გერალი - Geral 500მგ 10 ტაბლეტი

<div><div><div><p><strong>გერალი</strong><br><strong>Ornidazole</strong></p> <p>&nbsp;</p> <p><strong>ფარმაკოლოგიური ჯგუფი:</strong>&nbsp; ანტიპროტოზოულები</p> <p><strong>შემადგენლობა</strong><br>პრეპარატის ერთი ტაბლეტი (გარსით დაფარული) შეიცავს აქტიური ნივთიერების - ორნიდაზოლის 500 მგ-ს.</p> <p><strong>მოქმედების მექანიზმი</strong><br>ანტიპროტოზოული პრეპარატი ანტიმიკრობული აქტივობით. მოქმედების მექანიზმი დაკავშირებულია ორნიდაზოლისადმი მგრძნობიარე მიკროორგანიზმების დნმ-ის სტრუქტურის დარღვევასთან.<br>ორნიდაზოლი მიკრობის უჯრედში შეღწევის შემდეგ უკავშირდება მის დნმ-ს, აინჰიბირებს ნუკლეინის მჟავების სინთეზს, რაც საბოლოოდ ბაქტერიის კვდომას იწვევს.<br>ორნიდაზოლისადმი მგრძნობიარეა: Trichomonas vaginalis, Gardnerella vaginalis, Giardia intestinalis, Entamoeba histolytica; ანაერობული მიკროორგანიზმები: Bacteroides spp. (მათ შორის Bacteroides fragilis, Bacteroides distasonis, Bacteroides ovatus, Bacteroides thetaiotaomicron, Bacteroides vulgatus), Fusobacterium spp., Veillonela spp., Prevotella spp. (Prevotella bivia, Prevotella buccae, Prevotella disiens); გრამდადებითი მიკროორგანიზმები: Eubacterium spp., Clostridium spp.<br>პრეპარატისადმი მდგრადია აერობული მიკროორგანიზმები.<br>ორნიდაზოლი კარგად შეიწოვება საჭმლის მომნელებელი სისტემიდან. მაქსიმალური კონცენტრაცია მიღებიდან 1-3 საათში მიიღწევა. პლაზმის ცილებს უკავშირდება 15%. გადის ჰემატო-ენცეფალურ ბარიერს. მეტაბოლიზდება ღვიძლში და მეტაბოლიტების სახით გამოიყოფა შარდით (60-70%) და ფეკალური მასებით (20-25%), ხოლო მიღებული პრეპარატის დაახლოებით 5% შეუცვლელი სახით გამოიდევნება. T1/2 - 13 საათია.</p> <p><strong>ჩვენება</strong><br>- ტრიქომონიაზი;<br>- ამებიაზი, ამებური დიზენტერია, არანაწლავური ამებიაზი (მათ შორის ღვიძლის ამებური აბსცესი);<br>- ლამბლიოზი;<br>- გინეკოლოგიური და მსხვილი ნაწლავის ოპერაციის შემდგომი ანაერობული ბაქტერიებით გამოწვეული ინფექციების პროფილაქტიკა.</p> <p><strong>უკუჩვენება</strong><br>- პრეპარატის კომპონენტებისადმი მომატებული მგრძნობელობა;<br>- ცნს-ის ორგანული დაავადებები;<br>- ორსულობის I ტრიმესტრი და ლაქტაციის პერიოდი.</p> <p><strong>უსაფრთხოების ზომები</strong><br>ტრიქომონიაზით დაავადებულ პაციენტებში აუცილებელია სქესობრივი პარტნიორის მკურნალობაც.<br>ორნიდაზოლის რეკომენდებული დოზის გადაჭარბება გარკვეულ რისკს წარმოადგენს პაციენტებისათვის ღვიძლის დაზიანებით, ალკოჰოლის ბოროტად გამოყენების შემთხვევაში, ორსული და მეძუძური დედებისა და ბავშვებისათვის.<br>ნიტროიმიდაზოლების სხვა წარმოებულებისგან განსხვავებით, ორნიდაზოლი არ აინჰიბირებს ფერმენტ ალდეჰიდ-დეჰიდროგენაზას და შესაბამისად, არ წარმოადგენს ალკოჰოლთან შეუთავსებად ნივთიერებას.<br>გერალის კუმარინის ჯგუფის პერორალურ ანტიკოაგულანტებთან ერთდროულად მიღებისას ძლიერდება ამ უკანასკნელთა ეფექტი, რაც მათი დოზის კორექციას მოითხოვს.<br>ორნიდაზოლი ახანგრძლივებს ვეკურონიუმის ბრომიდის მიორელაქსაციურ მოქმედებას.</p> <p><strong>დოზის გადაჭარბება</strong><br>სიმპტომები: ეპილეპტიფორმული გულყრები, დეპრესია, პერიფერიული ნევრიტი.<br>მკურნალობა: სიმპტომური თერაპია. გულყრების გამოვლინებისას ინიშნება დიაზეპამი. სპეციფიკური ანტიდოტი არ არსებობს.</p> <p><strong>ორსულობა და ლაქტაციის პერიოდი</strong><br>პრეპარატი უკუნაჩვენებია ორსულობის I ტრიმესტრსა და ლაქტაციის პერიოდში.</p> <p><strong>დოზირება და მიღების წესი</strong><br>გერალი მიიღება პერორალურად ჭამის შემდეგ.<br>ტრიქომონიაზის დროს მოზრდილებში ინიშნება 500 მგ (1 ტაბლეტი) 2-ჯერ დღეში 5 დღის განმავლობაში. განმეორებითი დაინფიცირების თავიდან აცილების მიზნით მკურნალობის იგივე კურსი უტარდება პაციენტის სქესობრივ პარტნიორს. ბავშვებში დღიური დოზა შეადგენს 25 მგ/კგ სხეულის წონაზე და ინიშნება ერთ მიღებაზე.<br>ამებური დიზენტერიის დროს მოზრდილებსა და ბავშვებში 35 კგ-ზე მეტი სხეულის წონით ინიშნება დღე-ღამური დოზა - 1.5 გ (3 ტაბლეტი) ერთ მიღებაზე საღამოს, ხოლო 60 კგ-ზე მეტი წონის პაციენტებში - 2 გ/დღე-ღამეში (4 ტაბლეტი) განაწილებული 2 მიღებაზე (დილას და საღამოს 2-2 ტაბლეტი). დღე-ღამური დოზა 35 კგ-ზე ნაკლები წონის ბავშვებში შეადგენს 40 მგ/კგ სხეულის წონაზე, ინიშნება ერთ მიღებაზე.<br>ამებური დიზენტერიის დროს მკურნალობის ხანგრძლოვობაა 3 დღე.<br>ამებიაზის სხვა ფორმების დროს მოზრდილებსა და ბავშვებში 35 კგ-ზე მეტი სხეულის წონით - 500 მგ (1 ტაბლეტი) 2-ჯერ დღეში (დილას და საღამოს), ხოლო 35 კგ-ზე ნაკლები წონის ბავშვებში ინიშნება 25 მგ/კგ ერთჯერადად.<br>მკურნალობის ხანგრძლივობა შეადგენს 5-10 დღეს.<br>ლამბლიოზის სამკურნალოდ მოზრდილებსა და ბავშვებში 35 კგ-ზე მეტი სხეულის წონით ინიშნება 1.5 გ (3 ტაბლეტი) ერთ მიღებაზე საღამოს, ხოლო 35 კგ-ზე ნაკლები წონის ბავშვებში - 40 მგ/კგ/დღე-ღამეში ერთ მიღებაზე.<br>მკურნალობის ხანგრძლივობაა 1-2 დღე.<br>ოპერაციის შემდგომი ანაერობული ბაქტერიებით გამოწვეული ინფექციების პროფილაქტიკისათვის ინიშნება 0.5-1 გ (1-2 ტაბლეტი) ოპერაციამდე და 0.5 გ (1 ტაბლეტი) ყოველ 12 საათში ერთხელ 3-5 დღის განმავლობაში.</p> <p><strong>გვერდითი მოვლენები</strong><br>ცნს-სა და პერიფერიული ნერვული სისტემის მხრივ: თავის ტკივილი, ძილიანობა, თავბრუსხვევა, ტრემორი, რიგიდულობა, კოორდინაციის დარღვევა, გულყრა, დაღლილობა, ცნობიერების დროებითი დარღვევა, სენსორული ან შერეული ტიპის პერიფერიული ნეიროპათიის ნიშნები.<br>საჭმლის მომნელებელი სისტემის მხრივ: გულისრევა, გემოს შეგრძნების გაუკუღმართება, ღვიძლის ფუნქციური სინჯების ცვლილებები.<br>შესაძლებელია გამოვლინდეს კანის რეაქციის ცვლილებები და მომატებული მგრძნობელობის რეაქციები.</p> <p><strong>ვარგისიანობა და შენახვის პირობები</strong><br>პრეპარატის ვარგისიანობის ვადაა 3 წელი. ინახება 15-25ºC ტემპერატურაზე, მშრალ, სინათლისაგან დაცულ, ბავშვებისათვის ხელმიუწვდომელ ადგილზე!</p> <p><strong>გამოშვების ფორმა</strong><br>გარსით დაფარული ტაბლეტი 500 მგ; შეფუთვაში 10 ტაბლეტი; მეორადი შეფუთვა - მუყაოს კოლოფში.</p> <p id="EG6ARP7"><strong>აფთიაქიდან გაცემის პირობები</strong><br>რეცეპტის მიხედვით!</p></div></div></div>