ლინექსი #16კაფს

<div><div><div><p><strong>Linex Baby - ლინექსი საბავშვო 20 პაკეტი</strong></p> <p><strong>შემადგენლობა:</strong></p> <p>ერთი საშე 1,5 გ ფხვნილით შეიცავს 109 კოლონიის წარმომქმნელ ერთეულ ცოცხალ ლიოფილიზირებულ რძისმჟავა ბაქტერიას Bifidobacterium animalis subsp. lactis.</p> <p>შემავსებელი: მალტოდექსტრინი.</p> <p><strong>გარეგნული სახე და შეფუთვის შიგთავსი</strong></p> <p>ფხვნილი თეთრიდან ღია კრემისფერამდე.</p> <p>ალუმინის პაკეტები 1,5 გ ფხვნილით. 10 ან 20 საშე შესაფუთ ჩანართ ფურცელთან ერთად კოლოფში.&nbsp;</p> <p><strong>1. რა არის ლინექს საბავშვო და რისთვის იყენებენ მას.</strong></p> <p>ფარმაკოთერაპიული ჯგუფი: დიარეის საწინააღმდეგო მიკროორგანიზმები.</p> <p>ლინექს საბავშვო - ეს არის პრობიოტიკი, სელექციონირებული ბიფიდობაქტერიების შემცველი, რომლებიც ამყარებენ და ინარჩუნებენ ბავშვებში ნაწლავური მიკროფლორის ბალანსს და ფუნქციას.</p> <p>ბიფიდობაქტერიები შედიან წვრილი და მსხვილი ნაწლავების ნორმალურ მიკროფლაში, სადაც ისინი ინარჩუნებენ მჟავა-ტუტოვან ბალანსს, რაც აუცილებელია საკვების მომნელებელი ფერმენტების (საკვების მონელების), იმუნური სისტემის და პერისტალტიკის ნორმალური მუშაობისთვის. ასევე ისინი&nbsp; წინააღმდეგობას უწევენ პათოგენური ბაქტერიების გადაჭარბებულ განვითარებას.</p> <p>ძუძუთი საკვები ახალშობილების მიკროფლორა ძირითადად&nbsp; ბიფიდობაქტერიებისგან შედგება; ითვლება, რომ ისინი მნიშვნელოვან როლს თამაშობენ ადრეული ძუძუთა ასაკის ბავშვებში.</p> <p>ბიფიდობაქტერიების რეგულარული მიღება ეფექტურად ამცირებს საკვების მონელების მსუბუქი და საშუალო სიმძიმის აშლილობების (განსაკუთრებით დიარეის) სიხშირეს და ხარისხს, რომლებიც წარმოიქმნება ნორმალური ნაწლავური მიკროფლორის დარღვევის შედეგად და ინარჩუნებს კუჭ-ნაწლავის რეგულარულ დაცლას.</p> <p>პრეპარატის ლინექს საბავშვო ბიფიდობაქტერიები ლიოფილიზირებულნი არიან (გამომშრალი არიან დაბალ ტემპერატურაზე), რაც პრეპარატის ოთახის ტემპერატურაზე შენახვის საშუალებას იძლევა ბაქტერიების ფორმის და&nbsp; აქტივობის შეუცვლელად.</p> <p>ლინექს საბავშვოს გამოყენება შეიძლება ბავშვებში ძუძუთა ასაკიდან 12 წლამდე:</p> <p>• ნაწლავური მიკროფლორის ბალანსის და ფუნქციის ჩამოსაყალიბებლად და შესანარჩუნებლად;</p> <p>• დიარეის, მეტეორიზმის და საკვების მონელების სხვა დარღვევების პროფილაქტიკისთვის და შემანარჩუნებელი მკურნალობისთვის, თუ ისინი გამოწვეულია:</p> <p>- კუჭ-ნაწლავის ვირუსული და&nbsp; ბაქტერიული ინფექციით (მაგ. როტავირუსით);</p> <p>- ინფექციის სამკურნალო პრეპარატაბის გამოყენებით (ანტიბიოტიკებით და სხვა სინთეტური ანტიმიკრობული საშუალებებით).</p> <p>იხილეთ ბლოგი: <a tabindex="-1" href="https://psp.ge/blog/post/%E1%83%9A%E1%83%98%E1%83%9C%E1%83%94%E1%83%A5%E1%83%A1%E1%83%98-%E2%80%94-%E1%83%9E%E1%83%A0%E1%83%9D%E1%83%91%E1%83%98%E1%83%9D%E1%83%A2%E1%83%98%E1%83%99%E1%83%98-%E1%83%A0%E1%83%9D%E1%83%9B%E1%83%94%E1%83%9A%E1%83%98%E1%83%AA-%E1%83%9C%E1%83%90%E1%83%AC%E1%83%9A%E1%83%90%E1%83%95%E1%83%98%E1%83%A1-%E1%83%9B%E1%83%98%E1%83%99%E1%83%A0%E1%83%9D%E1%83%A4%E1%83%9A%E1%83%9D%E1%83%A0%E1%83%98%E1%83%A1-%E1%83%93%E1%83%90%E1%83%A0%E1%83%94%E1%83%92%E1%83%A3%E1%83%9A%E1%83%98%E1%83%A0%E1%83%94%E1%83%91%E1%83%90%E1%83%A8%E1%83%98-%E1%83%92%E1%83%95%E1%83%94%E1%83%AE%E1%83%9B%E1%83%90%E1%83%A0%E1%83%94%E1%83%91%E1%83%90"><span>ლინექსი — პრობიოტიკი, რომელიც ნაწლავის მიკროფლორის დარეგულირებაში გვეხმარება</span></a></p> <p><strong>2. პრეპარატის ლინექს საბავშვო გამოყენების წინ</strong></p> <p><strong>უკუჩვენებები</strong></p> <p>• თუ ბავშვს აქვს ალერგია (მომატებული მგრძობელობა) პრეპარატის მოქმედი ან დამხმარე ნივთიერებისადმი.&nbsp;</p> <p>განსაკუთრებული მითითებები და სიფრთხილის ზომები</p> <p>გამოყენების დაწყების წინ აუცილებელია ექიმთან კონსულტაცია, თუ ბავშვის:</p> <p>• სხეულის ტემპერატურა აჭარბებს 380 C;</p> <p>• განავალში არის სისხლი ან ლორწო;</p> <p>• დიარეა გრძელდება ორ დღეზე მეტ ხანს;</p> <p>• ძლიერი დიარეა გაუწყლოებით და წონის დაკარგვით;</p> <p>• დიარეა, თანმდევი ძლიერი ტკივილებით მუცელში;</p> <p>• დიარეა სხვა ქრონიკული დაავადებების&nbsp; (მაგალითად, შაქრიანი დიაბეტი, გულ-სისხლძარღვთა სისტემის დაავადება) ან იმუნოდეფიციტის (მაგ., აიდ ინფექციები) ფონზე.</p> <p>ნებისმიერი დიარეის მკურნალობის დროს ძალიან მნიშვნელოვანია სითხის და ელექტროლიტების აღდგენა.</p> <p><strong>სხვა სამკურნალო საშუალებების მიღება</strong></p> <p>ისევე, როგორც სხვა ბაქტერიები, ბიფიდობაქტერიებიც მგრძნობიარენი არიან ანტიბიოტიკების მიმართ. ამიტომ პრეპარატის მიღება რეკომენდებულია არაუადრეს 3 საათისა ანტიბიოტიკის მიღების შემდეგ.</p> <p><strong>3. როგორ უნდა მივიღოთ ლინექს საბავშვო</strong></p> <p><strong>დოზები და მიღების ხანგრძლივობა</strong></p> <p>ძუძუთა ბავშვები და ბავშვები 2 წლამდე: 1 საშე ერთხელ დღეში, ჭამის დროს.</p> <p>ბავშვები 2 წლიდან 12 წლამდე: 1 საშე ერთხელ ან ორჯერ დღეში (დილას და საღამოს), ჭამის დროს.</p> <p>ლინექს საბავშვოს მიღება შეიძლება მანამდე, სანამ შენარჩუნებულია სიმპტომები.</p> <p>საშეს შიგთავსი შეურიეთ წყალს, წვენს, რძეს ან ბავშვის საკვებს.</p> <p>მხოლოდ შინაგანად მისაღებად.</p> <p>არ შეურიოთ ცხელ სასმელებს!</p> <p><strong>ჭარბი დოზირება</strong></p> <p>ჭარბი დოზირების შემთხვევების შესახებ შეტყობინება არ ყოფილა. ჭარბი დოზირების შედეგად გვერდითი ეფექტების შემთხვევებში გაიარეთ კონსულტაცია ექიმთან ან ფარმაცევტთან.</p> <p><strong>მიღების გამოტოვება</strong></p> <p>არ გააორმაგოთ დოზა გამოტოვებულის საკომპენსაციოდ. გააგრძელეთ მიღება რეკომენდებული სქემის მიხედვით.</p> <p><strong>4. შესაძლო გვერდითი ეფექტები</strong></p> <p>გვერდითი ეფექტები ბიფიდობაქტერიების მიღებისას ძალიან იშვიათია (1-ზე ნაკლები 10 000 ადამიანიდან, რომელიც პრეპარატით სარგებლობს). შეიძლება წარმოიქმნას მომატებული მგრძნობელობის რეაქციები.</p> <p><strong>5. შენახვის პირობები</strong></p> <p>ინახება ბავშვებისათვის მიუწვდომელ ადგილას, ორიგინალურ შეფუთვაში არაუმეტეს 25°C ტემპერატურაზე.</p> <p>შენახვის ვადა:&nbsp;2 წელი. არ გამოიყენოთ შეფუთვაზე მითითებული ვარგისიანობის ვადის ამოწურვის შემდეგ. ვარგისიანობის ვადა იწურება აღნიშნული თვის ბოლო დღეს.</p> <p><strong>გაცემის პირობები</strong></p> <p>ურეცეპტოდ.</p></div></div></div>