ორნიფლოქსი 500მგ+500მგ #10ტ
500მგ
<p><strong>ჩვენება: </strong>სქესობრივი გზით გადამდები დაავადებები: ქლამიდიოზი, მიკოპლაზმოზი, გონორეა, ტრიქომონიაზი, შერეული ინფექციები</p>
<div><div><div><p><strong>მოცემულ ინსტრუქციაში გაეცნობით:</strong></p>
<p>1. რა არის ორნიფლოქსი და რისთვის გამოიყენება</p>
<p>2. რისი ცოდნაა საჭირო ორნიფლოქსის მიღებამდე</p>
<p>3. ორნიფლოქსის მიღების წესი</p>
<p>4. შესაძლო გვერდითი ეფექტები</p>
<p>5. ორნიფლოქსის შენახვის პირობები</p>
<p><strong>1. რა არის ორნიფლოქსი და რისთვის გამოიყენება</strong></p>
<p>ორნიფლოქსი კომბინირებული ანტიმიკრებული და ანტიპროტოზოული პრეპარატია, რომლის ფარმაკოლოგიური მოქმედება განპირობებულია მისი შემადგენელი კომპონენტებით. </p>
<p>ღია ყვითელი ფერის, კაფსულის ფორმის ტაბლეტები გრავირებით “ORCP” ერთ მხარეს და ნაჭდევით მეორე მხარეს.¬ წარმოდგენილია ბლისტერის შეფუთვით, რომელიც შეიცავს 10, 20 ან 30 ტაბლეტს.</p>
<p>ორნიფლოქსი შეიცავს 500 მგ ციპროფლოქსაცინს და 500 მგ ორნიდაზოლს აქტიური ინგრედიენტების სახით.</p>
<p><strong>გამოიყენება შემდეგ შემთხვევებში:</strong></p>
<p>• სქესობრივი გზით გადამდები დაავადებები: ქლამიდიოზი (ქლამიდიოზი არის ქლამიდიით გამოწვეული დაავადება), მიკოპლაზმოზი (მიკოპლაზმოზი გამოწვეულია მიკოპლაზმას მიერ), გონორეა, ტრიქომონიაზი (ტრიქომონასთან დაკავშირებული რეპროდუქციული და საშარდე გზების ინფექციები),<strong> შერეული ინფექციები.</strong></p>
<p><strong>2. რისი ცოდნა ასაჭირო ორნიფლოქსის მიღებამდე</strong></p>
<p>ნუ მიიღებთ ორნიფლოქსს, თუ</p>
<p>• აღგენიშნებათ ალერგია პრეპარატის შემადგენელი რომელიმე კომპონენტის მიმართ</p>
<p>• იღებთ ტიზანიდინის შემცველ მიორელაქსაციურ საშუალებას</p>
<p>გამოიჩინეთ სიფრთხილე, თუ გაქვთ </p>
<p>• თირკმლის პრობლემები ანამნეზში. შესაძლოა საჭირო გახდეს დოზის კორექცია.</p>
<p>• ცენტრალური ნერვული სისტემის დაავადება (ეპილეფსია, გაფანტული სკლეროზი). გამოიყენება სიფრთხილით.</p>
<p>• ადრე გამოყენებული ციპროფლოქსაცინის ან სხვა ანტიბიოტიკის (ფტორქინოლონები) მიღების ფონზე განვითარებული მყესების პრობლემები.</p>
<p>• მიასთენია (კუნთოვანი სისუსტე).</p>
<p>• არითმია ანამნეზში.</p>
<p>• ფერმენტ გლუკოზა-6-ფოსფატდეჰიდროგენაზას დეფიციტი.</p>
<p>აცნობეთ ექიმს, თუ ჩამოთვლილი პრობლემებიდან რომელიმე აღგენიშნებოდათ წარსულში.</p>
<p><strong>ორნიფლოქსის მიღება საკვებთან და სითხეებთან ერთად</strong></p>
<p>ორნიფლოქსი მიიღება ორალურად(შიგნით) ჭამამდე ან ჭამიდან 2 საათის შემდეგ, დაუღეჭავად.</p>
<p>მკურნალონის დროს და მისი დასრულებიდან მინიმუმ 3 დღის განმავლობაში ნუ მიიღებთ ალკოჰოლს.</p>
<p><strong>ორსულობა</strong></p>
<p>პრეპარატის მიღებამდე გაიარეთ კონსულტაცია თქვენს ექიმთან ან ფარმაცევტთან.</p>
<p>არ მიიღოთ ორნიფლოქსი ორსულობის პერიოდში.</p>
<p>აცნობეთ ექიმს ან ფარმაცევტს მკურნალობის პერიოდში დაორსულების თაობაზე.</p>
<p><strong>ძუძუთი კვება</strong></p>
<p>პრეპარატის მიღებამდე გაიარეთ კონსულტაცია თქვენს ექიმთან ან ფარმაცევტთან.</p>
<p>პრეპარატის მიღების საჭიროების შემთხვევაში ძუძუთი კვება უნდა შეწყდეს.</p>
<p>ორნიფლოქსის აქტიური ნივთიერებები გამოიყოფა დედის რძეში, განსაკუთრებით ციპროფლოქსაცინი, ამიტომ დაუშვებელია მისი მიღება ძუძუთი კვების პერიოდში, მყესების დაზიანების საშიშროების არსებობის გამო.</p>
<p><strong>ავტომობილებისა და სხვა მექანიზმების მართვა</strong></p>
<p>შესაძლოა განვითარდეს ძილიანობა, თავბრუსხვევა, ტრემორი, რიგიდულობა (კუნთოვანი შებოჭილობა), კოორდინაციის დარღვევა, კრუნჩხვები, ვერტიგო (თავბრუსხვევა წონასწორობის დარღვევის შედეგად) ან გონების გარდამავალი დაბინდვა. აღნიშნული მოვლენების განვითარების შემთხვევაში შეწყვიტეთ ავტომობილის და სხვა მექანიზმების მართვა.</p>
<p>მნიშვნელოვანი ინფორმაცია ორნიფლოქსის შემადგენელი ზოგიერთი დამხმარე ნივთიერების შესახებ</p>
<p>ორნიფლოქსი შეიცავს ნატრიუმს, რისი გათვალისწინებაც აუცილებელია კონტროლირებადი ნატრიუმის დიეტაზე მყოფ პაციენტებში.</p>
<p>ორნიფლოქსი საღებავის სახით შეიცავს “სანსეტ” ყვითელს FCF (E110) და ტარტრაზინს (E102), რამაც შეიძლება გამოიწვიოს ალერგიული რეაქციების განვითარება.</p>
<p><strong>მედიკამენტებთან ურთიერთქმედება</strong></p>
<p>აცნობეთ ექიმს ან ფარმაცევტს, თუ იღებთ ან იღებდით რომელიმე სხვა მედიკამენტს, ურეცეპტოდ გასაცემი პრეპარატების ჩათვლით.</p>
<p>• Iა ან III კლასის ანტიარითმული საშუალებები</p>
<p>• პრობენეციდი (პოდაგრის სამკურნალო საშუალება, აქტიური ნივთიერება)</p>
<p>• ომეპრაზოლი კუჭის დაავადებების სამკურნალოდ</p>
<p>• ტიზანიდინი (კუნთოვანი სპასტიურობის, გაფანტული სკლეროზის დროს)</p>
<p>• თეოფილინი (სუნთქვის პრობლემების დროს)</p>
<p>• ქსანტინის წარმოებულები, როგორიცაა კოფეინი ან პენტოქსიფილინი</p>
<p>• მეტოტრექსატი, რევმატიული დაავადებისა და სიმსივნის სამკურნალოდ</p>
<p>• ანალგეზიური და ანტიპირეტული საშუალებები, გარდა კორტიზონისა (აასს)</p>
<p>• ციკლოსპორინი, იმუნური სისტემის დასათრგუნად</p>
<p>• ვიტამინ K ანტაგონისტები, სისხლის გასათხევადებლად (მაგ.: ვარფარინი, აცენოკუმაროლი, ფენპროკუმონი ან ფლუინდიონი)</p>
<p>• გლიბენკლამიდი, დიაბეტის სამკურნალოდ</p>
<p>• დულოქსეტინი, დეპრესიის სამკურნალოდ</p>
<p>• როპინიროლი (პარკინსონის დაავადებისთვის)</p>
<p>• ლიდოკაინი ანესთეზიისთვის</p>
<p>• კლოზაპინი, ფსიქიური დარღვევების დროს</p>
<p>• სილდენაფილი, ერექციული დისფუნქციის დროს</p>
<p>• ფენიტიონი, ეპილეფსიის დროს</p>
<p>• იწვევს კუმარინული ორალური ანტიკოაგულანტების მოქმედების პოტენცირებას, რაც საჭიროებს მათი დოზის კორექციას</p>
<p>• ფრთხილად მიიღება ციმეტიდინთან (ანტიჰისტამინური საშუალება), ფენიტოინთან, ანტიეპილეფსიურ საშუალებებთან (როგორიცაა ფენობარბიტალი) და ლითიუმთან ერთად</p>
<p>• ორნიდაზოლი ახანგრძლივებს ვეკურონიუმის ბრომიდის მიორელაქსაციურ ეფექტს</p>
<p><strong>ორნიფლოქსი მიიღება ქვემოთ მოცემული მედიკამენტების მიღებამდე 1-2 საათით ადრე ან მათი მიღებიდან 4 საათის შემდეგ:</strong></p>
<p>• რკინა</p>
<p>• სუკრალფატი (კუჭის დაავადებების სამკურნალო საშუალება)</p>
<p>• ანტაციდები (მჟავიანობის სამკურნალო საშუალებები)</p>
<p>• კალციუმის, მაგნიუმის, ალუმინის ან რკინის შემცველი მედიკამენტები</p>
<p>• სეველამერი, ლანთანის კარბონატი (ფოსფორის შემბოჭველი), რაც გამოიყენება თირკმლის დაზიანების დროს სისხლში ფოსფორის დონის საკონტროლოდ</p>
<p><strong>3. ორნიფლოქსის მიღების წესი</strong></p>
<p>მიღების წესი და დოზირება / მიღების სიხშირე</p>
<p>ორნიფლოქსი მიიღება ჭამამდე ან ჭამიდან 2 საათის შემდეგ, დაუღეჭავად.</p>
<p>მკურნალობის კურსი შეადგენს 1 ტაბლეტს 2-ჯერ დღეში, მწვავე ინფექციის დროს 5-7 დღის, ქრონიკული მორეციდივე ინფექციის დროს კი - 10-14 დღის განმავლობაში.</p>
<p>პრეპარატის მიღება გრძელდება დაავადების სიმპტომების გაქრობიდან კიდევ 2 დღის განმავლობაში.</p>
<p><strong>მიღების წესი და გზა </strong></p>
<p>ტაბლეტები მიიღება პერორალურად, ერთ ჭიქა წყალთან ერთად.</p>
<p><strong>განსაკუთრებული შემთხვევები</strong></p>
<p>პაციენტებში, რომელთა კრეატინინის კლირენსი 20 მლ/წთ-ზე ნაკლებია, ხანდაზმულ და დაბალი წონის მქონე პაციენტებში ინიშნება სტანდარტული დოზის ნახევარი.</p>
<p>თუ პრეპარატის მიღების პერიოდში მიგაჩნიათ, რომ ორნიფლოქსი ხასიათდება ძალიან ძლიერი ან სუსტი ეფექტით, მიმართეთ ექიმს ან ფარმაცევტს.</p>
<p>საჭირო დოზაზე მეტი ორნიფლოქსის მიღების შემთხვევაში</p>
<p>საჭირო დოზაზე მეტი ორნიფლოქსის მიღების შემთხვევაში შესაძლოა განვითარდეს თავბრუსხვევა, გონების დაბინდვა ან გულყრის შეტევები, გულისრევა, ლორწოვანი გარსების დაზიანება. აღნიშნულის შემთხვევაში მიმართეთ ექიმს ან ფარმაცევტს.</p>
<p>ორნიფლოქსის დოზის გამოტოვების შემთხვევაში</p>
<p>ნუ მიიღებთ გაორმაგებულ დოზას დანაკლისის შესავსებად.</p>
<p>ორნიფლოქსის მიღების შეწყვეტის შემთხვევაში</p>
<p>პრეპარატის მიღების შეწყვეტის შემთხვევაში, რაიმე სახის უარყოფითი მოქმედება ორგანიზმზე არ არის მოსალოდნელი.</p>
<p><strong>4. შესაძლო გვერდითი ეფექტები</strong></p>
<p>ყველა პრეპარატის მსგავსად, ორნიფლოქსის ფონზე შესაძლოა გვერდითი ეფექტების განვითარება, თუმცა არა ყველა შემთხვევაში.</p>
<p>სერიოზული ან ისეთი გვერდითი ეფექტების განვითარების შემთხვევაში, რომლებიც მოცემულ გამოყენების ინსტრუქციაში არ არის აღწერილი, მიმართეთ ექიმს ან ფარმაცევტს.</p>
<p>ციპროფლოქსაცინის გვერდითი ეფექტები:</p>
<p>ხშირი გვერდითი ეფექტები (1-დან 10-მდე ყოველ 100 პაციენტში):</p>
<p>• გულისრევა, დიარეა, ღებინება</p>
<p>• ტრანსამინაზების მატება სისხლში</p>
<p>• გამონაყარი</p>
<p>ნაკლებად ხშირი გვერდითი ეფექტები (1-დან 10-მდე ყოველ 1000 პაციენტში):</p>
<p>• სოკოვანი სუპერინფექცია</p>
<p>• ეოზინოფილების, სისხლის თეთრი უჯრედების, კონცენტრაციის მატება სისხლში</p>
<p>• მადის დაქვეითება (ანორექსია)</p>
<p>• ჰიპერაქტივობა ან აგზნება</p>
<p>• თავის ტკივილი, თავბრუსხვევა, ძილის პრობლემები ან მადის დარღვევა</p>
<p>• ღებინება, მუცლის ტკივილი, მონელების დარღვევა (მოუნელებლობა/გულძმარვა) ან ბოყინი</p>
<p>• სისხლში სხვადასხვა ნივთიერების კონცენტრაციის მატება (ტრანსამინაზები და/ან ბილირუბინი)</p>
<p>• გამონაყარი, ქავილი ან ჭინჭრის ციება</p>
<p>• მყესების ტკივილი</p>
<p>• კუნთებისა და ძვლების ტკივილი, ასთენია ან ცხელება</p>
<p>• ტუტე ფოსფატაზას კონცენტრაციის მატება (ღვიძლის ერთ-ერთი ფერმენტი)</p>
<p>• სისხლის შემადედებელი უჯრედების რაოდენობის მატება ან კლება</p>
<p>• ძილიანობა</p>
<p>• წონასწორობის დარღვევა</p>
<p>• ჰალუცინაციები</p>
<p>• დაბუჟება, ჩხვლეტა, წვა ან გაღიზიანების შეგრძნება</p>
<p>• შეგრძნებათა დაქვეითება</p>
<p>• კრუნჩხვები</p>
<p>• თავბრუსხვევა</p>
<p>• მხედველობის დარღვევა</p>
<p>• სმენის დაქვეითება</p>
<p>• გულისცემის სიხშირის გაზრდა</p>
<p>• სისხლძარღვთა გაფართოება</p>
<p>• ჰიპოტენზია</p>
<p>• ღვიძლის გარდამავალი უკმარისობა</p>
<p>• ჰეპატიტი</p>
<p>• თირკმლის უკმარისობა</p>
<p>• შეშუპება</p>
<p>იშვიათი გვერდითი ეფექტები (1-დან 10-მდე ყოველ 10000 პაციენტში):</p>
<p>• ნაწლავის ანთება (კოლიტი) ანტიბიოტიკოთერაპიის ფონზე (ძალიან იშვიათად შესაძლოა იყოს ფატალური)</p>
<p>• სისხლის უჯრედების რაოდენობის ცვლილება (ლეიკოპენია, ლეიკოციტოზი, ნეიტროპენია, ანემია), სისხლის შემადედებელი უჯრედების (თრომბოციტების) მატება ან დაქვეითება</p>
<p>• ანემია</p>
<p>• ალერგიული რეაქცია, შეშუპება ან კანისა და ლორწოვანი გარსების მწვავე შეშუპება (ანგიოედემა)</p>
<p>• სისხლში შაქრის დონის მატება</p>
<p>• შფოთვა</p>
<p>• ღამის კოშმარები</p>
<p>• დეპრესია</p>
<p>• ტრემორი</p>
<p>• ტინიტუსი</p>
<p>• სინკოპე</p>
<p>• სუნთქვის გაძნელება (ასთმურის ჩათვლით)</p>
<p>• ღვიძლის უკმარისობა</p>
<p>• ღვიძლის ანთება (არაინფექციური)</p>
<p>• სინათლისადმი მგრძნობელობის მატება</p>
<p>• არასპეციფიკური ბუშტუკები (სითხიანი)</p>
<p>• კუნთების ტკივილი</p>
<p>• რევმატიზმი</p>
<p>• ჩონჩხის და კუნთების ტკივილი</p>
<p>• თირკმლის დაზიანება</p>
<p>• შარდში მარილების მატება</p>
<p>• თირკმლის ანთება</p>
<p>• ოფლიანობა</p>
<p>• სისხლის შედედების დარღვევა</p>
<p>• ამილაზას (საჭმლის მომნელებელი ფერმენტი) მატება</p>
<p>• სისხლის ყველა უჯრედის რაოდენობის შემცირება</p>
<p>• ძვლის ტვინის დეპრესია (ლეტალური)</p>
<p>• ფსიქოლოგიური რეაქციები</p>
<p>• შაკიკი</p>
<p>• ყნოსვის დარღვევა</p>
<p>• სმენის დაქვეითება</p>
<p>• სისხლძარღვთა კედლების ანთება (ვასკულიტი)</p>
<p>• პანკრეასის ანთება</p>
<p>• ღვიძლის დაზიანება (ძალიან იშვიათად ლეტალურ უკმარისობამდე)</p>
<p>• სიწითლით მიმდინარე კანის დაავადებები </p>
<p>• კუნთებისა და ძვლების დამაკავშირებელი მყესის გახლეჩა (ძირითადად აქილევსის მყესის)</p>
<p>ძალიან იშვიათი გვერდითი ეფექტები (1-ზე ნაკლები ყოველ 10000 პაციენტში):</p>
<p>• სისხლის წითელი უჯრედების განსაკუთრებული დაქვეითება (ჰემოლიზური ანემია)</p>
<p>• სისხლის თეთრი უჯრედების რაოდენობის ფატალური კლება (აგრანულოციტოზი)</p>
<p>• მწვავე ალერგიული რეაქციები</p>
<p>• შრატისმიერი დაავადების მსგავსი რეაქცია</p>
<p>• ატაქსია</p>
<p>• შეგრძნებათა გაძლიერება</p>
<p>• ქალასშიდა წნევის მატება (ინტრაკრანიული ჰიპერტენზია)</p>
<p>• ფერების აღქმის დარღვევა</p>
<p>• მცირე წერტილოვანი სისხლჩაქცევები (პეტექიები), კანზე სხვადასხვა ტიპის გამონაყარი (მაგ.: სტივენს-ჯონსის სინდრომი ან ტოქსიკური ეპიდერმული ნეკროლიზი)</p>
<p>• კუნთოვანი სისუსტე</p>
<p>• კუნთების ანთებითი დაავადება (მიასთენია გრავის)</p>
<p>• მყესების ანთება</p>
<p>• სიარულის დარღვევა</p>
<p>უცნობი: არსებული მონაცემების საფუძველზე სიხშირის დადგენა შეუძლებელია:</p>
<p>• პერიფერიული ნეიროპათია და პერიფერიული ნერვების დიდი რაოდენობის დაზიანებით მიმდინარე დაავადებები (პოლინეიროპათია)</p>
<p>• გულის რითმის დარღვევა (QT ინტერვალის გახანგრძლივება, ვენტრიკულური არითმია, ციმციმი და თრთოლვა)</p>
<p>• ართროპათია, ბავშვებში მყესების დაზიანებით მიმდინარე დაავადებები</p>
<p>ორნიდაზოლის გვერდითი ეფექტები:</p>
<p>• ძილიანობა, სუნთქვის გაძნელება, კანის დაავადებები</p>
<p>• თავის ტკივილი</p>
<p>• კუჭ-ნაწლავის სისტემის მხრივ გულისრევა, ღებინება, სიყვითლე</p>
<p>• ცალკეულ შემთხვევებში თავბრუსხვევა, ტრემორი, რიგიდობა, კოორდინაციის დარღვევა, კრუნჩხვები, დაღლილობა, ვერტიგო, პერიფერიული ნეიროპათია, გონებისა და მგრძნობელობის გარდამავალი დაბინდვა ან ცენტრალური ნერვული სისტემის მხრივი სიმპტომების ერთობლიობა</p>
<p>• გემოვნების დარღვევა და კანის რეაქციები, ღვიძლის მარკერების მაჩვენებლების გადახრა</p>
<p>სერიოზული ან ისეთი გვერდითი ეფექტების გამოვლენის შემთხვევაში, რომლებიც მოცემულ გამოყენების ინსტრუქციაში არ არის აღწერილი, მიმართეთ ექიმს ან ფარმაცევტს.</p>
<p><strong>5. ორნიფლოქსის შენახვის პირობები</strong></p>
<p>ინახება ბავშვებისათვის ხელმიუწვდომელ ადგილას.</p>
<p>ინახება ოთახის ტემპერატურაზე არა უმეტეს 25˚C.</p>
<p>გამოიყენება მხოლოდ ვარგისობის ვადის გასვლამდე.</p>
<p>ნუ გამოიყენებთ კოლოფზე მითითებული ვარგისობის ვადის გასვლის შემდეგ.</p>
<p>დაზიანებული პროდუქტის ან შეფუთვის შემთხვევაში ნუ გამოიყენებთ ორნიფლოქსს.</p>
<p><strong>გაცემის წესი</strong>: ფარმაცევტული პროდუქტის ჯგუფი II, გაიცემა ფორმა #3 რეცეპტით. </p></div></div></div>
ყველა პროდუქტიონლაინ შეკვეთის ხელმისაწვდომობა მოწმდება აპლიკაციაში. ფასი და მარაგი საჭიროებს გადამოწმებას.