ზირომინი 500მგ #3ტ

<div><div><div><p><strong>საერთაშორისო არაპატენტირებული დასახელება:</strong><br>აზითრომიცინი, Azithromycin<br><strong>წამლის ფორმა:</strong><br>შემოგარსული ტაბლეტები.<br>აღწერილობა: კაფსულის ფორმის თეთრი ფერის ტაბლეტები გრავირებით<br>“AZN 500” ცალ მხარეს და გამყოფი ნაჭდევით მეორე მხარეს.<br><strong>შემადგენლობა:</strong><br>ყოველი შემოგარსული ტაბლეტი შეიცავს:<br>აქტიური ნივთიერება: აზითრომიცინი (დიჰიდრატის სახით) 500 მგ<br>დამხმარე ნივთიერებები: კალციუმის ჰიდროფოსფატი, სიმინდის სახამებელი, პოვიდონი (K30), მაგნიუმის სტეარატი, ნატრიუმის ლაურილსულფატი, ნატრიუმის სახამებელ-გლიკოლატი<br>გარსის შემადგენლობა: ჰიდროქსიპროპილმეთილცელულოზა (E5), ტიტანის დიოქსიდი, პროპილენგლიკოლი, გასუფთავებული ტალკი, პოლიეთილენგლიკოლი 6000.</p> <p>იხილეთ ბლოგი: <a href="https://psp.ge/blog/post/%E1%83%96%E1%83%98%E1%83%A0%E1%83%9D%E1%83%9B%E1%83%98%E1%83%9C%E1%83%98-%E2%80%94-%E1%83%90%E1%83%9C%E1%83%A2%E1%83%98%E1%83%91%E1%83%98%E1%83%9D%E1%83%A2%E1%83%98%E1%83%99%E1%83%98-%E1%83%A0%E1%83%9D%E1%83%9B%E1%83%94%E1%83%9A%E1%83%98%E1%83%AA-%E1%83%A1%E1%83%AE%E1%83%95%E1%83%90%E1%83%93%E1%83%90%E1%83%A1%E1%83%AE%E1%83%95%E1%83%90-%E1%83%98%E1%83%9C%E1%83%A4%E1%83%94%E1%83%A5%E1%83%AA%E1%83%98%E1%83%90%E1%83%A1%E1%83%97%E1%83%90%E1%83%9C-%E1%83%91%E1%83%A0%E1%83%AB%E1%83%9D%E1%83%9A%E1%83%90%E1%83%A8%E1%83%98-%E1%83%93%E1%83%90%E1%83%92%E1%83%94%E1%83%AE%E1%83%9B%E1%83%90%E1%83%A0%E1%83%94%E1%83%91%E1%83%90%E1%83%97"><span>ზირომინი — ანტიბიოტიკი, რომელიც სხვადასხვა ინფექციასთან ბრძოლაში დაგეხმარებათ</span></a></p> <p><strong>ფარმაკოთერაპიული ჯგუფი:</strong><br>ანტიმიკრობული პრეპარატები სისტემური გამოყენებისათვის.<br>მაკროლიდები და აზალიდები.<br><strong>ფარმაკოლოგიური თვისებები:</strong><br><strong>ფარმაკოდინამიკა</strong><br>ზირომინი (აზითრომიცინი) არის მაკროლიდური ანტიბიოტიკების ქვეჯგუფის _ <br>აზალიდების წარმომადგენელი, გააჩნია ანტიბაქტერიული მოქმედების ფართო სპექტრი. რიბოსომების 50S-სუბერთეულთან შეკავშირების გზით აზითრომიცინი თრგუნავს მიკრობის უჯრედში ცილის სინთეზს.<br>აზითრომიცინი აქტიურია შემდეგი მიკროორგანიზმების მიმართ:<br>- გრამდადებითი მიკროორგანიზმები: Streptococcuspneumoniae, Str. pyogenes, Str. agalactiae, Str. viridans, C, F და G ჯგუფის სტრეპტოკოკები, Staphylococcusaureus, Stap. epidermidis, Corynebacteriumdiphtheriae.<br>- გრამუარყოფითი მიკროორგანიზმები: Haemophilusinfluenzae, H. parainfluenzae, H. ducreyi, Moraxellacatarrhalis, Bordetellapertussis, B. parapertussis, Neisseriagonorrhoeae, N. meningitidis, Brucellamelitensis, Helicobacterpylori, Gardnerellavaginalis.<br>- ანაერობული მიკროორგანიზმები: Clostridiumspp., Peptostreptococcusspp., Peptococcusspp.<br>- უჯრედშიდა და სხვა მიკროორგანიზმები: Legionellapneumophila, Chlamydiatrachomatis, C. pneumoniae, Mycoplasmapneumoniae, Mycoplasmahominis, Mycoplasmaavium, Ureaplasmaurealyticum, Lysteriamonocytogenes, Treponemapallidum, Borreliaburgdorferi, Toxoplasmagondii.<br><strong>ფარმაკოკინეტიკა:</strong><br>აზითრომიცინი სწრაფად გადადის სისხლის შრატიდან ქსოვილებში და მთელს ორგანიზმში ნაწილდება, აღწევს მაღალ და სტაბილურ კონცენტრაციებს. არჩევითად გროვდება ინფექციის კერებში ფაგოციტების მეშვეობით ტრანსპორტირების გზით.<br>აზითრომიცინის ფარმაკოკინეტიკა მიღებული დოზის პირდაპირპროპორციულია.<br>პრეპარატის ნახევარგამოყოფის პერიოდი შეადგენს 65-72 საათს.<br><strong>გამოყენების ჩვენებები:</strong><br>- ზედა სასუნთქი გზების ინფექციები: ფარინგიტი/ტონზილიტი, სინუსიტი, შუა ოტიტი;<br>- ქვედა სასუნთქი გზების ინფექციები: ბრონქიტი, ქრონიკული ბრონქიტის გამწვავება, ჰოსპიტალური და არაჰოსპიტალური პნევმონიები;<br>- კანისა და რბილი ქსოვილების ინფექციები: ქრონიკული მიგრირებადი ერითემა (ლაიმის დაავადების საწყისი სტადია), წითელი ქარი, იმპეტიგო, მეორადი პიოდერმატოზები;<br>- სასქესო სისტემის ინფექციები;<br>- სქესობრივი გზით გადამდები დაავადებები (მათ შორის, გენიტალური და ექსტრაგენიტალური ქლამიდიოზი);<br>- Helicobacterpylori-სთან ასოცირებული კუჭისა და თორმეტგოჯა ნაწლავის დაავადებები.<br><strong>უკუჩვენებები:</strong><br>- მომატებული მგრძნობელობა მაკროლიდების ჯგუფის ანტიბიოტიკების მიმართ.<br><strong>განსაკუთრებული მითითებები:</strong><br>პრეპარატი სიფრთხილით ინიშნება თირკმლის და ღვიძლის უკმარისობის მქონე პაციენტებში.<br><strong>გვერდითი მოქმედება:</strong><br>შეიძლება აღინიშნოს მსუბუქი, დროებითი ხასიათის მოვლენები, რომლებიც არ ქმნიან მკურნალობის შეწყვეტის აუცილებლობას.<br>საჭმლის მომნელებელი სისტემის მხრივ:<br>დიარეა, გულისრევა, ტკივილი მუცლის არეში, მეტეორიზმი, პირღებინება, ღვიძლის ტრანსამინაზების აქტივობის მომატება;<br>გულ-სისხლძარღვთა სისტემის მხრივ:<br>გულისცემის შეგრძნება, ტკივილი გულმკერდის არეში;<br>ნერვული სისტემის მხრივ:<br>თავბრუსხვევა, თავის ტკივილი, ვერტიგო, ძილიანობა;<br>შარდ-სასქესო სისტემის მხრივ:<br>ვაგინალური კანდიდომიკოზი, ნეფრიტი;<br>ალერგიული რეაქციები:<br>გამონაყარი, ჭინჭრის ციება, კანის ქავილი, ანგიონევროტული შეშუპება;<br>სხვა:<br>ასთენია, ფოტოსენსიბილიზაცია.<br><strong>მიღების წესი და დოზები:</strong><br>პრეპარატი მიიღება შიგნით ჭამამდე 1 საათით ადრე ან ჭამიდან 2 საათის შემდეგ.<br>მოზრდილებში:<br>ზედა და ქვედა სასუნთქი გზების ინფექციების დროს:<br>500 მგ/დღე-ღამეში 1 მიღებაზე 3 დღის განმავლობაში.<br>კანისა და რბილი ქსოვილების ინფექციებისას (ქრონიკული მიგრირებადი ერითემის გარდა):<br>500 მგ/დღე-ღამეში 1 მიღებაზე 3 დღის განმავლობაში.<br>ქრონიკული მიგრირებადი ერითემის დროს:<br>1000 მგ/დღე-ღამეში პირველ დღეს 1 მიღებაზე, შემდეგ მეორედან მეხუთე დღის ჩათვლით 500 მგ ყოველდღიურად.<br>სქესობრივი გზით გადამდები ინფექციებისას:<br>გაურთულებელი ურეთრიტი/ცერვიციტი – ერთჯერადად 1000 მგ; გართულებული, ხანგრძლივად მიმდინარე ურეთრიტი/ცერვიციტი, გამოწვეული Chlamydia trachomatis-ით – 1000 მგ/დღე-ღამეში სულ 3-ჯერ 7-დღიანი ინტერვალებით.<br>Helicobacter pylori -სთან ასოცირებული კუჭისა და თორმეტგოჯა ნაწლავის წყლულოვანი დაავადებისას: 1000 მგ/დღე-ღამეში 3 დღის განმავლობაში ანტისეკრეტორულ და სხვა პრეპარატებთან ერთად.<br>ბავშვებში 6 თვის ასაკის ზევით:<br>ინიშნება 10 მგ/კგ სხეულის წონაზე გადაანგარიშებით დღე-ღამეში 3 დღის განმავლობაში ან პირველ დღეს 10 მგ/კგ სხეულის წონაზე, ხოლო შემდეგ 5-10 მგ/კგ სხეულის წონაზე დღე-ღამეში 3 დღის განმავლობაში.<br>ქრონიკული მიგრირებადი ერითემის დროს: სადღეღამისო დოზა შეადგენს 20 მგ/კგ სხეულის წონაზე პირველ დღეს და 10 მგ/კგ სხეულის წონაზე მეორედან მეხუთე დღის ჩათვლით.<br><strong>ჭარბი დოზა:</strong><br>აზითრომიცინის ჭარბი დოზის შესახებ მონაცემები არ არსებობს.<br>მაკროლიდური ანტიბიოტიკების ჭარბი დოზის ტიპური სიმპტომებია სმენის დროებითი დაქვეითება, გულისრევა, პირღებინება და დიარეა. მკურნალობა სიმპტომურია.<br><strong>ურთიერთქმედება სხვა პრეპარატებთან:</strong><br>აზითრომიცინი აძლიერებს კარბამაზეპინის, ვალპროის მჟავის, ფენიტოინის, დიზოპირამიდის, თეოფილინის, ქსანტინების, პერორალური ჰიპოგლიკემიური საშუალებების მოქმედებას, აგრეთვე, ჭვავის რქის ალკალოიდების, დეჰიდროერგოტამინის ეფექტს. ტეტრაციკლინები და ქლორამფენიკოლი აძლიერებენ აზითრომიცინის მოქმედებას, ხოლო ლინკოზამინები – ამცირებენ. აზითრომიცინი აძლიერებს პლაზმაში ციკლოსპორინის, არაპირდაპირი ანტიკოაგულანტების, მეთილპრედნიზოლონის, ფელოდიპინის კონცენტრაციებს.<br><strong>პრეპარატის გამოყენება ორსულობისა და ლაქტაციის დროს:</strong><br>ორსულობის დროს პრეპარატი გამოიყენება მხოლოდ იმ შემთხვევაში, როდესაც მოსალოდნელი სარგებელი აღემატება პოტენციურ რისკს.<br>ლაქტაციის პერიოდში პრეპარატის გამოყენებისას აუცილებელია ძუძუთი კვების შეწყვეტა.<br><strong>გამოშვების ფორმა:</strong><br>შემოგარსული ტაბლეტები. 3 ტაბლეტი ბლისტერში.<br>1 ბლისტერი მუყაოს კოლოფში გამოყენების ინსტრუქციასთან ერთად.<br><strong>შენახვის წესი:</strong><br>ინახება მშრალ ადგილას, არაუმეტეს 25ºC-ზე, ბავშვებისათვის მიუწვდომელ ადგილას.<br><strong>ვარგისიანობის ვადა:</strong><br>3 წელი წარმოების თარიღიდან.<br>პრეპარატი არ გამოიყენება ვარგისიანობის ვადის გასვლის შემდეგ.<br><strong>აფთიაქიდან გაცემის წესი:</strong><br>გაიცემა ექიმის რეცეპტით.</p></div></div></div>