კარდილოპინი - Cardilopin 5მგ 30 ტაბლეტი

<div><div><div><p><strong>გენერიული დასახელება:</strong><br>ამლოდიპინი<br>წამლის ფორმა:<br>2,5 მგ; 5 მგ ან 10 მგ ტაბლეტები</p> <p><strong>შემადგენლობა:</strong><br>თითოეული ტაბლეტი შეიცავს 2,6 მგ; 5 მგ ან 10 მგ ამლოდიპინს. (ამლოდიპინის ბესილატის სახით შესაბამისად 3.475მგ, 6.95მგ ან 13.90მგ.)<br>არააქტიური ინგრედიენტები: მიკროკლისტალური ცელულოზა, ნატრიუმის სახამებელის გლუკოლატი, მაგნიუმის სტეარატი, სილიციუმი კოლოიდური უწყლო.</p> <p><strong>ფარმაკოლოგიური ჯგუფი:</strong><br>დიჰიდროპირიდინის ჯგუფის კალციუმის არხების ბლოკატორი.</p> <p><strong>ჩვენება:</strong><br>არტერიული ჰიპერტენზია: მონოთერაპიის სახით ან სხვა ანტიჰიპერტენზიულ საშუალებებთან კომბინაციაში.<br>სტაბილური სტენოკარდია ან ვაზოსპასტიური სტენოკარდია (პრინცმეტალის სტენოკარდია): ცალკე ან სხვა ანტიანგინალურ საშუალებებთან ერთად.</p> <p><strong>უკუჩვენება:</strong><br>დიჰიდროპირიდინთან და/ან მასში შემავალი სხვა კომპონენტების მიმართ მომატებული მგრძნობელობა<br>ბავშვებში პრეპარატის გამოყენება არ არის რეკომენდირებული არასაკმარისი კვლევების გამო<br>არასტაბილური სტენოკარდია<br>აორტის კლინიკურად გამოხატული სტენოზი<br>ორსულობისა და ლაქტაციის პერიოდი (შედარებითი უკუჩვენება, იხ. ასევე “ორსულობა და ლაქტაცია”</p> <p><strong>განსაკუთრებული მითითებები:</strong><br>ამლოდიპინის გამოყენება მიოკარდიუმის ინფარქტის დროს და მის შემდეგ ერთი თვის განმავლობაში არ არის რეკომენდირებული.<br>ამლოდიპინის ეფექტურობა და უსაფრთხოება არ არის დადგენილი ჰიპერტონული კრიზის დროს.</p> <p><strong>ორსულობისა და ლაქტაციის პერიოდი:</strong><br>კლინიკური კვლევების არასაკმარისი მონაცემების გამო, ამლოდიპინის გამოყენება ორსულობის და ლაქტაციის პერიოდში, ასევე რეპროდუქციული ასაკის ქალებში, რომლებიც არ იღებენ ეფექტურ ჩასახვის საწინააღმდეგო საშუალებებს, საჭიროა მოსალოდნელი რისკისა და სარგებლიანობის შეფასების მიხედვით.<br>იმ შემთხვევაში, როდესაც დედისთვის ლაქტაციის პერიოდში აუცილებელია პრეპარატის გამოყენება, საჭიროა ძუძუთი კვების შეწყვეტა.</p> <p><strong>მიღების წესი და დოზირება:</strong><br>არტერიული ჰიპერტენზიის ან სტენოკარდიის მკურნალობისას ჩვეულებრივი საწყისი დოზა შეადგენს 5 მგ-ს და მიიღება დღეში ერთხელ. პაციენტის მდგომარეობის მიხედვით შესაძლებელია დოზის 10 მგ-მდე გაზრდა. ამლოდიპინის დოზა არ საჭიროებს კორექციას მისი თიაზიდების ჯგუფის დიურეზულ საშუალებებთან, β-ადრენობლოკატორებთან ან ანგიოტენზინმაკონვერტირებელი ფერმენტის ინჰიბიტორებთან ერთდროული გამოყენებისას.<br>ხანდაზმულ და თირკმელების ფუნქციის დარღვევის მქონე პაციენტებში პრეპარატი ინიშნება ჩვეულებრივ დოზებში.<br>პაციენტებში, რომლებსაც დარღვეული აქვთ ღვიძლის ფუნქცია ამლოდიპინის დოზა უნდა შემცირდეს (დღეში 2,5 მგ-მდე), ვინაიდან აღნიშნულ პაციენტებში პრეპარატის ნახევრადგამოყოფის პერიოდი ხანგრძლივდება.</p> <p>სატრანსპორტო საშუალებების მართვის უნარზე ზემოქმედება: ამლოდიპინის გამოყენებამ შესაძლოა გამოიწვიოს თავბრუსხვევა და ძილიანობა, ამიტომ პაციენტებმა, რომლებიც იღებენ აღნიშნულ პრეპარატს საჭიროა თავი შეიკავონ ისეთი სამუშაოების შესრულებისგან, რომლებიც მოითხოვენ ყურადღების მაქსიმალურ კონცენტრაციას.</p> <p><strong>ურთიერთქმედება სხვა სამკურნალო საშუალებებთან:</strong><br>ამლოდიპინის ერთდროული გამოყენება თიაზიდების ჯგუფის დიურეზულ საშუალებებთან, β-ადრენობლოკატორებთან, ხანგრძლივად მოქმედ ნიტრატებთან, ნიტროგლიცერინის სუბლინგვალურ პრეპარატებთან, არასტეროიდულ ანთების საწინააღმდეგო საშუალებებთან, ანტიბიოტიკებთან და პერორალურად მისაღებ დიაბეტის საწინააღმდეგო საშუალებებთან უსაფრთხოა.<br>კლინიკური კვლევების შედეგად დადგენილია, რომ ამლოდიპინი არ ცვლის სისხლის შრატში დიგოქსინის კონცენტრაცციასა და მის კლირენსს თირკმელებში.<br>ციმეტიდინისა და ამლოდიპინის ერთდროული გამოყენებისას არ იცვლება ამ უკანასკნელის ფარმაკოკინეტიკა.<br>ინ ვიტრო კვლევებმა ცხადყო, რომ ამლოდიპინი არ მოქმედებს ადამიანის სისხლის პლაზმის ცილებთან დიგოქსინის, ფენიტოინის და ინდომეტაცინის შეკავშირებაზე.<br>ამლოდიპინი ჯანმრთელ მოხალისე მამაკაცებში გავლენას არ ახდენს ვარფარინის მოქმედებით გამოწვეულ პროთრომბინის დროის ცვლილებაზე.<br>გრეიფრუტის წვენი უმნიშვნელოდ ზრდის სისხლის შრატში ამლოდიპინის კონცენტრაციას, რაც არ იწვევს რაიმე მნიშვნელოვან ცვლილებებს სისხლის არტერიული წნევის მხრივ.</p> <p><strong>გვერდითი მოვლენები:</strong><br>გვერდითი მოვლენები, რომლებიც გამოწვეულია მიღებული დოზით: შეშუპება, თავბრუსხვევა, ტაქიკარდია.<br>გვერდითი მოვლენები, რომლებიც გამოწვეული არ არის მიღებული დოზით: თავის ტკივილი, დაღლილობა, გულისრევა, ღებინება, ტკივილი ეპიგასტრიუმის არეში, ძილიანობა.<br>სხვა გვერდითი მოვლენები: კანზე გამონაყარი, ღრძილების ჰიპერპლაზია, დისპეფსია, ასთენია, ართრალგია, მიალგია, კუნთების სპაზმი, სექსუალური ფუნქციის (ლიბიდოს) დაქვეითება (როგორც მამაკაცებში, ასევე ქალებში), დისპნოე, ქავილი, პოლაკიურია.<br>ძალიან იშვიათად მოსალოდნელია ღვიძლის ფუნქციის დაზიანება, სიყვითლე, მულტიფორმული ერითემა, გინეკომასტია.<br>პაციენტებს, რომლებსაც აღენიშნებათ კორონარული დაავადების მძიმე ოკლუზიური ფორმა, უვითარდებათ ისეთი გვერდითი მოვლენები, რომლებიც არ შეიძლება გამოყოფილ იქნას ძირითადი დაავადების მიმდინარეობისგან: პროგრესირებადი სტენოკარდია, მიოკარდიუმის ინფარქტი, არითმია. (წინაგულების ფიბრილაცია და ასევე პარკუჭოვანი ტაქიკარდიაც)</p> <p><strong>ჭარბი დოზირება:</strong><br>აღინიშნება პერიფერიული სისხლძარღვების გაფართოვება, აგრეთვე, რეფლექსური ტაქიკარდია.<br>მკურნალობა: სპეციფიკური ანტიდოტი არ არსებობს. იმის გამო, რომ ამლოდიპინი შეიწოვება ნელა, ამიტომ ეფექტურია კუჭის ამორეცხვა.<br>იმ შემთხვევაში, როდესაც ვითარდება არტერიული წნევის მნიშვნელოვანი დაქვეითება, აუცილებელია გულ-სისხლძარღვთა სისტემის, აგრეთვე, გულისა და სუნთქვის ფუნქციის შენარჩუნება. მკურნალობა სიმპტომურია.<br>ამლოდიპინი კარგად უკავშირდება სისხლის პლაზმის ცილებს, ამიტომ ჰემოდიალიზის ჩატარება არ არის ეფექტური.</p> <p><strong>გამოშვების ფორმა:</strong><br>3 ბლისტერი, თითო ბლისტერზე 10 ტაბლეტი, მოთავსებული მუყაოს ყუთში.</p> <p><strong>ვარგისიანობის ვადა:</strong><br>ვარგისიანობის ვადა მითითებულია კოლოფზე.<br>არ უნდა მოხდეს პრეპარატის გამოყენება კოლოფზე მითითებული ვარგისიანობის ვადის გასვლის შემდეგ,.<br>შენახვის პირობები: ინახება სინათლისგან დაცულ, ბავშვებისთვის მიუწვდომელ ადგილას! არაუმეტეს 25°C ტემპერატურაზე</p> <p>&nbsp;</p></div></div></div>