რიპრონატი - Ripronat 500მგ 60 კაფსულა

<div><div><div><p><strong>რიპრონატი</strong><br><strong>(RIPRONAT)</strong></p> <p><strong>პრეპარატის სავაჭრო სახელწოდება:</strong><br>რიპრონატი, Ripronat</p> <p><strong>საერთაშორისო არაპატენტირებული სახელწოდება:</strong><br>3-(2,2,2-ტრიმეთილჰიდრაზინი) პროპიონატის დიჰიდრატი</p> <p><strong>სამკურნალო ფორმა:</strong><br>მყარი ჟელატინიზირებული კაფსულები</p> <p><strong>შემადგენლობა</strong><br>პრეპარატ რიპრონატის 1 კაფსულა შეიცავს:<br>აქტიური ნივთიერება:<br>3-(2,2,2-ტრიმეთილჰიდრაზინი) პროპიონატ დიჰიდრატი 250 მგ ან 500 მგ.<br>დამხმარე ნივთიერებები:<br>სიმინდის სახამებელი მოდიფიცირებული, უწყლო კოლოიდური სილიციუმი, კალციუმის სტეარატი.</p> <p><strong>ათქ კოდი:&nbsp;</strong> C01EB</p> <p><strong>ფარმაკოთერაპიული ჯგუფი:</strong><br>ანტიჰიპოქსანტები და ანტიოქსიდანტები<br>ანგიოპროტექტორები და მიკროცირკულაციის კორექტორები</p> <p><strong>ფარმაკოლოგიური თვისებები:</strong><br>რიპრონატი წარმოადგენს γ-ბუტირობეტაინის სტრუქტურულ ანალოგს, რომელიც შექცევად კონკურენციას უწევს ადამიანის ორგანიზმის მიერ კარნიტინის ბიოსინთეზის ჯაჭვის უკანასკნელ ფერმენტს - γ-ბუტირობეტაინჰიდროქსილაზას. ასრულებს რა γ-ბუტირობეტაინის ფუნქციას, რომელიც თავისი სტრუქტურით წააგავს აცეტილქოლინს, შეუძლია ორგანიზმში ნერვული იმპულსების გადაცემის დაჩქარება, როგორც წესი ჩქარდება ყველა საპასუხო რეაქცია, უმჯობესდება ნივთიერებათა ცვლა, აღინიშნება მატონიზირებელი ეფექტი – უმჯობესდება მეხსიერება, ჩქარდება აზროვნების პროცესი, ასევე მოძრაობა, იზრდება ორგანიზმის წინააღმდეგობის უნარი არახელსაყრელი ფაქტორების მიმართ, სუსტდება ფსიქიკური და ფიზიკური დაძაბულობა.<br>&nbsp; პრეპარატი, აინჰიბირებს რა γ-ბუტირობეტაინჰიდროქსილაზას, ამცირებს კარნიტინის ბიოსინთეზს და გრძელჯაჭვიანი ცხიმოვანი მჟავების ტრანსპორტს უჯრედის გარსებში, აქვეითებს ცხიმოვანი მჟავების კარნიტინ - დამოკიდებულ დაჟანგვას, ხელს უშლის უჯრედებში დაუჟანგავი ცხიმოვანი მჟავების აქტივირებული ფორმების – აცილკარნიტინისა და აცეტილკოენზიმ A-ს წარმოებულების დაგროვებას, ხელს უშლის უჯრედის გარსებზე მათ მავნე ზეგავლენას. იშემიის პირობებში აღადგენს წონასწორობას უჯრედისათვის ჟანგბადის მიწოდებასა და მოხმარებას შორის.<br>&nbsp;კარნიტინის კონცენტრაციის დაქვეითების შედეგად ძლიერდება γ-ბუტირობეტაინის სინთეზი, ხოლო სისხლის პლაზმაში γ-ბუტირობეტაინის კონცენტრაციის მომატება ააქტივებს სისხლძარღვების ენდოთელიუმზე არსებულ აცეტილქოლინურ რეცეპტორებს, რომელიც თავის მხრივ იწვევს ვაზოდილატაციური თვისების მქონე NO-რადიკალის ბიოსინთეზის ინდუქციას.<br>&nbsp;არეგულირებს უჯრედულ იმუნიტეტს. გულის უკმარისობის დროს აუმჯობესებს მიოკარდიუმის კუმშვადობას, ზრდის ტოლერანტობას ფიზიკური დატვირთვის მიმართ.<br>ქრონიკული ალკოჰოლიზმით დაავადებულ პაციენტებში, აბსტინენციის პერიოდში, პრეპარატს შეუძლია მოხსნას სომატური და ვეგეტატიური ნერვული სისტემის ფუნქციური დარღვევები.<br>პრეპარატი ხელს უწყობს იშემიურ ზონებში, კერძოდ კი თავის ტვინსა და თვალის ბადურაში სისხლის ნაკადის გადანაწილებას.</p> <p><strong>ფარმაკოკინეტიკა:</strong><br>პერორალური მიღების შემდეგ პრეპარატი სწრაფად შეიწოვება კუჭ-ნაწლავის ტრაქტიდან. ბიოშეღწევადობა შეადგენს 78%-ს. Cmax პლაზმაში მიიღწევა მიღებიდან 1-2 სთ-ის შემდეგ.<br>ორგანიზმში ბიოტრანსფორმაციას განიცდის ორი ძირითადი მეტაბოლიტის წარმოქმნით, რომლებიც გამოიყოფა თირკმლებით. T1/2 _ შეადგენს 3-6 სთ-ს.</p> <p><strong>ჩვენებები</strong>:<br>-&nbsp;თავის ტვინში სისხლის მიმოქცევის მწვავე და ქრონიკული დარღვევების (თავის ტვინის ინსულტი და ცერებროვასკულური უკმარისობა) კომპლექსური თერაპია;<br>-&nbsp;დაქვეითებული შრომისუნარიანობა; ფიზიკური გადაძაბვა (მათ შორის სპორტსმენებში);<br>-&nbsp;ბრონქული ასთმა და ქრონიკული ბრონქიტი(კომბინირებული თერაპიის დროს, როგორც იმუნომოდულატორი)<br>-&nbsp;ოპერაციის შემდგომი პერიოდი, რეაბილიტაციის დასაჩქარებლად;<br>-&nbsp;აბსტინენციის სინდრომი ქრონიკული ალკოჰოლიზმის დროს (ალკოჰოლიზმის სპეციფიკურ თერაპიასთან კომბინაციაში);<br>-&nbsp;ჰემოფთალმი და ბადურაში სხვადასხვა ეტიოლოგიის&nbsp; სისხლჩაქცევა, ბადურის ცენტრალური ვენისა და მისი განშტოებების თრომბოზი, სხვადასხვა ეტიოლოგიის რეტინოპათიები (დიაბეტური, ჰიპერტონული);</p> <p><strong>უკუჩვენებები:</strong><br>-&nbsp;პრეპარატის მიმართ მომატებული მგრძნობელობა;<br>-&nbsp;მომატებული ქალასშიდა წნევა (ვენური უკუდინების დარღვევების, ქალასშიდა სიმსივნეების დროს).<br>12 წლამდე ასაკის ბავშვებში რიპრონატის გამოყენების უსაფრთხოებისა და ეფექტურობის შესახებ მონაცემები არ მოიპოვება.</p> <p><strong>განსაკუთრებული მითითებანი:</strong><br>ღვიძლისა და თირკმლების ქრონიკული დაავადებების მქონე პაციენტებმა პრეპარატის ხანგრძლივი მიღებისას, საჭიროა დაიცვან სიფრთხილე.</p> <p><strong>ავტომობილისა და სხვა მექანიზმების მართვაზე ზემოქმედება</strong><br>რეაქციის სიჩქარეზე რიპრონატის არასასურველი ზემოქმედების შესახებ მონაცემები არ&nbsp; მოიპოვება.</p> <p><strong>გვერდითი მოვლენები</strong><br>გულ-სისხლძარღვთა სისტემის მხრივ: იშვიათად – ტაქიკარდია, არტერიული წნევის შეცვლა.<br>ცნს-ის მხრივ: იშვიათად – ფსიქომოტორული აგზნებადობა.<br>საჭმლის-მომნელებელი სისტემის მხრივ: იშვიათად – დისპეფსიური მოვლენები.<br>ალერგიული რეაქციები: იშვიათად - კანის ქავილი, სიწითლე, გამონაყარი,&nbsp; შეშუპება.</p> <p><strong>დოზირება და გამოყენების წესი:</strong><br>აგზნების ეფექტის შესაძლო განვითარების გამო რეკომენდებულია დღის პირველ ნახევარში გამოყენება.<br>თავის ტვინის სისხლის მიმოქცევის მოშლის მწვავე ფაზაში პრეპარატი ინიშნება ვენაში დოზით 500 მგ 1-ჯერ დღეში 10 დღის განმავლობაში, შემდეგ გადადიან პერორალურ ფორმაზე 500-1000 მგ/დღეში. მკურნალობის საერთო კურსი: 4-6 კვირა<br>თავის ტვინის სისხლის მიმოქცევის ქრონიკული მოშლის დროს პრეპარატი გამოიყენება დოზით 500 მგ/დღეში. თერაპიის საერთო კურსი: 4-6 კვირა. განმეორებითი კურსი ინიშნება ინდივიდუალურად 2-3-ჯერ წელიწადში.<br>ბრონქული ასთმის დროს ინიშნება 250 მგ ყოველდღე 3 კვირის განმავლობაში.<br>გონებრივი და ფიზიკური გადაძაბვის დროს ინიშნება 250 მგ 4-ჯერ დღეში. მკურნალობის კურსი: 10-14 დღე. საჭიროების შემთხვევაში თერაპიას იმეორებენ 2-3 კვირის შემდეგ.<br>სპორტსმენებისათვის რეკომენდებულია 500-1000 მგ 2-ჯერ დღეში ვარჯიშის წინ. კურსის ხანგძლივობა მოსამზადებელ პერიოდში – 14-21 დღე, შეჯიბრებების პერიოდში – 10-14 დღე.<br>ქრონიკული ალკოჰოლიზმის დროს პრეპარატი ინიშნება დოზით 500 მგ 4-ჯერ დღეში. მკურნალობის კურსი: 7-10 დღე.</p> <p><strong>ჭარბი დოზირება:</strong><br>შესაძლებელია არტერიული წნევის მკვეთრი ცვლილებები, უმთავრესად ჰიპოტენზიის სახით.<br>მკურნალობა: სიმპტომური.</p> <p><strong>ურთიერთქმედება სხვა სამკურნალო საშუალებებთან</strong><br>აძლიერებს კორონარული სისხლძარღვების გამაფართოებელი საშუალებების, ზოგიერთი ჰიპოტენზიური პრეპარატის, საგულე გლიკოზიდების მოქმედებას. ზომიერი ტაქიკარდიისა და არტერიული ჰიპოტენზიის შესაძლო განვითარების გამო, საჭიროა სიფრთხილე ნიტროგლიცერინთან, ნიფედიპინთან, ალფა-ადრენობლოკატორებთან, ჰიპოტენზიურ საშუალებებთან და პერიფერიულ ვაზოდილატატორებთან კომბინირებისას.<br>კომბინირება ანტიანგინალურ საშუალებებთან, ანტიკოაგულანტებთან,&nbsp; ანტიაგრეგანტებთან, ანტიარითმულ საშუალებებთან, შარდმდენებთან,&nbsp; ბრონქოლიზურ საშუალებებთან შესაძლებელია.</p> <p><strong>ორსულობა და ლაქტაცია</strong><br>არ არის დადასტურებული ორსულობის დროს რიპრონატის გამოყენების უსაფრთხოება.<br>ლაქტაციის დროს რიპრონატის გამოყენების აუცილებლობისას ძუძუთი კვება უნდა შეწყდეს.</p> <p><strong>გამოშვების ფორმა:</strong><br>პერორალური&nbsp; 250 მგ მყარი ჟელატინის კაფსულა. ფირფიტაზე 10 კაფსულა,&nbsp; 4 ფირფიტა&nbsp; გამოყენების ინსტრუქციასთან ერთად - მუყაოს კოლოფში.<br>პერორალური 500 მგ მყარი ჟელატინის კაფსულა: ფირფიტაზე 15 კაფსულა, 4 ფირფიტა გამოყენების ინსტრუქციასთან ერთად - მუყაოს კოლოფში.</p> <p><strong>შენახვის პირობები:</strong><br>ინახება არა უმეტეს 25ºC ტემპერატურის პირობებში, მშრალ ადგილზე.&nbsp; შეინახეთ ბავშვებისათვის მიუწვდომელ ადგილას.</p> <p><strong>ვარგისიანობის ვადა:</strong><br>3 წელი წარმოების თარიღიდან.<br>ნუ გამოიყენებთ ვარგისიანობის ვადის გასვლის შემდეგ.</p> <p><strong>აფთიაქიდან გაცემის პირობები:</strong><br>გაიცემა რეცეპტით.</p> <p id="V1EBD3A"><strong>მწარმოებელი:</strong><br>რიპრონატი არის კომპანია "როტაფარმი"-ს პროდუქტი და სავაჭრო ნიშანი.<br>დიდი ბრიტანეთი.<br>(“ROTAPHARM”, Great Britain).&nbsp;&nbsp;&nbsp;<br><strong>წარმოებულია</strong><br>“რომფარმი კომპანია ს.რ.ლ.” რუმინეთი, ოტოპენი, ეროილორის ქ. 1A.<br>(“Rompharm Company S.R.L.”, Romania, Otopeni, Eroilor Street, 1A)</p></div></div></div>