ფენილინი - Phenyline 0.03გ 20 ტაბლეტი

<p><span>ფენილინი (სინონიმი: Phenindionum, Athrombon, Trombosol და სხვა)-2-ფენილინდანდიონი-1,3. თეთრი ან მოთეთრო ფერის კრისტალები. იგი მედიცინაში გამოიყენება თეთრი ან მოთეთრო-კრემის ფერის ტაბლეტების სახით.</span></p> <p align="justify"><span><span><strong>ფარმაკოლოგიური თვისებები:</strong></span><br />ფენილინი მიეკუთვნება არაპირდაპირი მოქმედების ანტიკოაგულანტურ საშუალებას, რომელიც მოქმედებს სისხლის შედედებაზე. იგი იწვევს ჰიპოპროთრომბინემიას, რომელიც განპირობებულია ღვიძლში პროთრომბინის და აგრეთვე VII, IX და X ფაქტორების წარმოქმნის დარღვევასთან. სისხლის შედედების ფაქტორების კონცენტრაციის დაქვეითება აღინიშნება მისი მიღებიდან 8-10 სთ-ის შემდეგ და მაქსიმუმს აღწევს 24-30 სთ-ის შემდეგ. ნეოდიკუმარინთან შედარებით ფენილინის კუმულაციური ეფექტი უფრო მაღალია.</span></p> <p align="justify"><span><span><strong>ჩვენება:</strong></span><br />ფენილინს უნიშნავენ სისხლის შედედების ხანგრძლივად დასაქვეითებლად მიოკარდიუმის ინფარქტის დროს თრომბოზების, თრომბოფლებიტების, თრომბოემბოლური გართულებების, იშემიური (მაგრამ არა ჰემორაგიული) ინსულტების, სხვადასხვა ორგანოების ემბოლური დაზიანებების&nbsp; პროფილაქტიკისა და მკურნალობისათვის. ქირურგიულ პრაქტიკაში პრეპარატი გამოიყენება ოპერაციის შემდგომ პერიოდში თრომბოზის განვითარების თავიდან ასაცილებლად.</span></p> <p align="justify"><span><span><strong>მიღების წესი და დოზირება:</strong></span><br />პრეპარატს ნიშნავენ პერორალურად. პირველ დღეს გამოიყენება დღეღამური დოზით 0,12-0,18 გ (3-4 მიღებაზე), მეორე დღეს &ndash; დღეღამური დოზით 0,09-0,15 გ, მომდევნო დღეებში &ndash; 0,03-0,06 გ დღეში სისხლში პროთრომბინის დონის მიხედვით (პროთრომბინის ინდექსს ინარჩუნებენ 40-50% ფარგლებში). მოზრდილებში პერორალურად მისაღები დოზა შეადგენს: ერთჯერადად &ndash; 0,05 გ, დღერამური &ndash; 0,2 გ.<br />თრომბოემბოლური გართულებების პროფილაქტიკისათვის პრეპარატი გამოიყენება 0,03 გ-1-2-ჯერ დღეში.<br />მწვავე თრომბოზების დროს ფენილინი ინიშნება ჰეპარინთან კომბინაციაში.<br />ფენილინით მკურნალობას ახორციელებენ ექიმის მკაცრი კონტროლის ქვეშ სისხლში პროთრომბინისა და სხვა სისხლის შემადედებელი ფაქტორების სისტემატური კვლევებით.</span></p> <p align="justify"><span><span><strong>გვერდითი მოვლენები:</strong></span><br />ფენილინმა შესაძლებელია გამოიწვიოს ალერგიული რეაქციები, კერძოდ დერმატიტი, სხეულის ტემპერატურის მომატება, დიარეა, გულისრევა, ჰეპატიტი, სისხლმბადი ორგანოების ფუნქციის დათრგუნვა. ზოგიერთ პაციენტებში აღინიშნება ხელისგულების ნარინჯისფრად შეღებვა, ხოლო შარდის&nbsp; - ვარდისფრად, რაც დაკავშირებულია ფენილინის ქიმიურად გარდაქმნასთან და არ წარმოადგენს საშიშროებას.<br />ფენილინის გამოყენებამ შეიძლება იშვიათად გამოიწვიოს სისხლდენა, ასეთ შემთხვევაში აუცილებელია პრეპარატის მიღების შეწყვეტა და კუნთებში ვიკასოლის დაუყოვნებლივი შეყვანა (1-2 მლ 1%-იანი ხსნარის 3-ჯერ შეყვანა), ვიტამინ P &ndash;ს ან რუტინის, ასკორბინის მჟავასა და კალციუმის ქლორიდის დანიშვნა. ჩვენების მიხედვით ატარებენ ახალი შესაბამისი ჯგუფის სისხლის გადასხმას ჰემოსტატური დოზით (75-100 მლ).</span></p> <p align="justify"><span><span><strong>წინააღმდეგჩვენება:</strong></span><br />ფენილინის გამოყენება&nbsp; წინააღმდეგნაჩვენებია სისხლში&nbsp; 70%-ზე ქვემოთ პროთრომბინის დონის არსებობისას, ჰემორაგიული დიათეზის და სხვა დაავადებების დროს, რომელთა თანმხლებია სისხლის შედედების დაქვეითება, სისხლძარღვების განვლადობის მომატება, ორსულობის დროს. აგრეთვე თირკმელებისა და ღვიძლის ფუნქციის დარღვევისას, ავთვისებიანი სიმსივნის, კუჭ-ნაწლავის ტრაქტის წყლულოვანი დაავადებების, პერიკარდიტების დროს. ფენილინის დანიშვნა მენსტრუაციის პერიოდში (პრეპარატის მიღების წყვეტენ მენსტრუალური ციკლის დაწყებიდან 2 დღით ადრე) და მშობიარობის პირველ დღეებში. პრეპარატი სიფრთხილით ინიშნება ხანდაზმულ პაციენტებში.</span></p> <p align="justify"><span><span><strong>შენახვის პირობები:</strong></span><br />A სია. ინახება სინათლისაგან დაცულ ადგილას.<br />აფთიქიდან გაიცემა რეცეპტით.</span></p> <p align="justify"><span><span><strong>შეფუთვა:</strong><br /></span>0,03 გ ტაბლეტები N20 კონტურულ შეფუთვაში.<br />N20 და N50 მინის შუშებში.</span></p> <p>&nbsp;</p>