ლოქსიდოლი - Loxidol 15მგ. 10 ტაბლეტი

<div><div><div><p><strong>სავაჭრო სახელწოდება:</strong><br>ლოქსიდოლი, Loxidol</p> <p><strong>საერთაშორისო არადაპატენტებული სახელწოდება:</strong><br>მელოქსიკამი, Meloxicam</p> <p><strong>წამლის ფორმა:</strong><br>პერორალური შემოგარსული ტაბლეტები.</p> <p><strong>შემადგენლობა:</strong><br>ერთი შემოგარსული ტაბლეტი შეიცავს:<br>აქტიური ნივთიერება:&nbsp;მელოქსიკამი 15 მგ<br>დამხმარე ნივთიერებები:&nbsp;მიკროკრისტალური ცელულოზა, უწყლო&nbsp;ლაქტოზა, სახამებლის გლიკოლატნატრიუმი, მაგნიუმის&nbsp;სტეარატი.<br>გარსი:&nbsp;ჰიდროქსიმეთილცელულოზა, ტიტანის დიოქსიდი,&nbsp;პოლიეთილენგლიკოლი 6000, პოლიეთილენგლიკოლი 400</p> <p>იხილეთ ბლოგი:<a href="https://psp.ge/blog/post/%E1%83%9A%E1%83%9D%E1%83%A5%E1%83%A1%E1%83%98%E1%83%93%E1%83%9D%E1%83%9A%E1%83%98-%E1%83%9E%E1%83%A0%E1%83%94%E1%83%9E%E1%83%90%E1%83%A0%E1%83%90%E1%83%A2%E1%83%98-%E1%83%AB%E1%83%95%E1%83%90%E1%83%9A-%E1%83%A1%E1%83%90%E1%83%AE%E1%83%A1%E1%83%A0%E1%83%9D%E1%83%95%E1%83%90%E1%83%9C%E1%83%98-%E1%83%93%E1%83%90%E1%83%90%E1%83%95%E1%83%90%E1%83%93%E1%83%94%E1%83%91%E1%83%94%E1%83%91%E1%83%98%E1%83%A1-%E1%83%AC%E1%83%98%E1%83%9C%E1%83%90%E1%83%90%E1%83%A6%E1%83%9B%E1%83%93%E1%83%94%E1%83%92"><span> ლოქსიდოლი - პრეპარატი ძვალ-სახსროვანი დაავადებების წინააღმდეგ</span></a><br><strong>ფარმაკოთერაპიული ჯგუფი:</strong></p> <p>ძვალ-სახსროვანი სისტემის დაავადებების სამკურნალო პრეპარატები.<br>არასტეროიდული ანთების საწინააღმდეგო და ანტირევმატული საშუალებები.</p> <p><strong>ფარმაკოლოგიური თვისებები:</strong><br>ლოქსიდოლი წარმოადგენს არასტეროიდულ ანთების საწინააღმდეგო საშუალებას. პრეპარატის ფარმაკოლოგიური თვისებებია: ანთების საწინააღმდეგო, ტკივილგამაყუჩებელი, სიცხის დამწევი, რაც განპირობებულია პრეპარატის აქტიური ნივთიერების მელოქსიკამის მოქმედებით. მელოქსიკამი თრგუნავს ციკლოოქსიგენაზა-2-ის ფერმენტულ აქტივობას, რომელიც მონაწილეობს პროსტაგლანდინების სინთეზში ანთებითი რეაქციის მიდამოში, რის შედეგადაც ხდება ანთების პროცესის ჩახშობა.</p> <p><strong>ჩვენებები:</strong><br>შემდეგი დაავადებების სიმპტომური თერაპია:<br>-&nbsp;რევმატოიდული ართრიტი;<br>-&nbsp;სახსრების მადეფორმირებელი ოსტეოართროზი;<br>-&nbsp;მაანკილოზებელი სპონდილოართრიტი (ბეხტერევის დაავადება).</p> <p><strong>უკუჩვენებები:</strong><br>-&nbsp;მელოქსიკამის (მათ შორის, სხვა არასტეროიდული ანთების საწინააღმდეგო საშუალებების) ან პრეპარატის სხვა კომპონენტების მიმართ ჰიპერმგრძნობელობა;<br>-&nbsp;კუჭის ან თორმეტგოჯა ნაწლავის წყლულოვანი დაავადება გამწვავების ფაზაში;<br>-&nbsp;თირკმლების ქრონიკული უკმარისობა იმ პაციენტებში, რომლებიც არ ექვემდებარებიან ჰემოდიალიზს;<br>-&nbsp;ღვიძლის მწვავე უკმარისობა;<br>-&nbsp;15 წლამდე ასაკი;<br>-&nbsp;სისხლდენები (მათ შორის, სისხლდენა კუჭ-ნაწლავის ტრაქტიდან), სისხლჩაქცევა ტვინში;<br>-&nbsp;ორსულობის პერიოდი;<br>-&nbsp;ლაქტაციის პერიოდი;<br>-&nbsp;ალერგიული რეაქციები (ბრონქული ასთმა, ცხვირისა და ცხვირის დანამატი წიაღების მორეციდივე პოლიპოზი, კვინკეს შეშუპება, ჭინჭრის ციება) აცეტილსალიცილმჟავასა და სხვა არასტეროიდული ანთების საწინააღმდეგო საშუალებებზე;<br>-&nbsp;მომატებული მგრძნობელობა აცეტილსალიცილმჟავისა და სხვა არასტეროიდული ანთების საწინააღმდეგო საშუალებების მიმართ.</p> <p><strong>გვერდითი მოქმედება:</strong><br>საჭმლის მომნელებელი სისტემის მხრივ: დისპეფსია, გულისრევა, ღებინება, ტკივილი მუცლის არეში, ყაბზობა, მეტეორიზმი, დიარეა, ეზოფაგიტი, ბოყინი, კუჭისა და თორმეტგოჯა ნაწლავის დაწყლულება, სისხლდენა კუჭ-ნაწლავის ტრაქტიდან, პირის ღრუს ანთება.<br>სისხლმბადი სისტემის მხრივ: ანემია, ლეიკოპენია, თრომბოციტოპენია.<br>გულ-სისხლძარღვთა სისტემის მხრივ: პერიფერიული შეშუპებები, არტერიული წნევის მომატება, გახშირებული გულისცემა, სახის ჰიპერემია.<br>ცენტრალური ნერვული სისტემის მხრივ: თავის ტკივილი და თავბრუსხვევა, შუილი ყურებში და ძილიანობა, დეზორიენტაცია.<br>შარდგამომყოფი სისტემის მხრივ: თირკმელების ფუნქციის მაჩვენებლების ცვლილებები.<br>მხედველობის ორგანოს მხრივ: კონიუნქტივიტი, მხედველობის დაქვეითება.<br>დერმატოლოგიური რეაქციები: ქავილი, გამონაყარი კანზე, ჭინჭრის ციება, ფოტოსენსიბილიზაცია.</p> <p><strong>მიღების წესი და დოზები:</strong><br>მიიღება პერორალურად.<br>რევმატოიდული ართრიტის დროს პრეპარატი ინიშნება დოზით 15 მგ დღე-ღამეში. თუ თერაპიული ეფექტი საკმარისად გამოხატულია, დოზა შეიძლება შემცირდეს 7,5 მგ-მდე დღე-ღამეში.<br>ოსტეოართროზის დროს რეკომენდებული დოზა შეადგენს 7,5 გ-ს დღე-ღამეში. აუცილებლობის შემთხვევაში დოზა შეიძლება გაიზარდოს 15 მგ-მდე დღე-ღამეში.<br>მაანკილოზებელი სპონდილოართრიტის დროს ლოქსიდოლი ინიშნება დოზით 15 მგ დღე-ღამეში.<br>იმ პაციენტებში, რომლებშიც არსებობს არასასურველი ეფექტების განვითარების მაღალი რისკი, მკურნალობა უნდა დაიწყოს დოზით 7,5 მგ დღე-ღამეში.<br>მაქსიმალური სადღეღამისო დოზა შეადგენს 15 მგ-ს.<br>თირკმლის მწვავე უკმარისობის მქონე პაციენტებში, რომლებიც იმყოფებიან ჰემოდიალიზზე, სადღეღამისო დოზა არ უნდა აღემატებოდეს 7,5 მგ-ს.<br>იმ პაციენტებში, რომლებსაც აღენიშნებათ ზომიერად გამოხატული თირკმლის უკმარისობა კრეატინინის კლირენსით &gt; 25 მლ/წთ, დოზის შემცირება საჭირო არ არის.<br>დანიშნული დოზა მიიღება დღე-ღამეში 1-ჯერ ჭამის დროს წყლის მიყოლებით.</p> <p><strong>ჭარბი დოზირება:</strong><br>სიმპტომები: აღინიშნება გვერდითი ეფექტების გაძლიერება.<br>მკურნალობა: ჭარბი დოზის მიღების შემთხვევაში, აუცილებელია ექიმთან კონსულტაცია.</p> <p>ურთიერთქმედება სხვა სამკურნალო საშუალებებთან:<br>ლოქსიდოლის მაღალი დოზებით გამოყენებისას სხვა არასტეროიდულ ანთების საწინააღმდეგო საშუალებებთან (მათ შორის სალიცილატებთან) ერთად იზრდება კუჭ-ნაწლავის ტრაქტის ეროზიულ-წყლულოვანი დაავადებების განვითარების რისკი.<br>ლოქსიდოლის გამოყენებისას არაპირდაპირ ანტიკოაგულანტებთან, ტიკლოპიდინთან, ჰეპარინთან, თრომბოლიზურებთან ერთად იზრდება სისხლდენის განვითარების რისკი.<br>ლოქსიდოლისა და მეთოტრექსატის ერთდროული გამოყენებისას შეიძლება გაძლიერდეს ამ უკანასკნელის მიელოდეპრესიული მოქმედება.<br>ლოქსიდოლის გამოყენების ფონზე შეიძლება შემცირდეს კონტრაცეპტივების ეფექტურობა.<br>დეჰიდრატაციის დროს ლოქსიდოლისა და დიურეტიკების ერთდროული გამოყენებისას არსებობს თირკმლების მწვავე უკმარისობის განვითარების საშიშროება.<br>ლოქსიდოლისა და ანტიჰიპერტენზიული საშუალებების ერთდროული გამოყენებისას შესაძლებელია ამ უკანასკნელთა ეფექტურობის შემცირება.<br>ლოქსიდოლისა და ციკლოსპორინის ერთდროული გამოყენებისას შესაძლებელია ამ უკანასკნელის ნეფროტოქსიკური მოქმედების გაძლიერება.<br>ლოქსიდოლისა და ლითიუმის პრეპარატების ერთდროული გამოყენებისას იზრდება ამ უკანასკნელის კონცენტრაცია სისხლის პლაზმაში.<br>ლოქსიდოლისა და ქოლესტირამინის ერთდროული გამოყენებისას შესაძლებელია დაჩქარდეს ლოქსიდოლის გამოყოფა.</p> <p><strong>განსაკუთრებული მითითებები:</strong><br>ლოქსიდოლი სიფრთხილით და მხოლოდ ექიმის დანიშნულებით მიიღება იმ პაციენტებში, რომლებსაც აღენიშნებათ კუჭ-ნაწლავის ტრაქტის ზედა ნაწილების დაავადებები, ასევე იმ პაციენტებში, რომლებიც იღებენ ანტიკოაგულანტებს, ანტიაგრეგანტებს, ფიბრინოლიზურებს.<br>პეპტიური წყლულის ან კუჭ-ნაწლავის ტრაქტიდან სისხლდენის განვითარების შემთხვევაში, პრეპარატის მიღება უნდა შეწყდეს.<br>განსაკუთრებული სიფრთხილე არის საჭირო პრეპარატის მიღებისას იმ პაციენტებში, რომლებსაც აღენიშნებათ დეჰიდრატაცია, გულის უკმარისობა, ღვიძლის ციროზი, ნეფროზული სინდრომი და თირკმლების მწვავე დაავადებები, ასევე იმ პაციენტებში, რომლებიც იღებენ დიურეზულებს.<br>ხანდაზმულ პაციენტებში პრეპარატი ლოქსიდოლი მიიღება მხოლოდ ექიმის დანიშნულებით.<br>მწვავე დერმატოლოგიური რეაქციების განვითარების შემთხვევაში, პრეპარატის მიღება უნდა შეწყდეს.<br>არასტეროიდული ანთების საწინააღმდეგო საშუალებების მიღებამ შეიძლება გამოიწვიოს ნატრიუმის, კალიუმის, სითხის შეკავება და სალურეზულების მოქმედების შესუსტება, რამაც გულის უკმარისობისა და არტერიული ჰიპერტენზიის არსებობის შემთხვევაში, შეიძლება გამოიწვიოს აღნიშნული დაავადებების პროგრესირება.<br>თუ პაციენტი ლოქსიდოლთან ერთად იღებს დიურეზულებს, აუცილებელია საკმარისი რაოდენობის სითხის მიღება.</p> <p>ზემოქმედება ავტომობილებისა და სხვა მექანიზმების მართვის შესაძლებლობაზე:<br>ის პაციენტები, რომლებსაც ლოქსიდოლის მიღების ფონზე უვითარდებათ მხედველობის დაქვეითება, აღენიშნებათ ძილიანობა, თავბრუსხვევა, თავის ტკივილი, ხმაური ყურებში, უნდა მოერიდონ ისეთ პოტენციურად საშიშ საქმიანობას, რომელიც მოითხოვს მომატებულ ყურადღებასა და სწრაფ ფსიქომოტორული რეაცქიებს.</p> <p><strong>გამოყენება პედიატრიაში:</strong><br>ბავშვებში პრეპარატის გამოყენების უსაფრთხოება და ეფექტურობა არ არის დადგენილი. აქედან გამომდინარე, ლოქსიდოლის გამოყენება უკუნაჩვენებია 15 წლამდე ასაკის ბავშვებსა და მოზარდებში.</p> <p><strong>გამოყენება ორსულობისა და ლაქტაციის დროს:</strong><br>პრეპარატ ლოქსიდოლის გამოყენება უკუნაჩვენებია ორსულობისა და ლაქტაციის დროს.</p> <p><strong>გამოშვების ფორმა:</strong><br>10 შემოგარსული ტაბლეტი პოლივინილქლორიდის და ალუმინის ფოლგის კონტურულ უჯრედიან ფირფიტაში.<br>დანაყოფებიან შეფუთვაში მოთავსებულია 10 ტაბლეტი.<br>1 ან 2 პოლივინილქლორიდის და ალუმინის ფოლგის კონტურულ უჯრედოვანი ფირფიტა გამოყენების ინსტრუქციის ფურცელთან ერთად მოთავსებულია მუყაოს კოლოფში.</p> <p><strong>შენახვის პირობები:</strong><br>ინახება არაუმეტეს 25ºC-ზე.<br>ინახება ბავშვებისათვის მიუწვდომელ ადგილას.</p> <p><strong>ვარგისიანობის ვადა:</strong><br>3 წელი წარმოების თარიღიდან.<br>პრეპარატი არ გამოიყენება ვარგისიანობის ვადის გასვლის შემდეგ.</p> <p><strong>აფთიაქიდან გაცემის წესი:</strong><br>გაიცემა ექიმის რეცეპტით.</p></div></div></div>