კეტონალი - Ketonal 50მგ. 25 კაფსულა

<div><div><div><p><strong>საერთაშორისო დასახელება</strong>&nbsp;- ketoprofen</p> <p>კლინიკურ-ფარმაკოლოგიური ჯგუფი&nbsp;- არასტეროიდული ანთების საწინააღმდეგო საშუალებები; პროპიონის მჟავას წარმოებული პრეპარატები გამოხატული ანალგეზიური ეფექტით</p> <p><strong>შემადგენლობა და გამოშვების ფორმა</strong><br>50მგ კაფსულა #25<br>100მგ ტაბლეტი #20</p> <p>კეტონალი® 50 მგ, კაფსულების შემადგენლობა:<br>ყოველი კაფსულა შეიცავს 150 მგ კეტოპროფენს.<br>დამხმარე ნივთიერებები:<br>ლაქტოზა მონოჰიდრატს, მაგნიუმის სტეარატი, კოლოიდური უწყლო კაჟბადი. კაფსულის გარსი: ჟელატინი, ტიტანის დიოქსიდი E 171, ცისფერი საღებავი V E131.<br>კეტონალი® ფორტე 100 მგ, შემოგარსული ტაბლეტების შემადგენლობა:<br>ყოველი ტაბლეტი შეიცავს 100 მგ კეტოპროფენს.<br>დამხმარე ნივთიერებები:<br>მაგნიუმის სტეარატი, კოლოიდური უწყლო კაჟბადი, პოვიდონი, სიმინდის სახამებელი, ტალკი, ლაქტოზა მონოჰიდრატი, მეთილჰიდროქსიპროპილცელულოზა, მაკროგოლი 400, ცისფერი საღებავი ინდიგოტინი E132, ტიტანის დიოქსიდი E 171, ტალკი, კარნაუბის ცვილი.</p> <p>იხილეთ ბლოგი: <a href="https://psp.ge/blog/post/%E1%83%99%E1%83%94%E1%83%A2%E1%83%9D%E1%83%9C%E1%83%90%E1%83%9A%E1%83%98-%E1%83%A4%E1%83%9D%E1%83%A0%E1%83%9B%E1%83%94%E1%83%91%E1%83%98-%E1%83%93%E1%83%90-%E1%83%92%E1%83%90%E1%83%9B%E1%83%9D%E1%83%A7%E1%83%94%E1%83%9C%E1%83%94%E1%83%91%E1%83%98%E1%83%A1-%E1%83%92%E1%83%96%E1%83%94%E1%83%91%E1%83%98"><span>კეტონალი - ფორმები და გამოყენების გზები</span></a></p> <p><strong>ჩვენებები</strong><br>ამსუბუქებს სხვადასხვა წარმოშობის ტკივილს:<br>- პოსტტრავმატული ტკივილი (მაგალითად, სპორტული დაზიანებები, დაჭიმულობა ან კუნთების ან მყესების გადაძაბვა, ამოვარდნილობები, დაბეჟილობები),<br>- პოსტოპერაციული ტკივილი (მაგალითად, ორთოპედული ოპერაციის შემდგომი ტკივილი),<br>- ძვლის მეტასტაზების დროს ტკივილი პაციენტებში სიმსივნეებით,<br>- მტკივნეული მენსტრუაცია.<br>რევმატული დაავადებების მკურნალობა:<br>კეტოპროფენი ამსუბუქებს ტკივილს სახსრებში, ამცირებს მათ შეშუპებას, შებოჭილობას და გააჩნია ანთების საწინააღმდეგო აქტივობა, ისეთი რევმატული დაავადებების დროს, როგორებიცაა:<br>- რევმატოიდული ართრიტი,<br>- სერონეგატიური სპონდილოართრიტი (მაანკილიზირებელი სპონდილიტი, ფსორიაზული ართრიტი და პოსტინფექციური რეაქციული ართრიტი),<br>- პოდაგრა, ფსევდოპოდაგრა,<br>- ოსტეოართრიტი,<br>- სახსარგარეთა რევმატიზმი (ტენდინიტი, ბურსიტი და მხრის სახსრის კაფსულიტი).</p> <p><strong>მიღების წესები და დოზები</strong><br>კეტონალის ტაბლეტები ყოველთვის მიიღეთ ზუსტად ექიმის დანიშნულების მიხედვით. თუ რამეში არ ხართ დარწმუნებული მიიღეთ ექიმის ან ფარმაცევტის კონსულტაცია.<br>არასასურველი ეფექტების მინიმუმამდე დაყვანა შეიძლება, თუ გამოვიყენებთ უმცირეს დოზას მკურნალობიოსათვის საჭირო ყველაზე ხანმოკლე პერიოდში.<br>ნუ შეცვლით დოზას და ნუ შეწყვეტთ მკურნალობას ექიმთან წინასწარი კონსულტაციის გარეშე.<br>კეტონალი 50 მგ კაფსულებით მკურნალობა<br>ჩვეულებრივ დოზად ითვლება კეტონალის ერთი კაფსულას (50 მგ) დილით, სადილზე და საღამოს.<br>რევმატოიდული ართრიტისა და ოსტეოართრიტის მკურნალობისათვის რეკომენდებულია დოზაა ერთი კაფსულა ყოველ 6 საათში.<br>თუ თქვენ ღებულობთ კეტონალის კაფსულას სუსტი ან ზომიერი ტკივილის ან დისმენორეის დროს ტკივილის მოსახსნელად, რეკომენდებულ დოზად ითვლება ერთი კაფსულას ყოველ 6-8 საათში.<br>კეტონალ ფორტე 100 მგ ტაბლეტებით მკურნალობა<br>ჩვეულებრივ დოზად ითვლება კეტონალ ფორტეს ერთი ტაბლეტი (100 მგ) არა უმეტეს ორჯერ დღეში.<br>რევმატოიდული ართრიტისა და ოსტეოართრიტის მკურნალობისათვის რეკომენდებულია დოზაა ერთი ტაბლეტი არა უმეტეს ორჯერ დღეში.<br>კეტონალის კაფსულებისა და კეტონალ ფორტეს ტაბლეტების კომბინირება შეიძლება კეტონალის სანთლებთან, მაგალითად:<br>- კეტონალის ერთი კაფსულა (50 მგ) დილით და დღისით და კეტონალის ერთ სანთელი (100 მგ) საღამოს ან<br>- კეტონალ ფორტეს ერთი ტაბლეტი (100 მგ) დილით და დღისით და კეტონალის ერთ სანთელი (100 მგ) საღამოს<br>კეტოპროფენის მაქსიმალური დღიური დოზაა 200 მგ.<br>მიიღეთ კეტონალის კაფსულები და კეტონალ ფორტეს ტაბლეტები ჭამის დროს ან ჭამის შემდეგ, სულ მცირე 100 მლ წყლის ან რძის მიყოლებით.<br>ამავდროულად კეტოპროფენის საჭმლისმომნელებელი სისტეემაზე არასასურველი ეფექტის შესამცირებლად შეიძლება ანტაციდების მიღება (წამალი, რომელიც თრგუნავს კუჭში მარილმჟავას წარმოქმნას).<br>ნუ დააქუცმაცებთ და ნუ დაღეჭავთ კეტონალის კაფსულებს და კეტონალ ფორტეს ტაბლეტებს.<br>ნუ დაგავიწყდებათ თქვენი წამლის მიღება!<br>მკურნალობის ხანგრძლივობას დაგიდგენთ თქვენი ექიმი.<br>თუ შეგექმნათ შთაბეჭდილება, რომ წამლის ეფექტი ან ძალიან სუსტია ან ძალიან ძლიერია, უთხარით ამის შესახებ თქვენს ექიმს ან ფარმაცევტს.<br>ხანდაზმულბი: ხანდაზმულებს ჩვეუებრივ ენიშნებათ შემცირებული დოზირება.&nbsp;<br>ბავშვები: 15 წლამდე ასაკის ბავშვებისათვის დოზირება დადგენილი არ არის.<br>ამ სამკურნალო პრეპარატის გამოყენებასთან დაკავშირებით დამატებითი შეკითხვების არსებობისას მიმართეთ თქვენს ექიმს ან ფარმაცევტს.</p> <p><strong>გვერდითი მოვლენები</strong><br>სხვა წამლების მსგავსად კეტოპროფენს შეუძლია ზოგჯერ გამოიწვიოს ზოგიერთი არასასურველი მოვლენა.<br>კეტოპროფენის უმნიშვნელო გვერდით მოვლენებს, რომლებიც ხშირად ხანმოკლეა, მიეკუთვნებიან მოვლენები კუჭ-ნაწლავის მხრიდან, როგორებიცაა საჭმლის-მონელების დარღვევა (საკვების არასაკმარისი ან დარღვეული ათვისება); დისპეფსია (ჭამის შემდეგ დისკომგორტი კუჭში), ღებინება, გულისრევა, ყაბზობა, მეტეორიზმი (კუჭში ან ნაწლავებში გაზების დაგროვება), ფაღარათი, გულძმარვა ან სხვა.<br>იშვიათად შეიძლება აღინიშნებოდეს სხვა მოვლენები, როგორებიცაა თავის ტკივილი, თავბრუ, მცირე დეზორიენტაცია, ძილიანობა, გუნება-განწყობილების შეცვლა (ემოციური სტატუსის შეცვლა) და უძილობა (დაძინების გაძნელება ან ანომალური გაღვიძება).<br>ზემოთ აღწერილი გვერდითი მოვლენების გამო ნერვიულობა არ ღირს, მანამ სანამ შემაწუხებელი არ გახდება, მაშინ მიმართეთ თქვენს ექიმს.<br>გამონაყარისა და ყურებში შუილის განვითარების შემთხვევაში დაუყოვნებლივ დაუკავშირდით თქვენს ექიმს.<br>ზოგიერთი გვერდითი მოვლენა შეიძლება მეტად სერიოზული იყოს, და თუ თქვენ ქვემოთ მოყვანილიდან ნებისმიერი შენიშნეთ, შეწყვიტეთ წამლის მიღება და დაუყოვნებლივ დაუკავშირდით თქვენს ექიმს:<br>- ქოშინი;<br>- ძლიერი ტკივილი გულმკერდში, სუნთქვის ხანმოკლე შეჩერება;<br>- გულის წასვლა;<br>- კანისა და სკლერების სიყვითლე;<br>- გამოყოფილი შარდის რაოდენობის შემცირება;<br>- კანზე გამონაყარი, შეშუპება, გამოხატული თავბრუ ან გაძნელებული სუნთქვა,<br>- ქავილი, შეშუპებული, შეწითლებული, ბუშტუკებით დაფარული, მტკივნეული ან აქერცვლადი კანი;<br>- ხელების, კოჭების, ტერფების, სახის, ტუჩების, თვალების, ხორხის ან ენის შეშუპება;<br>- ყლაპვისა და სუნტქვის გაძნელება;<br>- კიდურების ცალმხრივი სისუსტე;<br>- ფოტომგრძნობელობა;<br>- კოჭების შეშუპება;<br>- სისხლიანი ან ყავის ნალექის ფერის პირღებინება;<br>- ცვილისებრი განავალი ან სიხლიანი ფაღარათი;<br>- სისხლჩაქცევები სხეულზე.<br>ნუ ინერვიულებთ ამ ჩამონათვალის გამო. უმეტესობა კეტონალს ღებულობს ყოველგვარი პრობლემის გარეშე.<br>ყველა წამალს შეიძლება ჰქონდეს გვერდითი მოვლენები, რომლებიც არ არის აღწერილი ინსტრუქციაში. თუ წამლის მიღების დროს ჯანმრთელობის მხრივ რაიმე ცვლილებას შენიშნავთ აცნობეთ ამის შესახებ ექიმს.<br>აღწერილია შემდეგი გვერდითი მოვლენები:<br>ძალიან ხშირი (1-ზე მეტი 10 ნამკურნალევი პაციენტიდან):<br>- დისპეფსია (დისკომფორტი კუჭში ჭამის შემდეგ).<br>ძალიან ხშირი (1-ზე მეტი 100-დან, მაგრამ 1-ზე ნაკლები 10 პაციენტიდან):<br>- დეპრესია; გაღიზიანება; ღამის კოშმარები (დაძინების შიში), ძილიანობა;<br>- თავის ტკივილი; ასთენია (სისუსტე); ზოგადი სისუსტე; დაღლილობა; თავბრუ; თავბრუ; პარესთეზია (ჩხვლეტის შეგრძნება ან მგრძნობელობის დაქვეითება);<br>- მხედველობის დარღვევა;<br>- ხმაური ყურებში (მაგალითად შუილი);<br>- შეშუპება (გენერალიზებული შეშუპება)<br>- გულისრევა; ტკივილი მუცელში; ფაღარათი; ყაბზობა; მეტეორიზმი (გაზების დაგროვება კუჭში ან ნაწლავებში); ანორექსია (მადის დაკარგვა); ღებინება; სტომატიტი (პირის ღრუს ლორწოვანის ანთება).<br>ხანგრძლივი გამოყენების შემთხვევაში, განსაკუთრებით მაღალ დოზებში, ყველაზე ხშირად აღინიშნება დაწყლულება, კუჭ-ნაწლავიდან სისხლდენები და პერფორაცია.&nbsp;<br>- კანზე გამონაყარი<br>არახშირი (1-ზე მეტი 1000-დან, მაგრამ 1-ზე ნაკლები 100 პაციენტიდან):<br>- ანემია (ერითროციტების რაოდენობის შემცირება); ჰემოლიზი (ერითროციტების გაძლიერებული დარღვევა); პურპუა (კანის შეწითლება); თრომბოციტოპენია (თრომბოციტების დაბალი დონე); აგრანულოციტოზი (ლეიკოციტების დეფიციტი, რომელიც იწვევს ცხელებას, ტკივილს ყელში, ინფექციების უფრო ხშირ განვითარებას).<br>კეტოპროფენის მაღალ დოზებს შეუძლია გააგრძელოს სისხლდენის დრო;<br>- ასთმა, ასთმის გართულება, ბრონქოსპაზმი (გაძნელებული სუნთქვა ქოშინით ან ხველით), დისპნოე (სუნთქვის გაძნელება), განსაკუთრებით პაციენტებში ალერგიით ასპირინის ან სხვა არაეეროიდული ანთების საწინააღმდეგო საშუალებების მიმართ.<br>- სისხლიანი ხველა (სისხლიანი ნახველი); ფარინგიტი (ტკივილი ყელში), რინიტი (სურდო, ცემინება), ხორხის შეშუპება (შეშუპება ყელში);<br>- გულის უკმარისობა, მაღალი არტერიული წნევა (ჰიპერტენზია).<br>მაღალი დოზების ხანგრძლივი გამოყენება ზრდის არტერიული თრომბოზების განვითარების საშიშროებას (გულის შეტევა ან ინსულტი);<br>ალოპეცია (თმების ცვენა); ეგზემა (წითელი ფერის გამონაყარი ქავილით); პურპურას სგავსი გამონაყარი; ოფლიანობა; ჭინჭრის ციება; ექსფოლიაციური დერმატიტის (კანის დაავადება მისი აქერცვლით);<br>- მენომეტრორაგია (გაძლიერებული სისხლდენა საშვილოსნოდან, რომელიც მენსტრუალური ციკლის მერეც გვხვდება).<br>იშვიათი (1-ზე მეტი 10 000-დან, მაგრამ 1-ზე ნაკლები 1000 პაციენტიდან):<br>- დელირიუმი (მეტყველების დარღვევა, მძიმე დეზორიენტაცია) მხედველობითი და სმენითი ჰალუცინაციებით (არარეალური საგნების დანახვა, შეგრძნება ან მოსმენა); დეზორიენტაცია;<br>- ფოტომგრძნობელობა (კანის ჰიპერმგრძნობელობა მზის შუქისადმი);<br>- წყლულოვანი სტომატიტი, გასტრიტის (ტკივილი მუცელში, გულისრევა); პეპტიური წყლული, კუჭ-ნაწლავიდან სისხლდენები (სისხლიანი ან ყავის ნალექის ფერის ღებინება ან შავი განავალი).<br>ძალიან იშვიათი (1-ზე ნაკლები 10 000 პაციენტიდან):<br>- ანგიოშეშუპება (უპირატესად სახისა და ყელის შეშუპება) და ანაფილაქსია (სუნთქვის გაძნელება, თავბრუ);<br>- კოლიტი (მსხვილი ნაწლავის ანთებითი დაავადება), წვრილი ნაწლავის პერფორაცია (საჭმლისმომნელებელი სისტემის რომელიმე ნაწილის კედელში ხვრელი) და სხვადასხვა ნაწლავური დაავადების გამწვავება (წყლულოვანი კოლიტი, კრონის დაავადება, ენტეროპათია);<br>- ღვიძლის მძიმე დაზიანება სიყვითლით (კანისა და სკლერების ყვითელი შეფერილობა) და ღვიძლის ანთება (ჰეპატიტი).<br>- კანის ბულოზური რეაქციები, როგორიცაა სტივენს-ჯონსონის სინდრომი (კანზე ბუშტუკოვანი გამონაყარი); ტოქსიკური ეპიდერმული ნეკროლიზი (გამონაყარი, კანის გაწითლება, ტუჩებზე, თვალებში ან პირში ბუშტუკების განვითარება, კანის აქერცვლა, ცხელება); ექსფოლიაციური დერმატიტი (კანის დაავადება აქერცვლით).<br>- თირკმლების მწვავე უკმარისობა, ინტერსტიციალური ნეფრიტი (თირკმლების ანთება); ნეფროზული სინდრომი (გამოხატული შეშუპებებით); მწვავე პიელონეფრიტი (ცხელება, ტკივილი გვერდებში, შარდში სისხლის არსებობა).<br>თუ რომელიმე გვერდითი მოვლენის მიმდინარეობა გართულდება ან შენიშნავთ გვერდით მოვლენებს, რომლებიც არ არის აღწერილი მოცემულ ინსტრუქციას, გთხოვთ აცნობოთ ამის შესახებ ექიმს ან ფარმაცევტს.</p> <p><strong>უკუჩვენება</strong><br>- თუ გაქვთ ალერგია (ჰიპერმგრძნობელობა) კეტოპროფენის ან პრეპარატის ნებისმიერი პრეპარატის მიმართ.<br>- თუ წარსულში ჰქონდათ ასთმა, ჭინჭრის ციება (გამონაყარი) ან კეტოპროფენით ან მსგავსი მოქმედების ნივთიერებით (სხვა არასტეროიდული ანთების საწინააღმდეგო ნივთიერები ან სალიცილატები, ასპირინი) გამოწვეული ალერგიული ტიპის რეაქციები<br>- გულის მძიმე უკმარისობა;<br>- თუ ემზადებით ოპერაციისათვის ან ჩაგიტარდათ აორტოკორონარული შუნტირების ოპერაცია;<br>- თუ განვითარდა საჭმლის-მონელების აშლილობა ან ადრე აღინიშნებოდა დისკომფორი ან ტკივილი მუცლის ზედა ნაწილში (ქრონიკული დისპეფსია);<br>- კუჭის ან თორმეტგოჯა ნაწლავის მწვავე წყლული ან სისხლდენა კუჭ-ნაწლავიდან, პერფორაცია<br>- კუჭ-ნაწლავის, ცერებროვასკულარული ან სხვა ნებისმიერი მწვავე სისხლდენა;<br>- მიდრეკილება სისხლდენებისადმი;<br>- ღვიძლის მძიმე დაავადება;<br>- თირკმლების მძიმე დაავადება;<br>- ასთმა ან რინიტი (სურდო, ცემინება),<br>- ორსულობის ბოლო ტრიმესტრი;<br>- 15 წლამდე ასაკი.<br>კეტონალის კაფსულების და კეტონალ ფორტეს ტაბლეტები შეიცავენ ლაქტოზას.<br>კეტონალის ტაბლეტები და კაფსულები თქვენ არ უნდა მიიღოთ, თუ გაქვთ მემკივდრეობითი პრობლემები, რომლებიც დაკავშირებულია გალაქტოზას აუტანლობასთან, ლაქტაზას დეფიციტთან ან გლუკოზას ან გალაქტოზას დარღევულ შეწოვასთან.</p> <p><strong>ორსულობა და ლაქტაცია</strong><br>თუ დაფეხმძიმდით მკურნალობის დროს, დაუყოვნებლივ ეწვიეთ თქვენს ექიმს. პირველი და მეორე ტრიმესტრის დროს კეტოპროფენი გამოიყენება მხოლოდ იმ შემთხვევაში, თუ მოსალოდნელი სარგებელი დედისათვის აღემატება შესაძლო რისკს ნაყოფისათვის.<br>ნუ მიიღებთ კეტოპროფენს ორსულობის ბოლო ტრიმესტრში, ვინაიდან არასტეროიდულ ანთების საწინააღმდეგო პრეპარატებს შეუძლია გამოიწვიოს ნაყოფის სერიოზული პრობლემები ან გართულებები მშობიარობის დროს.<br>ძუძუთი კვება<br>ძუძუთი კვების დროს ნუ მიიღებთ კეტოპროფენს.</p> <p>განსაკუთრებული მითითებები<br>აცნობეთ თქვენს ექიმს თქვენს ჯანმრთელობასთან დაკავშირებული პრობლემების შესახებ, განსაკუთრებით მაშინ თუ:<br>- წარსულში გქონდათ აშლილობები კუჭ-ნაწლავის ტრაქტის მხრიდან (შეიძლება გამწვავდეს წყლულოვანი კოლიტის ტიპის დაავადებები ან კრონის დაავადება);<br>- დარღვეული გაქვთ სისხლის შედედება;<br>- დარღვეული გაქვთ ღვიძლის ან თირკმლების ფუნქცია;<br>- გაწუხებთ მაღალი არტერიული წნევა (ჰიპერტენზია) და/ან სუსტად ან ზომიერად გამოხატული შეგუბებითი გულის უკმარისობა, პერიფერული ან ცერებრული არტერიების დაავადებები;<br>- გაქვთ დიაბეტი ან სისხლში ქოლესტერინის მაღალი დონე;<br>- გაწუხებთ ინფექციური დაავადებები;<br>- ღებულობთ ნებისმიერ სხვა წამლებს;<br>- ყოველდღიურად სვავთ 3 ან მეტ პორცია ალკოჰოლს ან ეწევით;<br>- დაგეგმილი გაქვთ ქირურგიული ოპერაცია;<br>- ხართ ხანდაზმული, სათანადოდ უნდა აკონტროლოთ ნებისმიერი უჩვეული სიმპტომის გამოვლენა (განსაკუთრები კუჭ-ნაწლავიდან სისხლდენები), განსაკუთრების მკურნალობის საწყის ეტაპებზე.<br>ზოგიერთ წამალს ან თერაპიულ რეჟიმს შეუძლია ურთიერთქმედება კეტოპროფენთან. აცნობეთ ექიმს ყველა გამოწერილი ან ურეცეპტო წამლების შესახებ, რომლებსაც ღებულობთ.<br>კეტოპროფენის გამოყენებამ შეიძლება შეამციროს ფერტილობა, ამიტომ ის არ არის რეკომენდებული ქალებში, რომლებიც დაფეხმძიმებას გეგმავენ.</p> <p>ავტომობილის მართვა და მექანიზმებთან მუშაობა<br>ძალიან იშვიათად მგრძნობიარე პირებში არასტეროიდულმა ანთების საწინააღმდეგო საშუალებებმა შეიძლება ზოგჯერ გამოიწვიონ თავბრუსხვევა, მოდუნება და არამკაფიო მხედველობის, თუ ასეთი პაციენტების ჯგუფს მიეკუთვნებით მკურნალობის დროს ნუ დაჯდებით საჭესთან და ნუ იმუშავებთ მექანიზმებთან.</p> <p><strong>ჭარბი დოზირება</strong><br>თუ შემთხვევით მიიღეთ კეტონალი კაფსულების და კეტონალ ფორტეს ტაბლეტების საჭიროზე მეტი დოზა, დაუყოვნებლივ მიმართეთ ექიმს ან უახლოესი საავადმყოფოს მიმღებ გაყოფილებას. უჩვენეთ მათ თქვენი წამლის კოლოფი.<br>ჭარბ დოზას შეუძლია გამოიწვიოს გულისრევა, ღებინება, ტკივილი მუცლის ზედა ნაწილში (ეპიგასტრალური ტკივილი), სისხლიანი ღებინება, შავი განავალი, ცნობიერების დარღვევა, სუნთქვის დათრგუნვა, თირკმლების ფუნქციის დარღვევა და თირკმლის უკმარისობა.<br>დოზის გამოტოვების შემთხვევაში, ჩვეულებრივად განაგრძეთ მომდევნო დოზის მიღება. გამოტოვებულის ასანაზღაურებლად ნუ მიიღებთ ორმაგ დოზას.</p> <p><strong>სხვა წამლებთან ურთიერთქმედება</strong><br>ზოგიერთი წამალს შეუძლია შეცვალოს კეტოპროფენის ურთიერთქმედება:<br>- ნუ გამოიყენებთ კეტოპროფენს სხვა არასტეროიდულ ანტირევმატულ წამლებთან ან სალიცილატებთან (მაგალითად, ასპირინთან).<br>- კეტოპროფენთან ერთდროული გამოყენებისას შეიძლება შემცირდეს ანტიჰიპერტონული წამლების ან შარდმდენი წამლების ეფექტი.<br>თირკმლების ფუნქციის დარღვევის რისკი უფრო მაღალია პაცენტებში, რომლებიც ღებულობენ აპფ ინჰიბიტორებს ან შარდმდენებს.<br>კეტოპროფენთან ერთდროული გამოყენებისას შეიძლება გაიზარდოს ეპილეფსიისა და დიაბეტის დროს დანიშნული წამლების ეფექტი.<br>- სისხლდენების საშიშროება მატულობს კეტოპროფენისა და იმ წამლების ერთდროული დანიშვნისას, რომლებიც გამოიყენება სისხლის კოლტების მკურნალობასა და წარმოქმნის პროფილაქტიკაში, ისეთების როგორებიცაა ვარფარინი (ანტიკოაგულანტები), კორტიკოსტეროიდები და ანტითრომბოციტარლური საშუალებები.<br>- სისხლდენების რისკი მატულობს პაციენტებში, რომლებიც ღებულობენ ანტიდეპრესიულ საშუალებებს (სეროტონინის უკუ-შებოჭვის სელექტიური ინჰიბიტორების ჯგუფიდან).<br>- თუ კეტოპროფენთან ერტდროულად მიიღება საგულე გლიკოზიდები, ლითიუმის პრეპარატები, ციკლოსპორინი ან მეთოტრექსატი, ამ პრეპარატის ელიმინაცია შეიძლება მცირდებოდეს, ხოლო მათი მავნე ზეგავლენა იზრდებოდეს.<br>- მიფეპრისტონის მოქმედება შეიძლება შემცირდეს ერთდროული გამოყენებისას არასტეროიდულ ანტირევმატულ საშუალებებთან. არასტეროიდული ანტირევმატული საშუალებები არ უნდა იქნეს მიღებული მიფეპრისტონის მიღებიდან 9-12 დღის განმავლობაში.</p> <p><strong>შენახვის პირობები და ვადები</strong><br>ინახება ბავშვებისათვის მიუწვდომელ ადგილას.<br>ინახება არა უმეტეს 25ºC ტემპერატურის პირობებში.<br>ინახება ორიგინალურ შეფუთვაში.<br>ვარგისიანობის ვადა აღნიშნულია შეფუთვაზე.<br>ნუ გამოიყენებთ შეფუთვაზე აღნიშნული ვარგისიანობის ვადის გასვლის შემდეგ.</p> <p><strong>აფთიაქში გაცემის წესი</strong><br>გაიცემა მხოლოდ ექიმის რეცეპტით.</p></div></div></div>