კამელინი M1 2მლ #10ა

<div><div><div><p><span><strong>კამელინი-M1 2მლ 10 ამპულა</strong></span></p> <p><span>პარასამკურნალო საშუალება. წამლის ფორმა: ამპულები.</span></p> <h2><span>შემადგენლობა</span></h2> <p><span> „კამელინი- M“ ლიოფილიზატი - 0,07 გ, პროპილენგლიკოლი - 0,6 გ, საინექციო წყალი -1,33 გ.</span></p> <p><span>„ კამელინი – M1“ მზადდება განსაკუთრებული სახეობის თაფლისაგან. მის შემადგენლობაში შედის ფუტკრის ცხოველქმედების ბიოლოგიურად მაღალაქტიური ნივთიერებები: ალდეჰიდები, ორგანული მჟავები, ფენოლები, კეტონები.</span></p> <p><span><strong>აღწერა</strong>: საინექციო ხსნარი, ქარვის ფერი, 2,0 მლ. ამპულებში.</span></p> <p><span><strong>ფარმაკოთერაპიული ჯგუფი:</strong> იმუნომოდულატორი, ანტიოქსიდანტი, ანტიმიკრობული.</span></p> <h2><span>ჩვენება</span></h2> <p><span>გამოიყენება როგორც იმუნომოდულატორი კომპლექსური თერაპიის დროს, როგორც დამხმარე საშუალება ქვემოთ ჩამოთვლილ შემთხვევებში: ვირუსული ინფექციების, ბაქტერიული ინფექციების, სოკოვანი ინფექციების, უროლოგიური დაავადებების (ქრონიკული ბაქტერიული პროსტატიტი, ქრონიკული ურეტრიტი), სიმსივნური დაავადებების მკურნალობის დროს ქიმიოთერაპიული საშუალებებით გამოწვეული გვერდითი ეფექტების შემცირების თვალსაზრისით, ოსტეოართრიტის, სახსრების დეგენერაციულ-დისტროფიული დაავადებების, პოლინეიროპათიების, პოსტოპერაციული პერიოდის, ტრავმების და ტუბერკულოზური პლევრიტის დროს.</span></p> <h2><span>მიღების წესი და დოზირება</span></h2> <p><span> პრეპარატის 2,0 მლ კეთდება ინტრამუსკულარულად დღეში ორჯერ, დილით და საღამოს. „კამელინი - M1„ შეგვყავს ღრმად დუნდულო კუნთში ნელი ტემპით, წყვეტილად, 20 –25 წამიანი ინტერვალებით ცალკეულ ულუფებს შორის.</span></p> <p><span>მკურნალობის კურსი ოცი დღე. კურსებს შორის შესვენება რვა დღე. მკურნალობის ხანგრძლივობა 2–დან 5 თვემდე. საჭიროების შემთხვევაში შესაძლებელია შემანარჩუნებელი მკურნალობის გაგრძელება.</span></p> <p><span><strong>გვერდითი მოვლენები:</strong> თერაპიულ დოზებში არატოქსიურია, არ ახასიათებს გვერდითი მოვლენები. შესაძლებელია ინდივიდუალური ჰიპერმგრძნობელობის გამოვლენა სამკურნალო საშუალების კომპონენტების მიმართ.</span></p> <h2><span>უკუჩვენება</span></h2> <p><span>მომატებული მგრძნობელობა პრეპარატის შემადგენელი კომპონენტების მიმართ.</span></p> <p><span><strong>ორსულობა და ლაქტაცია:</strong> პრეპარატის გამოყენება შესაძლებელია ექიმის რეკომენდაციით.</span></p> <p><span><strong>ჭარბი დოზირება</strong>: პრეპარატის დოზის გადაჭარბების შემთხვევები აღწერილი არ არის.</span></p> <p><span><strong>საფრთხე ავტომანქანის მართვის ან დანადგარებთან მუშაობისას</strong>: პრეპარატის მიღება სიფრთხილეს არ მოითხოვს.</span></p> <p><span><strong>ურთიერთქმედება სხვა პრეპარატებთან:</strong> „კამელინი-M1“ თავსებადია ყველა სამკურნალწამლო საშუალებასთან, რომელიც გამოიყენება ზემოთდასახელებული დაავადებების სამკურნალოდ.</span></p> <p><span><strong>გამოშვების ფორმა: </strong>2 მლ. მუქი ფერის მინის ამპულა, 10 ამპულა პოლივინილქლორიდის ბლისტერზე, ერთი ბლისტერი მუყაოს კოლოფში.</span></p> <h2><span>შენახვის პირობები</span></h2> <p><span>ინახება არაუმეტეს 25°C ტემპერატურის პირობებში, სინათლისაგან დაცულ, მშრალ და ბავშვებისთვის მიუწვდომელ ადგილას.</span></p> <p><span><strong>ვარგისიანობის ვადა:</strong> 2 წელი.</span></p> <p><span><strong>აფთიაქიდან გაცემის წესი:</strong> ფარმაცევტული პროდუქტის ჯგუფი III, გაიცემა რეცეპტის გარეშე.</span></p></div></div></div>