სალბუაირი2.5მგ/2.5მლ ინჰ/ხს#60

<div><div><div><p>სალბუაირი 2.5მგ საინჰალაციო ხსნარი ინჰალატორისათვის<br>სალბუტამოლის სულფატი</p> <p><u>პრეპარატის გამოყენებამდე ყურადღებით გაეცანით წინამდებარე ფურცელ- ჩანართს.</u><br>- შეინახეთ ფურცელი-ჩანართი. შესაძლოა კვლავ დაგჭირდეთ.<br>- დამატებითი შეკითხვების შემთხვევაში მიმართეთ ექიმს ან ფარმაცევტს.<br>- ექიმი პრეპარატს გინიშნავთ მხოლოდ თქვენ. არ გადასცეთ სხვებს. მიუხედავად დაავადების მზგავსი სიმპტომებისა პრეპარატმა შესაძლოა ავნოს მათ.<br>- რომელიმე გვერდითი ეფექტის გამოვლენის შემთხვევაში მიმართეთ ექიმს ან ფარმაცევტს. აქ იგულისხმება ნებისმიერი სხვა შესაძლო გვერდითი ეფექტიც, რომელიც არ არის მოცემული აღნიშნულ ფურცელ-ჩანართში.</p> <p><strong>ფურცელ-ჩანართში იხილავთ</strong><br>1. რა არის სალბუაირი 2.5მგ და რისთვის გამოიყენება<br>2. რა უნდა იცოდეთ სალბუაირი 2.5მგ-ის გამოყენებამდე<br>3. სალბუაირი 2.5მგ-ის გამოყენების წესები<br>4. მოსალოდნელი გვერდითი ეფექტები<br>5. სალბუაირი 2.5მგ-ის შენახვის პირობები<br>6. შეფუთვა და სხვა ინფორმაცია</p> <p><strong>1. რა არის სალბუაირი 2.5მგ და რისთვის გამოიყენება</strong><br>ეს პრეპარატი წარმოდგენილია ამპულებში წყლიანი საინჰალაციო ხსნარის სახით, რომელიც გამოიყენება ინჰალატორის მეშვეობით. სალბუაირი 2.5მგ შეიცავს 2.5მგ სალბუტამოლს (ექვივალენტურია 3მგ სალბუტამოლის სულფატისა), რომელიც გახსნილია 2.5მლ ნატრიუმის ქლორიდის სტერილურ იზოტონურ ხსნარში.<br>აღნიშნული პრეპარატის აქტიური ნივთიერება, სალბუტამოლი მიეკუთვნება პრეპარატების ჯგუფს, ეგრეთ წოდებულ ბრონქოდილატატორებს, რომლებიც ადუნებენ ფილტვებში ჰაერის გამტარი მილის კედლების კუნთებს, რაც ხელს უწყობს ჰაერის გამტარი მილის გახსნას და სუნთქვის გაადვილებას.<br>იგი გამოიყენება ქრონიკული ბრონქოსპაზმის (ფილტვებში ჰაერის გამტარი მილის დახურვა) სამკურნალოდ, რომელიც არ ექვემდებარება სტანდარტულ თერაპიას და ასევე ნაჩვენებია მწვავე ასთმის მძიმე მიმდინარეობის დროს.</p> <p><strong>2. რა უნდა იცოდეთ სალბუაირი 2.5მგ-ის გამოყენებამდე</strong><br>არ მიიღოთ სალბუაირი 2.5მგ:<br>- თუ ალერგიული (ჰიპერმგრძნობიარე) ხართ სალბუტამოლის ან სალბუაირი 2.5მგ-ის რომელიმე სხვა ინგრედიენტის მიმართ.<br>- ნაადრევი მშობიარობის დროს ან მუცლის მოშლის საფრთხის არსებობისას.</p> <p>განსაკუთრებული სიფთხილით მიიღეთ სალბუაირი 2.5მგ<br>მკურნალობის დაწყებამდე გაესაუბრეთ ექიმს:<br>- თუ გაწუხებთ გულის დაავადების ნებისმიერი ფორმა, გულის რითმის დარღვევა ან სტენოკარდია.<br>- თუ გაქვთ ჰიპერთირეოზი.<br>- თუ სისხლში კალიუმის დონე მაღალია.<br>- თუ გაქვთ დიაბეტი.<br>- თუ სისხლში ლაქტატის დონე მაღალია (ლაქტატ-აციდოზი), რადგან ლაქტატის დონის ზრდამ შესაძლოა გაართულოს სუნთქვის პრობლემები.<br>- თუ ამავდროულად იყენებთ სალბუტამოლს და იპრატროპიუმის ბრომიდს, რადგან ამ კომბინაციამ შესაძლოა გამოიწვიოს თვალებთან დაკავშირებული დარღვევები, როგორიც არის დახურულკუთხოვანი გლაუკომა.</p> <p><strong>სხვა პრეპარატების გამოყენება</strong><br>აცნობეთ ექიმს ან ფარმაცევტს თუ ღებულობთ ან ბოლო პერიოდში ღებულობდით სხვა, მათ შორის ურეცეპტოდ შეძენილ პრეპარატებს.<br>ზოგიერმა პრეპარატმა შესაძლოა იმოქმედოს სალბუაირი 2.5მგ-ზე. მნიშვნელოვანია აცნობოთ ექიმს თუ ღებულობთ რომელიმე მოცემულ პრეპარატს:<br>- არასელექციური ბეტა-ბლოკატორები, როგორიც არის პროპრანოლოლი.<br>- დეპრესიის სამკურნალო გარკვეული პრეპარატები (ე.წ. მონოამინ ოქსიდაზას ინჰიბიტორები და სამციკლიანი ანტიდეპრესანტები).<br>- ანტიქოლინერგული საშუალებების შემცველი პრეპარატები (გამოიყენება ასთმის, გაღიზიანებული ნაწლავის სინდრომის, პარკინსონის დაავადების და შეუკავებლობის სამკურნალოდ).<br>- სხვა სამკურნალო საშუალებები, რომლებიც აუმჯობესებენ სუნთქვას, მაგ: ტერბუტალინი.</p> <p><strong>ორსულობა და ლაქტაცია</strong><br>ნებისმიერი პრეპარატის მიღებამდე კონსულტაცია გაიარეთ ექიმთან ან ფარმაცევტთან.<br>თუ ორსულობის ან ძუძუთი კვების პერიოდში საჭიროა სალბუაირი 2.5მგ-ის მიღება ექიმი გულდასმით შეაფასებს მოსალოდნელ სარგებელსა და რისკებს კლინიკური ნიშნების სიმწვავის მიხედვით.</p> <p><strong>ტრანსპორტის მართვა და მექანიზმების გამოყენება</strong><br>სალბუაირი 2.5მგ-ის ზეგავლენა ტრანსპორტის მართვის ან მექანიზმების გამოყენების უნარზე არ არის აღწერილი.</p> <p><strong>პრეპარატის გამოყენება სპორტსმენებში</strong><br>ეს პრეპარატი შეიცავს სალბუტამოლს, რამაც შესაძლოა გამოიწვიოს დადებითი შედეგი დოპინგის ტესტში (იხილეთ რეკომენდაციები პროდუქციის დახასიათების 4.4-ე ნაწილში).</p> <p><strong>3. სალბუაირი 2.5მგ-ის გამოყენების წესები</strong><br>პრეპარატი ყოველთვის გამოიყენეთ ექიმის დანიშნულების მიხედვით. თუ რაიმეში ეჭვი გეპარებათ მიმართეთ ექიმს ან ფარმაცევტს.<br>პრეპარატის გამოყენება მოზრდილებში და ბავშვებში<br>რეკომენდირებული დოზა არის 2.5მგ დღეში დაახლოებით 4-ჯერ. ექიმმა შესაძლოა გაზარდოს დოზა 5მგ-მდე დღეში 4-ჯერ. ექიმმა შესაძლოა გირჩიოთ ინჰალატორის რეგულარულად გამოყენება ან მხოლოდ მძიმედ სუნთქვის ან სუნთქვის უკმარისობის დროს.<br>სალბუაირი 2.5მგ გამოიყენება სათანადო ინჰალატორით. ორთქლის შესუნთქვა ხდება ნიღაბის ან ბუნიკის მეშვეობით, ექიმი გაცნობებთ თუ რომელი ინჰალატორი გამოიყენოთ, იგი აგიხსნით გამოყენების წესებს.</p> <p><strong>პრეპარატის სწორად გამოყენებასთან დაკავშირებული მითითებები</strong><br>პრეპარატის შესუნთქვა უნდა მოხდეს ინჰალატორის საშუალებით: დაუშვებელია მისი ინექცია ან გადაყლაპვა.<br>1. მწყობრში მოიყვანეთ ინჰალატორი მწარმოებლის და ექიმის მითითებების გათვალისწინებით. დარწმუნდით, რომ ინჰალატორი სუფთაა.<br>2. ამოიღეთ ამპულების პლასტმასის სტრიპი კოლოფიდან, გახსენით იგი და მოხსენით ერთი ამპულა დანარჩენი ამპულები დატოვეთ სტრიპზე და შეინახეთ კოლოფში.<br>3. გახსენით ამპულა ზედა ნაწილის დატრიალებით<br>4. თუ ექიმი სხვაგვარ მითითებას არ მოგცემთ პლასტმასის ამპულიდან სითხე სრულად დაცალეთ ინჰალატორის ხსნარის კონტეინერში.<br>5. ინჰალატორი გამოიყენეთ ექიმის მითითებების მიხედვით. გადააგდეთ ცარიელი პლასტმასის ამპულა.<br>6. გამოყენების შემდეგ გაწმინდეთ ინჰალატორი მწარმოებლის მითითებების მიხედვით.<br>აცნობეთ ექიმს ან ფარმაცევტს თუ ფიქრობთ, რომ სალბუაირი 2.5მგ-ის ეფექტი ზედმეტად ძლიერი ან სუსტია.</p> <p><strong>თუ მიიღეთ სალბუაირი 2.5მგ-ის ჭარბი დოზა</strong><br>თუ მიიღეთ რეკომენდირებულზე მეტი დოზა შესაძლოა აღინიშნოს გულის რითმის დარღვვები, გულისცემის აჩქარება, კანკალი, არტერიული წნევის ცვალებადობა, პულსთან დაკავშირებული დარღვევები, სტენოკარდია, პირის სიმშრალე და მხედველობის აკომოდაციის დარღვევები.<br>დოზის გადაჭარბების ან პრეპარატის შემთხვევით მიღებისას დაუყოვნებლივ მიმართეთ ექიმს ან ფარმაცევტს ან დაუკავშირდით ტოქსიკოლოგიის საინფორმაციო ცენტრს ტელ: 91 562 04 20, მიუთითეთ პრეპარატის დასახელება და მიღებული დოზის რაოდენობა. მიმართეთ მკურნალ ექიმს ან უახლოესი საავადმყოფოს გადაუდებელი დახმარების სამსახურს. თან იქონიეთ აღნიშნული ფურცელი-ჩანართი ან ამპულა, რათა მკურნალმა ექიმმა იცოდეს თუ რა პრეპარატი მიიღეთ.</p> <p><strong>თუ დაგავიწყდათ სალბუაირი 2.5მგ-ის მიღება</strong><br>თუ დაგავიწყდათ სალბუაირი 2.5მგ-ის მიღება განაგრძეთ მკურნალობა დადგენილი რეჟიმით ან მიიღეთ შემდეგი დოზა უფრო ადრე თუ შეგექმნათ სუნთქვის პრობლემა.<br>დაუშვებელია ორმაგი დოზის მიღება გამოტოვებული დოზის ანაზღაურების მიზნით.</p> <p><strong>4. მოსალოდნელი გვერდითი ეფექტები</strong><br>სხვა პრეპარატების მზგავსად აღნიშნულმა პრეპარატმაც შესაძლოა გამოიწვიოს გვერდითი ეფექტები, თუმცა არა ყველა პაციენტში.<br>მართალია სიხშირე ზუსტად არ არის დადგენილი, მაგრამ ზოგიერთ პაციენტში შესაძლოა იშვიათად აღინიშნოს ტკივილი გულმკერდის არეში (გულთან დაკავშირებული პრობლემების გამო, როგორიც არის სტენოკარდია). აცნობეთ ექიმს თუ სალბუაირი 2.5მგ-ით მკურნალობის პერიოდში გამოვლინდა მსგავსი სიმპტომები, მაგრამ არ შეწყვიტოთ პრეპარატის მიღება ექიმის მითითების გარეშე.<br>დაფიქსირდა შემდეგი გვერდითი ეფექტები:<br>გავრცელებული (ვლინდება 10-დან 1 პაციენტში)<br>- თავის ტკივილი<br>- კანკალი<br>- ტაქიკარდია<br>ნაკლებად გავრცელებული (ვლინდება 100-დან &lt;1 პაციენტში)<br>- გულისცემის აჩქარება<br>- პირის ღრუს და ყელის გაღიზიანება<br>- კუნთების სპაზმები<br>იშვიათი (ვლინდება 1000-დან &lt;1 პაციენტში)<br>- სისხლში კალიუმის დაბალი დონე (ჰიპოკალიემია)<br>- პერიფერიული სისხლძარღვების გაფართოება (ვაზოდილატაცია)<br>ძალიან იშვიათი (ვლინდება 10000-დან &lt;1 პაციენტში)<br>- ალერგიული რეაქციები (ჰიპერმგრძნობელობა), მათ შორის ანგიონევროზული შეშუპება და ჭინჭრის ციება, ბრონქოსპაზმი, ჰიპოტენზია და გულისწასვლა.<br>- ჰიპერაქტიურობა<br>- გულის რითმის დარღვევა, მათ შორის წინაგულთა ფიბრილცია, სუპრავენტრიკულური ტაქიკარდია და ექსტრასისტოლა (გულის რითმის დარღვევები)<br>- პარადოქსალური ბრონქოსპაზმი<br>სიხშირე უცნობია<br>- მიოკარდიუმის იშემია (სისხლის მიმოქცევის ნაკლებობა გულის კუნთის ნაწილში)<br>- ლაქტატ-აციდოზი</p> <p><strong>5. სალბუაირი 2.5მგ-ის შენახვის პირობები</strong><br>პრეპარატი შეინახეთ ბავშვებისათვის მიუწვდომელ ადგილას.<br>ინახება არაუმეტეს 25C ტემპერატურაზე. სინათლისაგან დაცვის მიზნით შეინახეთ გარე შეფუთვაში.<br>ამპულის გამოყენება უნდა მოხდეს გახსნისთანავე, დარჩენილი ხსნარი აღარ გამოიყენება.<br>პრეპარატი არ გამოიყენება ამპულაზე მითითებული ვადის გასვლის შემდეგ. ვადაში იგულისხმება მოცემული თვის ბოლო დღე.<br>დაუშვებელია სამკურნალო საშუალებების გადაყრა კანალიზაციაში ან საყოფაცხოვრებო ნაგავში. გამოუყენებელი პრეპარატის უტილიზაციის შესახებ ინფორმაციისათვის მიმართეთ ფარმაცევტს. აღნიშნული ზომები დაიცავს გარემოს.</p> <p><strong>6. შეფუთვა და სხვა ინფორმაცია</strong><br>რას შეიცავს სალბუაირი 2.5მგ<br>- აქტიური ნივთიერება არის სალბუტამოლის სულფატი. თითო ამპულა შეიცავს 2.5მგ სალბუტამოლს (ექვივალენტურია 3მგ სალბუტამოლის სულფატისა), რომელიც გახსნილია 2.5მლ ნატრიუმის ქლორიდის სტერილურ იზოტონურ ხსნარში.<br>- სხვა ინგრედიენტები: ნატრიუმის ქლორიდი, საინექციო წყალი და გოგირდმჟავა.<br>როგორია სალბუაირი 2.5მგ ვიზუალურად და რას შეიცავს შეფუთვა<br>სალბუაირი 2.5მგ წარმოდგენილია 10 ამპულიანი სტრიპის სახით, იგი არის უფერო ან ღია ყვითელი შეფერილობის ხსნარი ალუმინის პაკეტებში.<br>თითო კოლოფში მოთავსებულია 60 ამპულა.</p> <p>სავაჭრო ლიცენზიის მფლობელი<br>ლაბორატორიო ალდო-უნიონ, ს.ლ. (Laboratorio ALDO-UNION, S.L.)<br>ბარონესა დე მალდა, 73<br>08950 ესპლუგეს დე ლობრეგატ<br>ბარსელონა (ესპანეთი)</p> <p>მწარმოებელი<br>ლაბორატოირე უნითერ (Laboratoire Unither)<br>ესფეის ინდუსტრიალ ნორდ<br>151 რუ ანდრე დუროუჩეზ-ჩშ 28028<br>80084 ამიენს ცედექს 2<br>საფრანგეთი</p></div></div></div>