კარდიო ფორსი - Cardio fors 75მგ 30 ტაბლეტი

<div><div><div><p><strong>კარდიო ფორსი 75მგ №30ტ</strong><br><strong>(აცეტილსალიცილის მჟავა)</strong></p> <p><strong>ზოგადი დახასიათება:</strong><br>საერთაშორისო არაპატენტირებული დასახელება:&nbsp;აცეტილსალიცილის მჟავა;<br>ძირითადი ფიზიკურ-ქიმიური თვისებები:<br>მკრთალი მოვარდისფრო-ყავისფერი, ნაწლავში ხსნადი გარსით დაფარული,&nbsp; მრგვალი ფორმის, ორმხრივამოზნექილი ზედაპირის მქონე&nbsp; ტაბლეტები.&nbsp;</p> <p><strong>შემადგენლობა:</strong><br>1 ნაწლავში ხსნადი გარსით დაფარული ტაბლეტი შეიცავს:<br>აცეტილსალიცილის მჟავას _ 75 მგ ან 150 მგ;<br>დამხმარე ნივთიერებები: სიმინდის სახამებელი, კოლოიდური სილიციუმის დიოქსიდი, სტეარინის მჟავა, ნატრიუმის ლაურილსულფატი, შემომგარსავი ნივთიერებების ნარევი&nbsp;&nbsp; WINCOAT-WT-N-01256 BROWN: ჰიპრომელოზა, ტრიაცეტინი, საღებავები _ ტიტანის დიოქსიდი (E 171), რკინის ოქსიდი ყვითელი&nbsp; (E 172),&nbsp; რკინის ოქსიდი წითელი&nbsp; (E 172).&nbsp;</p> <p><strong>გამოშვების ფორმა:</strong><br>ნაწლავში ხსნადი გარსით დაფარული ტაბლეტი, 75 მგ ან 150 მგ.</p> <p><strong>ფარმაკოლოგიური ჯგუფი:</strong><br>თრომბოციტების აგრეგაციის ინჰიბიტორები (ჰეპარინის გარდა). ათქ-კოდი:&nbsp; B01AC06.</p> <p><strong>ფარმაკოლოგიური თვისებები:</strong><br>კარდიო ფორსი წარმოადგენს ანტიაგრეგანტულ საშუალებას. აცეტილსალიცილის მჟავა ფერმენტ ციკლოოქსიგენაზას შეუქცევადად ინჰიბირების გზით იწვევს თრომბოქსან A2-ის სინთეზის დათრგუნვას,&nbsp; რაც აქვეითებს თრომბოციტების აგრეგაციას და ამცირებს სისხლის შედედების უნარს.<br>ნაწლავში ხსნადი გარსით დაფარული ტაბლეტი მდგრადია კუჭის წვენის მოქმედების მიმართ, აქედან გამომდინარე მცირდება გვერდითი მოვლენების განვითარების რისკი საჭმლის მომნელებელი სისტემის მხრივ.</p> <p><strong>ფარმაკოკინეტიკა:</strong><br>პერორალური მიღების შემდეგ აცეტილსალიცილის მჟავას მაქსიმალური კონცენტრაცია (Cmax) სისხლის პლაზმაში მიიღწევა 3 სთ-ში.&nbsp;<br>პრეპარატის კავშირი პლაზმის ცილებთან შეადგენს 80-85%-ს, დოზის მომატებით პლაზმის ცილებთან მისი შეკავშირების ხარისხი 50%-მდე მცირდება.<br>აცეტილსალიცილის მჟავა განიცდის ნაწილობრივ მეტაბოლიზმს ღვიძლში, ნაკლებად აქტიური მეტაბოლიტების წარმოქმნით.&nbsp;<br>გამოიყოფა თირკმელების საშუალებით, როგორც შეუცვლელი, ასევე მეტაბოლიტების სახით.<br>პრეპარატის ექსკრეციის სიჩქარე და ხარისხი დამოკიდებულია შარდის pH-ზე.</p> <p><strong>ჩვენება</strong>:<br>• არასტაბილური სტენოკარდია;<br>• მიოკარდიუმის მწვავე ინფარქტის პროფილაქტიკა;<br>• მიოკარდიუმის განმეორებითი ინფარქტის პროფილაქტიკა;<br>• ტვინის სისხლის მიმოქცევის გარდამავალი დარღვევების და ინსულტების პროფილაქტიკა;<br>• თრომბოზის და ემბოლიის პროფილაქტიკა, მათ შორის მრავალი რისკ-ფაქტორის მქონე პაციენტებში (სისხლძარღვებზე, გულზე ოპერაციის, მათ შორის აორტო-კორონარული შუნტირების შემდგომი პერიოდი).</p> <p><strong>მიღების წესი და დოზირება:</strong><br>კარდიო ფორსის ნაწლავში ხსნადი გარსით დაფარული ტაბლეტი (ტაბლეტი არ უნდა დაიღეჭოს, ან დაიფშვნას) მიიღება ჭამის წინ, დიდი რაოდენობის წყალთან ერთად.<br>რეკომენდებული დოზა მოზრდილებში პირველ დღეს შეადგენს 150 მგ-ს დღე-ღამეში,<br>შემდეგ _ 75 მგ-ს დღე-ღამეში.</p> <p><strong>გვერდითი მოვლენები:</strong><br>საჭმლის მომნელებელი სისტემის მხრივ:&nbsp;გულძმარვა, გულისრევა, ღებინება, ტკივილი ეპიგასტრიუმის არეში, კუჭ-ნაწლავის ტრაქტის ეროზიული დაზიანება;<br>სისხლმბადი სისტემის მხრივ:&nbsp;თრომბოციტოპენია, რკინადეფიციტური ანემია (კუჭ-ნაწლავის ტრაქტის ფარული სისხლდენით განპირობებული);<br>სასქესო სისტემის მხრივ:&nbsp;მენსტრუაციის გახანგრძლივება;<br>ალერგიული რეაქციები:&nbsp;ბრონქოსპაზმი, გამონაყარი კანზე, ჭინჭრის ციება, ანაფილაქსიური შოკი, მიდრეკილების მქონე პაციენტებში _ ბრონქული ასთმის შეტევების პროვოცირება.<br>ძირითადად კარდიო ფორსი აცეტილსალიცილის მჟავას მცირე რაოდენობით შემცველობის გამო კარგად გადაიტანება. გვერდითი მოვლენები ვითარდება ცალკეულ შემთხვევებში.&nbsp;</p> <p><strong>უკუჩვენება</strong>:<br>მომატებული მგრძნობელობა პრეპარატის ან მის შემადგენლობაში შემავალი რომელიმე კომპონენტის მიმართ;<br>ჰემორაგიული დიათეზი; კუჭ-ნაწლავის ტრაქტის ეროზიულ-წყლულოვანი დაზიანება, გამწვავების ფაზაში; მიდრეკილება სისხლდენისადმი, სისხლის შედედების დარღვევა, ჰემოფილია; ნეფროლითიაზი; ასპირინის ტრიადა; გლუკოზო-6-ფოსფატდეჰიდროგენაზას დეფიციტი; თირკმლისა და ღვიძლის უკმარისობა;&nbsp;<br>ორსულობა (განსაკუთრებით I&nbsp; და&nbsp; III ტრიმესტრი) და ლაქტაციის პერიოდი; 18 წლამდე ასაკი.</p> <p><strong>ურთიერთქმედება სხვა სამკურნალო საშუალებებთან:</strong><br>კარდიო ფორსი აძლიერებს ანტიკოაგულანტების, ანთების საწინააღმდეგო არასტეროიდული საშუალებების, მეტოტრექსატის, ჰიპოგლიკემიური საშუალებების მოქმედებას.<br>გლუკოკორტიკოიდებთან და ეთანოლთან ერთდროული გამოყენებისას ძლიერდება პრეპარატის ულცეროგენული მოქმედების ალბათობა, იზრდება კუჭ-ნაწლავის ტრაქტის ეროზიულ-წყლულოვანი დაზიანების რისკი.<br>გლუკოკორტიკოიდებისა და სალიცილატების ერთდროული გამოყენებისას საჭიროა სიფრთხილე, რადგანაც მკურნალობის დროს სალიცილატების დონე სისხლში დაქვეითებულია, გლუკოკორტიკოიდებით მკურნალობის შეწყვეტის შემდეგ კი შესაძლებელია სალიცილატებით დოზის გადაჭარბების განვითარება.<br>კარდიო ფორსისა და იბუპროფენის ერთდროული გამოყენება არ არის რეკომენდებული.<br>აცეტილსალიცილის მჟავა აქვეითებს დიურეზული (სპირონოლაქტონი, ფუროსემიდი) და ურიკოზული საშუალებების მოქმედებას (ზემოთ აღნიშნული პრეპარატებისა და კარდიო ფორსის კომბინირების აუცილებლობისას, საჭიროა მიღებებს შორის 1-3 სთ-იანი&nbsp; ინტერვალის დაცვა).</p> <p><strong>ჰიპერდოზირება:</strong><br>დოზის გადაჭარბება ნაკლებსავარაუდოა, რადგანაც პრეპარატი შეიცავს აცეტილსალიცილის მჟავას მცირე რაოდენობით.<br>სიმპტომები: გულისრევა, ღებინება, შუილი ყურებში, თავბრუსხვევა, ცნობიერების დაბინდვა.<br>მკურნალობა: ღებინების ხელოვნურად გამოწვევა, გააქტივებული ნახშირის მიღება, აუცილებლობისას ტარდება მჟავა-ტუტოვანი ბალანსის კორექცია.</p> <p><strong>ორსულობა და ლაქტაცია:</strong><br>პრეპარატის მიღება ორსულობის (განსაკუთრებით I&nbsp; და&nbsp; III&nbsp; ტრიმესტრი) და ლაქტაციის პერიოდში დაუშვებელია.</p> <p><strong>გამოყენების თავისებურებები:</strong><br>კარდიო ფორსი სიფრთხილით გამოიყენება ღვიძლისა და თირკმლის ფუნქციის დარღვევის მქონე პაციენტებში, ანამნეზში _ ანთების საწინააღმდეგო არასტეროიდულ საშუალებების მიმართ მომატებული მგრძნობელობის, ბრონქული ასთმის (რადგანაც აცეტილსალიცილის მჟავას შეუძლია ბრონქული ასთმის შეტევის პროვოცირება ასთმით დაავადებულ პაციენტებში), კუჭ-ნაწლავის ტრაქტის წყლულოვანი დაზიანების ან სისხლდენების დროს.<br>აცეტილსალიცილის მჟავას მცირე რაოდენობაც კი ამცირებს შარდმჟავა მარილების გამოყოფას ორგანიზმიდან, რაც პოდაგრის შეტევის მიზეზი შეიძლება გახდეს.<br>პრეპარატი სიფრთხილით გამოიყენება პაციენტებში, რომელთაც უტარდებათ მკურნალობა ანტიკოაგულანტებით.<br>კარდიო ფორსის მაღალი დოზით მიღებისას ვითარდება ჰიპოგლიკემიური ეფექტი, აქედან გამომდინარე პრეპარატი სიფრთხილით ინიშნება დიაბეტით დაავადებულ პაციენტებში, რომლებიც იღებენ ჰიპოგლიკემიურ საშუალებებს.<br>პრეპარატის დოზის გადაჭარბების დროს იზრდება სისხლდენის განვითარების რისკი კუჭ-ნაწლავის ტრაქტიდან.&nbsp;&nbsp;&nbsp;&nbsp;<br>სიფრთხილეა საჭირო ოპერაციული ჩარევის საჭიროების შემთხვევაში, ვინაიდან დიდია სისხლდენის განვითარების რისკი.</p> <p><strong>შეფუთვა:</strong><br>10 ტაბლეტი კონტურულ უჯრედოვან შეფუთვაში, 3 კონტურული შეფუთვა მუყაოს კოლოფში.</p> <p><strong>შენახვის პირობები:</strong><br>ინახება არა უმეტეს 25ºC ტემპერატურაზე, მშრალ, სინათლისა და ბავშვებისაგან დაცულ ადგილას.</p> <p><strong>ვარგისიანობის ვადა:</strong><br>2 წელი. შეფუთვაზე აღნიშნული ვადის გასვლის შემდეგ პრეპარატის გამოყენება დაუშვებელია.</p> <p id="F6RH6QE"><strong>აფთიაქიდან გაცემის პირობა:</strong><br>გაიცემა ურეცეპტოდ.</p> <p>&nbsp;</p></div></div></div>