მაგენოლი - Magenol 100მგ. 30 ხსნადი ტაბლეტი

<div><div><div><p><strong>შემადგენლობა</strong><br>1 შემოუგარსავი ხსნადი ტაბლეტი შეიცავს: ნიმესულიდს 100 მგ;<br>დამხმარე ნივთიერებები: სიმინდის სახამებელი, მაგნიუმის სტეარატი, მიკროკრისტალური ცელულოზა, კროსპოვიდონი, კოლოიდური სილიციუმის დიოქსიდი, გასუფთავებული ტალკი, ასპარტამი, ფორთოხლის არომატიზატორი, პიტნის არომატიზატორი.&nbsp;<br>ძირითადი ფიზიკურ-ქიმიური თვისებები:<br>ყვითელი ფერის, მრგვალი ფორმის, ორმხრივამოზნექილი ზედაპირის მქონე შემოუგარსავი ხსნადი ტაბლეტები, მენთოლისა და ფორთოხლის გემოთი.</p> <p><strong>ფარმაკოლოგიური თვისებები</strong><br>მაგენოლი წარმოადგენს სულფონანილიდების ჯგუფის ანთების საწინააღმდეგო არასტეროიდულ საშუალებას. იგი ხასიათდება ანთების საწინააღმდეგო, ტკივილგამაყუჩებელი და სიცხის დამწევი მოქმედებით. პრეპარატის მოქმედების მექანიზმი განპირობებულია ფერმენტ ციკლოოქსიგენაზა-2-ის სელექტიური ბლოკირებით და პროსტაგლანდინების სინთეზის დათრგუნვით ანთებით კერაში. პრეპარატი ენდოპეროქსიდებისა და თრომბოქსან A2-ის ინჰიბირების გზით თრგუნავს თრომბოციტების აგრეგაციას. იგი თრგუნავს ჰისტამინის გამოთავისუფლებას და ამცირებს ბრონქოსპაზმს.&nbsp;<br>Nნიმესულიდი თრგუნავს ინტერლეიკინ-6-ის და უროკინაზას სინთეზს, რაც ხელს უშლის ხრტილოვანი ქსოვილის დესტრუქციას. Aაინჰიბირებს მეტალოპროტეაზების სინთეზს (ელასტაზა, კოლაგენაზა). მაგენოლი ხასიათდება ანტიოქსიდანტური თვისებებით.</p> <p>ფარმაკოკინეტიკა<br>პერორალური მიღების შემდეგ ნიმესულიდი კარგად შეიწოვება კუჭ-ნაწლავის ტრაქტიდან. საკვების მიღება ამცირებს პრეპარატის აბსორბციის სიჩქარეს. მისი მაქსიმალური კონცენტრაცია (Cmax) სისხლის პლაზმაში მიიღწევა მიღებიდან 1.5-2.5 სთ-ის შემდეგ და შეადგენს 3.5-6.5 მგ/ლ. ნიმესულიდის კავშირი პლაზმის ცილებთან შეადგენს 99%-ს (ძირითადად ალბუმინებთან). მეტაბოლიზდება ღვიძლში, ფარმაკოლოგიურად აქტიური მეტაბოლიტის სახით (4-ჰიდროქსინიმესულიდი). ნახევარგამოყოფის პერიოდი (T1/2) შეადგენს 1.56-4.95 სთ-ს.&nbsp;<br>მიღებული დოზის დაახლოებით 70% გამოიყოფა მეტაბოლიტების სახით თირკმელების საშუალებით, ხოლო 30% - ფეკალურ მასებთან ერთად. ხანგრძლივი მკურნალობისას ნიმესულიდის კუმულაცია არ აღინიშნება.</p> <p><strong>ჩვენებები</strong><br>• რევმატოიდული ართრიტი, ოსტეოართრიტი, მაანკილოზებელი სპონდილოართრიტი (ბეხტერევის დაავადება), პოდაგრა;&nbsp;<br>• ოსტეოქონდროზი, ოსტეოართროზი;<br>• ბურსიტი, ტენდინიტი;<br>• რბილი ქსოვილების და საყრდენ-მამოძრავებელი აპარატის ტრავმის შემდგომი ანთება;&nbsp;<br>• ტკივილი ხერხემლის არეში, ნევრალგია, მიალგია;<br>• სხვადასხვა გენეზის ტკივილის სინდრომი, მათ შორის პოსტოპერაციულ, პოსტტრავმულ პერიოდში, ალგოდისმენორეა, კბილისა და თავის ტკივილი;<br>• სხვადასხვა გენეზის ცხელება, მათ შორის ინფექციურ-ანთებითი დაავადებებისას.</p> <p><strong>მიღების წესები და დოზები</strong><br>მაგენოლი მიიღება პერორალურად, ჭამის შემდეგ.&nbsp;<br>მოზრდილებისათვის რეკომენდებული დოზა შეადგენს 100 მგ-ს 2-ჯერ დღეში, მაქსიმალური სადღეღამისო დოზა _ 400 მგ-ს.&nbsp;<br>ბავშვებში ინიშნება 1.5 მგ/კგ სხეულის მასაზე, 2_3-ჯერ დღეში. მაქსიმალური სადღეღამისო დოზა არ უნდა აღემატებოდეს 5 მგ/კგ სხეულის მასაზე.<br>მაგენოლის 1 ტაბლეტი იხსნება 5 მლ (1 ჩაის კოვზი) წყალში ან პირის ღრუში მოხვედრისთანავე (წყლის გამოყენების გარეშე).<br>მკურნალობის ხანგრძლივობა შეადგენს დაახლოებით 10 დღეს.</p> <p><strong>გვერდითი მოვლენები</strong><br>საჭმლის მომნელებელი სისტემის მხრივ: გულძმარვა, გულისრევა, ღებინება, მეტეორიზმი, ყაბზობა, დიარეა, ტკივილი ეპიგასტრიუმის არეში, იშვიათად _ კუჭ-ნაწლავის ტრაქტის ეროზიული დაზიანება;&nbsp;<br>შარდგამომყოფი სისტემის მხრივ: იშვიათად _ ოლიგურია;&nbsp;<br>ცენტრალური და პერიფერიული ნერვული სისტემის მხრივ: იშვიათად _ თავბრუსხვევა, თავის ტკივილი, ძილის დარღვევა;<br>სისხლის სურათის მხრივ: იშვიათად _ თრომბოციტოპენია, ლეიკოპენია, ანემია, აგრანულოციტოზი;&nbsp;<br>ალერგიული რეაქციები: იშვიათად _ გამონაყარი კანზე, ერითემა, ჭინჭრის ციება, ანაფილაქსიური შოკი;&nbsp;<br>სხვა: სითხის შეკავება, ჰემატურია.</p> <p><strong>უკუჩვენება</strong><br>მომატებული მგრძნობელობა პრეპარატის ან მის შემადგენლობაში შემავალი რომელიმე კომპონენტის მიმართ; კუჭისა და 12-გოჯა ნაწლავის წყლულოვანი დაავადებები; სისხლდენა კუჭ-ნაწლავის ტრაქტიდან; თირკმლის (კრეატინინის კლირენსი ნაკლებია 30 მლ/წთ) და ღვიძლის ფუნქციის გამოხატული დარღვევა; გულის უკმარისობა; არტერიული ჰიპერტენზია; ორსულობა და ლაქტაციის პერიოდი; 6 წლამდე ასაკი.</p> <p><strong>ორსულობა და ლაქტაცია</strong><br>მაგენოლის გამოყენება ორსულობის პერიოდში უკუნაჩვენებია.&nbsp;<br>ლაქტაციის პერიოდში პრეპარატის მიღების აუცილებლობისას საჭიროა ძუძუთი კვების შეწყვეტა.</p> <p>განსაკუთრებული მითითებები<br>მაგენოლი სიფრთხილით ინიშნება სისხლდენის მიმართ მიდრეკილ, დიაბეტით დაავადებულ და ხანდაზმულ პაციენტებში, კუჭ-ნაწლავის ტრაქტის დაავადებების დროს, თირკმლის ფუნქციის დარღვევისას, პაციენტებში, რომელთაც უტარდებათ მკურნალობა ანტიკოაგულანტებით ან ანტიაგრეგანტებით.&nbsp;<br>მხედველობის ნებისმიერი დარღვევის გამოვლენისას საჭიროა მაგენოლით მკურნალობის შეწყვეტა.&nbsp;<br>პრეპარატმა შესაძლოა გამოიწვიოს ორგანიზმში სითხის შეკავება, აქედან გამომდინარე სიფრთხილით გამოიყენება გულის უკმარისობითა და ჰიპერტენზიით დაავადებულ პაციენტებში.&nbsp;<br>მაგენოლით ხანგრძლივი მკურნალობისას საჭიროა თირკმლისა და ღვიძლის ფუნქციის კონტროლი.&nbsp;<br>პრეპარატის ზემოქმედება ავტოტრანსპორტისა და მექანიზმების მართვის უნარზე:<br>მაგენოლის გამოყენებისას საჭიროა თავის არიდება იმ ქმედებებისგან, რომელიც მოითხოვს ყურადღებას და სწრაფ ფსიქომოტორულ რეაქციას.</p> <p><strong>ჭარბი დოზირება</strong><br>სიმპტომები: მომატებული არტერიული წნევა, თირკმლის უკმარისობა, კრუნჩხვები, სუნთქვის დათრგუნვა, კუჭისა და 12-გოჯა ნაწლავის ლორწოვანი გარსის გაღიზიანება.<br>მკურნალობა: საჭიროა შემანარჩუნებელი და სიმპტომური თერაპიის ჩატარება.<br>სპეციფიკური ანტიდოტი არ არსებობს.</p> <p><strong>სხვა წამლებთან ურთიერთქმედება</strong><br>ნიმესულიდი უკავშირდება პლაზმის ცილებს, რაც გათვალისწინებული უნდა იქნას სხვა პრეპარატებთან კომბინირებისას (განსაკუთრებით ჰიდანტოინთან და სულფანილამიდებთან).&nbsp;<br>ნიმესულიდი აძლიერებს ანტიკოაგულანტების მოქმედებას. ლითიუმის პრეპარატებთან მაგენოლის ერთდროული გამოყენებისას იზრდება ლითიუმის კონცენტრაცია სისხლის პლაზმაში.&nbsp;<br>მაგენოლი სიფრთხილით ინიშნება დიგოქსინთან, ფენიტოინთან, დიურეტიკებთან, ჰიპოტენზიურ საშუალებებთან, სხვა ანთების საწინააღმდეგო არასტეროიდულ საშუალებებთან, ანტიკოაგულანტებთან, ციკლოსპორინთან, მეტოტრექსატთან, პერორალურ დიაბეტის საწინააღმდეგო საშუალებებთან ერთად.</p> <p><strong>შენახვის პირობები და ვადები</strong><br>ინახება არა უმეტეს 25ºC ტემპერატურაზე, მშრალ, სინათლისა და ბავშვებისაგან დაცულ ადგილას.<br>ვარგისიანობის ვადა : 3 წელი. შეფუთვაზე აღნიშნული ვადის გასვლის შემდეგ პრეპარატის გამოყენება დაუშვებელია.</p> <p><strong>აფთიაქში გაცემის წესი</strong><br>გაიცემა ურეცეპტოდ.</p></div></div></div>