისტემურად შეყვანილ სამკურნალო საშუალებებს შორის მინიმალურია, &nbsp;ანგინოვაგის დოზირებისა და მიღების წესის გამო.</p> <p>თიროტრიცინი</p> <p>არ გამოიყენება კლოსტრიდიოპეპტიდაზას შემცველ სამკურნალო საშუალებებთან ან კომბინაციებთან ერთად, რადგან მას თრგუნავს თიროტრიცინის ანტისეპტიკური მოქმედება.</p> <p>ლიდოკაინის ჰიდროქლორიდი</p> <p>ლიდოკაინთან ცნობილი ურთიერთქმედება არ არის რელევანტური ანგინოვაგის პერორალური გამოყენებისას, თუმცა სამკურნალო საშუალებაში მისი შემცველობის გამო გასათვალისწინებელია, რომ:</p> <p>-ბეტა-ადრენერგული ბლოკატორები ამცირებენ ღვიძლისმიერ სისხლის ნაკადს და, შესაბამისად, ლიდოკაინის მეტაბოლიზმის სიჩქარეს, რაც ზრდის ტოქსიკურობის რისკს. ციმეტიდინს შეუძლია დათრგუნოს ლიდოკაინის ღვიძლისმიერი მეტაბოლიზმი, რაც ზრდის ტოქსიკურობის რისკს.</p> <p>-&nbsp;შეიძლება გამოიწვიოს ჯვარედინი მგრძნობელობა სხვა ამიდური ტიპის ადგილობრივ საანესთეზიო საშუალებებთან.</p> <p>-III კლასის ანტირიტმული საშუალებები (როგორიცაა მექსილეტინი, პროკაინამიდი), პოტენციური ფარმაკოკინეტიკური ან ფარმაკოდინამიკური ურთიერთქმედების გამო.</p> <p>-ციტოქრომ P450-ის იზოფერმენტები CYP1A2 და CYP3A4 მონაწილეობენ ფარმაკოლოგიურად აქტიური ლიდოკაინის მეტაბოლიტის MEGX-ის ფორმირებაში, ამიტომ სხვა პრეპარატებმა, როგორიცაა ფლუვოქსამინი, ერითრომიცინი და იტრაკონაზოლი, შეიძლება გაზარდონ პლაზმური ლიდოკაინის კონცენტრაცია.</p> <p>მოერიდეთ ანგინოვაგის ერთდროულ მიღებას სხვა ადგილობრივ საანესთეზიო საშუალებებთან.</p> <p>ეთანოლი</p> <p>ეს სამკურნალო საშუალება შეიცავს 89,385% ვ/ვ ეთანოლს საბოლოო მოცულობით. მას შეუძლია შეცვალოს ან გააძლიეროს სხვა სამკურნალო საშუალებების მოქმედება.</p> <p><strong>სიფრთხილის ზომები:</strong></p> <p>10 დღეზე მეტხნიანი გამოყენება თავიდან უნდა იქნას აცილებული პირის ღრუს მიკრობიოტის ცვლილების რისკის გამო.</p> <p>ანგინოვაგის კომპონენტების დაბალი კონცენტრაციის და რეკომენდებული დოზირების გამო, მოსალოდნელი &nbsp;არ არის კომპონენტების გვერდითი მოვლენები სისტემური ზემოქმედების გამო.</p> <p>მხედველობის დარღვევები</p> <p>მხედველობის დარღვევა შეიძლება აღინიშნოს კორტიკოსტეროიდების სისტემური და ადგილობრივი გამოყენებისას. თუ პაციენტს განუვითარდა ისეთი სიმპტომები, როგორიცაა ბუნდოვანი მხედველობა ან მხედველობის სხვა დარღვევები, უნდა მიმართოს ოფთალმოლოგს შესაძლო მიზეზების შესაფასებლად, რომელიც შეიძლება იყოს კატარაქტა, გლაუკომა ან იშვიათი დაავადებები, როგორიცაა ცენტრალური სეროზული ქორიორეტინოპათია (CRSC), რომელიც დაფიქსირდა კორტიკოსტეროიდების სისტემური და ადგილობრივი გამოყენების შემდეგ.</p> <p><strong>გაფრთხილებები დამხმარე ნივთიერებების შესახებ</strong></p> <p>ეს პრეპარატი შეიცავს 93,33 მგ პროპილენგლიკოლს ყოველ მლ-ში.</p> <p>ეს პრეპარატი შეიცავს 89,385% ვ/ვ ეთანოლს, რაც შეესაბამება დაახლოებით 75 მგ-ს ერთ შესხურებაში.</p> <p>ეს სამკურნალო საშუალება საშიშია ალკოჰოლიზმით დაავადებულთათვის.</p> <p>ალკოჰოლის შემცველობა მხედველობაში უნდა იქნას მიღებული ორსული ან მეძუძური ქალების, ბავშვებისა და მაღალი რისკის მქონე ადამიანებისთვის, როგორიცაა ღვიძლის დაავადების, ეპილეფსიის, ტვინის დაზიანების მქონე პაციენტები და ალკოჰოლიზმით დაავადებული პაციენტები.</p> <p>გამოყენება სპორტსმენებში</p> <p>სპორტსმენებს უნდა ეცნობოთ, რომ ეს პრეპარატი შეიცავს ჰიდროკორტიზონის აცეტატს, რამაც შეიძლება გამოიწვიოს დოპინგის კონტროლის ტესტის დადებითი შედეგი.</p> <p><strong>გამოყენება ორსულობისა და ლაქტაციის პერიოდში:</strong></p> <p>ორსულობისა და ლაქტაციის პერიოდში გამოყენების შესახებ კლინიკური მონაცემები არ მოიპოვება.</p> <p>ორსულობა</p> <p>ორსულ ქალებში ანგინოვაგის გამოყენების შესახებ მონაცემები შეზღუდულია ან არ არსებობს.</p> <p>ცხოველებზე ჩატარებული კვლევები არასაკმარისია რეპროდუქციული ტოქსიკურობის დადგენის თვალსაზრისით (იხ. პარაგრაფი 5.3).</p> <p>ანგინოვაგის გამოყენება არ არის რეკომენდებული ორსულობის დროს.</p> <p>ძუძუთი კვება</p> <p>ლიდოკაინი გამოიყოფა დედის რძეში. თუმცა, მეძუძურ ქალებში ანგინოვაგის კვლევები არ ჩატარებულა. ვინაიდან ლიდოკაინის მეტაბოლიზმი ხდება შედარებით სწრაფად და თითქმის მთლიანად ღვიძლში, მოსალოდნელია, რომ ლიდოკაინის მხოლოდ ძალიან დაბალი რაოდენობა გამოიყოფა დედის რძეში პროდუქტის თერაპიული დოზებით. გადაწყვეტილება ძუძუთი კვების შეწყვეტის ან მკურნალობის შეწყვეტის შესახებ უნდა იქნას მიღებული ბავშვისთვის ძუძუთი კვების სარგებელის და დედისთვის მკურნალობის სარგებელის გათვალისწინების შემდეგ.</p> <p>დოზის გადაჭარბება და მისი მკურნალობა:</p> <p>იმ კონცენტრაციის გამო, რომლითაც წარმოდგენილია კომპონენტები, დოზის გადაჭარბების შემთხვევაში, არ არის მოსალოდნელი ისეთი სისტემური ზემოქმედება, რომელმაც შეიძლება გამოიწვიოს მნიშვნელოვანი გვერდითი მოვლენები.</p> <p><strong>გაცემის წესი:</strong>&nbsp;&nbsp;</p> <p>ფარმაცევტული პროდუქტის ჯგუფი III, გაიცემა რეცეპტის გარეშე</p> <p>შეფუთვა:</p> <p>შეფუთვა შეიცავს 10 მლ-ს.</p> <p>შეინახეთ ბავშვებისთვის მიუწვდომელ ადგილას.</p></div></div></div>