ვიკაზიდი - Vikazid დოზით 150/100მგ 10ტაბლეტი

<div><div><div><p><strong>ვიკაზიდი</strong><br><strong>(VIKAZID)</strong></p> <p>&nbsp;</p> <p><strong>ზოგადი დახასიათება:</strong><br>საერთაშორისო არაპატენტირებული დასახელება:&nbsp; მებენდაზოლი,&nbsp; პირანტელი.</p> <p><strong>ძირითადი ფიზიკურ-ქიმიური თვისებები:</strong><br>ყვითელი ფერის, მრგვალი ფორმის, ბრტყელი ზედაპირის მქონე შემოუგარსავი ტაბლეტები ნაზოლითა და ჭდით.</p> <p><strong>შემადგენლობა:&nbsp;</strong>&nbsp;<br>1 შემოუგარსავი ტაბლეტი შეიცავს:<br>მებენდაზოლს – 150 მგ და პირანტელის პამოატს, 100 მგ პირანტელის ეკვივალენტურს.<br>დამხმარე ნივთიერებები: კალციუმის ჰიდროფოსფატი, სიმინდის სახამებელი, ნატრიუმის სახამებლის გლიკოლატი, ნატრიუმის ბენზოატი, გასუფთავებული ტალკი, მაგნიუმის სტეარატი, ნატრიუმის ლაურილსულფატი.</p> <p><strong>გამოშვების ფორმა:</strong><br>შემოუგარსავი ტაბლეტები, 150/100 მგ;</p> <p><strong>ფარმაკოლოგიური ჯგუფი:</strong><br>კომბინირებული ანტიჰელმინთური საშუალება. ათქ-კოდი: P02CA51.</p> <p><strong>ფარმაკოლოგიური თვისებები:</strong><br>მებენდაზოლი წარმოადგენს მოქმედების ფართო სპექტრის მქონე ანტიჰელმინთურ პრეპარატს.<br>მებენდაზოლის ანტიჰელმინთური მოქმედების ძირითად მექანიზმს განსაზღვრავს მისი მოქმედება ჰელმინთების ენერგეტიკულ ცვლაზე. იგი ხელს უშლის უჯრედული ტუბულინის წარმოქმნას ჰელმინთებში, რაც აბლოკირებს გლუკოზის უტილიზაციის პროცესს და თრგუნავს ორგანიზმში ატფ-ის სინთეზს.<br>პირანტელი ეფექტურია მრგვალი ჭიებით გამოწვეული ინვაზიების დროს. იგი მოქმედებს ნაწლავის ნემატოდების კუნთებზე, მათი ნერვ-კუნთოვანი აპარატის დეპოლარიზაციის გზით და ქოლინესთერაზას მოქმედების ბლოკირებით.</p> <p><strong>ფარმაკოკინეტიკა:</strong><br>მებენდაზოლი პერორალურად მიღების შემდეგ პრაქტიკულად არ შეიწოვება კუჭ-ნაწლავის ტრაქტიდან. მებენდაზოლის მცირე რაოდენობა ხვდება სისხლში, რომლის 90% უკავშირდება პლაზმის ცილებს და მეტაბოლიზდება ღვიძლში. პრეპარატი არათანაბრად ნაწილდება ორგანოებში: გროვდება ცხიმოვან ქსოვილში, ღვიძლში, ჰელმინთების ლარვებში.<br>მებენდაზოლის 90%-ზე მეტი გამოიყოფა კუჭ-ნაწლავის ტრაქტიდან უცვლელი სახით, დაახლოებით 2% ელიმინირდება თირკმელების საშუალებით.<br>პირანტელი პერორალურად მიღების შემდეგ მცირე რაოდენობით შეიწოვება კუჭ-ნაწლავის ტრაქტიდან. ნაწილობრივ მეტაბოლიზდება ღვიძლში.<br>პირანტელის 50%-ზე მეტი გამოიყოფა კუჭ-ნაწლავის ტრაქტიდან უცვლელი სახით, დაახლოებით 7% ელიმინირდება თირკმელების საშუალებით (უცვლელი ან მეტაბოლიტების სახით).</p> <p><strong>ჩვენება:</strong><br>ვიკაზიდი გამოიყენება ჰელმინთოზების სამკურნალოდ:<br>• ენტერობიოზი:Enterobius vermiculari;<br>• ასკარიდოზი: scaris lumbricoides;<br>• ანკილოსტომიდოზი: Ancylostoma duodenale, Necator americanus;<br>• სტრონგილოიდოზი:Strongyloides srercoralis;<br>• ტრიქოცეფალოზი: Trichuris trchiura;<br>• ლენტისებრი ჭიები: Taenia spp.,Taeniarhynchus saginatus, Echinococcus granulosus;<br>• შერეული ფორმები, გამოწვეული რამდენიმე ჰელმინთის კომბინაციით.</p> <p><strong>მიღების წესი და დოზირება:</strong><br>პრეპარატი მიიღება პერორალურად.<br>მოზრდილებსა და ბავშვებში (2 წლის ზევით):<br>ენტერობიოზი: მოზრდილებსა და ბავშვებში ინიშნება 1 ტაბ. ერთჯერადად.<br>ასკარიდოზი, ტრიქოცეფალოზი, ანკილოსტომიდოზი და სტრონგილოიდოზი: 2 ტაბ. ერთჯერადად.<br>მახვილათი, ანკილოსტომით და შერეული ფორმებით მძიმე ინვაზიის დროს ინიშნება<br>2 ტაბ. დღეში 3 დღის განმავლობაში.<br>ლენტისებრი&nbsp; ჭიებით ინვაზიის დროს _ 2 ტაბ. დღეში 6 დღის განმავლობაში.<br>განმეორებითი ინვაზიების თავიდან ასაცილებლად რეკომენდებულია მკურნალობის კურსის გამეორება 2-4 კვირის შემდეგ იგივე დოზით. სასურველია ოჯახის ყველა წევრის ერთდროული მკურნალობა.</p> <p><strong>გვერდითი მოვლენები:</strong><br>კუჭ-ნაწლავის ტრაქტის მხრივ: მასიური ინვაზიისა და ჰელმინთების სწრაფი გამოდევნის დროს აღინიშნება ტკივილი მუცლის არეში და დიარეა, აგრეთვე გულისრევა, ღებინება, მადის დაქვეითება.&nbsp;<br>სისხლმბადი სისტემის მხრივ: ვიკაზიდის&nbsp; მაღალი დოზებით ხანგრძლივი მკურნალობის დროს იშვიათად აღინიშნება ნეიტროპენია.<br>ალერგიული რეაქციები: გამონაყარი კანზე, ურტიკარია, ანგიონევროზული შეშუპება.<br>სხვა: ღვიძლის ენზიმების კონცენტრაციის მომატება.</p> <p><strong>უკუჩვენება:</strong><br>მომატებული მგრძნობელობა პრეპარატის ან მის შემადგენლობაში შემავალი რომელიმე კომპონენტის მიმართ.&nbsp; მიასთენიის მკურნალობის პროცესში პირანტელის გამოყენება არ არის რეკომენდებული.<br>ურთიერთქმედება სხვა სამკურნალო საშუალებებთან:<br>მებენდაზოლის&nbsp;&nbsp; ციმეტიდინთან ერთად გამოყენებისას შესაძლებელია პრეპარატის ეფექტის გაძლიერება ღვიძლში მებენდაზოლის მეტაბოლიზმის ინჰიბირებისა და სისხლის პლაზმაში მისი კონცენტრაციის მომატების გამო.<br>კარბამაზეპინთან და ჰიდანტოინებთან კომბინირებისას შესაძლებელია პრეპარატის ეფექტის შესუსტება სისხლის პლაზმაში მისი კონცენტრაციის შემცირების გამო.<br>თეოფილინისა და პირანტელის ერთდროული გამოყენებისას მოსალოდნელია სისხლში თეოფილინის კონცენტრაციის მომატება. პიპერაზინის და პირანტელის ერთდროული გამოყენებისას მოსალოდნელია ამ უკანასკნელის მოქმედების შემცირება.</p> <p><strong>ჰიპერდოზირება:</strong><br>ვიკაზიდის დოზის გადაჭარბებისას აღინიშნება ტკივილი მუცლის არეში, გულისრევა, ღებინება,&nbsp; დიარეა, ალერგიული რეაქციები, თავის ტკივილი, ღვიძლის ენზიმების კონცენტრაციის მომატება.<br>მკურნალობა: სპეციფიკური ანტიდოტი არ არსებობს. რეკომენდებულია კუჭის ამორეცხვა. საჭიროა გააქტივებული ნახშირის მიღება.</p> <p><strong>ორსულობა და ლაქტაცია:</strong><br>ორსულობის დროს (განსაკუთრებით I ტრიმესტრში) ვიკაზიდის გამოყენება შესაძლებელია მხოლოდ იმ შემთხვევაში, როდესაც დედისათვის მოსალოდნელი სარგებელი მკვეთრად სჭარბობს ნაყოფზე მოსალოდნელი უარყოფითი მოქმედების რისკს.<br>ლაქტაციის პერიოდში პრეპარატის მიღება უნდა შეწყდეს.</p> <p><strong>გამოყენების თავისებურებები:</strong><br>ვიკაზიდით მკურნალობის პროცესში დიეტის დაცვა და საფაღარათო საშუალებების მიღება საჭირო არ არის.<br>2 წლამდე ასაკის ბავშვებში პრეპარატის დანიშვნა შესაძლებელია მხოლოდ იმ შემთხვევაში, როდესაც მათი ჭიებით ინვაზია სერიოზულ უარყოფით გავლენას ახდენს კვების პროცესსა და ფიზიკურ განვითარებაზე. პრეპარატი სიფრთხილით ინიშნება ღვიძლის ფუნქციის დარღვევისას.<br>ვიკაზიდის ხანგრძლივი გამოყენებისას მაღალ დოზებში აუცილებელია პერიფერიული სისხლის სურათის სისტემატური კონტროლი.<br>ენტერობიოზის მკურნალობის დროს რეკომენდებულია მთელი ოჯახის ერთდროული მკურნალობა. აუცილებელია პირადი ჰიგიენის მკაცრი დაცვა.</p> <p><strong>შეფუთვა:</strong><br>10 ტაბლეტი კონტურულ უჯრედოვან შეფუთვაში, თითო კონტურული შეფუთვა მუყაოს კოლოფში.<br>შენახვის პირობები:<br>ინახება არა უმეტეს 30ºC ტემპერატურაზე, მშრალ, სინათლისა&nbsp; და ბავშვებისაგან დაცულ ადგილას.</p> <p><strong>ვარგისიანობის ვადა :</strong><br>3 წელი. შეფუთვაზე აღნიშნული ვადის გასვლის შემდეგ პრეპარატის გამოყენება დაუშვებელია.</p> <p id="ONQYMLJ"><strong>აფთიაქიდან გაცემის პირობა:</strong><br>გაიცემა რეცეპტით.</p> <p><strong>მწარმოებელი:</strong><br>შპს “ავერსი-რაციონალი” (საქართველო).<br>მისამართი:<br>საქართველო 0198, თბილისი, ჭირნახულის ქ. 14.</p> <p><br>&nbsp;<br><br><br>&nbsp;</p></div></div></div>