სანიდერმი 15გ მალამო
15გ
სანიდერმი გამოიყენება დერმატოზებით გამოწვეული ანთებითი მოვლენების სამკურნალოდ, რომლებიც ექვემდებარება კორტიკოსტეროიდებით თერაპიას და გართულებულია პრეპარატის კომპონენტებისადმი მგრძნობიარე მიკროორგანიზმებით და სოკოებით გამოწვეული მეორადი ინფექციით.
<p><br />სანიდერმი<br />SANIDERM<br />15 გ მალამო ტუბში<br />გარეგანი გამოყენებისთვის<br />მოქმედი ნივთიერებები: ბეტამეტაზონი, კლოტრიმაზოლი, გენტამიცინი.<br />1 გ მალამო შეიცავს: 0.5 მგ ბეტამეტაზონის ეკვივალენტურ ბეტამეტაზონის დიპროპიონატს, 10 მგ კლოტრიმაზოლს და 1 მგ გენტამიცინის სულფატს; <br />დამხმარე ნივთიერებები: <br />თეთრი ვაზელინი, თხევადი პარაფინი.</p>
<p>მოცემულ ინსტრუქციაში გაეცნობით:<br />1. რა არის სანიდერმი და რისთვის გამოიყენება<br />2. რისი ცოდნაა საჭირო სანიდერმის მიღებამდე<br />3. სანიდერმის მიღების წესი<br />4. შესაძლო გვერდითი ეფექტები<br />5. სანიდერმის შენახვის პირობები<br />6. სხვა ინფორმაცია</p>
<p>1. რა არის სანიდერმი და რისთვის გამოიყენება<br />სანიდერმი არის: <br />ნაცრისფერი ან მონაცრისფრო, ოპალესცირებული, უსუნო, ერთგვაროვანი კონსისტენციის მალამო. <br />15 გ მალამო მოთავსებულია ალუმინის ტუბში. ერთი ტუბი გამოყენების ინსტრუქციასთან ერთად მოთავსებულია მუყაოს კოლოფში. <br />კანის დაავადებების სამკურნალო საშუალება, კორტიკოსტეროიდი სხვა სამკურნალო საშუალებებთან კომბინაციაში.</p>
<p>სანიდერმი გამოიყენება დერმატოზებით გამოწვეული ანთებითი მოვლენების სამკურნალოდ, რომლებიც ექვემდებარება კორტიკოსტეროიდებით თერაპიას და გართულებულია პრეპარატის კომპონენტებისადმი მგრძნობიარე მიკროორგანიზმებით და სოკოებით გამოწვეული მეორადი ინფექციით.</p>
<p>2. რისი ცოდნაა საჭირო სანიდერმის გამოყენებამდე</p>
<p>ნუ გამოიყენებთ სანიდერმს, თუ:<br />• აღგენიშნებათ ალერგია ბეტამეტაზონის დიპროპიონატის, სხვა კორტიკოსტეროიდების, კლოტრიმაზოლის, გენტამიცინის ან პრეპარატის შემადგენელი ნებისმიერი კომპონენტის მიმართ.</p>
<p>სანიდერმის გამოყენების დროს გამოიჩინეთ სიფრთხილე შემდეგ შემთხვევებში:<br />• ადგილობრივად ანტიბიოტიკების ხანგრძლივად გამოყენებისას, როდესაც აღგენიშნებათ რეზისტენტული მიკროფლორის ზრდა, და ასევე პრეპარატით მკურნალობის ფონზე კანის გაღიზიანების, სენსიბილიზაციის ან სუპერინფექციის ნიშნები. ასეთ შემთხვევებში საჭიროა მკურნალობის შეწყვეტა და შესაბამისი თერაპიის დანიშვნა.<br />• მჭირდო ტანსაცმლის ან ნახვევის ქვეშ მალამოს გამოყენების შემდგომ სისტემური ეფექტების გამოვლენისას, რაც საჭიროებს ექიმის მეთვლაყურეობას. ამ დროს საჭიროა შესაბამისი სიფრთხილის ზომები, განსაკუთრებით ჩვილებსა და ბავშვებში.<br />• სანიდერმი არ გამოიყენება ოფთალმოლოგიური დანიშნულებით.<br />• პრეპარატი არ გამოიყენება ღია ჭრილობებზე. <br />• ბავშვებში, რომლებსაც უტარდებოდათ კორტიკოსტეროიდებით მკურნალობა, შესაძლებელია გამოვლინდეს ჰიპოთალამო-ჰიპოფიზარულ-თირკმელზედა სისტემის ფუნქციის დაქვეითება, კუშინგის სინდრომი, ზრდაში ჩამორჩენა, წონის მატების შეფერხება, ქალასშიდა ჰიპერტენზია.</p>
<p>აცნობეთ ექიმს, თუ ამჟამად უჩივით ან წარსულში გქონდათ ჩამოთვლილი პრობლემებიდან რომელიმე.</p>
<p>სანიდერმის გამოყენება საკვებთან და სითხეებთან ერთად<br />ვინაიდან სანიდერმი განკუთვნილია მხოლოდ გარეგანი გამოყენებისთვის, ის არ ურთიერთქმედებს საკვებთან და სითხეებთან.</p>
<p>ორსულობა<br />პრეპარატის გამოყენებამდე მიმართეთ ექიმს ან ფარმაცევტს.<br />სანიდერმი არ გამოყენება ორსულობის პერიოდში, თუ არ არის ამის მკაფიო აუცილებლობის შემთხვევა.<br />აცნობეთ ექიმს ან ფარმაცევტს მკურნალობის პერიოდში დადგენილი ორსულობის თაობაზე.</p>
<p>ლაქტაციის პერიოდი<br />მედიკამენტის გამოყენებამდე, მიმართეთ ექიმს ან ფარმაცევტს.<br />თუ ლაქტაციის პერიოდში პრეპარატის გამოყენება აუცილებელია, საჭიროა ძუძუთი კვების შეწყვეტა.</p>
<p>ავტომობილისა და სხვა მექანიზმების მართვის უნარი<br />არ მოქმედებს ავტომობილის ან სხვა მექანიზმების მართვის უნარზე.</p>
<p>მნიშვნელოვანი ინფორმაცია სანიდერმის შემადგენელი ზოგიერთი დამხმარე ნივთიერების შესახებ<br />სიფრთხილეს არ საჭიროებს.</p>
<p>მედიკამენტებთან ურთიერთქმედება<br />მონაცემები სხვა მედიკამენტებთან ურთიერთქმედების შესახებ არ არსებებოს.<br />აცნობეთ ექიმს ან ფარმაცევტს, თუ იღებთ ან იღებდით რომელიმე სხვა მედიკამენტს ურეცეპტოდ გასაცემი პრეპარატის ჩათვლით.</p>
<p>3. სანიდერმის გამოყენების წესი<br />გამოყენების წესი და დოზირება / მიღების სიხშირე<br />სანიდერმის თხელი ფენა მსუბუქი შეზელვით დაიტანეთ კანის დაზიანებულ უბანზე და მის ირგვლივ ჯანმრთელი კანის ზედაპირზე ორჯერ დღეში, დილით და საღამოს.</p>
<p>მკურნალობის ეფექტურობის უზრუნველსაყოფად მალამო გამოიყენეთ რეგულარულად.</p>
<p>მკურნალობის ხანგრძლივობა დამოკიდებულია დაზიანებული კანის ფართობსა და ლოკალიზაციაზე, პაციენტის პასუხზე ჩატარებულ მკურნალობაზე. 3-4 კვირის განმავლობაში კლინიკური გაუმჯობესების არარსებობა დასმული დიაგნოზის თავიდან გადაფასების საფუძველია.</p>
<p>პრეპარატი გამოიყენეთ ინსტრუქციაში აღწერილი მითითებების შესაბამისად. დამატებითი კითხვების არსებობის შემთხვევაში კონსულტაციისთვის მიმართედ ექიმს ან ფარმაცევტს.</p>
<p>გამოყენების წესი და შეყვანის გზა<br />მცირე რაოდენობის მალამო თხელ ფენად დაიტანეთ დაზიანებულ კანზე და მსუბუქად შეიზილეთ. მალამო გამოიყენებთ ექიმის დანიშნულების შესაბამისად.</p>
<p>სხვადასხვა ასაკობრივი ჯგუფები:<br />ბავშვები:<br />მონაცემები ბავშვებში გამოყენებეის შესახებ არ მოიპოვება.</p>
<p>ხანდაზმულები:<br />არ არსებობს განსაკუთრებული მითითებები ხანდაზმულ პაციენტებში გამოყენების შესახებ.</p>
<p>განსაკუთრებული პოპულაცია:<br />თირკმლის / ღვიძლის ფუნქციის დაქვეითება:<br />სასურველი კლინიკური ეფექტის მისაღწევად გამოიყენეთ პრეპარატის მინიმალური რაოდენობა მკურნალობის მაქსიმალურად ხანმოკლე პერიოდში.</p>
<p>თუ სანიდერმის მიღების პერიოდში ჩათვლით, რომ მედიკამენტი ხასიათდება ძალიან ძლიერი ან სუსტი მოქმედებით, მიმართეთ ექიმს ან ფარმაცევტს.</p>
<p>საჭირო დოზაზე მეტი სანიდერმის გამოყენების შემთხვევაში<br />საჭირო დოზაზე მეტი სანიდერმის გამოყენების შემთხვევაში მიმართეთ ექიმს ან ფარმაცევტს.</p>
<p>სანიდერმის დოზის გამოტოვების შემთხვევაში<br />ნუ მიიღებთ გაორმაგებულ დოზას გამოტოვებული დოზის შესავსებად.</p>
<p>სანიდერმის გამოყენების შეწყვეტის შემთხვევაში<br />სანიდერმის მიღების შეწყვეტის შემთხვევაში გვერდითი მოვლენების განვითარება მოსალოდნელი არ არის. ნუ შეწყვეტთ მკურნალობის კურსს ექიმთან კონსულტაციის გარეშე.</p>
<p><br />4. შესაძლო გვერდითი ეფექტები<br />ყველა სხვა მედიკამენტის მსგავსად, სანიდერმმა შეიძლება გამოიწვიოს გვერ¬დითი ეფექტები, მისი შემადგენელი კომპონენტების მიმართ მგრძნობიარე პაციენტებში.</p>
<p>შეწყვიტეთ სანიდერმის გამოყენება და დაუყოვნებლივ მიმართეთ ექიმს ან უახლოეს გადაუდებელი სამედიცინო დახმარების ცენტრს, თუ გამოვლინდა ნებისმიერი ქვემოთ ჩამოთვლილი გვერდითი ეფექტი:<br />• ანგიოედემა (ალერგიით გამოწვეული შეშუპება სახისა და ყელის არეში);<br />• ჰიპერმგრძნობელობის რეაქციები (ალერგიული რეაქციები).<br />გვერდითი მოვლენების სიხშირე განსაზღვრულია პაციენტების რაოდენობით შემდეგი თანმიმდევრობით: <br />ძალიან ხშირად (≥1/10); <br />ხშირად (≥1/100-დან <1/10-მდე); <br />არახშირად (≥1/1000-დან <1/100-მდე); <br />იშვიათად (≥1/10000-დან <1/1000-მდე):<br />ძალიან იშვიათად (<1/10000-მდე); <br />უცნობია (შეუძლებელია დადგენა არსებული მონაცემების მიხედვით).</p>
<p>იშვიათად:<br />• ლაქები კანზე, ძლიერი თმიანობა (ჰიპერტრიქოზი);<br />• კანის შემაერთებელი ქსოვილის ელემენტების განლევა;<br />• საოფლე ჯირკვლების დაცობით გამოწვეული გამონაყარი;<br />• პიგმენტაციის დარღვევები;<br />• ბუშტუკების წარმოქმნა კანზე;<br />• კანის სიმშრალე და მცირედი სისხლჩაქცევები;<br />• თმის ძირის ანთება;<br />• კანის გათხელება, სტრიები, კანის ზედაპირის სისხლძარღვების გაფართოება;<br />• ჰიპოპიგმენტაცია (კანის გაუფერულება);<br />• კანის ზედაპირული შრის გადაცლა, კანის ფერის ცვლილება;<br />• მეორადი ინფექცია;<br />• ნახეთქები კანზე;<br />• გამონაყარი კანზე;<br />• აკნე;<br />• ჩაღრმავებები კანის ზედაპირზე;<br />• მეორადი ინფექცია;<br />• კანის ნახეთქები;<br />• კანის წვის შეგრძნება;<br />• კანის ზედაპირის გაღიზიანება;<br />• კანზე ბუშტუკოვანი გამონაყარი;<br />• ტკივილი, დისკომფორტი;<br />• შეშუპება;<br />• ქავილი;<br />• კანის აქერცვლა;.<br />• თმის ჩაზრდა, ჩაბრუნება.</p>
<p>გვერდითი ეფექტების გამოვლენის შემთხვევაში, რომლებიც მოცემულ გამოყენების ინსტრუქციაში არ არის აღწერილი, დაუყოვნებლივ მიმართეთ თქვენს ექიმს ან ფარმაცევტს.</p>
<p>5. სანიდერმის შენახვის პირობები<br />სანიდერმი ინახება არა უმეტეს 25˚C ტემპერატურაზე, ორიგინალ შეფუთვაში.<br />ინახება ბავშვებისთვის ხელმიუწვდომელ ადგილას.</p>
<p>გამოყენება ვარგისობის ვადის გათვალისწინებით:<br />ვარგისობის ვადა – 3 წელი.<br />ნუ გამოიყენებთ სანიდერმის კოლოფზე მითითებული ვარგისობის ვადის გასვლის შემდეგ. <br />არ გამოიყენოთ სანიდერმი, თუ შეამჩნიეთ, რომ პრეპარატი ან მისი შეფუთვა დაზიანებულია.</p>
<p>გაცემის წესი: ფარმაცევტული პროდუქტის ჯგუფი III, გაიცემა რეცეპტის გარეშე.</p>
<p>6. სხვა ინფორმაცია</p>
<p>სავაჭრო ლიცენზიის / რეგისტრაციის მფლობელი და მწარმოებელი<br />სავაჭრო ლიცენზიის / რეგისტრაციის მფლობელი<br />GM Pharmaceuticals Ltd.<br />ფონიჭალა 65, 0165 თბილისი, საქართველო</p>
<p>მწარმოებელი<br />World Medicine İlaç San. ve Tic. A.Ş.<br />Evren Mah. Cami Yolu Cad. No: 50, K:1B-Zemin-4-5-6 Gunesli <br />Bagcilar/Istanbul, Turkey (თურქეთი)</p>
<p> </p>
ყველა პროდუქტიონლაინ შეკვეთის ხელმისაწვდომობა მოწმდება აპლიკაციაში. ფასი და მარაგი საჭიროებს გადამოწმებას.